[ مـآخـــــــــآب من اسستشار ]

[زوجه شمالي]

السسلام عليكم ورحمه الله وبركآته ..

انا من فتره طويله اتصصفح بلقيس ..

واخذت منه فوائد عظيمه ..

لكن هالمره انا جايتكم .. وابي منكم المشوره ..

لاني احترت وفكرت كثير .

ومثل مايقولون [ مآخاب من اسستشار ]




-----


انا زوجه لرجل يتعاطى الحشيش من يوم كان عمره بالعششرينآت تقريبا ..
يعني من يوم تزوجته وهو يتعاطاه .. ولكن انا مااكتشفته الى بعد ماجبت بنتي الثانيه

ولاحظت عليه تغيرات في المزاج .. وانه مايروق الا لما يدخن .. بس مع الاسف مااكتشفته الا متآخر .

هو كان تجيه فترات يترركه .. ولكن مايسستمر الا ويرجع له مع ثانيه
سابقا كنت اقول .. ان هالشي يدل على انه عنده عزيمه يتركه ..
بس الان هو مستمر فيه وتآثيره عليه صار اشد من اول ..

وهو شمالي مايرضى بالنصصيحه ولا يتقبلهآ ابدن . حاولت فيه من كل الجهات حتى عياله صارو يلاحظون الريحه الكريهه الي تطلع .. بس هو مايبالي .
انا حاولت اقرب منه واحتويه واستقبله بآفضل حالاتي
وادور كل شي يرضيه .. حتى عياله حنونين معاه
بس مع ذلك ما قدررت اخليه يتركه .


اهله صار له 4 سنين مايشوفهم ولا يسلم عليهم ..
انطوائي .. منعزل في استراحته يروح لهآ اذا كانت فاضيه واذا جو االرجال طلع من الاستراحه
لان كل الي معه بالاستراحه اقاربه وهو مايبيهم يلاحظون عليه شي
كل شي في البيت يخرب انا المسؤؤله عن تصليحه ..
الامبآلاه عنده كل مالهآ تزييد ..~
وانا وضعي مع اهلي مايسمح لي اني اتركه واروح .. او اهدده مثلا اني راح اتركك اذا ماعدلت وضعك

امي متزوجه وابوي متزوج .. يعني مااقدر اروح لاحد فيهم ..
وانا الان عندي منه بنتين وولدين .. ولا ابي اشتتهم او افرط فيهم وبنفس الوقت ماابي صوره ابوهم بعينهم تتغير . ولا ابيهم يعيشون معاناتي .



استششارتي لكم ياحبايبي



- اني من فتره طويله كنت الاحظ جواله وارصد الاتصالات والمسجات الي تجيه
وعرفت الشخص الي يعطيه .. عرفت اسسمه ورقم جواله .. ومتآكده منه

انا فكرت اني ابلغ عنه .. بس احترت اخاف انكشف واضضيع بيتي وعيالي

- فكرت اجيب شريحه وارسل رسايل تهديد لزوجي على اني شخص مراقبه واهدده اني بكشفه ؟؟ بس قلت اخاف انكشف . وذيك الساعه ماراح يرحمني ..

تعببت .. حتى اخوه الي كان سابقا يتعاطى مثله كلمته اكثر من الف مرره لكن لا حياة لمن تنادي .. لانه هو عافاه الله وترك الحشيش .

ومره كلمت استشاري قال لي ان هو يبغى له صدمه قويه تصحيه
انا احترت وش بتكون هالصصدمه .. هل اذا انمسك من الهيئه ممكن هالشي يخليه يخاف وبحكم انه شمالي
يحب دايم تكون نظرته عند الناس تذكر بالخير .~



هاذي كل الافكار الي كانت تدور براسي
واحترت هل ممكن القى طريقه افضل؟!
.حتى اتوصل لحل .. يخليه يتركه




سساعدوني الله يوفقكم ..
انا في قمــه حيرتي

 

[حلم حواء]

الله يكون في عونك .. ماعندي لك حل للاسف غير الدعاء الله يفرج همك ويهدي زوجك ويحفظ عائلتك ..

 

[الصبوره]

المشكلة عزيزتي إذا بلغتي عنه بينسجن وبتتبهدلين إنت وعيالك

مشكلة تعاطي الحشيش تعود نفسي يعني المتعاطي خلاص ما يعرف يروق ويفرح إلا لما يتعاطى لذا إذا ما حصله يكون مكتئب وحزين وما يقدر يفرح إلا بعد مرور فترة من الزمن. وهو لا مبالي درجة أولى فأهم شئ نفسه ومزاجه أما هموم الناس وأفراحهم ما تهمه.


الحل يا إما تصبرين وتتدعيله بالهداية مع نكران الأمر بقلبك يا إما تتطلقي منه أما تبلغين عليه فهذا الشئ في الأخير بيضرك إنت وبتطلعين بين الناس وأهله الغلطانة.

فكري في الموضوع عدل وشوفي اللي فيه مصلحتك

 

[زوجه شمالي]

حلم حواء /-

ربي يعطيك الف عافيه ع مرورك .. ويستجيب دعائك


====


الصبوره /-

كلامك صحيح .. واانا اتعبني التفكير كثير . ومتردده بالموضوع وهذا الي خلاني استشيركم
انا ابي حل العمر يمششي .. وانا ماابيه يسستمر على هالوضع .~

ششاكره لك مرورك .. وربي يعطيك الف ع ـآفيه .





.~. بــآنتظآر البقيه .~.

 

[سموالذوق]

غاليتي الله يفرجها عليك ويرد لك زوجك انتي كلمي احد من اهله يكون هو مرتاح له او حتى اهلك المهم يمكن يقدر يحلها وعليك بالدعاء والاستغفار والله يفرجها

 

[زوجه شمالي]

سمو الذوق /-

مافيه احد قريب له من اهله غير اخوه الي كان يتعاطى مثله وسبق وذكرت اني كلمته بس مافيه فايده
وغير كذا .. علاقته الحاليه مع اخووه ماتسسمح ابدآ . وغير كذا لو عرف اني وصلت الموضوع لاحد من اهلي او اهله بيوصل الموضوع للطلاق ..

شآكره لك مرورك

 

[ربي كن معي]

كلمي حقين مكافحة التدخين اعرف واحد جوه البيت ونصحوه في البدايه ويسون له تحليل كل شهر عشان يتأكدون انه ترك
واستخيري قبل اي شي
الله يعينك ويسخر لك ويوفقك

 

[@مالكة القلوب@]

الله يكون بعونك ويفرجها لك يارب

 

[رماريمو]

عزيزتي
عندي رأي
يحتمل الصواب كما يحتمل الخطأ
لكن أحببت أن أكتبه لعله ينفعك
أرى أن تتصلي بأحد المصلحين أو العلماء الثقات في منطقتك
والله إن منهم أناس محبون للخير , حريصون على السرية التامة , وعلى صلاح أحوال إخوانهم المسلمين
أسأل الله الهداية لزوجك , ولكل ضال ومبتلى

 

[الزوجه الاولى]

الله يعينج ويفرج همج ويصلح حال زوجج

 

[مولود الحب]

حبيبتي الله يفرج همك ويصلح زوجك

بس حبيت اسالك كيف ريحته الحشيش او شكله زي الدخان العادي
الله يستر

 

[دنيا سحابة]

الدعاء ثم الدعاء ثم الدعاء في جوف الليل وتيقني بأن الله قادر انه يعافيه مثل ما عافى اخووه المبتلى..

 

[زوجه شمالي]

ربي كن معي /-

شآكره لك مرورك .. وبآذن ربي . بحآول استفسر اكثر عن حقين المكافحه .. ادعي لي ..

----

مالكه القلوب /-

إأميين يآرب وشآكره لك مرورك .

----

رماريمو /-

يعطيك العافيه ع رآيك .. والله لايحرمني ردودكم .

----

الزوجه الاولى /-

آميين يآرب .. اشكرك ع مرورك

----

مولود الحب /-

ابشري راح اعلمك مواصفاته . لاني بالفعل ماابي احد يكون مثلي .. ومايكتشف هالشي الا بوقت متآخر .

هو ريحته كريهه اكثر من الدخان وشكله يجي قطعه مستطيله او مربعه مثل الصلصال ولونهآ بني داكن او اسود
ويتسخدم مع ورق الشام مع التبغ .. يفتت وينثر على الورق ثم يصفط ويدخن ..

الله يحفظنآ ويحفظ عيالنآ من كل مايضرهم .
واي استفتسار انا حاضره .

----

دنيآ سحابه /-

انا الان مااملك الا الدعاء .
وارجو من الله سبحانه ان يستجيب دعانا ودعاكم

 

[زوجه شمالي]

up
up
up
up
up

 

[الواثقة2010]

مشكلة كبيرة

نصيحة كلمي المركز

احنا مانبي نفتي ترى ماعندنا خبرة

الدكتورة ناعمة بتساعدج ان شاءالله لان اتوقع مرت على هالمشاكل من قبل

الله يهدي زوجج ويوفقكم

 

[ظلموني يارب]

الله يهديه يارب ويصلحه ويجنبه ها الامور يارب
مادري بس مره سمعت شيخ بقناة بدايه يقول انه فيه
امهات وحريم يتصلون عليهم عشان يساعدون عيالهم وازوجاهم في ترك ها البلاوي
الشيوخ حفظهم الله مايجون ياخذونه بالغصب لا يترددون عليه الين تكون بينهم صداقه
ثم يبدوون بدورهم في ردهم ووعظهم واكثرهم تقريبا رجع لربه وترك ها البلاوي بفضل الله
ثم فضل ها المشايخه الله يحفظهم ويزيدهم ايمان ويسدد خطاهم يارب
ماادري وربي لو عندي رقم شيخ كان عطيتك هوو بس ماعندي
اتصلي على احد من اعضاء الهئيه او احد تعرفينه انه يعرف شيخ ثقه وله اسلوب اقناع
يساعدك والله يارب يرد لك زوجك ردا جميل يارب

 

[حياة روحى]

أسأل الله ان يشفيه ويعافيه ووفقه للامر السديد

 

[اصغرزوجة]

الله يعينك ويساعدك انصخك بالاستغفار