معاناتي مع زوجي

[Lulita]

السلام عليكم ورحمة الله وبركاته
هلا اخواتي الغاليات طبعا هذه اول مشاركة واتمنى تساعدوني..

انا متزوجة من  شهور اواجه مشكلة مع زوجي.. بس فالبداية خلوني اشرح لكم وضعنا،،،

إحنا كثير متفاهمين ولله الحمد الكل يمدح علاقتنا.. زوجي دوامه رسمي اما انا دوامي شفتات يعني يوم اداوم صباح ويوم ظهر ويوم ليل
انا ساكنه مع اهله ف نفس البيت طبعا الحبيب ماقصر معي باني ملحق انا كثير مرتاحه معاه ومع اهله.. اتمنى يكون هو بعد مرتاح معي ..

بدخل فالموضوع طبعا تزوجنا عن حب بعد ماتقدم لي بدأنا نتواصل بالتلفون ،،، خلال هالفترة اكتشفت ان له علاقة مع كذا بنت وحده اخت صديقه وحده بنت الجيران وغير اللي يعرفهم ف شات التلفون

انا كنت ارقابه بصمت ومرة طلعنا مع بعض واتصلت فيه بنت وكلمها عاااادي وماكأني موجودة على حسب ماسمعت ان علاقتهم تقتصر ع الهاتف.. المهم واجته وتم يلف ويدور وقال ان صديقه مسوي مقلب فهذه البنت.. انا خذت الرقم واتصلت فالبنت وقالت ماخبرني انه خاطب عموما اتفقنا انها ماتتصل وإذا هو اتصل تخبرني ع طول..
لما خبرته اني كلمتها زعل وعصب وقال ليش تفتشي بأغراضي..

ومرة الايام ونفس الحاله شفت رسائل الشات مع البنات وقلت له إحنا ف بداية الطريق إذا حاس انك بتتلعب اتركني انا ما اريد عوار راس
وعدني بيترك كل الخرابيط وفهمني ان يحبني ومايستغنى عني ........إلخ

بعد ماتزوجنا بإسبوع كنا سهرانين وتصلت في وحد شكلها من الحبايب
المهم حاول يتخلص من المكالمة وقال شكلها غلطانه.. طااااف

وقبل اسبوع شفت رسائل ف تلفونه الثاني وكان كاتب حياتي وفديتج ومشتاق اسمع صوتج
اقسم بالله دارت بي الدنيا تضايقت حيييل.. وبدأت اصيح لين هدت اوضاعي حسيت بضيق حسيت اني اكره بسبب الخيانة.. المهم اصريت اروح بيت اهلي وتعذر بالدوام لان كان دوامي ليل وثاني يوم صباح وإحنا منطقتنا تبعد عن دوامي ساعة كامله.. فالبداية رفض وبإصرار مني اقتنع .. رجعت من دوام اللي تفاجأت بوجوده ف بيت اهلي قال مااقدر استغنى عنج وبسهر معج لساعة  وبعدها بروح البيت.. ماقدرت استحمل وبدأت ابكي ماعرفت من القهر والحسره وإلا من شوقه لي قطع مشاوار ساعة حتى يسهر معي ساعتين ويرجع.. المهم حاولت اقنعه يرجد معي بيت اهلي ورفض وع طول الدمعه ف عيني وبعد رفض وساعتها تضايقت لا شاف دموعي وأبد ماقدرني وهانت دموعي عليه المهم راح بيت اهله وثاني يوم بعد الدوام رجعت عنده انا ابد ماقصرت معاه وادلعه كثير حتى اخواته ينازعوني ويقولوا بسه دلع ارد عليهم إذا ما دلعت زوجي أدلع من؟؟؟؟

وامس شفت فتلفونه مراسلات واكتشفت انهم بنتين وفي بينه وبينهم اتصالات والقهر مخزن ارقامهم بإسم شباب طبعا تضايقت كثير وتغير شكلي وهو لاحظ قبل ما نرجد سألني ليش متغيرة قلت له مافيني شي وأصر انه يعرف وانا طنشته لان سبق وكلمته عن خياناته ومااستفدت بشي يلف ويدور وكل مرة يطلع بعذر.. اهو حاس اني شفت الرسائل وكان يلمح وهو يسأل وش فيج إذا شايفه علي غلط خبريني لااطنشي واتسكتي احين الشي صغير باكر بيكبر وإذا ماحلينا المشكله راسنا بيعورنا.. انا اصريت انه مافي شي حاول ينام ماقدر شوي واشوفه طلع فالصالة وتم يشوف تلفزيون سألته ليش قال ماجاني نوم المهم طنشت ورجدت وصحيت الصبح اصحيه حج الدوام شفته راجد مكانه بالصالة ماناقشته ف شي تجهز حج الدوام وراح .. ربي يحفظه
اقسم بالله قهر عارف نفسه ش مسوي ويستعبط..
انا بجد متضايقه وقررت اكتب فالمنتدى حتى أخفف عن نفسي واحس احد يشاركني همي ويشوفولي حل للي انا فيه..

اقسم بالله أحبه حد الجنون ومااستحمل أشوفه متضايق او محتاج شي وما اساعده
طبعا راتبي اكثر من راتبه اللي يبقى بعد ديون سلفية العرس
انا مااهتم بالفلوس كثر مايهمني اشوفه مرتاح ومستانس..

انا جيت عنده ومعي سيارة وهو ماعنده قبل  اسابيع اصريت اخذله سيارة وطبعا اول ماتنزل رواتبنا نحطهم مع بعض ونوزع حج مصاريفنا والبيت واهلي وأقساط السيارتين..

انا افكر مع نفسي ليش هالخيانه؟؟
انا عمري ماقصرت معاه فشي ومارفضت له طلب ابد خاصه فعلاقنا الجنسية.. والله أحس اني بجن..اتمنى تشوفولي حل وكيف اتصرف مع هذا الانسان اللي وهبته حياتي ويجازيني بالخيانة

انا ماابي اتسرع واندم ابي احل المشكلة بعقلانيه اتمنى تساعدوني يا أخواتي و فميزان حسناتكم بإذن الله ..

ربي يحفظكم ويفرج همكم وهمي

 

[نحو المستقبل]

سكوتك وصبرك غير مبرر ابدا ابدا
واجهيه خ\ي وعطي معاه اساليه عن السبب هدديه سوي اي شي

 

[مملكة الأحزان]

شوفي انتي بديتي خطا وراح تكبر يااختي ماراح تصغر تستحملي مني لو قلتلك انك موصاحيه

اجل تشترينله سيارة وتصرفين عليه بعد شوفي اذا بتكملي على طريقتك هذي عوز الله بيصير فيك مثل ماصار فيني وبتندمي وتقولي ياريت اللي جرى ماكان

انا اعطيت زوجي ذهبي وفلوسي وجوالاتي ولما فلست وضحيت معاه بكل شي حسبالك حبني بالعكساستحقرني لان الرجال مايحب المرأة المضحية يحب المرة الصلبة

حتى لو ماكانت تهمك الفلوس بس هي اكيد تهمه ولو استمريتي على هالتضحية حتتذكري كلامي في يوم من الايام وحده يااختي زوجها يبي يطلقها تدرين ليش لانها تحبه وتعطيه راتبها كل شهر بالاضافة انها تساعده في ايجار البيت تدرين بايش يتحجج

ماجابت عيال وتسوي مشاكل بغيرتها علي ومع امي مو كويسه طيب اذا عالعيال ممكن يتزوج لكن بعد ماكلت كل مالها تبي تطلقها


اختي الرجال ماينفع معهم اسلوبك واسلوبي هذا انا ماكانت تهمني الفلوس البس واكل واشرب احلى مااشتهي ومجرد ماتزوجت وشفت طمعه باغراضي صرت احرص لانه ذوقني شي بعمري ماكنت متوقعته منه


كنت اول اقول لما اضحي معه وابين له حبي بيتمسك فيني وبيعرف ان معدني اصيل لكن اللي اخذته منه تعذيب وضرب واهانات ولما اجي اذكره والله ماامن عليه بس اقوله انا ضحيت معك وسويت لك

تدرين ويش يقول

انتي تمنين علي وماحد جبرك انتي متخلفه _انا متخلفه عشاني تحملته

والاهم الدموع ماتبكي قدامه لانها ذل المرأة كذاب اللي يقولك سلاح المرأة دموعها ممكن في اخحيان بسيطة

خلك قويه الرجال مايحب الضعيفه

لاتبكي قدامه


اسفة لو قسيت عليك بكلامي بس والله العظيم مابي يصير لك اللي صار لي وادعيله الله يسخره لك ويعمي عيونه عن كل الحريم غيرك وادعيلي معك

 

[صيرفية]

الله يوفقك ويهدي لك زوجك يااارب


ماعندي خلفية واقدر افيدك بس ياااااااارب يرجع لك زوجك ويهديه ويسخره لك

ومثل ماقالت اختي مملكة الاحزان الرجال مايحب المراة الضعيفة
شوفي في كل مكان داايما القوية زوجها وراها

تعاملي معاه بحـــزم اكثـــر...



تقبلي مروري المتواضع

 

[ميمي 1404]

الله يسعدك يالغاليه ..
والله ما في احسن من الزوجه اللي تضحي عشان زوجها ..
ومافي احسن من التفاهم بين الزوجين ..

لكن انك تتنازلي عن حقوقك !!! :schmoll:لا وسامحيني اذا قلت انك غلطتي.. راتبك يعتبر حقك ماكان من المفروض انك تتقاسميه معاه .. هو ملزم انه يصرف عليكي وعلى البيت لان النفقه عليه واااجبه
وانتي انا عارفة انك من محبتك له تبين تعطينه وتبين تبينين انه الفلوس ماتفرق معاكي وانه اهم من الفلوس ..
بس كان لازم تسوين حد من بدري .. بياخذ من فلوسك وبيصرفهم على رفيقاته انا ما اقول كوني بخيلة .. بس انتي بذكائك تقدري تعطيه بدون ما يحس ..
والله ما ينفع مع الرجال الا انك تحسسيه انك ممكن تتركيه فأي لحظه .. بس مو تتركيه :no:... لأن كذا هو راح يحاول انه يسعدك او يرضيكي لكن اذا كان متطمن منك وانك لاصقة فيه راح يتخلى عنك ..
صدقيني انتي دوبك في بداية المشوار ... ممكن اقلك ايش الشي اللي راح يريحك بالنسبة لرأي وعلى حسب مافهمت ..
شوفي يا قمر .. اول شي في رجال ينفع معاهم الزعل:busted_red: فاذا زوجك من هذا النوع فهذا راح يفيدك في انه يترك الخيانه .. واذا ما نفع انك تزعلى .. حاولي تحتويه وتملين عينه وبطنه ومابين فخذيه عشان ما يلاقي احسن منك:cupidarrow:... لأن الخيانة صارت وباء فهذا الزمن واذا الرجال ما اقتنع من نفسه والله لو تفحطين ماراح يترك الخيانه ..
ثانيا .. بالنسبة لحقوقك فنصيحتي انك ما تتنازلي ولا تتهاوني لأن اذا تهاونتي مره حتتهاوني كل مرة واول شي نفسك و اهلك .. دايما حسسيه انهم اهم شي بحياتك وفلوسك خليهم لكي كوافير اقساط سيارتك حتى لو تدخلي فيها بجمعيه لكن ابدا لا تخليه يتكل عليها ما اقلك لا تساعديه بس اذا خلص راتبه ذيك الساعة انتي تكوني عرفتي وين راحت المصاريف فهنا يجي دورك وكذا تكوني حافظتي على حقك وساعدتيه ..لكن كذا ممكن تضيعين زي ما قالت الاخت مملكة الاحزان جزاها الله خير ..
ووالله انا ما قلت كلامي الاعن تجربه .. ولان احس انك عاقلة وما تبغي تخسري نفسك ولا تخسري زوجك ولان لسه انتي ببداية المشوار ..ممكن تلحقين الاوضاع قبل لا تسوء:crazy: ..
ولا اوصيكي حبيبتي اخلصي النيه في كل عملك لله .. وربنا حيكون معاك

ويارب يسعدك ويريح بالك وييسر لك كل خير ..

 

[براءة حلم]

صح كلام الاخوات وصراحة الخيانة اذا كانت طبع فعيش حياتك بطول والعرض حبي نفسك استفدي من تجارب الاخوات في المنتدى والرجلله تعامل خاص لانه له تفكير غير تفكيرناااااااااااا
باختصار لا تعبي عمرك وهو في عالم اخر
تانيا احتويه بكل النواحي وخلييييي الباقي على ربك

 

[سـحـاب]

مدري انا حاسة أنها لو فجرت قنبله في وجهه وقالت له إنه يرضى يكون لها علاقات

مثل ماله علاقات فقط عن طريق التلفون وتشوف ردت فعله بعض الناس مايصحيه

إلى صفعة تصحيه وتحسسه بالغلط الى هوه فيه <<< كلام في خاطري وقلته ،،

أما بالنسبه للفلوس وأنها ماتهمك يجب أن تغيري وجهت نظرك هذه ،،،

وزي مانصحوك الأخوات والله في كلامهم حكمة ياريت تستفيدي منها،

تمنياتي لك بالتوفيق والسعادة في ظل زوج مخلص ..

 

[Lulita]

هلا بأخواتي الغاليات

قبل كل شي أشكركم بقوة وبشدة وبعنف على المداخلة
طبعاً ملاحظين إن نفسيتي تحسنت كثير ولله الحمد :blow::blow:

أمس واجهت زوجي بالمسجات اللي شفتها وصارحني :clap:

حضرته كان مسوي فيني مقلب مع أخته حتى يشوف ثقتي فيه

لكن بجد تضايقت كثير وزعلت منه لان لعب بأعصابي وبغيت أتجنن
:icon28:

الله يسامحه طبعا بديت أتغلى يرسل مسجات وأطنش حالته جداً صعبه

خليه يذوق من المراره اللي جربتها بسبب مقلبه السخيف



أشكركم جزيل الشكر واتمنى لكم التوفيق

 

[نحو المستقبل]

الله يعينك

 

[فواحة1428]

الله يعينك أختي....



ممكن تدلوني كيف أقدر أشوف الرسايل اللي في الشات

 

[نبع الحنين]

الله يعينك .. انتبهي من المصارحه والمواجهه في هالموضوع لانك ماراح تطلعين منها بشي اهم شي انك تتقربين منه وتهتمين فيه والله يكون في عونك .