مشورتكم --->> وتبدأ المسيره مع العمه

[شيخة المناصير]

الســـلام عليـــكم

مشوورتكـــــن علي ياابناات الخـــير

الموضوع كلـــــــــــهـ يتكلم عن (( العمهـ )) ---->> ام زوجي

.......................

من عرست واناا احس انهااا متلومهـ انهاا زوجة ولدهااا لي (( مااخذه ريلي عن حب اناا ))

ف تسوي حركاات حتى اليااهل ماايسويهااا

اولن اذاا بغيت اروح معاه مكاان تقوول لاء مافي دااعي تروحي المكاان الفلااني .. واذاا يت ترووح يقولي ريلي يالله تروحين تقوول عمتي ليش ترووح خلهااا نحن بنااخذ حاجات وبنرجع

مممم وفي تفرقهـ مب طبيعيه .. .. لاازم مسااواه بين الاخوان وبين حريمهم

اناا من تزوجت محد حط في ايدي ولوو درهم من سوا من عمي او عمتي
علما ان زوجة اخو ريلي من عرست وهي يعطونهاا بالاساابيع فوق ال 5000 وحسبوهاا سنويا كم تطلع .. وماشالله ربي رزقهاا بذريه ولين هذاا اليوم وهم يعطونهااا بالألالالاف

وزوجهاا مايشتغل ولان اهله يصرفوون عليه صاار مب حااب يشتغل حااب اهله يصرفوون عليه وبس

...

اللحيـــن ارتب قسمي وافرش اسوي مطبخ وكلهاا هذي يبالهااا مصااريف وزوجي يعطيني مصروفي ومن مصروفي ابني لي وارتب وام ريلي تقوله انت مااتعطيني شي وانت بخيل ف اهلك

بذمتكم اذاا ريال يشتري سامان المطبخ ويرتب لهم البيت ويودي امهـ السوق ويقولهااا اخذي اللي تشووفه عيونج

هذاا يطلع بخيـــل . . . ؟؟

واناا شو ذنمبي على هالمعامله .. .. اناا ما احب اتفشر واقول انا سويت وسويت بس الوضع مااينسكت عنهـ

البيت مافيه شغاله واناا اللي اقوم وارتب وانظف ولاااااااااااااا حمد ولا شكر منهم . .

اناا دائما اردد المثل اللي يقول (( بنت العم تحت القدم وبنت النااس على الرااس ))

نزلوو بيتهم الجديد واخذت لهم كثير اشيااء للمطبخ ولاا احد قال لي شي . .

وعمتي وعمي يقولون حق الحرمه الثانيه اخذي اللي تبينه وعليناا المبلغ ولاا يهمج اذا كان فوق ال 5000 المهم بندفع عنج

محد قالي في يوم اذا انتي محتاجه او ناقصك شي من الغرفه

(( علما قسمــــي صارله سنه ما اثثتهـ ولا سويت فيه شي لان مصاريفه كثيره ف حبيت ابدأ شوي شوي وكل مارزقني الله حطيت في هالقســـم ))

واللي يقهرني اكثر (( -->> انهم يتكلمون من وراااي . . خاصه العمه تقطع في لحمي من ورااي للي يسوا واللي ماايسواا


يااناس والله ماا في احسن عني بالعامله لهم معطتنهم عيوني وزوود ...

ممكن مشورتكم لي

اناا غلطاانهـ لاني حبيتهم وحطيتهم على راسي وهذاا جزاي منهم
ولاا شوو اسوي

قولولي هذاا شو اسميهـ 00 غيره 00 حقد 00 كراهيه00 حسد 00

على فكره اناا جايتني عين لي ولزوجي على المعامله وانه يحبني ويعطيني اللي نفس فيه

ممكن تقولون لي شو اسوي 00 اطنش واحط بقلبــي 00 ولاا اغير المعامله للأسوء

ترااكم خواتي

والسموحه منكم ​

 

[نزف]

يا اختي الله يعينك...
انتي خليها تاكل ف لحمك لين تتعب هي الخسرانه
تخفف من ذنوبك
الله يهديها
وصدقيني دام انه ريلك معك زين ف الف الحمد لله تعال

 

[ام ندى]

والله نفس اللي حصل معايا بس بالمصري برده حماتي كده بس هي من فتره رجعت بيتها القديم "لانه ماشافت راحه

معنا" تقصد انا وسلفتي ورغم خدمته خدمه العبد للسيد اول من كانت تجرحه انا وسلفتي ما شالت لها ريشه من الارض

ورغم كده انا بس اللي تاكل في لحمي في كل مكان تعبت كتير بس طنشت وقلت زي ما اختي نزف قالت تخفف من ذنوبي واصبحت اروح بس في المناسبات ولا اشيل النسمه حتي الشاي ما اعمله والعيال يروحوا مع ابوهم وخلاص

ليه انكد علي نفسي اعرف انك ما تستطيعين عمل ده لانك معهم بيت واحد بس نصيحه لا تتعسي نفسك وزوجك طنشيييييييييي بعد كده هتزهق وتعرف انك قويه وتشيلك من دماغها وحسسيها انك اكبر من الهيافات ولا تيجي علي نفسك قوي ليه تشيلي الهم برده طنشي في الشغل اللي تقدري اعمليه وسيبي الباقي وقولي تعبانه مصدعه يعني

تخابثي شوي.......الله يسعدك ويبعد عنك التعاسه

 

[حبيبة فهودي]

استخدمي معهم اسلوب طنش تعش ....... وراح ترتاحين

 

[شيخة المناصير]

بس تعرفين الغاليـــهـ

نفسيتـــي وايد تعبت ... وغير هذاا حرمة اخوه واايد تسبب مشااكل .. يعني تيي تقولي اشيااء ماكانت تخطر على بالي

انا من عرست ما كنت اشك في ريلي ولاا اغار غيره كبيره بس قاامت تيي وتقولي اشيااء والله ماا اذكر ريلي سواهاا ومن هالوقت اللي قامت تسويه فيني وتنقل الرمسه صرت غيوره لابعد الحدوود وصرت اشك فيه زياااااااااااده عن اللزووم

والله النفسيه راااحت من كثر ماا افكر في هالحال .. الاقيهاا من هله ولاا من النااس الثانيه اللي تبى تظرني

 

[مرسـى]

يا حبيبتي . انتي فاتحة المجال لغيرك يستفزك ..

عليكيِ بنفسك و زوجك وبس !!

وعلاقتك جدا عادية مع الآخرين الي وياك ولا تتأثري باللي يصير بينهم..!

 

[غربه؟]

اختي انا بقولج باللي سويته .. انا كنت أعاني من عمه وحمية يعني اخت ريلي بعد.. ما عندهم ذوق بالمره يعني دفاشه وتدخل ..ولين يبت العيال وهم على هالحال .. ولكن داويتهم .. شو سويت ؟؟ قللت شوفاتي الهم وشغلت عمري بنفسي وريلي وعيالي واهله هم اخر شي اسأل عنه .. وانا مثلج عايشه في قسم وياهم .. واخته متزوجه بس تتطفل علينا وايد وهاذا ما يعيبه وهاذا ما دري شوفيه وعيالج ليش جذيه يعني على طول ما هي يالسه وهي تعليقات .. فقلت في نفسي شو يخليني اقعد معاهم الكثر .. فخليت يلساتي وياهم قليله جدا سويت عمري مشغوله .. من المغرب اسكر علي قسمي بالمفتاح بحجة اني ارقد عيالي .. والحمدلله خفت المشاكل وايد وايد ... وصاروا يحترموني اكثر لأنهم ما يشوفوني الا القليل ... واهتم بزوجي اكثر .. والجانب الديني احسن .. كنت اقول انا لو اقضي وقتي مع ربي افضل لي من اني اقابلهم واضايق ..ونصيحه لو تشترين اي شي من السوق لج لا تراوينهم ولا تقولين اشتريت واشتريت.. خلي لج خصوصيه ...انا مايشوفون مشترياتي الا وانا لابستنها... سوي بنصيحتي بتعيشين في سلام.
ولج تحياتي .

 

[شيخة المناصير]

ااه والله ماا عرفت شوو اسوي

تراا هم بين فتره وفتره اشوفهم .. .. يعني مب اربع وعشرين ساعه معااهم

ومع هذا كلهـ مبووذه منهم

ماا اعرف ليش

 

[معشوقه]

مساء الورد يا شيخة و الحضور كلكهم ...

حبوبه علاقتج بخالتج خليها بما يرضي

 

[معشوقه]

علامه سوري ما كملت جملتي اعتمد الرد
المهم بكمل اهني ..

بما يرضي الله وخلي طلعاتها مع زوجك بدونك إذا هالشي يريحها و إنت لك طلعاتج إلي تتفقين على زوجج عليها قبل لا اطلعون من غرفتكم و على كل مو مشكله يا أختي إذا مره أو مرتين أو أكثر أوقفت لك في طلعاتج ما عليه كبري عقلج مو مشكله يا قلب أخذيها من باب البر فيها وكونها أمه ...

و خففي مثل ما قالت لج وحده من الخوات ترى كثر الدوس مو زين مو معنى هذا تقطعين لا بس لا يكثر ..

أما عن مرت حماج لا تعطينها مجال في الحجي ولا اتخلينها تلفت انتباهك لمواضيع مو في بالك لأنه يا أختي في حريم نوعهم شكاك و يشككون في إلي حولهم حتى الكلام لو تتكلمين جدامهم بس تقوموين يقولونه بغير شكل يا أختي اش لك بعوار الرأس قوي روحك ولا اتخلينها تتكلم على زوجك قولي لها أنا أثق فيه ولوسمحتي لا تتكلمين عن زوجي ببساطه ولا اتخلينها توغر قلبج عليه ...

و على المصروف اعملي ميزانيه مع زوجك و كفي جناحج و فرشيه ومن غير ما ايأثر هذا على مساعدته لأهله وبره فيهم ....

وربي ايسر حالج ويوفقج ... وسعي صدرج يا أختي و ترى البيوت فيها مثل هذا وأكثر ​

 

[شيخة المناصير]

خليت العلاقه بمى يرضي بس اخاااف اللي ماايخاف ربهـ يفرق بيني وبين ريلي
العمه وحرمة اخوه

:*_*:

 

[شيخة المناصير]

معشوقهـ هذاا اللي انشالله اسويهـ بكبــــــــر رااااس وعقلي واللي فيه

وانشالله اناا بكمل دراستي الجامعيه عشاان ماا اخلي حد يلعب برااسي وبراس ريلي

وتعرفين اللي مااعنده شغله يسوي من الحبه اوبهـ ^^

والله انكم عسل على قلبي لكل اللي ردوو علي وعطوني نصاايح

 

[شيخة المناصير]

بناااااااااات سااعدوني كيف اطنش الكلااام اللي اييني وخاصه من العمه من وراا ظهري

اريد قلبي لاا يهش ولااينش من نااحية الكلاام والقيل والقاال

بلييييييييز؟؟

 

[محبة الجنان]

حبيبتي انا كنت اسمعها وهي تتكلم فيني وازعل واعمل مشكله وتتقول على لساني كلام ماقلته وكنت اتعذب واعذب زوجي معي وكل كلامي واسرار بيتي تنقل لبناتها
وبعدها قررت اسكر على عمري ومانزل الا لاطبخ ازوجي اكله حتى اني صرت امر عليها سلام وادخل المطبخ واكمل شغلي واخذ اكل زوجي اطلع فيه لغرفتي
وخلاص ماشوفها غير هذي الفترة واذا جيت بطلع مريت عليها قلت لها بطلع مع زوجي ومااحدد المكان عشان ماتتضايق

ومانزل الااذا جاء ضيف وبعدها اطلع جناحي وجالسه مع عيالي ومريحه بالي من القيل والقال ومن الافتراء علي بغير وجه حق واذا طلبت مني انزل انزل في بعض الاحيان وماطول وفي احيان اعتذر ان عندي شغل

واذا طلبت امه منه تطلع وانا بطلع اقوله طلع امك وخلها تخلص شغلها وانا مو مشكله بعدين اخلص شغلي
وبكذا اضرب عصفورين بحجر
وماانسى اذا انا رايحه السوق اجيب لها بعض الاغراض لو للمطبخ او غرفة النوم او عطورات