معاناتي مع ولدي والكلام

[noufawy]

السلام عليكم

شخباركم ياامهات ،،

عندي استفسار ،،

متى يبدأ الطفل الكلام؟؟

انا ولدي عمره سنه وشهرين ،،

ومايقول ماما يقول إمه و إبه

وبابا يقولها بس كنه يلعب ،، يعني يقول بابابابابابا

والباقي كلام مو مفهوم كلام خرابيط وصراخ ،،

وانا خايفه عليه هو اول طفل لي وخبرتي قليلة ،،

والشي الثاني اللي بقوله

انه ولدي للاسف يضرب على الوجه ويضرب اي احد ممكن يشيله او يمسكه حتى انا وابوه

انا بصراحه كنت اضربه لما يعصبني لانه من النوع اللي يرفس لاجيت اغير له

ف كنت اوقات اضرب ،،

والحين انا ندماااااااااانه حيل وصرت مااضربه ابد

بس هالحالة مستمرة معاه انه يضرب كيف ممكن اغير هالشي اللي بنيته بإيدي فيه ؟؟

 

[fatma-BN]

على خبر علمي البنت تتكلم اسرع من الولد

انا ولدي عمرة سنة اونص يقول ماما و بابا عمه ينادي اخوي حمود يقول بعض الاسامي
من العيلة اللي شوي سهلة مثل علي وفجر
يقول جبس حلاوة عصير ماي واذا مايبي يقول لا
اوفي كلمات يسمعها ويقوله بس لاتستعجلين انتي علمية
انه كنت اعلمة عمه يوم كان عمرة سنة اوصار يقولها تكلمي معاة كلمات مفهومه

 

[وبشر الصابريـن]

لاتستعجلين عليه

وبعدين انتي سولفي معاه عشان يتعلم الكلام

حتى لونطق كم حرف بكرة يتعلم الكلمات منج

 

[:. لحـظـــات .:]

لغالية عن تجربة:

تأكدي من السمع (سوي فحص دقيق عند اخصائي)

خذيه عند طبيب مختص للتأكد من عدم اصابته بالتوحد

ما ابغي اخوفج بس الاحتياط واجب

طمنينا

 

[ياسمين الاردنية]

انا ابني صار يتكلم شوي ويلفظ بعض الكلمات وعمرو سنتين و تمانية اشهر
والحين عمرو سنتين و11 شهر وماشي حالو كلامو بس ما بفهم مزبوط
بس بنتي عمرها 10 اشهر وبس يحكي بتلفظ الكلام وبتقلدو

 

[رحيق]

عادة يتأخر الطفل الأول في الكلام
بسبب قلة اختلاطه بالأطفال الصغار
وسن الكلام يبدأ من تسعة أشهر حيث يبدأ الطفل
بمنادات الأم والأب
ويتطور شيئا فشيئا
فلا داعي للعجله
فهناك من الأطفال من يكون فصيحا ومفهوم الكلام ومنهم من يدخل الروضه وكلامه مكسر
وسن سنه وشهرين بدري جدا

أنا ابنتي عمرها سنه
وتحاول تقلد
لكنها لسه ما تقول غير امه وابه
وقبل امس احاول معاها تتعلم البوسه
وطلعنا بكلمة حببببه

اهم شي الأم تتكلم مع الطفل باستمرار وتكلمه كأنه كبير
وبالنسبه للضرب ابدأي قولي لاا عيب أح إذا ضرب
واذا ضربك سوي نفسك تتألمي وتبكي
بتشوفيه خف
الله يهديه ويصلح أولادنا ​

 

[o.o]

ترى المصاصه تاخر الكلام اذا حسيتيه متولع فيها ممكن يكون السبب منها

 

[noufawy]

جزاكم الله خير

راح احاول اتكلم معاه اكثر

وبالنسبة للتوحد لا مستحيل لانه عادي بلعكس لا شاف اطفال زيه ينبسط حيييييييييييل

ويظل يلعب معاهم

ف مااتوقع

 

[زوجة تـــوتـــو]

انا بنتي عمرها سنه و8 شهور واحسها ماتتكلم بس ماما وبابا وتقلد الكلمات مثل ورده ودبه وبطه

بس ماتقولها فصيح احس البنات اللي بعمرها ماشاء الله يتكلمون كثير وانا بصراحه عادي عندي

لان ان شاء الله راح تتكلم وش مستعجلين عليه

 

[قلب يحيا بالأمل]

انا ولدي عمرو سنتين و3 شهور والى الان كلامو مو مفهوم
يجي من الحضانة ويفك هروج معايا>>بس والله اني ماافهم منها ولا كلمة بس اجاريه واتناقش معاه
واهلي واهل زوجي مستعجلين عليه شايفينو متأخر بس شو اعمل>>مو بالقوة

 

[ام سديم 50]

انا بنتي دخلت اربع سنوات وماتتكلم كويس

يعني تسولف هي تاخذين من سوالفه كم كلمه اللي افهم عليها

وفعلا كلام رحيق

لان هي بكري وانا ماكنت اسولف معاها بالمره ولانختلط باطفال

 

[noufawy]

يعطيكم الف عافيه يارب ،،،

المشكله انو ماينفهم منه شي ولايجي يسولف ولاشي

كله يلعب ويصارخ مايجي يوجه كلام لاحد او شي

 

[فتاه]

انا ولدي سنه و3 شهور
يقول ماما وبابا وتيااااااااا اذا ينخش خخخخخخخ
واذا يبي شئ يقول امبي وامه يعني مااااي
ويفهم اذا اقول له عطني او أكلني وتعال وروح بسسسسسسس
البوسه للحين كل شئ يقلد الا البوسه مو راضي
وباط رأسي من لصراخ وخرابيط​

 

[بشائر الفرح]

انا ولدي سنتين وشهرين مايتكلم الا ماما وماء وننه وبسسسسسس
احاول اكلمه بس مافي فايده احسه ماهو معاي يعني مايهتم