مشكله جديده في حياتي الزوجيه

[زوجه ضايعه]

السلام عليكم
انا عضوه جديده ياريت تنحل مشكلتي بسرعه كيف اتوصل لدكتوره ماني عارفه يقلون بهذا الموقع انا مشكلتي مع زوجي كل يومين زعلان ما يسولف ولا يتكلم او كلا معصب يتكلم معاي يومين يتميلح ياخذ الي يبيه او بعدين يزعل لا نسولف ولا نتكلم مع بعض برغم لي 6او 7 سنين مع بعض طيب لدرجه انا مسكني عند اهلي بس الصمت الي ذابحه صرت اكره اطلع معاه لما نطلع ازهق تلوع كبدي طول الطريق ساكتين شهلعيشه المره عندي 3 اطفال اذا هو رايق بنصير كلنا زينين اذا مو رايق الله يعينه ذيك اليله بس كثير الزعل مليت مليت دلوني على الطريق الصحيح اذا تكلمت معاه الرد يجيني بعد ساعه شسوي ترى قاعده اتعذب ملييييييييييييييييييييييييت

 

[قلب بو هناد]

الله يعينج حبيبتي.. بس شوفي دام هو زعلان او مب رايق ع قولتج وانتي مب السبب طنشيه لاتسويله سالفه واايد اسكتي عنه وقدمي خدماتج مثل كل مره يمكن انتي يوم يزعل تحنين عليه وتبين تعرفين شو السبب عشان جيه هو يسكت ويعاند زياااده.. قولي اللي ف خاطرج واساليه شو فيه واسكتي عنه اذا مارد عليج وخليه ع راحته...بس اهم شي لاتهملين نفسج ولاتتخلين عنه...احتضنيه وحطيه بصدرج وخاصه ف الليل وقت النوم يمكن محتاج يرمس بس مب محصل اللي يفتح له قلبه

الله يوفقج ان شالله ويسخر لج زوووج يارب ويسعدج ويحقق مرادج بأذن الله باسرع وقت..

والسموحه منج..

 

[قطـــــريه]

صار لج 7 سنوات وماعرفتي تفهمين ريلج ؟؟؟ غلطتج
هو فاهمج عدل .. يراضيج يومين وياخذ الي يبيه وعقب يرد لحالته .. لانه فاهمج فيعرف شلون ياخذ الي يبي منج وانتي للحين 7 سنوات ماشاء الله ومافهمتي ريلج ؟؟؟؟ الغلط منج مو منه .. وبعدين دام كل ما طلعتوا ساكتين وما يتكلم ! تكلمي انتي واذا ما يرد سولفي انتي وغيري من موضوع لموضوع مره سالفه مره تعليق على شي مره نكت مره دخلي اليهال وتحرشي فيهم شوي شوي بيسولف وبيتكلم ..

 

[زوجه ضايعه]

حبيبتي الحاله هذي ما جته الا هسنه كثرت العام شوي بس مو زي السنه مكان كيذا احس كل ماله يزداد سوء تعبت كان يسولف كلمتين على الاقل الحين كني جالسه مع واحد اطرم السواق بسولف معاه بدلي الطريق على الاقل شسوي مليت واللله مكان كيذا

 

[زوجه ضايعه]

مشكوره على المرور وعلى الحلول

 

[14 قمر]

والله ان زوجي ساعات يسوي مثل زوجج
يجي في بالي اقول له طلقني

ومرات سويتها وقلتها ولا حسيته اهتم ولا افتكر

هالنوعية من الناس احقري مثل ما يحقرون

 

[*جوانا*]

حبيبتي ممكن أعرف كم حاجة
1 نمطك
2 نمط زوجك
3 إذا زعل بدون سبب إيش تسوين
أنتظرك

 

[اشراقات]

الله يكون بعونك وبعوني تعبنا من ذالرجااااااااااااااااجيل

 

[زوجه ضايعه]

اي والله يطفشون الواحد يتحسف انا يتزوج احيانان الله يكون بعون كل حرمه تعاني مثلي الصمت ذبحني لو متزوجه اطرم يمكن نطق

 

[نوح الحمام]

ما حد راضي السا كت احسن والا يعصب ويزعل ويهو شالعيال ثم يطلع شوي ويجي راضي والا بتسا مة العريضة

 

[روز..]

الله يفرج همك ياغاليتي شوفي الئ يريحه ويرضيه وسويه ولاتياسين بلعكس خليك مثابره واذا ع الصمت الرجال كلهم كذا لاتكدرين ع نفسج

 

[زوجه ضايعه]

مشكورين على المرور الله يسعدكم ووفقكم

 

[عاشقة المجهول]

الله يعينك ويصبرك

 

[طيوف الكون]

أنا زوجه من عشر سنوات انتهت حياتي بصمت قاتل يأكل بصمت وينام بصمت ويجلس بصمت ولكن مثل ماقالت الاخت احقريه مثل مايحقرك انا سويت كذا وحسيت انه ينقهر وبالتوفيق مع الدعاء واللجوء الى الله:tears: