مشكلتي مع ولدي الوحيد

[حباري]

السلام عليكم ورحمة الله وبركاتة....

اخواتي عندي مشكلة مع ولدي عمرة سنتين وسبع شهور محافظة علية حيل لدرجة اني ما اخلية يحتك بالاطفال عشان ما يكتسب التصرفات الخطا...
والحين بس نزل تحت عند عيال جيرانا بالغلط نزل ولقاهم وصعد لي بكلام قليل ادب وقعد ايام يقولها جدامي وانا اسوي نفسي ما سمعت حتى طفح الكيل عندي صرت اطقة على فمة بيدي وزاد وصرت اصرخ علية ادا قالها وزاد اكثر والحين احطة بالزاوية لمدة ثلاث دقايق عقاب وصار يقولي اسف وبعدين يعيد الكرة مرة ثانية والحين ما ار يقول اسف ادا عاقبتة ويعيد الكلام جدامي عادي وادا عاقبتة عصب وقالة لي؟؟؟

ماصرت اقبل اسفة ادا قال اسف لان بنفس اللحظة يعيد الغلط بنفس الوقت؟؟مادري شنو اسوي معاه انا احس اني يوم ركزت علية صار يكررها اكثر؟؟؟

عطوني حل يا بنات ومادري شنو اسوي مع الاطفال الي ماربوهم اهلهم ويعلمون ولدي الغلط...
علما بان عندي بس هالطفل ماعندي احد غيرة انا وابوة الله يخلية لي ويهدية بس

 

[انتوا سموني]

الله يكون في عونك ​

التربيه مررررررره صعبه ​

شوفي مالك الا انك تطنشينه اذا قالها ​

لأن واضح من حركاته انه يبي يلفت النظر ​

طيب ماجربتي معه اسلوب العقاب بالحرمان مثلا تحرمينه من لعبه هو يحبها ​

فتره ثم ترجعينه له​

هذا من ناحية طفلك ​

أما من ناحيتك : ​

الحرص الشديد ولله مو زين بعدين يطلع ولدك انطوائي ​

ويطفشك اذا رحتي لأحد بس يقعد يبكي مايبي احد ​

خليه اجتماعي ويختلط بالأطفال مع مراقبتك له في كلامه وحركاته ​

وماتنسين تعلقين على الأشياء الغلط اللي يشوفها عند الناس ​

واخر شي أقول لك : ​

أدعي له ليل ونهار ان ربي يهديه ويسخره لك ويحفظه من كل شر​

 

[حباري]

شكرا اختي على مرورج اي والله التربية صعبة...

انا جربت كل شي لدرجة صار كل كلامة قذر كل كلمة ينطقها قذرة مادري شسوي كل ماقال شي غلط احس اتعب نفسيا

 

[حباري]

ساعدوني مالقيت حل

 

[مشكلتي دلوعه]

انت سبب الخطا لانك ماتخليه يحتك بالاطفال لازم تسيبيه يلعب مع الاطفال ويتعلم بس لما يسوي غلط لا تضربيه قوليله ياماما هذا غلط لا تقول كدا عيب لما يقول احرميه من لعبه يحبا قوليله لو سويت كدا انا لما اطلع ماراح اخدك لو ماخلتيه يحتك وفجاءه طلع صعبه ترجعي تعلميه الادب لانه بيتعلم اشياء كثير وانت الي بتتعبي
الله يهديه ويصلحه

 

[أم الهام]

الله يهدية ويصلحة

 

[الهمْ]

اختيْ التربيه تكون من الصغر
يعني لازم تربينه اول باول
،
مب كل الاطفال مب زينين انتي ودي عند حد يقرب له وخليه يكون وياه دوم
وانتي لعبي معاهم عشان مايحس بالوحده ولو جفتي يسوي شي غلط او يقول كلمة وسخه
لازم لازم تعاقبينه
والعقاب مايكون قاسي يعني تقولين له انا بشل عنك ها اللعبه اذا انت ماقلت ها الكلمه ابداا انا بردها لك
وبعدين اذا قال لك الكلمه قوليله لعبتك بكسرها < شريره ههه
بس يعني عاقبيه وهددي لاتكسري شي ماله عشان مايرد ويقول الكلمه ويعاند
وقوليله اذا ماقلت ها الكلمه انا بوديك الملاهي .......الخ < يعني تعطيه شي يحبه او تودي مكان يحبه
عشان يرضى ومايقولها

 

[حباري]

شكرا اخواتي عالرد بس صرت اذا قال كلام وسخ اطلع واخلية اقولة انا مراح اخذك لانك قلت هالكلممة الوسخة ويقعد يبجي بعدين يسكت ولما ارجع يضمني يقول اسف ويرجع ثاني مرة يقولها شسوي

 

[كالفورنيا]

الله يهديك أختي..
أسلوبك معه خطأ ولن تجني منه الا عوار القلب وهو يجني أثار نفسيه كبيره تبقى معه مدى حياته
أنا أقدر موقفك كأم وخوفك عليه ولكن لا تعالجين الخطأ بخطأ أكبر منه.
أول شي لا تخلينه يحتك بأولئك الأطفاااااال مهما كان السبب.
ثاني شي اذا قال الكلام البذيء قولي لا عيب ولكن بدون تشنج ولا تيأسي ولا تستعجلي النتيجه.
إذا مثلاً يوم ماقالها كافأيه على سكوته
اذا نطق كلام بذيء علميه كلمه حسنه قولي قولها بدل هذه الكلمه ولا تستعجلين النتيجه سيتعلم فالعلم في الصغر كانقش في الحجر.
يبدو ان أبنك عنيد ولن تثنينه عما سيفعله فعليك باللين كي لا يعاند صدقيني لو اهملتيه من البدايه ولم تكترثي به وفي خطوه متقدمه تقولين كلامك مو حلو وكلام لطيف راح يتركها بس يبتعد عن من يأججها في عقله.
موفقه اختي والله يخليه لك ولا تقلقي الموضوع ما يستاهل انك تضربينه وتعاقبينه بتلك القسوه..​

 

[ام تالين والين]

الله يهديه و يصلحه

 

[وصية رسول الله]

لاياعمري اللي تسوينه مع ولدك كله غلط معليش كلنا نخاف على اولادنا يكتسبون شيء غلط بس مو لدرجة التحجر
حبيبتي انتي كذا تخلينه اول مايلقى فرصه يطلع ويختلط راح يقدم بقوه على اصحابه ويبحث ويصير اكثر اطلاع وبعدين تتورطين جالسه تربين فيه كل العنر وفي الاخير يروح تعبك ..... اول شيء الحين اذا تكلم بهذي الالفاظ اسكتي وسوي نفسك ماتسمعين معليش بس اضغطي على نفسك وهو اذا شاف انه مو قاعد يحقق الشيء اللي يبغاه وهو ( لفت نظرك ) وتجريب هذا الكلام راح يتركه بإذن الله من نفسه واذا تكلم مراااات قولي بهدوء لاحبيبي لاتقول كذا
بعدين الناس يحسبونك مو شاطر وانت امؤدب واحلى ولد في الدنيا وكافئيه على ادبه
بحلوى او لعبه او مكان يحبه
ونصـــــــــيحه سمعتها من تربوي خليه يختلط بالناس بس مو كل الناس اختاري اصحابه بعنايه واعملي على تصحيح اخطاءه مو منعه من الخطأ
الله يوفقك وسعدك ويخلي لك ولدك ويصلحه
اللهم آمين

 

[مذوبه الورد]

صح كلام البنات والله يهديه ويصلحه