مشكلتي مع اختي

[حنان الطفوله]

سلام بنات
بدخل فالموضوع على طول انا عندي اختي اكبر مني بسنتين
احسها تغار مني وتحب تحرجني وتجرحني عند الناس
مع اني والله طيبه معاها لابعد الحدود ومتحملتها وما ارد عليها
الي مستغربته منها انها تحب تكلمني كثير وتتصل علي وتشكي لي
همومها
من مواقفها
مره شافت سيارة زوجي عند الباب قالت السياره السوده سيارتكم
قلت ايوه قالت ياالله قديمه ومقربعه يعني خربانه والله سكت ماقلتلها شي
وموقف ثاني اليوم كنا عند خالتي وزجي يدرس بمدرسه خاصه
يكمل تعليمه وجاني بدري عشان يروحني وجالسه اعتذر لخالتي
قلت زوجي تعبان لانه داوم اليوم بلمدرسه ومنام العصر
وجلست تستغبي قالت ليه زوجك فراش
والله قهرتني ودايما تحب تستقل اولادي وتعيب فيهم
والله مادري كيف اعاملها اطنشها؟ ولا ارد عليها عشان ماتكرر اغلطها معاي؟

 

[زوجه ولكن]

والله وقفيها عن حدها علشان تحرم

واحرجيها بعد لان اسلوبها زفت ومو اسلوب اخت اسمحي لي

 

[فجر123]

وساكته عليها

صدقيني حتى لو اكبر مني وقفتها عند حدهااا

 

[حنان الطفوله]

بعد ماروحت من عند خالتي دقت علي وكنت ابي اتكلم عليها
وحسيت صوتها كنها خايفه يرتجف ورحمتها بس كان مبين علي اني
زعلانه كلمتها برود

 

[خديجه الكبرى]

كلمي امك احسن وعلميها انك مستائه من كلامها
وانكم خوات وما لزم الوحدة تجرح في الثانية وتصيرون على قلب واحد

 

[الخط الفاصل]

الظاهر أختك مو متزوجة وحاسة بالنقص وهذه ردود فعل عندها

طنشيها وبس..

 

[احلام الحب]

يا حبي لك والله شكلك طيبه بزياده في زمن ما تنفع معه الطيبه
انا لو منك مسكتها وكلمتها واحرجتها وقلتلها لا تدخل نفسها في شي ما يخصها
لا تسكتين على حقك حبيبتي ولازم تفرضين احترامك

 

[خلود بكر]

اختي ممكن تقولي لها باسلوب مؤدب عشان لاتجرحيها قولي لها ليش تحرجيني قدام الناس لاتغلطي عليها يمكن اسلوبها خطأ بس واضح انها من طفشها تنزل كلامه فيك عاد انتي بعقلك اكسبيها قولي لها لاتحرجيني وخلاص بينتهي ولاتكبري السالفه ولاشئ

 

[شوق دوعه]

لا ياحبيبتي اختك على عينك وراسك بس كل شي له حد كلميها بقوة وبصرامه ون عايشين

 

[آخ منكـ يالدنيا]

حبيبتي الله يكون بعـــونكـ والله يهدي اختكـ....

 

[(سهام الليل)]

الله المستعان

 

[سما الصفاء]

يأخوات هذي أختها يمكن أسلوبها وطبعها كذا أنت تقولين تشكي همومها لك والله لو ماتحبك ماشكتلك
نبهيها أنك تتضايقين من أسلوبها معاك والله أعرف كثير اخوات بالطبع اللي توصفين الله يهديكم لبعض

 

[حنان الطفوله]

الله يسعدكم
اختي متزوجه وكلنا اتزوجنا بنفس الشهر انا اول الشهر وهي اخره
والفرق اني عندي ولد وبنت وهي لسى ربي مارزقها
بس ما أتوقع هذا السبب لانهامن فترة الخطوبه وهي
تغير وتتمشكل

 

[حمامة بلقيس]

اختك تحس بنقص وبضيق من الشي هذا عشان كذا حسسيها انك تتضايقي من اسلوبها بحركات او
بكلام هادئ وبادب عشان ماتزيد ضيق وغيره منك وحاولي انك اطنشي لعلى وعسى تتغير وادعي لها الله يوفقك

 

[خلود بكر]

لا يااختي دام ان هي كذا فااكيد هي شايفه ان فيها نفص عشان كذا جالسه تنقص فيك اسمعي لا تعاتبيها بس قولي لها وبيني لها من جد انك تنحرجي واظن انها شخصيه تبين انها قويه وهي في الاساس ضعيفه الله يرزقها الذريه يارب

 

[حنان الطفوله]

الله يرزقها والله دايما ادعي لها وماعمري شلت فخاطري منها
ولا اعرف اكرها بس احس اني بديت اتضايق

 

[حنان الطفوله]

يبنات اختي حست بغلطها وارسلت رساله تقول ما اقصد
واليوم اتصلت مرتين وما رديت عليها
ابيها تحس بغلطها

 

[حنان الطفوله]

شكرالكم

 

[هلا الرياض]

قولي لها ايش دخلك او ما طلبت رايك والله ماراح تدخل ثاني مره

 

[اولادي كل حياتي]

[/مسكينة الله يرزقها يمكن لانها حاسة بالنقص علشان ماخلفت
ـ او وضع زوجها معها مو مبسوطة وانتي عايشة أحسن منها
ـ او في شي في نفسيتها من وانتوا بنات عليكي وزاد بعد الزواج وعدم الخلفة
ـ شوفي هذه أختك مهما حصل منها ومهما قالت لاتزعلي منها
ـ بالعكس انتي اتصلي عليها وردي باسلوب حلو علشان تكسبيها بالكلام الحلو وقولي لها امتي اختي وحبيبتي ومالنا في الدنيا الا لبعض ليش دائما تحاولي تقللي من شاني انا وزوجي كلامك يزعلني وقولي لها المواقف اللي زعلتي منها باسلوب حلو ولاتكتمي بقلبك المفروض اختك لما يحص بينكم موقف تتصافوا على طول وتطلعوا اللي بقلوبكم لان مالكم الا بعض
ـ والله يهديها ويصلحها لنفسهاSIZE]