شوفي حبيبتي .. ماراح يسمنك غير الاكل ثم الأكل
انا عندك كنت عصقوله مصقوله ليمن تحديت نفسي
انا ياما جربت اكل فاتحات شهيه وخلطات وحلبه واشياء كثيره بس ماجابت فايده
ماسمنت غير يوم حطيت لي خطه للأكل وتوسيع معدتي شوي شوي
كيف ..؟ اول شي اعتمدت نظام السعرات الحراريه
يعني الانسان الطبيعي حاجته اليوميه من الأكل 2000 سعره حراريه ..
قمت حسبت سعراتي اللي كنت اكلها شفتها ماتتعدى 700 سعره ..!:33:
وانا كنت اكل صحيح بس اكل الاشياء اللي سعرتها الحراريه قليله
لكن لمن سويت خطة السعرات
صرت اعرف وش اللي اكله
مثلا الفواكه اختار منها الموز والمنقا سعراتهم عاليه
ومن العصائر اشرب عصير المنقا بدال التفاح او البرتقال
الحليب العادي استبدلته بحليب بشوكلاته
لان العادي 100 سعره .. واللي بالشوكلاته 200 سعره << لاحظتي كيف :12:
كما نجي للشوكلاتات .. استبدلت الجالكسي وصرت اكل الباونتي
الجالكسي 200 .. والباونتي 400 ..!!
الزبادي العادي استبدلته بالزبادي اللي بالفواكه
وهكذا دواليك عزيزتي .. جيبي نوته وسجلي فيها وش اكلتي من بداية يومك
لحد ماتنامي .. وكل اكله جمبها سعرتها الحراريه واحسبيهم كم يطلع معك باليوم
انا صراحه حدي اوصل للــ الف وستمئه سعره .. لكن افضل من اول بكثير :39:
وبعطيك نصايح لبعض الاكلات اللي تسمن كمان وجابت معي نتيجه
10 تمرات يوميا ... وقالها جابر القحطاني .. لأن الثلاث تمرات تقريبا 100 سعره
يعني بكذا راح يستفيد جسمك من 300 وازود من السعرات وبسهوله ومافيه احلا من التمر
سهل وخفيف
المكسرات والمكسرات حاجه ضروريه يوميه لاتنسينها .. خذي على قد كف ايدك
واختاري اللوز والكازو ... وفصفص القرع بعد فيه اوميقا ثري المفيد للجسم
اشتريلك معمول بر تمر .. المعموله 100 سعره
الزيتون الاسود فيها سعرات كثيره ومفيد جدا كليه مع الفطور والعشا مع فاكهة التين
وحده تكفيك
فننجال صغير زيت زيتون عالريق
شوربة الشعير
اذا تقدرين تسوين او تجيبن لك رز كشري يوميا ولو مدة اسبوعين
لان فيه 900 سعره حراريه
اخيرا اتبعي مع نظام السعرات نظام فصائل الدم
شوفي فصيلة دمك وش يناسبها ..!
انا مثلا فصيلة دمي o
اللي يناسبني الدجاج واللحوم ,, واللي ينفخني منتجات القمح
فاحطيت حيلي بالقمح
واستبدلت الخبز الابيض بالبر ... لان البر والشعير ينفخ فئة o
وهذا اللي عندي اللحين
واتمنى لك التوفيق والعزيمه:2:
)