مقهورره مت تصرفه

[تيلندا]

السلام عليكم ورحمة الله وبركاته


بنات مبروووك عليكم العطله:31: بنااات تصرفات زوجي خلتني أمووت قهررر


بنات طلعنا حنا وأهل زوجي إسترااحه الأربعاء الماضي المهم زوجي يسبح مع إخوانه زلق


مادري وش صارله وتحرك الحوض عنده تحرك بس يعني ر جع مكانه المهم تدرون وش سوى


قال لأخوه رح نزل مرتي عند امها جاء إتصل علي قالي يبي ياخذك أخوي ونزلك عند أمك


طبعا ورااح عند أمه والحين ينام عند أمه وكل ماكلمه يقول تعبان لاطبت بجي باخذك


يعني بنات وش قصده يعني ماعرف أتصرف ولاعندي خبره وكل ماكلمه يقول عند أمي أعشاب


وألخ ونا بيبت أبوي من يوم الإربعاء لين اليووووم بناااات طفشت مليت من الجلسه ببيت أبوي:30::30::30:


وش الحل بنات زوجي شكله بطول عند أمه كيف أفهمه يرجعلي

 

[دلع قلبه]

سبحان الله!!!!
خليه عند امه وانتي استمتعي عند اهلك خليه يشتاق لك وتشتاقين له
عند امه غير!!
زوجته بيظل يحس انه لازم يعتني فيها ومسؤول عنها
وبعض الرجال يكره يحس بالعجز امام حبيبته
خليه يابنت الحلال ولاتضغطين عليه الين يخف وبيرجع لك من نفسه
انتي بها الوقت اشحني طاقاتك وجددي واسترخي وتعلمي
وخليه يرجع مشتاق وشفقان..

 

[جراءةامل]

دام هذي رغبته خليه على راحته لومكانك ماراح ادور عليه لان هذا طلبه
واذا تبغين بيتك مافيها شي روحي قلي بروح ارتب وانظف واعطيه خبر انك تروحين وشوفي ردة فعله اذا اشتاقلك اكيد بيجي واذا لا وقالك بجلس عند امي طنشيه

 

[غريب امرك]

وعليكم السلام ورحمة الله وبركاتة كلمية وقولي لة انك تبين تزورينة وتطمنين علية واذا رحتي اقنعية انة يروح لبيتة وانك بتهتمين فية من ناحية العلاج والاكل وغيرها وبيني لة انك راح تتحملينة وهو تعبان وتحطينة بعيونك وشوفي وش يقول

 

[تيلندا]

يعطيكم الف عافيه

 

[اااهات]

وعليكم السلام ورحمة الله وبركاتة كلمية وقولي لة انك تبين تزورينة وتطمنين علية واذا رحتي اقنعية انة يروح لبيتة وانك بتهتمين فية من ناحية العلاج والاكل وغيرها وبيني لة انك راح تتحملينة وهو تعبان وتحطينة بعيونك وشوفي وش يقول

انا مع كلامها

 

[chorook]

لو طفشت من بيت اهلك خلاص روحي بيتك وهو خليه في بيت امه عندي سؤال في نفاسك ليه بتروحي عند امك موعشان ترتاحي هو عشان كده خلاك مع اهلك عشان يرتاح عليك هناك متونسة وفرحانة وهو يرتاح شوي مع اخواته وامه زي ايام زمان بس تغيير هذا رايي حبببتي

 

[واااي ياحلاتي]

حبيبتي خذي لك كم لبس وكم غرض معاك في شنطه
وروحيله واجلسي عنده عند اهله وقوليله بصراحه قلبي مو مطمن انك تعباان وانا جالسه عند اهلي
ابي اقوم فيك واساعدك وفي نفس الوقت تكون قريب من امك عشان تهتم فيك
لان الكبار في السن عندهم اعشاب وطرق يسوونه للمريض والمكسور تفيده
عشان كذا زوجك مرتاح عند امه مو نقص فيك مثل ماقلتلك روحي عند اهله اجلس لك يوميين لين يطيب زوجك
تحملي شوي كلها قتره وتعدي صدقيني بتكبري في عين زوجك وبيحس انك متهتمه فيه وقلبك عليه

 

[بتوته توته]

اهو عند امه موعند زوجته ثانيه امه يطيب ويصير زين ويجى ياخذج ذكرى الله وخرى وسواس عنج الا بذكر الله تطمئن القلوب

 

[حبيبة ميتوو]

اختي خليه على راحته خليه يسترجع اهتمام امه فيه يازين الام ويازين حضنها خليه شووي عاادي وانتي

انبسطي مع اهلك والله انا ماامل من اهلي واذا مليتي رووحي لبيتك يوم وارجعي علشان ماتطفشيين​

 

[حبة بنادول]

طيب انتي ليش مارحتي تزوريه للان انا اقولك اكشخي وخذي هديه معاكي وقوليله انا ابغا اهتم فيك واراعيك اذا رفض خليه على راحته واستمتعي بوقتك عند اهلك وموفقه حبيبتي

 

[ديزي**]

سوري اخالفكم الراى وش الداعي يروح لامه هذا اذا اصلا عندها وهي يخليها تروح لاهلها لو مكانك اروح لبيتي بدون ما اعلمه الا لمن اوصل واشوف وش السالفه اذاعند امه خير اذا بالبيت فما هو خير ولو سالك ليه رحتي للبيت قولي بيتي اروح له متى ابي وبانظف البيت قبل تجي وتراي استناك وراح اقوم بتمريضك بنفسي
غريب امره :33:

 

[تررف القصيد]

أنل أقول عيشي حياتك وأنسيه هالفترة وطمني عليه من بعيد لبعيد
حاولي تلمحين إنك تبغين تجلسين معاه ولو حسيتي إن الفكره ماعجبته طنشيه وحسسيه إنك مبسوطه عند أهلك..........وبيرجع لك ركض.......كذا الرجال ماهمهم إلا حاجتهم

 

[منيره محمد]

الله يصلح حالك

 

[ياقلبي ترك الحس]

خليه يرتاح عند امه علشان يشتاق لك

 

[جراده شياكه]

عادي مافيهاشي عشان تشتاقون حق بعض
ادعي له الله يشفيه

 

[كل من حولي يغار]

خليه على هواه وانتي خلك وسعي صدرك وخليه يشتاق لك

بس ياليت لو تزورينه وتاخذين معك باغة ورد وشوكليت وتحمدي له بالسلامه

بس لااوصيك خلك كاشخه وحطي العطر اللي يحبه ويفضله

وشوفي ردة الفعل بس عشان مايزعل خلي واحد من اخوانك يوديك ويرجعك

.... وان شاء الله فكرتي تعجبك......