مشكلتي مع زوجي..

[مغروره بعزتي]

لكل المتواجدين في احلى منتدى أرجو مساعدتكم

أنا متزوجه من سنه وزوجي الصراحه أحسه مقصر معاي في

المصروف يعني لمن كنت عند أهلي ماكان أبوي يقصر علي في أي

شي أطلبه والحين أحس بالفرق بس كنت متحمله وصابره عشان

عنده قرض يبغى يخلصه وقلت بساعده وما بضغط عليه وبحاول أعود

نفسي لدرجة حتى البيت ناقصه فيه أغراض كثيره بس فصصل كنبات

واشترى سجاد يعني فيه أشياء مكمله مثل التحف الأبجورات يعني

أشياء ماتكلف واجد حتى اذا جوني حريم يصلون بعباياتهم بدون

سجاد لأن ماعندي أحس اني أتفشل وكل ماقلتله يصرفني يقول

بعدين و بس الصراحه حسيته أخذ راحته وصرت ماأشتري ولا شي

وراتبه أول مايستلمه مايرجع البيت الاوهو سدده كله للقرض ويبقي 100 أو 200 للأكل

وبس الصراحه طفشت ماني قادره أتحمل أكثر واللي قهرني زياده اليوم

كنا مجتمعين عند اهله ووحده من أخواته زوجها عنده قرض وعنده

مطعم بس مخسره هالمطعم المهم تقول انها امس في السوق

تشتري اشياء مكمله في البيت على ان بيتها تقريبا كامل قد رحت

لها من قبل وفوق هذا ماقال لها زوجها عندي قرض وماله داعي واخته

الثانيه قالت حتى انا امس كنت بالسوق وشريت مواعين جديده

وزوجها الحين يبني عماره ماقالها ماله داعي مواعين جديده احنا نعمر

أحس اني انقهرت حسيت اني أقل منهم ومره متضايقه

فاللي تقدر تساعدني الله يوفقها ويرزقها أفضل مما تتمنى..

أرجوكم ساعدوني أحس اني ما أقدر أصبر عليه أكثر حتى أهلي

يعايروني يقولون بيتك فاضي مافيه شي بس جدران

أنتوا أملي الوحيد....

 

[Step For Change]

ما فهمت اختي بشو نساعدج يعني؟ تقدرين تكلمين وحدة من خواته علشان تكلمه وتقنعه ان ياخذ اغراض البيت او انتي كل شهر خليه ياخذ شي يعني مرة سجاد ومرة صحون وفي كل شهر شي وبجذي بتكملين كل اثاث البيت ان شاء الله ما في داعي تعزمين حد عندج تقدرين تتعذرين وقول لهم انج بتسوين عزيمة لما تخلصين الاثاث كامل باذن الله

 

[ѕωєєт ℓσνє]

معقوله يزيد لكم 200 ريال ؟!!!!! بس اكيد تزوجتيه وانتي عارفه ظروفه ...
اصري عليه يشتري لج كل شهر شغله بسعر معقول ومايكلف ... واطلبي منه بكل ذوق ووضحي له حاجاتج الاساسية ... وكلميه من وقت لوقت يعني بدون ماتحنين عليه كل يوم

 

[marshmallow_q8]

حبيبتي كثري من الاستغفار بنية انه ربي يسخره لج وحاولي تطلبين منه اللي تبين ولا تسكتين بس تدلعي بكلامج معاه ولاتخلين اسلوبج جاف

وعسى ربي يوفقج

 

[قتلني بحبه]

شدعوه 200 وش تكفي هلايام بس دام انه يبي يخلص القرض بسرعه احسن عشان تهنون بكل راتبه الله يسهل لك امرك اصبري عليه شوي وناقشيه وحني وكثير عليه بعض الرجال كذا ما يجون الا بالحنه ​

 

[سرآب الضامي]

حبيبتي انت تزوجتيه وانت عارفه ضروفه

ولازم تصبرين عليه وتتحملينه ولاتقارنيين بينه وبين ازواج خو اته ابداً​

 

[امنتك قلبي]

الله يصبرك هذي هيا الحياه تريد تعب بس انتي متاكده ان زوجك
مايروح في الخربيط لانه مش معقول بس 200 اكيد لازم يدبر نفسه
ولا بتتعبين انتي وياه المهم اصبري والله مع الصابرين

 

[جناح فراشة]

لالالا ماله حق

المفروض مايدفع القرض وياخذ من فلوس المعيشة عشان يزين لك البيت ....



هل هذا اللي تبغيه؟؟؟؟؟ والله بعض الحريم غريبات

يعني تدري إن زوجك عنده قرض .. وتوكم باديين حياتكم ويحتاج وقت يبني نفسه

المفروض تسانديه مو تجلسي تقارني بينه وبين أبوك تتحرطمين ..

أبوك الحمدلله مأسس بيته ومستقره أموره .. بينما زوجك توه بادي حياته يأسس..

روحي إسألي أبوك كيف بدأ حياته ؟؟؟ هل كان يوزع الفلوس مثل مايبغى؟؟؟

اللي إنتي قاعد تتكلمين عنه كماليااات وزوجك حاط الأساسيات أولوية

إنضجي قليلا" كي تستقر حياتك

 

[مغروره بعزتي]

أشكر كل اللي ردو وأحب أبين ان زوجي ضروفه زينه و راتبه زين مو قليل يعني القرض اساسا يسحب 2000 وهو راتبه 8000 ريال يعني يقدر يقسم الراتب زين ويكفي بس مو راضي يقتنع اللي تقدر تعطيني طريقه أقنعه فيها الله يعطيها العافيه

 

[sesebombom]

اختي العزيزه الحياه عند بيت الزوج غير الاهل الدلاك والمصروف اكيد امك عانت عند والدك حتى تعيشوا هاي الحياه وانتي بدك تعاني حتى تعيشي اولادك حياه طيبه
اصبري حتى ينتهي القرض بعدين الله بيفرجها عليه وبتجيبي الي ناقصك

 

[؛%النادره%؛]

عزيزتي اهم شي انج طلعتي فبيت بروحج غيرج يعاني مع اهل الزوج ويتمنى غرفه بس

 

[مغروره بعزتي]

مشكوره أختي النادره من جد كلامك وأن شاء الله اني بأصبر عليه وأشكر كل اللي انصحوني وان شاء الله أكون عند حسن ظنكم..