منووووووره
New member
- إنضم
- 28 سبتمبر 2009
- المشاركات
- 666
عزيزاتي البلقيسيات بقول لكم مشكله صديقتي واتمنى تساعدونها وهي قالت لي اكتب لكم المشكله لأنه ماعندها نت يمكن تلقى عنكم الحل لمشكلتها
اه لو تدرون من الي معقدها بحياتها كان قلتوا خيال موب حقيقه هذا محد راح يصدق ان مشكلتها بالحياة هي امها
احيانا لما تشكي لي تبكي ماأقدر اتحمل الي سمعته احس انها مرت ابوها مو امها البنت لما كانت صغيره بالمتوسط هي الي قايمه بالبيت كله من طبخ وغسيل مواعين وحتى اخواتها الي اصغر منها تغسلهن وتنظفهم يعني شايله هم كل شي ولما كانت امها تجيها بالمطبخ وهي تغسل المواعين (الصحون ) تتلفظ عليها بأبشع الالفاظ وغير كذا تضربها بالقدور براسها ولما تنام وتطول بالنومه من الارهاق ماتصحى الا والجزمه براسها او ببطنها يعني تصحيها بالضرب تخيلو مره جزمه ومره عصا المكنسه وش هالحياة البنت حاولت تتنتحر بس محد درى عنها كانت تاخذ ابر السكر حق ابوها وتعبي الابره وتطق نفسها بالابره 5 مرات مليانه بس ماصار لها شي تجيها رعشه بسيطه حقت انخفاظ السكر وتروح و شافت مامنها فايده صارت تاكل كميه من الحبوب تبي الموت بأي وسيله بس صارت معدتها تعبانه واللحين ماتتحمل حتى حبوب البنادول وبعدها يأست وكملت حياتها التعيسه كانت لما تتعب تروح لدوره المياه وتبكي وتتخيل ان لها ام ثانيه تكلمها وتشكي لها كل هذا بالحمام عشان ماتدخل عليها امه بالغرفه وتشوفها تبكي وعاد بعدها راح تشوف انواع الشماته يعني حياه لاتحسد عليها
المهم كبرت البنت وصارت شخصيتها ضعيفه جدا لحد ماوصلت للكليه وهنا اتعرفت عليها وصرت صديقتها وقالت لي معاناتها وحتى وهي بالكليه مافيه اهتمام ابدا تخيلوا اتفقت انا وهي نسوي تقشير لوجيهنا في مركز عندنا حلو ورخيص المهم هي قالت لامها وراحت وتسلفت لانه ماعندها شي على اساس ترجع الفلوس من مكافأتها اذا جتها المهم وهي جالسه بغرفتها شوي الا وامها داخلها عليها مسويه تقشير لوجها طيب ليش خلت بنتها تحذف وجهها على خلق الله وتترجاهم يسلفونها عشان بشرتها خربانه المهم انا وصديقتي سوينا التقشير وطبعا امها قبلنا مسويته صديقتي بعد شهر حطت تشقير على وجهها على بالها عادي واحترق وجهها وشوفوا انواع الشماته من امها المهم البنت انهارت وجهها احترق راحت مع امها للمستوصف
(الام عندها موعد ليزر تشيل شعر وجهها ) البنت قالت لدكتور عن وجهها كتب لها مرهم حساسيه قالت لامها قالت مالي دخل فيك روحي لأبوك راحت لابوها قال مامعي فلوس رجعت للبيت تبكي وجهها جميع الالوان اسود بنفسجي سبحان الله دقت خالتها عليها لقتها تبكي وسألتها وش فيها قالت لها المهم راحت خالتها الله يجزاها خير وجابت المرهم والحمدالله خفت الحروق شفتوا النذاله وين وصلت المرهم ب13 ريال بس
لا وأزيدكم البنت نحيفه مره نصحتها وحده من البنات بالحلبه تشربها وفعلا طبقت كلامها لاكن ماسلمت من كلام امها تخيلو وش تقول لها (عزالله اجيد مني مهتمه بنفسها ) حاسدتها يالله وش هالام
وبسبب نفسيتها الزفت صارت ماتاكل بالايام بس تشرب مويه ماعاد تحس بالجوع ابد ماألومها والله ولما جت اخر سنه بالكليه زاد شرها عليها حتى بالاختبارات ماتخليها تذاكر كل فتحت الكتاب جتها تهاوش البيت يبي شغل البيت فيه كذا وكذا تخيلو يوم النتيجه طلعت راسبه ب8 مواد و2 مقبول من اصل 10 مواد المهم عادت السنه بس كانت تذاكر عند جدانها بيت جدها والحمد لله نجحت المهم بعد سنه من تخرجها انخطبت من واحد اجنبي عنهم بس الكل يتمناه المهم سألت امها وش رايك يمه قالت بكيفك انتي مانصحتها ابدا ولا قالت رايها بالعكس كانت تعايرها وتقول مايبونك جماعتك مابغاك الا الاجنبي تبون الصراحه ماألوم عيال جماعتهم كل ماجتها وحده قعدت تشكى عندها مايشتغلون شغلهم وسخ طبخهم شين حتى لدرجه ان امها اذا جو حريم تصير تشتغل قدام الحريم وتكنس وتصلح القهوه بنفسها عشان يصدقون كلامها بعد هذا كله وش رايكم
والمشكله الادهى ان صديقتي زواجها بعد سنه اقول لها اهتمي بنفسك خلطات والاشياء الثانيه الي تسويها العروس تقول اخاف من امي ماأقدر اسوي شي تخيلوا زواجها بعد سنه وتتمنى الموت
تكفون ادعولها والله تكسر الخاطر
اه لو تدرون من الي معقدها بحياتها كان قلتوا خيال موب حقيقه هذا محد راح يصدق ان مشكلتها بالحياة هي امها
احيانا لما تشكي لي تبكي ماأقدر اتحمل الي سمعته احس انها مرت ابوها مو امها البنت لما كانت صغيره بالمتوسط هي الي قايمه بالبيت كله من طبخ وغسيل مواعين وحتى اخواتها الي اصغر منها تغسلهن وتنظفهم يعني شايله هم كل شي ولما كانت امها تجيها بالمطبخ وهي تغسل المواعين (الصحون ) تتلفظ عليها بأبشع الالفاظ وغير كذا تضربها بالقدور براسها ولما تنام وتطول بالنومه من الارهاق ماتصحى الا والجزمه براسها او ببطنها يعني تصحيها بالضرب تخيلو مره جزمه ومره عصا المكنسه وش هالحياة البنت حاولت تتنتحر بس محد درى عنها كانت تاخذ ابر السكر حق ابوها وتعبي الابره وتطق نفسها بالابره 5 مرات مليانه بس ماصار لها شي تجيها رعشه بسيطه حقت انخفاظ السكر وتروح و شافت مامنها فايده صارت تاكل كميه من الحبوب تبي الموت بأي وسيله بس صارت معدتها تعبانه واللحين ماتتحمل حتى حبوب البنادول وبعدها يأست وكملت حياتها التعيسه كانت لما تتعب تروح لدوره المياه وتبكي وتتخيل ان لها ام ثانيه تكلمها وتشكي لها كل هذا بالحمام عشان ماتدخل عليها امه بالغرفه وتشوفها تبكي وعاد بعدها راح تشوف انواع الشماته يعني حياه لاتحسد عليها
المهم كبرت البنت وصارت شخصيتها ضعيفه جدا لحد ماوصلت للكليه وهنا اتعرفت عليها وصرت صديقتها وقالت لي معاناتها وحتى وهي بالكليه مافيه اهتمام ابدا تخيلوا اتفقت انا وهي نسوي تقشير لوجيهنا في مركز عندنا حلو ورخيص المهم هي قالت لامها وراحت وتسلفت لانه ماعندها شي على اساس ترجع الفلوس من مكافأتها اذا جتها المهم وهي جالسه بغرفتها شوي الا وامها داخلها عليها مسويه تقشير لوجها طيب ليش خلت بنتها تحذف وجهها على خلق الله وتترجاهم يسلفونها عشان بشرتها خربانه المهم انا وصديقتي سوينا التقشير وطبعا امها قبلنا مسويته صديقتي بعد شهر حطت تشقير على وجهها على بالها عادي واحترق وجهها وشوفوا انواع الشماته من امها المهم البنت انهارت وجهها احترق راحت مع امها للمستوصف
(الام عندها موعد ليزر تشيل شعر وجهها ) البنت قالت لدكتور عن وجهها كتب لها مرهم حساسيه قالت لامها قالت مالي دخل فيك روحي لأبوك راحت لابوها قال مامعي فلوس رجعت للبيت تبكي وجهها جميع الالوان اسود بنفسجي سبحان الله دقت خالتها عليها لقتها تبكي وسألتها وش فيها قالت لها المهم راحت خالتها الله يجزاها خير وجابت المرهم والحمدالله خفت الحروق شفتوا النذاله وين وصلت المرهم ب13 ريال بس
لا وأزيدكم البنت نحيفه مره نصحتها وحده من البنات بالحلبه تشربها وفعلا طبقت كلامها لاكن ماسلمت من كلام امها تخيلو وش تقول لها (عزالله اجيد مني مهتمه بنفسها ) حاسدتها يالله وش هالام
وبسبب نفسيتها الزفت صارت ماتاكل بالايام بس تشرب مويه ماعاد تحس بالجوع ابد ماألومها والله ولما جت اخر سنه بالكليه زاد شرها عليها حتى بالاختبارات ماتخليها تذاكر كل فتحت الكتاب جتها تهاوش البيت يبي شغل البيت فيه كذا وكذا تخيلو يوم النتيجه طلعت راسبه ب8 مواد و2 مقبول من اصل 10 مواد المهم عادت السنه بس كانت تذاكر عند جدانها بيت جدها والحمد لله نجحت المهم بعد سنه من تخرجها انخطبت من واحد اجنبي عنهم بس الكل يتمناه المهم سألت امها وش رايك يمه قالت بكيفك انتي مانصحتها ابدا ولا قالت رايها بالعكس كانت تعايرها وتقول مايبونك جماعتك مابغاك الا الاجنبي تبون الصراحه ماألوم عيال جماعتهم كل ماجتها وحده قعدت تشكى عندها مايشتغلون شغلهم وسخ طبخهم شين حتى لدرجه ان امها اذا جو حريم تصير تشتغل قدام الحريم وتكنس وتصلح القهوه بنفسها عشان يصدقون كلامها بعد هذا كله وش رايكم
والمشكله الادهى ان صديقتي زواجها بعد سنه اقول لها اهتمي بنفسك خلطات والاشياء الثانيه الي تسويها العروس تقول اخاف من امي ماأقدر اسوي شي تخيلوا زواجها بعد سنه وتتمنى الموت
تكفون ادعولها والله تكسر الخاطر
