مشكلتي مع خطيبي....بداية النهايه

[عاشقةالخيال]

صباح او مسا العسل حسب توقيت كل وحده.........صراحه ترددت كثير قبل ماكتب مشكلتي اللي مو لاقيه حل لها فحبيت اعرضها عليكم واخذ اراكم فيها واتمنى منكم تتفاعلون معاي لاني من جد تعبت
وهي انا معقود قراني منذ ست شهور وكاي خطيبين نكلم بعضنا تقريبا كل يوم وبيننا لحظات حلوه ولحظات شقاوه وزعل لكن هالمره غير المرات حصل نقاش حاد عن مطربة الفرح لان اهل خطيبي ملتزمين ومايبونها مع اني كنت ابغى مطربه اسلاميه احترام لاهله بس لا حياة لمن تنادي:schmoll: المهم عصبت عالنهاية الاتصال وقلت كان من البدايه تكون عارف اني مو ملتزمه وراح اطلب شي زي كذا طبعا زعل وقال ايش قصدك ((من البدايه)):busted_red: ومارديت عليه وقفل الخط ومن يومها مايكلمني تقريبا خلصنا الحين شهر على هالحال اكيد بتقول ليه ما تتصلي او ترسلي فاقولكم اتصلت قبل اسبوع كذا مره وارسلت مسجات حب وعتاب ولا في فايده فشكيت انه يكون يفكر في فسخ الخطبه وخلت اخويه يكلمه مكالمه عاديه عشان يجس النبض وبالعكس لما سأله عني قال هذي (حبيبتي) وانا الحين محتاره وحبيت اضيف شي وهو ان اكبر اخواني مريض وطريح الفراش وخبرته بمسج ولا اتصل مع اني يعلم الله قد ايش محتاجه لاحد يواسيني:sadwalk: واتمنى تتكرموا بارأكم وبادعي لكم واااجد باللي يريح بالكم لاني من جد انحرمت منها:tears: واسفه طولت عليكم اي استفسارات بخصوص مشكلتي انا حاضره

 

[نفيلة]

حبيبتي ايش فيه العرس الاسلامي ؟
اولا ترتاحي من ذنوب تسميع الاغاني لمئات من النساء
ثانيا ترتاحي من ذنوب الرقص الماسخ لعشرات من النساء
ثالثا ترتاحي من ذنوب اللبس الماصخ الي بيلبسوه النساء
ثالثا اقرب للقلب و احسن بداية لحياة زوجية

حبيبتي ما يكفي الذنوب الي نرتكبها في اعراسنا ليش ما نحاول نقلص القائمة و نحاول نبدل السيء بالصالح
بدل الاغاني اناشيد
بدل الاسراف في الاكل و الملبس و حركات العرس الاعتدال
بدل ما ادعي 1000 شخص خليها على الاشخاص المقربين فعلا
و في النهاية لما بتصحي صباح يوم عرسك ما بتحسي انك ندامانة لانك عصيتي ربك بالعكس

زوجك ملتزم المفروض تحمدي ربك و تشكريه و نعم الاختيار هو هذا الي ان شاء الله سيعينك على طاعة الله فلا تعينيه على معصيته و ان اعنتيه لا تشتكي غدا من هجره لك او قلت حبه او عدم غضه لبصره فانت من اعنتيه على ذلك

ربنا يوفقك

 

[عاشقةالخيال]

مشكووووره ياحياتي بس حبيت اوضح لك كم شغله
اولها خطيبي مو ملتزم اهله هم الملتزمين وثانيا انا مو معارضه
انه يحيي الفرح مطربه اسلاميه لكن هو مايبغى المطربه من اصلها ولما ناقشته لسبب رفضه قال هذا شي مو مقتنع فيه
وبعدين احنا في حياتنا اشياء كثيييير نعملها بدء بالقاعه والكوشه وووووووووو مو مقتنعين فيها جات على المطربه
عالعموم مشكووووره لاهتمامك وردك بس مستغربه 18واحده شافت الموضوع ولا كلفوا على خاطرهم يردون هذا وانا داعيه لهم براحة البال يالله كله مسألة ذوووووووق

 

[نفيلة]

ولا انا قصدت المطربة انا قصدت الاناشيد الاسلامية يعني بدل مطربة تيجيك دي جي تحط لك اناشيد اسلاميه و ما اعرف عن بلدكم بس عندنا كثير من الاغاني تم غنائها مرة اخرى من دون المعازف و يتم التعاقد مع الديجي و في العرس تيجي دي جي نسائية تحط الاغاني المختارة من دون موسيقى و اناشيد و الاعراس تكون روعة و مش مملة ابدا مثل ما يتصوروا بعض الناس

نصيحتي عيدي التفكير و ان عزمت على عدم استقدام مغنية اخبريه انك اقتنعتي بالفكرة من باب التوفير و احترام له يعني ما يحس انه خلاك تسوي شيء بغير ارادتك

ربنا يوفقك

 

[ام الداعية]

انا كانت فى خطوبتى مشاكل مشابههة
وكنت اقول اف شكله مععقد
الحمد لله تم الزواج وتنازلت عن اشياء احمد ربى انى تنازلت عنها
الحين انا ملتزمة مثله ولله الحمد الله يجعلنى عون لنفسى وله على الطاعة

 

[قمــرمصــر]

الله يهديكي
كل توابع المشكلة من عدم إتصال خطيبك وعدم رده على المسجات
نتيجة صدمته فيكي
يا اختى كيف تجرأ المرأه بأن تتحدى خطيبها أو زوجها فيما يخالف الشرع
وتبرري وجهة نظرك بأنه يعرف من الأول بأنكي غير ملتزمة !!!!
وما المانع بأن يكون فرحك هو حياة جديدة بالنسبة لكي وبداية إلتزام
ربنا يتمم زواجك على خير ويهدي خطيبك ويكلمك وتتنازلي عن موضوع المطربة
والله انا رديت عليكي لحبي ليكي ولكل بنات المنتدى فإن كان هناك في ردي ما يضايقك
أرجوكي سامحينى

 

[عاشقةالخيال]

مشكورين عالمرور بس كان نفسي ترد علي احدى الدكتورات او الاخصائيات لان يعلم الله قد ايه انا تعبانه

 

[ميوسه]

عاشقه الخيال على بال مايرد احد من الاستشاريات

حبيت اشاركك اول شي وقفي اتصالات ومسجات مصيره هو يدق عليك

الشي الثاني اذا هو من النوع هذا واهله خلي الزواج عائلي وروحي شهر العسل واذا رجعتي خلي اهلك يسوون لك حفل فيه اللي تتمنيه بدل مايدخلون بالتفاصيل

والزواج اكير من كذا صدقيني انتي بكره بتقدرين تديرين مملكتك الخاصه بدون تدخل احد وحتى تغيرين زوجك بشكل غير مباشر

طالما انك ماتسوين شي يغضب ربي

ومن رايي اذا طول قولي لاهلك يدقون ويستفسرون بشكل مباشر مو بس جس نبض


موفقه

 

[ضياء القمر]

اختي

اسعدك الله لما يحب ويرضى


في وجهة نظري الشخصية

اشكر الله بان منحني اهل زوج محافظين ويبتعدون عن ما يغضب الله

ثانيا: بالكعس لا تحتاتين ولا تخلين مثل هالمشكلة تغير حياتك
وثقي ان اي شئي في مرضات الله سبحانة وتعالى


هو التوفيق باكملة


ومتباركة مقدماً

 

[صاحبه السعادة]

اختي مع احترامي لك
في نظري انت تسرعتي في ردك فالرجل عندما يحس انه الزوجه تهدده او تشعره بانه يجب ان يعرف عنها كل شي ويراعيها ويقدرها دون ان تفعل هيه الشي نفسه فهو ينجرح
وكلامك انك تعرف عني اني مش ملتزمه من البدايه فسرها بطريقته وفي نظره انتي غطلانه ومش حاسه بمسوليه الزواج

اختي الله يهديج توك بدايه الطريق لا تخلي مثل هل الاشياء تخرب عليكم بدايه حياتكم
تأسفيله وقوليله كم كلمه طبيه وحلوه وعبري عن اشتياقك في المسج وحبك له وانك لا تتحملين فراقه وطلبي منه وقف هذي المعامله وانك بستوين اللي يرضيه وما يت على مطربه تخرب عليك حياتك

وشوفي كيف بيرجع لك يمكن يتغلى شو بس انتي طرشي مسج واااحد ولا تزيدين واكتبي في النهايه انتظرك بشوق

 

[shadoo]

الله يهديك بس انتي كبرتي المشكله و بس يعني اذا زوجك واهله ما يبون اغاني و طرب تنازلي مهما كان هذا زواجه بعد و يبي اهله يحضرون وهم مرتاحين ما فبها شي وانتي ان شا الله اذا رجعتي من شهر العسل سوي عزيمه و سوي اللي تبينه لانها بتكون عزيمه من اهلك لك زوجك و اهله مالهم دخل فيها ..احترمي و جهه نظر اهل زوجك لكن انتي الله يهديك كبرتي السالفه و زعلتي زوجك لانه حس انك تتحدينه و ما تحترمين طبيعه اهله...
نصيحه لك لا تفوتين زوج بهالمواصفات على الاقل اهله دينين و هو يحترم هالشي فيهم التفاصيل الصغيره لا تخليها تخرب بيتك

 

[نحول]

اللي صار صار وحنا هالحين
وقفي الاتصالات والمسج لين يطلع اللي عنده ويتصل بذاك الوقت وبعدين سوي نفسك بطريقه ما انك خلاص مب امسويه مطربه علشانه
بس نصيحه لوجه الله قبل ماتقدمين على اي شي بحياتك شوفي رضى ربك عليك فلا المطربه ولا معصية الله بتجلبلك السعاده اللي تبينها ولا تتوقعين ان قولت مب ملتزمه او مب ملتزم مفخره فالسعاده برضى ربي وبس

 

[عاشقةالخيال]

مشكورين حبايبيييييييييييييييييييييييييي على اراكم والله ماانتم عارفين كلامكم ريحني كشييييير
وانا افكر اتنازل عن المطربه بس اخاف يكون هذا بداية مسلسل التنازلات اللي اذا بدا ماينتهي
واكررررررر طلبي للدكتورات او المشرفات بالرد على مشكلتي لاني محتاره ايش اعمل اذا طالت المشكله وكمان مو عارفه اشلون اتعامل معاه اذا اتصل

 

[اللؤلؤ المكنون]

الله يوفقك اختي

ربي يسعدك ويريح بالك

 

[إليـن]

نصيحة من اخت لأختها يمكن تنقهرين وتشيلين بخاطرك لو ماصار الي تبينه من ناحية المطربة الأسلامية بس انتي لو فكرتي فيها أن الزواج أول خطوه تجمع مابينك وبينه أبدأيها بفاتحة خير والملائكة حواليكم احسن من انك تبدأينها بشر وابليس حواليكم .. منها ترضي ربك وترضي زوجك ..
والله يوفقكم على كل حال ..

 

[ريم البنفسج]

لا تقولين هاي بداية التنازلات .. لا تحطين فبالج انتي بمشي كلمتي على الريال من البداية .. الحياة الزوجية تنازلات .. مرة انتي تتنازلين ومرة هو ولا بتصير بينكم مشاكل مالها نهاية .. وكل واحد يبغي يفرض نفسة .. السبب الي صار بينج وبينة مشكلة كان سبب تافة .. مالة داعي المطربين حتى لو اسلامين .. يمكن هو عندة ضغط بسبة مصاريف العرس وهو مب راضي يقولج ويمكن هو محسسنج ان تكاليف العرس جدا سهلة علية بس في نفس الوقت يعاني من ضعوط مادية .. تنازلي من المطربة .. وابدي حياتج وياية بطريقة صحيحة ..

اذا تببن تراضينة وهو ما يرد عليج طرشيلة هدية على البيت وبينيلة اشتياقج له .. الريال ما يبا الا مشاعر صادق من يحس فيهن بيي بروحة لج

 

[um elyas]

انا قلت برد عليش بس البنات ماقصروا معاكي بالنصايح بس مااقول الا الله يوفقك وينور دربك وطريقك مع اللي تحبينه
تحياتي لج

 

[sahar1982]

عزيزتي ...

المشكلة مو في وجود مطربة من عدمه ... انتي ما غلطي يوم طالبتي بمطربة اسلامية ... الرسول صلى الله عليه وسلم قال احييوا الزفاف بالدفوف

المشكلة من وجهة نظري والله اعلم في ردة فعل خطيبك العنيفة ... يعني يعجرك شهر كامل و انتي تحاولي ترضيه للسبب هذا ؟؟ّ!! ليه ؟؟!!

مدري بس انا اشوف الي سواه معاك مو قليل ... لا راعى انه اخوكي تعبان و اتصل ولا راعى انك ممكن تغلطي و تقويمك ما يكون بهذا الاسلوب القاسي

يمكن كلامي يقسيك عليه بدل ما يصلح احوالكم ... بس صدقيني لازم تحطي في بالك انه هذا بيكون اسلوبه في التعامل معاكي اذا صار اختلاف بينكم

لا عاد ترسليله اي مسيج ... واذا هو رسل لا تردي عليه و خليه يفهم انه مثل ماهو له كرامة انتي بعد لك .. وفهميه انه في اساليب ثانية ممكن تتفاهمون عن طريقها ...

الله يهدي سركم و يسخركم لبعض

 

[Lovely Princess]

مرحبا عزيزتي في رايي ان هذه مشكله لاتستحق النقاش فأي مطربة والسلام
اهم شي خطيبك ولا تزعلينه على سالفة ما تسوى
بس انا اقولك عاتبيه على القطيعة وقولي له مو كل ما تصير مشكله بسيطة وتافهة تقاطعني لازم ينحل الموضوع بسرعه عشان ما يأثر في علاقتنا

وبالتوفيق

 

[سلة فواكه]

حبيبتي اول ماتزوجت كنت مستانسه ان زوجي يسمع اغاني مثلي عشان اسوي العرس على كيفي
لكن الي صار ان انا الله هداني وتركت الاغاني والحين اتمنى الله يهديه ان شاء الله ,,, صدقيني خذي واحد ملتزم احسن وانتي ان شاء الله لازم يوم من الايام راح تتغيرين وتلتزمين انا كل الي شافوني قبل مستحيل يتوقعون هالتغيير فيني ولله الحمد
اما عن سالفته شكله يبي يأدبج تاديب قوي والحل انج تطنشينه لا تتصلين ولا ترسلين مسجات ونطريه لين يتصل