معاناه مع زوج

[غزال الريم^^]

السلام عليكم كيفكم اخواتي؟؟ الله يجبر قلوبنا نحن النساء ويعينا على حياتنا وعلى ازواجنا:35:
بختصار شديد
كيف الوحده تتعامل مع الزوج الطفشان دائمآ لمن تقولين له طلعنا يقول مو مشتهي مالي نفس وشوي تشوفينه طالع وهذا الحال دائمآ واحيان توصل لنقاشات القويه الي مانطلع منها بفايده وايش الحل مع الزوج الي تحسين عقليته صغيره تفكيره محدوده تتعبين من الكلام معه بلا فائده تنصحين من دون فائده كيف عقليته صغيره يعني مايوزن الامور انا ادبره انا اعلمه سو كذا وكذا تفكيره بآغاني وبذات سماع الطقاقات الله يطق راس بليس بعض المقاطع ال ....
ممكن بسبب الوظيفه انه كل مره يخرج من وظيفه لوظيفه وقلة الماده لااعلم اذا هذا له دخل ام لا بداية زواجنا غير وعند انجابي بطفلي الاول:11: غير التعامل نهائي معي من ناحية الاهتمام من نواحي كثيررر مااعرف في اشياء كثير في نفسي كيف ابينها لكم مااعرف:4:
في جعبتي الكثير بس اتمنى الرد على اسئلتي الي فوق لاانها مهمه :4: وهذا مااعانيه مع زوجي اتمنى ماتقولون شي تافه وشوفي غيرك انتي احسن ومن هذا الكلام لا اتمنى تفيدوني بشي يغير من حياتي ونفسيتي مع زوجي علمآ اني تو متزوجه لم اكمل السنتين

 

[*حتاره*]

شكله زوجك مهموم

وانتي قلتيها
بسبب الوظيفه انه كل مره يخرج من وظيفه لوظيفه وقلة الماده

 

[هامتي عاليه]

الله يكون بالعون ان شالله ماعلينا الا كثره الاستغفار أنا ماذكر زوجي قالي نطلع أنا اقوله دائماً ولا اطلع الا عقب طلعه روح مالنا الا الصبر

 

[رندا كووول]

يااخيتي لاتكوني انت والزمن عليه..الله يرزقه بالوظيفه اللي تريحه وتريحك

 

[كشه ناعمه]

لاتصيرين انتي والدنيا عليه
في بعضهم ماعندهم دبره .. فحلو انتي توعينه
ويكون احد الطرفين فاهم ..
فحاولي انك تحببينه بالجلسه معاك عشان يشتهي
يطلع معك
بس اذا طال النقاش وزادت المشاكل فيتهرب من الجلوس
معك ويحب يبعد عنك بالخروج لحاله
والاغاني هو على باله متنفس له .. للخروج من الهموم الي بداخله
والنزعات الي يصارعها لاجل الماده والحيله والوظيفه
والرقي للافضل وتحسين وضعكم
فارحميه وطبطبي عليه وحسسيه انك الملاذ الامن الي
تحس بالسعاده فقط لوجوده بعيد عن الناس والمظاهر والماديات
وانك تحبيه لشخصه وانك مقتنعه فيه والقناعه كنز ..
فهو بحاجه ماسه لسماع كلمه حلوه منك .. وشكر على مجهوده
الي يبذله عشانكم ..
من هالجهه تكسبين قلبه ويروح الطفش .. ويسعد بصحبتك
ويحاول دائما يقدم لك الافضل ..

والله يصلح حالكم ويسعدكم​

 

[غزال الريم^^]

بس هو على وظيفه واذا احتاج شي اهله يرسلون له احيان لكن هذا الحال طااااااااااااااااااااال كثير يعني مو تو الحين على هذي الاساليب طيب واذا قلتله قوم طلعنا زهقت كلا بلبيت ترى مابعد يجينا عيال كثير ولاكبرو ولاصار لهم طلبات ماتخلص خل نعيش حياتنا يقول مالي نفس وهو يطلع

 

[غزال الريم^^]

كشه ناعمه اانا والله مااقصر واحط يدي بيده واذا احتجنا شي اخذ من اهلي على اساس انه لي وهو للبيت ولاحتياجاتنا انحرج وانا اطلب من اهلي بس غصب عني اهله بعد الطقاق يساعدونه ولابد من كلام التهزيئ منهم عليه لدرجة بدا ينزل من عيني بسببهم وبسبب تصرفاته يقولي لمن تتوظفين مصروفك من جيبك لك لاطالبين وهذا انا مااطلب الحين بعد
يعني في اشياء كثير تعبتني نفسيآ منه لدرجه الكره بدا يدخل حياتي
اخوي يقولي خذي حقك طالبي لاتسكتين انا ايش اسو تعبت من جد

 

[كشه ناعمه]

اخوك معه حق الي تسكت عن حق من حقوقها
تبدء بالتدريخ يقل حبها بقلب زوجها
ومافي مشكله ومالها حل ..
بس يبي لك صبر اختي ..
وبيني له ان مصروفك عليه حتى لو توظفتي
خلي فلوسك مشفره في مشروع او جمعيه
ويعرف ان هو المسؤول الاول والاخير
لاتقومين بدور مو دورك وخليه هو الرجال
الي لازم يتحمل رعيته ..
بس بالهون والتعاون والكلمه الطيبه
وكلميه بعقل بدون اندفاع او هجوم او تجريح
واهله يسون فيه كذا يبونه يتمرجل ويكد على نفسه
وهم اعلم بولدهم لان في بعض الرجال
لو يضمن دخل بسيط شهري حط رجل على رجل
ورضى بالقليل عشان يتسدح ويرتاح
فانتي حسسيه ان هو الرجال وان هو المسوؤل
وانك واقفه جنبه بالحلوه والمره
عسى يصطلح حاله
والله يوفقك يارب ​

 

[Queen Sarah]

يا اختي الله يكون بعونك كل الرجال كذا انا زيك ما يطلعنا بس هو يطلع ويسافر برا ويروح للبحر والبر وانا واولادي صفر عالشمال بس اول كنت اقول طلعنا الحين ما يهمني الاولاد يقومون بالمهمه بس مطنشهم ولا هموه زوجي ينشره عليه واقدر ازعل منه لانه مقتدر ووظيفته ثابته وباله مرتاح
بس زوجك ما الومه يطلع لانه طفشان وضايق صدره انتي لاتزنين عليه تعلمي شغل الكورشيه مره يسلي ويشغلك عنه وتقدرين تساعدين زوجك فيه تعملين بروشات ربطات وتبيعيها
الله يوفقه ان شاء الله ويلقى وظيفه ثابته وانتي دايما ادعيله وهويسمع عشان يستانس
عليك بالدعاء اخر الليل الله يسخر لك زوجك

 

[غزال الريم^^]

ياحياتي ياكشه ناعمه والله كلامك صدق كله الرجال من يضمن قريشات بسيطه يحط رجل على رجل ولا بعد ينتظر هالقريشات على ماتجي ومتى تجي
وبالنسبه لحقوقي والله اني تكلمت من تزوجت ماعطاني مصروف لنفسي الا مره وبالغصب بعد ولا يكفي للعيد كان ولا كل عيديه امي الي شتري لي والله حاله بس لمن الاقي وظيفه اعرف كيف اتصرف ان شاء الله
وهذا انا والله اني خلاص وصلت حدي من الرجال الي مايقدرون الحياه الزوجيه لاكان تزوجو :33:

 

[غزال الريم^^]

والله ياQueen Sarah والله ماعرف وش اقولك
بس فكرة الكورشيه حلوه عجبتني على الرغم ان من صغري ماحب التفصيل بس بحاول اتعلم علشان نفسي واطنش كل حاجه حولي

 

[ابي اسجل وبسس]

الله يسخركم لبعض
وان شاء الله البنات يفيدونك