مشكلتي يارب القى حل

[رسيل$$]

السلام عليكم ورحمة الله وبركاته صباحكم معطر بذكر الله خواتي انا حابه أطرح مشكلتي بين ايديكم لعل وعسى القى حل عندكم وتنوروني بردودكم مشكلتي اني عصبيه وما تحمل كلمه من زوجي لو يتكلم بحسن نيه افهمه غلط مادري ليش احيان ان تناقشنا في موضوع لازم اقلبه صراخ ونكد مع اني ماكنت كذا ابد اجتني فترة مامسك اعصابي ابد ولازم ينام وهو معصب مني طبعا هو يحبني يابنات وربي ويبيلي الخير دايما والحمدلله بس الشي اللي مكدرني عصبيتي اللي لاتحتمل والله لو اني عند ررجال غيره كان طلقني من زمان والشي الادهى من ذلك اني ماحب ازور جيراني وماحب اطلع من البيت وهو عكسي تماما ودايم نتمشكل على هالسالفه مادري احس شخصيتي مزاجيه او ملخبطه حتى لو بقول ابتغير اليوم اخذ نص يوم فقط والباقي اتملل انا عندي ولد ابكي اذا عصبت جا يهدي فيني وكم عمرة تخيلوا سنتين ونص يجي يضمني احس اني اظلمه اذا شفته كذا لكن غصب عني خواتي انا على وشك الانهيار ابغى اتغير سالتكن بالله اللي عندها حل تنورني فيه والله لادعيلها في ظهر الغيب ساعدوني تكفون انا وعدته اني اتغير

 

[مانقو]

حبيبتي
تراااا زوجك يبي يمل من طبعك ويتزوج مو الحين بعدين انتبهي كل الرجال كلش يتحملون الا هالنقطه العصبيه والزعوله انتبهي لنفسك

 

[NicE-GirL]

تستخدمين حبوب منع الحمل ؟؟؟

 

[زوجه مؤدبه]

حبيبتي اذا كنتي تستخدمين مانع حمل حبوب فهذا طبيعي تخلي الواحد عصبي اتركيها ولا غيريها .. اما اذا كنتي ماتستخدمين حبوب حمل فحاولي انك تشغلين في بيتك قرآن وخاصه سورة البقره بشكل يومي لان القران يهدي النفس سبحان الله ويريحها واشربي عصفر حطيه مع القهوه واشربي نعناع لو حطيه مع الشاهي خلي اعصابك وقلبك تبرد .. والله العصبيه ماتجيب الا الامراض .. وحاااولي دائما تسترخين واذا ضاق صدرك قومي امشي وتنفسي بعمق حاولي تعدين بصوت عالي الى 100 .. هذا والله ياعمري اللي يحضرني الان وكلها تبعد التوتر .

 

[كن كما الله أمر]

الله يٍـهديٍـك الى مايٍـحب ويٍـرضًـى
طيٍـب أتًبـبي نظام العقًـآب..
حطي لك جدول وكل يوم يمر ماتعصبين حطي صـح وإذا عصبتي حطي خطـآ
وأخـر الاسبوع إذا كان الاكثر الصح كـآفئ نفسك
او خلي زوجك يكافئك وإذا كان أكثر شي غلط عاقيني نفسك
وشوي شوي بتتغير الانسان يقدر يغير عادات سيئـه في خلال 25يوم فقط


الأهـم يكون عندك إرأدهـ ولاتقولين مـآأقدر مافي شي أسـمـه مستحيل ومـآقدر
إذا بديتي تعصبين أستغفري وغيري جلستك
وأدعي والله يعينك
بس صديقيني مافي شي صعب كل شي ممكن الواحد يسويـه بالارأدهـ
وانتي اذا ماتبغين تخسرين زوجك خلي عندك إراده
لان للصبر حدود فأنتبهي قبل يضيع منك وبعدهـآتندمـين

الله يسعدك دنيـآوأخـرهـ..

 

[وسوم ـه]

الله يعينك

اتوقع فيه شي مازمك نفسياا

يعني مضغوطه من شي

 

[زهرة البنفسج...]

يوووه عيشي حياتك ولا تخلين العصبية تخرب عليك شوفي الشي الحلو في حياتك وسويه ولا تنظرين لشي السيء وتختلقين المشاكل خليك إيجابية ورايقة الله يوفقك ياعسل

 

[المتغيرة للأفضل]

اختي انتبهي لنفسك واذكري الله دائما وحاولي تخرجي من البيت الى الاقارب او الاصدقاء او الى الحدائق وجربي رياضة المشي كل يوم نصف ساعه تقريبا واعتقد عندك نقص في بعض الفيتامنات او الحديد وهي التي تسبب لك حالة العصبيه هذه عليك ان تعملي تحليل ومراجعة دكتوره توصف لك بعض الادويه

 

[ياربي انصرني]

علشان تنحل مشكلتك وتحافظين على حياتك مع زوجك وتتخلصين من العيوب والتعامل مع زوجك بعصبيه

لابد ان تتغيرين وتحولين السلبيات الى ايجابيات والتغيير ينطلق مع عدة نقاط

1-الفكره
2-قرار
3-تنفيذ
4-تكرار عند الفشل بدون يأس

جاهدي نفسك من خلال هذه النقاط وانطلقي من قوله تعالى ---ان الله لايغير مابقوم حتى يغيروا مابأنفسهم----

استعيني بالله وكثفي اتصالك به بالدعاء ان يعينك على تغيير نفسك ---والله المستعااان