انا يا حبيبتي سمعت كثير عن اللي مثل اللي معك وهي تاخذين ملعقه صغيره حب كمون وتطبخينه وتشربيه اثنا الدوره كل يوم مرتين اللي قاله طبيب شعبي ... لوحده اعرفها ... انه ينزل الوسخ والهواء ويمكن ان اللي فيك براد يوم كنتي في نفاس تمشين حافيه القدمين وتقول امي الله يرحمها البراد اذا دخل الجسم صعبه طلعته إلا بعلاج متعب .. واستخدمي المره والملح للغسول لان ما فيه افضل منهم على كلام الدكتور جابر القحطاني ... وخذي كسرت مره وشوي كمون {حب} وقشر بصل وسويها{ كبو} دخون على جمر اذا جتك الدوره اعزكم الله .. وطريقتها اشعلي الجمر وحطيه في صحن مثل صحن الشوربه وحطي بلاطه علي كرسي الحمام وحطي الصحن اللي انتي ماعاد تستعملينه على البلاطه والجمر فيها وحطي الخلطه السابقه واجلسي كانك تقضين الحاجه اكرمكم الله ...واذا خلصتي لا تتعرضين لمكيف بارد او هواء بارد ... ويكون عند النوم ...ترى ريحته بتضايق الزوج فاذا بتسوينها روحي عند اهلك او حطي خبر لزوجك اذا هو متفهم .... وما قدامك إلا العافيه ... واخر يوم من الدوره حطي كسرة ملحه شكلها كانه زجاج{عند العطارين} عندالنوم ولا تقومين بعدها علشان ماتنزل ,,, بس بتشوفين بينزل معك مويه ماهي طبيعيه البسي فوطه صحيه بتقومين كانك مبوله على نفسك,,, هذه المعلومات كلها جايبتها من حرمه كبيره في السن يوم حكيت عليها عنك تعالج عندنا ومعروفه ,,, والله ينفع به ولا يتكل عليه ,, واجعلني من اللي اصبت فان اصبت فانه من الله وان اخطئت فانه من الشيطان ,, والحمد لله وصلى الله على سيدنا محمد وعلى اله ةصحبه وسلم تسيلما ,,,