مشكلتي مع نفــــــــــــــــــــــــــــــسي؟؟؟

[دلوعه حاتم]

كيفكم يابناااات
ان شاء الله طيبين
انا مشكلتي مع نفسسسسسسي....
وتعبت من نففففسي,,
وربي اني كثييييييير اكررره نفسي وارحمها
انا مررررررره طيبه لدرجه السذاجه ماعرف احقد ولا اكره ولامهما مهما كان الشخص معي شرير
ويصير لي مواقف معاه تشيب الراس والله اني اسامحه ع طووول وانسى اسائته لي
والمشكله كل اللي اسامحهم يرجعون يغلطون في حقي
والله ماامدح نفسي لكني جميلله جدا وكثير يقولوا لي ان هالشي يصير لي ناتج من الغيره من قريباتي
انا والله العظيم اني انصح اللي احبهم من قلبي وبدون ماجرحهم عشان مااجرحهم واخر شي
تنقلب كل السالفه علي واطلع انا انسانه اللي اكرها وحاقده عليها
وربي يعلم باللي بقلبي اني ماقد حسدتهم ولاشي ولا اغر منهم مرررا
من <<قريباتي >> والله احس انا بتانيب ضمير واراجع نفسي فين غلطت واقعد ابكي لان مافي سبب
الا غيره ع كلام اخواتي وامي..
انا تعبت من هالاحساس يعني هو عدم ثقه بالنفس احس اني اعذب نفسي كثير والومها
حتى مع زوجي ارجع احط اللوم ع نفسي واني انا الغلطانه
المشكله ان عقلي يووقف اذا احد زعل او حسيت انه حاقد علي ويكرهني ماحب احد يكرهني
وانا ماسويت له الا كل خير ..ليش كذا>>
بنت خالي اللحين كلمتها وهي نقلت كلام انا مامنتها ماتحكيه لاحد
ولما جيت اعاتبها بكككل ذوووق وادب والله يشهد تقول ضفي وجهك
انا مابي اعكر مزااجي
قلت لها شكر ع الاسلوب الحلو>>ماعرررف ماقدر او اتجرا اني اجرحهم
والله الا اقدر اكتب كلااام يقطع قلبها >>بس ماقدر والله اني اكتب وامسح..
ماقدر هل فيني ضعف بالشخصيه والا ايش يسمون هالشي
انا تعبت وكثير اللي يعرفوني من صحباتي مو من اهلي يشهدون بطيبه قلبي
لكن انا اكره نفسي وقت مارد عليهم لان احس انهنت ومارديت بنفس الوقت مابغى اقول كلام يجرح واندم بالاخير
تكفوون ساعدوني والله اني تعبت وعندي اختبارات نهائيه بعد اسبوع ابغى اصفي ذهني
لكن كلامهم معي يدوور براسي ويتعبني اني مارديت ومرات احمد ربي اني اقدر امسك نفسي
والمشكله يشوفون انهم ماغلطوا وهم غلطانين 100%

انا صح ياناس والا غلط احساسي ؟؟
مو اول مرره دايما الوم نفسي ع شي ماسويته واحس اني ضحيه
ومابغى احس هالاحساس...
ع فكره انساانه مبتسمه طووال الوقت ولايبين بوجهي اي هم او زعل اللهم لك الحمد
وحتى لو جرحوني ماغلط على احد بس اتعب من جواتي >>فهمتوني
>>ارتحت شوي لما حكيت لكم احبكم...
:37:

 

[تشكرات]

الله يعينك حبيبتي ويصلح أمرك ..

صحيــح أنّ التّســامح صفه طيّبه ومردودهــا عليكي طيّب ..

لكن مو بطريقتك هذه ...أنتــي تفتقدين الثّقه بنفسك كثير

وهذا مايجعلك ( تتهاونين معهم بزياده وفي المقابل ..هم

يزيدون حقدآ وكرهآ لك ) .....لازم تكونــي ( قويّه وبالحق طبعآ )

القـــــوّه ( مطلب شــرعــي ) >> فــي الدين ...والأراده ..والجسم

والحق ...

وتــأكّدي اذا كنتي ( قــويّه بكلمة الحق والدّفـاع عن نفسك ) >>

ستجديــن نفس هؤلاء الأشخاص ( يحترمونك ويقدّرونك ) ...

وأيضآ ( قوّي ثقتك بنفسك ) ودائمـــآ حادثي نفسك وقـــولي :

أنــا انســانه طيّبه ومحترمه وقويّه بكلمة الحق ....اذن ( من يعرف

قــدري وقيمتــي فسأتعامل معه بهذا الأسلوب الرّاقــي والعفــــوي

ومن ( يتجاهلني ويكيد لــي المكائد ) فليس لــه عندي الا :

( الابتـــعاد عنه ...والتّنزّه عن تفاهته ) ...هكذا حدّثــي نفسك دائمآ

وربّـــي يعطيكي حتى يرضيكي ..

 

[دلوعه حاتم]

تشكراات يسعد قلبك يارب ع الرد الحلو مثلك ياعسل...
والله انا اطنش ومارد عليهم ابدا ابغى يحسوا ع دمهم لكن لاحياة لمن تنادي..
انا قويه شخصيه والله جريئه وفرفوشه وكثير من حولي يحبون شخصيتي
لكن مصيبتي في اني ماحب اجرح واني اسامح بزياااده عن اللزوم
وبعدين الوم نفسي لاوقعت مشكله اخرى واندم اني ماتكلمت مو ضعف لا والله تغافل مني
الا اقدر اقوول كلام يجررح مافي اسهل من التجريح ..
لكن عندي قلب مدري وش فيه كذا يقهرررني >>

يااارب اديني ع قد نيتي ياااارب

 

[ام فارس 2009]

السلام عليكم
غاليتي دلوعه حاتم
انا اتشرف بالرد على انسانه رائعة مثلك
انت غايه في الطيبة والمحبة والتسامح والمودة
واحب من قلبي ان اكون صديقة مقربة منك
انت لاينقصك شيء
غير الثقة بنفسك
وعليك ان تعرفي ان رضا الناس غاية لا تدرك
انت لن تستطيعي ان ترضيهم جميعا
والاخرين لن يحترموك ولن يقدروك الا اذا كنت قوية
ولست اقصد الفرفشه والنفس الطيبة فقط
احبي نفسك اكثر
وتعرفي على فتيات من عمرك شخصياتهم طيبة وحبوبات وقويات الثقة بانفسهن
تعلمي من هن
وقبل ذلك
تعرفي على نفسك اكثر
وكوني قريبة من ربك
فهذا يزيدك قوة
مثلك في هذا الزمن ندره وقله
اتمنى ان اكون قد افدتك
وتمنياتي بان يوفقك الله الى ماتحبين
ويسعدك​

 

[محبة مكة]

حاولي لمن تسامحيهم
سامحيهم لاجل الله
وربي ما راح يضيعك

 

[!..тsωα 3чôŋεε]

يككفي كلام الاخوات اللي قبلي كلامهم يجنن وحاولي تسسويه ..

والله معآآآآآآآآآك ..

 

[وينك ياكلمة لا]

راي من راي الاخوات

يككفي كلام الاخوات اللي قبلي كلامهم يجنن وحاولي تسسويه ..

الله يوفقك


​

 

[دلوعه حاتم]

شكرا لكل وحده ردت علي
ومشكووره ام فاارس يسعدني والله وكلامك كثيرر خجلني..

مانحرم منكم
وبسوي كل اللي نصحتوني فيه..
اشكركم من قلبي,,,