مصيبه الخادمه اخت ريلي خالته عشيقاته

[مافي حل]

اكيد جذبكم العنوان كنت اعتقد اني ا كبر مريضه بالشك حتىي التاريخ يشهد لي بذلك ولكني شفيت من المرض بعد مادخلت هالمنتدى شفت اكثر العضوات سلبيات لا تقريبا كلهم لو عضوه تنطق باسم خادمه نطوه الخوات الله يشافيهم اي اندونسيه اثيوبيه ساحره خطافة ريايل احذري سفريها تخلصي منها وكل وحده فكرتها اخطر من فكرة الثانيه نسيتوه ان الرسول صلى الله عليه وسلم اوصانه بحسن معاملتهم لو تعاملونهم بالطيب بتشوفونهم افضل الناس في كل مكان في الزين والشين ليش انعمم على كل الخدم ونطعنهم في شرفهم ونأثم ونشكك فيهم احنا مانعرف الي في قلبهم ليش الحكم عليهم من خلال موقف ونظلمهم لاتنسون انه نحن نحاسب عليهم احنا صرنا نهدم بيوت بدل مانعمرها وين الايجابيه كم وحده سفرت خادمتها والسبه هالاستشارات ياترى هي مظلومه ونقطع رزقها ياترى كم وحده ظنت فيها ياترى هالظنون في محلها ولا خيوط حاكتها الاوهام اتقو الله أن بعض الظن اثم والله لا في خوات يكتبون انا اخت ريلي اعتقد تحب زوجي بصوره غير طبيعيه خالت زوجي اطرش له مسجات حب مرت اخوه بعد باقي منوه باقي بعد تكتبون امه استغفرالله مليون مره مليار بليون حالتكم صعبه محتاجين علاج اتخيلي ونتي تدورين تلفون زوجج طبعا التجسس حرام اختج قالت يحليله نسيبي خلني اطرش له مسج وطرشت له مسج وهو بعد طرش لها مسج ونتي مسكتيه التلفون شو بتشكين في اختج بتظنين فيها ؟؟؟لا ليش؟؟ هي ؟؟ اكيد مريضه ومحتاجه علاج هذي نتيجة التجسس اويمكن عقاب ..والخوات الي يردون على شكوك الاخوات وين الحكمه وين الايجابيه المشاكل تحل بهالطريقه احنا نشوف الموضوع بطريقة صاحبت المشكله حتى القاضي مايحكم الى بعد سماع الطرفين وحنا في حلقه مفقوده عندنا طرف واحد كيف نحكم عالطرف الثاني كيف نستنتج عن الي بيصير ونحكم ونطبق ونحذف ونصور ونألف ونخرج الفلم ونعرضه والمشاهدين في خطر خخخخخخخخخ والله حاله ياليت يخلون استشاريات الي يردون عالخوات ابرك من خراب هالبيوت يوزوه ونا متأكده ان حنا نتحاسب عالظنون وألاثم والظلم وخراب البيوت وقطع الارزاق وغيره الله يستر ويغفرلنا ونصيحه كونو عون مو فرعون ادري الي بتقذفني بملاس ولي بتهجم علي الله يستر مذكور فالقرأن ان النساء اكثر اهل النار شفتو الريايل احسن منه لاتزعلون على صراحتي لاني احبكم كتبت الي في خاطري عسى ربي يهدينا

 

[مافي حل]

اتمنى الرد

 

[زخـــــات المطر]

الله يهدي الجميع

صحيح فيه بنات تفكيرهم غريب بس ايضا ما نعمم فيه بنات ردودهم تبرد الخاطر

وما احس ان فيه وحده غبيه بتطبق اللي يقولونه البنات من دون تاني وتروي في الحل لمشكلتها

بس ايضا اقول المستشار مؤتمن وهي طلبت وجهة نظر العضوات والكل يدلي بدلوه !!

 

[مافي حل]

صح كلامج ياملاك بس السلبيات اكثر بكثير من الايجابيات لوتتابعين الاستشارات بتلاحظين ان صاحبة الاستشاره مو متأكده او محتاره بس بعد الردود الحاره او السلبيه تكون خلاص على يقين واخذت بكلام الاكثريه ومشت في مشوارها ولا بعد في خوات يقذفون الطرف الاخر بالفاظ ودعاوي مثلا الحقير القذره وينسون الحساب وان الدعوه ترد لاصحابها ويكون للاثنين نصيب منها الدعاء حرام حتى لوعلى عدوك قول حسبي الله ونعم الوكيل اقوى وكبر من اي دعوه ثانيه

 

[مقدامة]

أنا ألاحظ الردود الغريبة تكون قليلة
والردود السنعة الحكيمة تكون أكثر
فما أظن ان صاحبة المشكلة تأخذ بالرأي الغريب والشاذ وتترك
الأغلبية
الحق بين والباطل بين
وكثير اخوات كلا مهم درر
وشكرا على النصيحة​

 

[ذكريات الطفوله]

جزاك الله خير اختي
على هالتنبيه ماقصرتي الغاليه

 

[مافي حل]

شكر عالمرور

 

[السنع كله]

جزاكي الله خير


​

 

[حلوة ودلوعة]

بارك الله فيك حبيبتي كلامك درر والله

 

[وووهج الأمل]

لقيت ان اغلب الردود تكون من حكيمات خبيرات بهالدنيا ونادرا ان لم تنعدم تكون فيه ردود غير منطقيه او معاكسه
تحيتي

 

[أم فهودي]

بارك الله فيك كل كلمة كتبتيها صحيحة وفعلا نحن النساء مكفرات العشير وهذا ماقاله حبيبنا محمد عليه الصلاة والسلام فأسأل الله أن ينفع بك الأمة الإسلامية

 

[باقة امل]

كلام صحيح ولكن ا ذا كان الكلام عن ذكر الله وقراءة القران والتوجه الى الله وتهدئة الوحده ... مافيها شي

 

[ام لوليتا]

جزاك الله خير

 

[مافي حل]

شكرا عالمرور

 

[أترجة]

حبيبتي
من كثر القصص والمصايب اللي نسمع عنها الوحده تشك
أنا ما شيكت من كذا مواضيع ولا أعتقد أني علقت والله أعلم
لكن في قصص يشيب منها الرأس عن زنا المحارم .....وكذلك قصص الخدم لاتقل فضاعه
هذا لا يعني أن الوحده تشك بكل اللي حاواليها ... لأن حياتها بتكون جحيم
لكن لا تهمل ولا تبالغ ... خير الأمور الوسط
ولكل شي حدود في التعامل سواء الخدم أو الأقارب ألخ
وديننا الإسلامي وضع لنا الحدود والأحكام فإذا ما إتبعناها سلمنا وإذا ما أهملناها بأسنا
دمتي بود

 

[دلـــوعـــة]

صححححححححححححححح

والله نفس الكلام دار في بالي من فتره وكان خاطري اكتب عنه

احنا هني بس نشوف امشاكل اللي تكتبها الزوجه .... ويمكن تكون اهي السبب في المشكله اللي بينها وبين زوجها واحنا نتعاطف معاها!!!!!

مو معقول كل الرجال خونة وقاسيين ومايرحمون ووحوش

ومو معقول كل الحريم رومانسيات وعاطفيات ومضحيات وطيوبات .... الخ

انا مرة تعقدت من المشاكل ,,, وقلت بروح منتدى مختلط فيه مشاكل زوجية ابي اشوف الرياييل يشتكون من حريمهم ؟؟

يبون حلول بعد ولا مايهمهم غير نفسهم ؟؟

ولقيت والله رجال مساكين الله يعينهم على حريمهم

لازم المشكله تنكتب بضمير

ولحل المشكله المفروض تنعرف العلاقة من اولها لآخرها

يعني اكثر وحده ممكن تعرف تحل المشكله اهي صاحلة المشكله نفسها

يمكن في موقف صاير مع زوجها واهي كاتبته ... ووحده ثانيه تحمست وقالت لها هذا قصده جذي وجذي ولاتسكتين له ولو انا مكانج ووووو

ويكون الرجال مو مثل ماقالوا عنه .... يعني الوحيده اللي تقدر تحكم اهي الزوجه

والوحده المفروض تقعد مع نفسها وتحكم عدل

منو سبب المشكله بصراحه

انا او زوجي ؟؟ او ذنوبي الي كثرت وربي يحاسبني عليها بعلاقتي مع زوجي ؟؟

ياترى هل كل وحده بعيده عن كل المعاصي وخاصة النميمة (( اللي تقريبا مافيه مجلس حريم ماتنوجد فيه النميمة )) ؟؟

هل كل وحده قريبه من ربها بما فيه الكفايه ؟؟؟ هل تصرفاتها واسلوبها مع زوجها كللللللللله صح وبس زوجها الغلطان ؟؟

ما انكر فيه حريم مو مقصرات وازواجهم مو كفو بس مو الكل

وبالنسبه للخادمات الله يبرد قلبج مثل مابردتي قلبي

كثير اشوف ردود عن الخادمات لدرجة حسيت في بعض الناس يستحقرونهم وكأنهم عبيد ويتعاملون معاهم بعنصريه تاااامه

حرام الفروض نخاف ربنا فيهم ,,,ومثل ماقلتي حبيبتي كل بلد فيها الشين والزين وانا ما احب تعميم صفة على بلد معين


ربي يعطيج العافيه على هالموضوع

ودمتي في حفظ الله

 

[Om_7moOody]

فعلا انا بعد لاحظت هالشي ....

 

[مافي حل]

شكرا خواتي انا اعرف في كثير مثلكم ثفكرون بطريقتي ليش نظلم الخادمه ونكون لها الرقيب الحسيب ربي الي يحاسب ويراقب مو البشر وعن المحارم والله اذا الزوج بشك فيه له علاقه معا محارمه اتقي الله اولاكيف ابحث حل لهذا الموضوع وانا لم اراه بعيني ولست على يقين واذاكنتي على يقين وهو على معصيته اتركيه حالاكي تحفظي ابنائكي من شر هذا الزوج الذي لا يخاف الله ولم يضع حد لشهوته لا تثقي به ابدا ولا تجعلي الشكوك دمار لما بينكم لان في كثير من النساء تخالط بهم الامور او يعيشون في تخيلات لا اصل لها وتبدء في حياكة القصه

 

[أم عمـــــوري]

لاحول ولاقوة الا بالله
نحسن الظن المشاكل ترف على روسنا
نسيئ الظن نحمل ذنوب
يااختي احترنا بهالزمن شو نسوي

 

[أسماء زكي الدين]

أختي "ما في حل" أصبت واخطأتي في ذات الوقت


بين الأخ وأخته لازم يكون في حدود في التعامل يعني ليست صلة الرحم سببا للتمادي في التصرفات لدرجة تجعل الزوجة تغار أو الناس يشكون !!!


ولكن بالنسبة للخادمات : حبيبتي القصص التي تحدث يشيب لها الرؤس .. الخادمة إن لم تتمادى مع من في البيت تمادت في تصرفاتها مع السائق أو البقال ..

لا أحقرهن ولا اتهمهن ولكن الظروف حولهن تساعدهن على ذلك كذلك أغلبهن كما تعرفي لسن بمسلمات وأكيد ليس هناك حدود للحلال والحلاام خصيصا تلك التي تحضر من مجتمع تتعدد دياناتهالغير سماوية

حتى وإن كانت مسلمة هل الوازع الديني عندهن في بلادهن كما في بلادنا العربية - الله يصلح حالها تضحضرت هي الآخرى!
لا أقول نتهمهن أو نسيء لهن لكن كل واحدة تتحرك وتقوم تشوف بيتها وتتابع خادمتها وتنتبه لها وتنصحها وتحفظها وتحافظ عليها لأنها مختلطة بأبنائها - طالما ادخلتها بيتها شاءت ام أبت! صاحبة البيت ..
كذلك استخدامهن بدون داع وأكثر من ادمة في البيت يشيع الفساد فخادمة تفسد أخرى وينتقل الوباء لأصحاب البيت والعياذ بالله ..

بعد الخادمة عن زوجها يجعلها تسعى لتعويض هذا الجانب الفطري مع أي أحد - وطبعا للوازع الديني وإهمال ربة البيت أكبر أثر. وبعد الخادمةعن أبنائها والضغط النفسي الذي تتعرض له أثر في تحولهن لمجرمات ... لا أعمم ولكن الغالبية ولو نزلت لأحد المستشفيات سترين بنفسك عدد الحالات التي تدخل المستشفى بسبب الخادمات من حرق الأطفال ووووو لا أخلي صاحبة البيت من المسئولية كما ذكرت ... بأنها دافع وراء ذلك ...


والخادمة وإن كانت مريحة من جميع الجوانب وملتزمة حتى ألن تقتل الخصوصية في البيت!!!


لذا اتمنى أن تتحرك كل امرأة لخدمة بيتها وأولادها ورعاية شئون بيتها بنفسها وتبقى فقط الاستعانة بهن أوقات محددة وفترات معينة ... ولا تكن الخادمة أو الخادمات مظهر ووجاهة ومحل فخر بعددهن في البيت فذلك دليل عل خيبة صاحبة البيت ...

ونذكر حديث رسول الله صلى الله عليه وسلم إخوانكم خوا لكم ... ونتق الله فيهن ...