مقبلة على الزواج و احتاج مساعدتكم خواتي

[ebtesam]

السلام عليكم ورحمة الله وبركاته

صباح / مساء الخير لكل الحلوات اللي يطالعن صفحتي

.
.

أنا عمري 22 سنة ومخطوبة لواحد عمره 23 سنة
بينا سنة وحدة وهاللي أحسه إنه قرب بيني وبيني
أفكارنا متقاربه وآرائنا تقريبا متشابه


من البوصله الشخصية عرفت إني أنا شمالية غربية وخطيبي جنوبي شرقي
مع إنه شخصياتنا جدا مختلفة
بس أحس إنه نحن نكمل بعض

مثلا
هو وااااايد ينسى ويتأخر على مواعيده ويضيع أوراقه المهمه وينسى مواعيده
وأنا عكسه تماما
أنا جدا منطمة ومرتبه وما أحب أتأخر على مواعيدي

أنا طبعا ما أنفر من اختلافاتنا
بالعكس
أحس إني بخوض تجربة حلوة لإنسان طبعه غير عني
من ناحيتي أنا أتقبل التغييرات والأفكار اليديده
وأحس إني بتعلم منه وايد أشيا
مثل الاستمتاع بالحياة

لأني أحيانا أكون جدية وأركز باللي أسويه وأنسى الاستمتاع بوقتي

.
.

صار لنا مخطوبين 8 شهور للحين
بديت أكلمه (بعد ما أهلي سمحولي) من شهرين ونص تقريبا
على أساس إنه ملجتي بتكون ببداية شهر 7
وهوه كان حاب إنه يتعرف علي قبل الملجه

لكن صارت ظروف أثرت على موعد الملجة وصار موعدها شهر 10 (ادعوووولي)
وهالشي أثر على تواصلنا

كلمته لمدة شهر بس
وبعدين قطعنا الاتصال لإنه الملجه تأجلت ومب حلوه إني أكلم خطيبي مدة طويلة
بس للحين أنا وياه نتواصل كل يوم بالمسجات


.
.

الحمدلله نحن نحب بعض
وأنا بالذات أموووووووت فيه
وأتمنى إني أسعده


أدري طولت عليكم بس هالمقدمه تهيئة للي بعده
الحين بدخل بالموضوع

.
.
.


أنا واااااااااايد أستحي
ومع إني أعرفه من أكثر من شهرين بعدي أستحي منه
مثال

سألني عن الأسماء اللي مفكره بها لعيالنا بالمستقبل
قلت له (غير السالفة)
وهو حس إني أستحيت وضحك

.
.

بس من يومين صار لي موقف وياه
قال لي (ربه يحبج)
أنا اللي فهمته إنه (الله يحبني)
فطرشت له ابتسامه (=

رد طرش لي (جد والله)
لما قريت رده حسيت إني ما فهمت قصده
طرشت له (توهتني .. شو كان قصدك؟)
رد علي (لما تكبري بقول)

ويقول إني صغيرة وبريئة بعينه

.
.

هذي مشكلتي

مع إني عمري 22 سنه
الكل يقول عني بريئة لأني ما أفهم التلميحات
من ناحية ثانية أنا شخصية قيادية وكل صديقاتي يلجأن لي لما تكون عندهم مشكله
بس بأمور الزواج والعلاقة بين الريال والحرمه أنا صففففر
حتى اللي يسمونه (مكر الحريم) أنا ما يخصني فيه ولا أفهم فيه
وهالشي محسسني إني مب قد الزواج
أخاف إني ما أقدر أسعده
لأنه يحتاج زوجه مب ياهل يقعد يفهم فيها

.
.

​

الحين أنا مقبلة على الزواج
شو الأشياء اللي تنصحوني فيها إني أتثقف فيها
وشو هي المصادر
قولولي بالضبط لأني مثل ما قلت لكم ما أعرف ولا شي

.
.

من ناحيتي بديت أقرأ كتاب (رجال من المريخ ونساء من الزهره)
ووووووااااايد استفدت من الكتاب
وبعد أقرا المواضيع الموجودة بالقسم أحس إني وايد أستفدت
بس من ناحيه التعامل مع الزوج بس (إذا فهمتوا قصدي)

حاولت إني أقرأ مقالات لفوزية الدريع اللي تنحط بمجلة زهرة الخليج
بس لما أقرأ مقالاتها أحس بشعورين (الخجل والقرف)
هل هالشي طبيعي؟؟

.
.
.



بليز ساعدوني



اختكم
ebtesam
:5:​

 

[عطر اللحظات]

هلا فيك ..

انا شاايفه انك طبيعيه مو يااهل على قوولتك

بالعكس احس ودك تتعلمين اكثر واكثر وتصيرين زوجه نااجحه

وذا الشي صفه حلووة

ثاانيا مسألة انك بريئة بالعكسس اشووف انها احلى مسأله مو يقولون للحرمه خلج كنج ياااهل عند الريااال :11:

ليه !!!!!!!!!!

لان بعض انوااع الرجاال يفضل هالنووع من النســااء

ممكن خطيبك يكوون منهم


واذا حاابه تتثقفين شووفي وااقعك اول شي التجاارب الفااشله فكري فيها ليه فشلت

والنااجحه ليه نجحت

خذي العبر وتعلمي وكوني انثى بس مو ضعيفه لان صفة الضعف فهالزمن ماعادت تلازم الانثى زي قبل

وبعدها عنك الكتب الحلوووة ملالايين منها .. النت .. البراامج التلفزيوونيه
ونصيحه لاتوضحين له انك مااتفهمين او يااهل على قولتكـ

وخليك على براائتك ترى البراءة حلــوووة :22:​

 

[huda khalifa]

الله يوفقج

 

[حدثني عن أحلامك]

من ناحية الجنس على قولتك الرجل لاتشيلين همه لأن الرجل يحب هو اللي يعلم زوجته..

وإذا ودك تثقفين نفسك في مواقع للثقافة الجنسية الزوجية ..او الثقافة الجنسية هنا بالمنتدى ..

وترى كتاب رجال من المريخ والنساء من الزهرة ممتاز جدا بس على كلام البنات إنه يميل للي نمطهم شمالي غربي من الرجال ..

فنصيحتي لكـ سوي بحث عن تجمعات البنات هنا بالمنتدى اللي أزواجهم جنوبيين شرقيين ..ماخلوا شيء من الجنس إلى تحية الصباح ....بس أنتي سوي بحث عدل ..


وحبيت أقولك ياقلبي إنه مايجوز أبد أبد تكلمينه مكالمة أو مسج ..حتى لو كان بيتملك عليكـ ..لأنكم لسا أجنبين عن بعض يعني مو عذر إنه حاب يتعرف ..الدين واضح ..

حتى بعد الملكة ما انصحك تكثرين مكالمات ..يعني شهرين أقصى شيء لأانه على قولة الأستاذة ناعمة الهاشمي الملكة كل مازادت عن شهرين كل ماحصل فتور في العلاقة ..

 

[ام لاااااانا]

من ناحية الجنس على قولتك الرجل لاتشيلين همه لأن الرجل يحب هو اللي يعلم زوجته..

وإذا ودك تثقفين نفسك في مواقع للثقافة الجنسية الزوجية ..او الثقافة الجنسية هنا بالمنتدى ..

وترى كتاب رجال من المريخ والنساء من الزهرة ممتاز جدا بس على كلام البنات إنه يميل للي نمطهم شمالي غربي من الرجال ..

فنصيحتي لكـ سوي بحث عن تجمعات البنات هنا بالمنتدى اللي أزواجهم جنوبيين شرقيين ..ماخلوا شيء من الجنس إلى تحية الصباح ....بس أنتي سوي بحث عدل ..


وحبيت أقولك ياقلبي إنه مايجوز أبد أبد تكلمينه مكالمة أو مسج ..حتى لو كان بيتملك عليكـ ..لأنكم لسا أجنبين عن بعض يعني مو عذر إنه حاب يتعرف ..الدين واضح ..

حتى بعد الملكة ما انصحك تكثرين مكالمات ..يعني شهرين أقصى شيء لأانه على قولة الأستاذة ناعمة الهاشمي الملكة كل مازادت عن شهرين كل ماحصل فتور في العلاقة ..

كلام الاخت سليم 100%
الله يوفقك