معاناتي في المعاشره ...

[دبدوبه مملوحه]

السلام عليكم ...
خواتي البلقيسيات الله يخليكم لي..ومالنا غنى عن مشورتكم وان شاء الله القى عندكم الرد الشافي والله يحقق لكل وحده ترد علي ماتتمناه يارب ويجزاها عني كل خير..
انا يالغاليات عندي 5 اطفال الله يحفظهم ويخليهم يارب ..
متزوجه من 18 سنه تقريبا <<<<< حشى قصة حياتي
مشكلتي احس اني موتمام من تحت خاصة وقت الجماع مااحس بلذه بسبب التوسع والمويه الكثيره مدري وش السبب والله رحت الدكتوره خفت يكون معي التهابات وسوت لي مسحه لعنق الرحم واشاعه صوتيه وقالت الحمدلله كل شي تمام ...مدري وش السبب حتى زوجي افشل منه احسه مايستمتع وحاس بالشي هذا بس مايصارحني يمكن يراعي مشاعري ...:sad_1: والله يوفقكم اذا عندكم شي يساعد في تضويق المنطقه وينشفها شوي ياليت تساعدوني بخبرااااتكم والله في امس الحاجه ،،
اذا فيه ادويه بالصيدليه اواشياء طبيعيه اوتخبرون دكتوره ممتازه في الرياض ممكن تساعدني غير الجراحه طبعا لان زوجي مايرضى ياليت ماتقصرون والله لايحرمني منكم ..

يارب توفق وتيسر امر كل من ترد علي ..آمين:c016:

 

[تمنيت]

ربي يعيـنك ,, بس المره اغتسلي فيـها بالايام العاديـه ، وباايام الدوره بعد

اتمنى يفيدونك البنات

بالتوفيق ياقلبي

 

[ام سارة.]

عزيزتي انا عندي 6 اطفال عندي نفس مشكلتك استخدم العفص المطحون تلاقينه عند العطار ( يكون المحل نظيف ) تأخذين منه كمية قليلة او حتى تبللين صبعك واتغمصينها في العفص ولازم يكون ناعم وادخلين صبعك قبل الجماع بربع ساعة وقبل الجماع اتغسلين المنطقة من الداخل وال خارج حبيبتي راح تستفيدن باذن الله وحاولي دائما تعملين التمارين للعظلات المهبل وسمعت مرة عن عباية السيدة بس ما اعرف الطريقة وابد يمدحونة انشاءالله الاخوات يساعدونك

 

[**أموووله**]

تمارين كيجل وبس ...

 

[زمان ماله امان]

الا عباة السيده مررره كويسه
هي تجي مطحونه خوذي ملعقه كبيره منها ونقعيها بكاس مويه مغليه وبعد نصف ساعه تقريبا اشربيها
والله يوفقك

 

[بوسني على خدي]

حبيتي
فيه جل في الصيدليه
اسمه هايمن جل
ممنتازللتضيق

 

[عشق الامل]

هذا خراب في منطقه الارحام اهتمي بنفسك وقت الدوره ولاتجوعين ولا تشربي بارد ولا حوامض واشربي على الريق كاس حليب عليه ملعقه صغيرة ماش وزنجيل وفلفل ابيض وسبع تمرات واستمري اين تتحسنين خلطه رهيبه ومفعولها سريع واذا حصلتي نتيجه ادعي لي والله يشفيك ويسهل عليك امرك

 

[خوااااطر]

حبيبتي

الموضوع يمشي بخطوات

الخطوه الاولى

انصحك في الولاده القادمه ان تعملي خياطه تجميليه لان مشاءلله 5 اطفال لابد وان المنطقه مرتخيه

الخطوه الثانيه

اعتقد انك في وقت النفاس لم تعتني جيدا بنفسك من غذاء وخلافه لذلك لابد ان تعوضي وقت الدوره
الشهريه
نصيحة عشق الامل ممتازه وكذلك عليك بمرقة لحم مع فلفل اسود ممتازه للارحام
والفطور لابد ان يكون متكامل

الخطوه الثالثه
لابد من مراجعة دكتورة نساء وتحديد المشكله وهناك تحاميل جيده في مثل حالتك وكبسولات ايضا

الخطوه الرابعه
عدم التفكير بالمشكله امام الزوج حتى لاتترسخ الفكره بشكل نهائي لديه
اهتمي بكل مايخص تلك المنطقه عن طريق نصائح معالجه شعبيه
لديها معرفه بخراب الارحام

اتمنى لك التوفيق

 

[أحب الله ورسوله]

الله يفرج همك ويصلح حالك

 

[أم محمد2010]

يااختي الي فيك خواااااااااااااااااااااااااااااااااااااااااااااااااااااااااااااااااااااااااااااااااااااااااااء
الي هو خراب الرحم شوفي نظام ام الفيصلي في الدوره والنفاس والخراب
دعواتك لي بالتوفيق

 

[ام نجولي]

شوفي حياتي انا كنت زيك من اول ولادة يعني من البكر وكلام الأخت إنك ما إهتميتي كويس بنفسك وانت نفاس صحيح وما يصلح الي خربة النفاس إلا نفاس جديد .
المهم انا بعد ما ولدت المرة الثانية إهتميت بأكلي كويس تمام وخاصة الأكل الدافئ .
وكنت احط على المنطقة قطعة صغيرة من الطوب الأحمر نستخدمة عندنا بعد الولادة طبعا بعد ما تحمين القطعة على النار وتغلفينها بقطعة قماش قطنية وتحطينها على المنطة روعة .
والله رجعت بعدها زي البنت وتمام التمام لكن مع ولادتي الثالثة حصلي توسيع لأن البنت خرجت كبيرة وولدت في البيت يعني ما خيطت بس كمان بعد الولادة إهتميت بأكلي ورجع التوسع الداخلي وبقي الخارجي . وكنت اتضايق من نفسي زي ما قلتي وبعد سنتين من الولادة رحت لوحدي لعند دكتورة شاطرة وسوتلي ترقيع لمنطقة العجان بتخدير موضعي وحتى ما قلت لزوجي قلت اخليها مفاجأءة .
بس طبعا ما جلس الخبر سر للأن لسان العيال طويل قالوا للأبوهم ماما تعمانة فيها واوح طبعا لما شافوا حالتي بعد مارجعت من المستشفى لأني رحت لعند أهلي وسويتها بالسر وما أحد دري إلا امي .
المهم ولدت بعدها مرتين وما حصل والحمد لله توسيع بعد الولادة وكمان بعد الولادة سويت تحاميل مكونة من ( فنجان ملح + ملعقة مرة مطحونة + ملعقة حبة سوداء مطحونة ) وتعجنيهم مع عسل اصلي ولا تخرب وتكون كمية العسل على حسب ما تقدري تكوري الخلطة وتسويها بحجم نوى التمر وتصلحي الكمية كلها وتحطيها في منخل عشان تنشف وبعدين تحفظيها في قارورة زجاج إذا حامل تسويها في الشهر التاسع وتستعمليها من اول يوم ولادة وإذا خيطتي بعد ما تروح الخيوط تسويها وممكن تستعمليها ذلحين في أيام الدورة من اول ايام الدورة وعشان السرعة في النتائج استعملي حبتين من نوى التمر وحدة الصباح ووحدة المساء قبل النوم يعني بعد ما تغيري تحطي تحميله وتتأكدي إنك دخلتيها لجوة وانت راح تحسين بكميات تخرج اول شئ تنظف من الدم وبعدين تخرج المويات الي جوى الرحم .
والله كنت احس الله يكرمك كأن البول يخرج مني ولما اروح الجمام كنت اشوف إنة من جوى الرحم مو بول حتى كان يبلل الفوطة بسرعة في الأيام الأولى وبعدين خف .
وذلحين انا الحمد لله مبسوطة ومرتاحة كثير بعد ما سويت هذي الوصفة جربيها ايام الدورة وادعيلي .
وكمان لا تنسي تمارين كيجل هي ممتازة وبسيطة كمان .
وإهتمي بأكلك كويس ايام الدورة وغسلي دائما المنطة الخارجية والداخلية بمحلول مكون من خل التفاح الطبيعي مو خل التفاح العادي الي فية حمض الخليك لازم يكون طبيعي وخففية بماء دافئ هذا ممتاز للسوائل والإلتهابات وكمان يشد الجلد المترهل من اثر الولادة مادام ما تحبين تسوي عملية تجميل .
انا هذي الطريقة اسويها كل يوم احيانا وهي روعة .
اما العفص انا سمعت عنة إنة مو تمام ابدا لأنة يشد المنطقة هذاك الوقت وبعدين يخرب كثثثثثثثثثثثثثير إنتبهي منة .
وفية بعد وصفة سريعة جدا وهي من وحدة من جيراني قالت إنها تسويها لما تحب تفاجئ زوجها وانا جربتها وطلع كلامه صح بس ما احب اسويها دائما .
الوصفة هي تاخذين شبة مطحونة ملعقة وتذوبيها بكوب ماء وتسوينها دش مهبلي العصر يعني من جوى وانت راح تتفاجئين بالنتيجة وبالجفاف .
آسفة طولت عليك بس حبيت اعطيك حلول كثيرة عشان تستفيدي .
وكل الي احبة منك دعوة بظهر الغيب

 

[دانه***]

لأ انتبهي من العفص والشبه والله انها تخرب بزياده انا مره كنت في دوره للاستاذه ناعمه وتكلمت عن خراب الشبه والعفص للارحام انتبهي لكن الواضح انو عندك خراب في الرحم وانا كنت زيك بس في موضوع لام الفيصلي هنا في القسم عن الخراب وعلاجه وبصراحه مره رهيب لاني مشيت عليه وهو نفس نظام فيافي المعروف وفي طريقه استخدمتها برضو مفعولها رهييب من اول مره وهي تاخدي رمان مطحون من عند عطار نظيف وبعدين تبللي اصبعك بالمويه وتحطي بطرف الاصبع قليل من قشر الرمان المطحون وتدخليها جوا المهبل قبل الجماع بربع ساعه او بفتره قصيره وتغسلي المنطقه من برا والله النتيجه خيااال في نفس الوقت لكن مفعوله في نفس الوقت بس انا استخدمته مرتين في الاسبوع وبعدين مره كل اسبوع ثم استغنيت عنها بالمسك الابيض بعد كل طهاره والله حتى المسك مفعوله حلو ويعطي ريحه حلوه للمنطقه بس ان شاء الله ارد واستخدم نظام فيافي اللي هو نظام الاخت ام الفيصلي عندنا في المنتدى لما انفس ان شاء الله ادعيلي ربي يسهل ولادتي وماتشوفي شر:bye1:

 

[دمعتي خانتني]

اعرف ليك وحده اتعالج طبيعي ...
وبربي ممتازه وراء سوق المجد...اسمها أم تركي...

 

[حرم الأمبراطور]

هذا خراب في منطقه الارحام اهتمي بنفسك وقت الدوره ولاتجوعين ولا تشربي بارد ولا حوامض واشربي على الريق كاس حليب عليه ملعقه صغيرة ماش وزنجيل وفلفل ابيض وسبع تمرات واستمري اين تتحسنين خلطه رهيبه ومفعولها سريع واذا حصلتي نتيجه ادعي لي والله يشفيك ويسهل عليك امرك

أيه والله صادقه اختي عشق الامل...هذا خراب الارحام....وامشي على وصفتها لحد ما تشفين.........
وبعد في تحاميل طبيه تنشف الماي وتضووق تنباع في الصيدليات اسمها البوتيل...ممتااااازه ...هن 6تحميلات في العلبه..تستخدمينهن بالليل ..مع استخدام الفوطه الصحيه والصبح ثاني يوم بتشوفين الفوطه مليااانه ماي ووسخ..انتظري لفترة النهار ونظفي باصبعك داخل عشان اتطلعين بقايا التحميله وهي ذايبه...وتكملين كورس كااامل ,تحطين يوم ويوم ترك...من غير ماتقطعين هالكورس ..والمعاشره الزوجيه ماتمارسينها ولايووووم من هالايام لحد ماتخلصين آخر يوم....وبمجرد ماتخلصينه حترجعين عرووووس ...لفترة يمكن شهر او شهر ونص( : وبعدين كل ما تحسين في اي يوم من الايام انج محتاجتنها تستخدمين وحده فقط باليل وثاني يوم بعد ماتنظفين نفسك منها تقدرين تقربي من زوجك( : ..وتمي على كذا كل يومين او كل اسبوع على حسب احتياجك....لكن مش كل يوم.

 

[..Nany..]

بالفعل ... عليك بتمارين كيجل...
وربي يفرج همك...

 

[حب الابداع]

اختي الغالية سألت اختي الكبيرة وقالت لي انها كانت تعاني نفس المعاناة وبعدين اشترت من العطار ملح البحر وطحنته وكانت قبل الجماع بساعة اتحط في كف ايدها واتحط عليه شوية ماي واحطه في الرحم ... واتقول انه يضوقه...

 

[وعد المحبين]

لالالالالالالاخبرة

 

[البسوس^^]

عليك في قشور الرمان مطحونة مع المرة سوية زي التحاميل ضعية ادا بغيتى تنامي لمدة ثلاث ايام
دعواتك لي بالتوفيق

 

[دبدوبه مملوحه]

:32:
جزاكن الله عني الف خير
لكل اخواتي اللي ردوا على موضوعي وماقصروا بصرااااحه
فعلا انتم اكثر من خوات الله يوفقكن ويسعدكن ويعافيكن ويحقق امانيكن..
الحمدلله جربت طريقة الاخت ام الفيصلي وتحاميل البوثيل والملح والمره بصراحه لاحظت تحسن كثير ولله الحمد
وكمان جربت تمارين كيجل برضوه روعه بس تحتاج استمر عليها
الله يعطيكن الف عاااااافيه .. وكل الشكر ماقصرتن..
تقبلن ردي وودي ...​

 

[لقيت نفسي فيك]

تمارين كيجل فعلا مع الاستمرار شعرين تبان النتيجه

والمنطقه الحساسه لا تتحمل اي مواد تدخل اليها لانها ممكن تسبب لك بلاوي انت في غنى عنها