مشكلتي مع أمي سامحها الله

[بنت الجامعة]

السلام عليكم ورحمة الله..

انا مشكلتي مع والدتي ولقد تعبت معها كثيرا... فانا فتاة بين بنتين متزوجات و7 ابناء ولد واحد متزوج .. وانا البنت اللي باقي ماتزوجت المشكلة ان أمي من يوم ماتزوجت اختي اللي قبلي بست سنين راميه المطبخ كللله عليه .. وكارفه فيه على وجهي والبيت عليها .. لكن هي مرتاحة فكل الشغل والحويس بس في المطبخ اما البيت فمرة واحدة تنظفه ودايم وسخ واذا بيجونا ضيوف ياتخليني انا انظفة واذا مارضيت جابت عاملة بليومية والله انا مررة تعبت من شغل المطبخو يوم جاء شهر الحج اللي فات قالت خلاص انا علي المطبخ وانتي البيت انا ماصدقت من الفرحة اخيرا .. طبعا هي مسكت المطبخ شهرين بعدها تعبت وطفشت وزعلت عليه عشاني ما اساعدها فيه قلتلها يا امي انا من ست سنوات وانا اللي انظف المطبخ ومتحملة ولعمري فتحت فمي بكلمه ودايم على راسي وانتي الحين ماتحملت شهرين زعلت علي وقالت انتي متكبرة وشايفه نفسك واطلعي من بيتي ...

انا من جد انقهرت من هذي الكلمة جدا يعني هذا وانا انظف البيت كله بس عشان اني ماانظف المطبخ خلاص حقدت عليه وانا والله اني بارة فيها ولا احب ازعلها بس هي تجبرني باخلاقها السيئة معايه وتدور علي اي شيء عشان تسوي مشكلة معاي والله تعبت معاها وابوي جاب شغالة من جنسية معينة ولكن بدون ان يخبرها فلما راتها قالت يا انا ياهي في البيت طبعا هذا الكلام زمان من قبل اربع سنوات ..

ابوي حقد عليها لانه خسر عليها وجابها الين عندها وهي رفضتها فحلف انه ماعاد يجيب شغالة وامي تقول اذا تزوجتي جبت شغالة( يعني بالمختصر انتي شغالة عندنا واذا انقلعت جبنا شغالة) واذا قلت طيب يامي ارحميني انا بنتك وحدة مافي احد يساعدني بالشغل والباقين اولاداذا ماوسخوا ماساعدوا ليش تحمليني كل شيء لانها لو ودها ولو اعطيتها وجه بزيادة والله ماتسوي شيء وكأني انا ربة البيت وهي بنتي وتقول ان شاء الله اذا تخرجتي السنة هذي انا بروح ادرس وانتي امسكي البيت ( يعني تبغا تفك نفسها بالمسؤلية وترتاح وترمي كل حاجة علية )

هي وابويه ماهم متفاهمين على الشغالة ويبغوني انا اكون الضحية الين متى ؟؟

خصوصا اني اعيش بمجتمع والله كل اللي اعرفهم صاحبات وجيران واقارب اقل ناس عندهم شغالة وحدة .. احنا الحمدللله حالتنا ميسورة وابوي يقدر يجيب ثنتين مو بوحدة وامي كذلك......

لكن طالما انا في البيت مايبغوا يجيبون يحسون انو انا الشغالة ....

والله مرة تعبت معاهم وجبتهم من كل طريق عشان اقنعهم ماخليت احد من اقاربنا ماكلم امي بس مافي فايدة ........

سؤالي؟؟

هل يجب علي أن اقوم بأعباء البيت من طبخ وتنظيف وغسيل مواعين وغيرها علما باني البنت الوحيدة بالبيت ؟؟ وان اكون مثل مايريدون شغالة ؟؟ ولا اش اسوي والللللله اني بموت من القهر بنات الناس عايشين في عز وانا امي ماتنظر لي الا كاني خادمه وياويل لوقصرت في شيء من شغلي ؟؟

ابغا اعرف الحقوق التي علي وحقوقي أنا ؟؟ وماذا افعل الله يجزاك خير ويكتب ماتقولينه في ميزان حسناتك .. مع العلم اني الحين لي شهر وانا متزاعلة مع امي عشان الشغل ؟؟؟

تكفين ياأم منصور انك تردين علي ضروري لأني والله متأزمة نفسيا وماأكل كل وحدة ممكن تفيدني ياليت ترد علي الله يجزاكم بالجنة وماراح انساكم من دعائي

 

[*روح القمر*]

يشرفني اني اول من يرد
انا ان شاء الله راح اتكلم عن مصلحتك
ذحين انتي مو تشتغلين في بيتكم ما تشتغلين عند ناس غرب
فانتي لو فكرتي شوي صح انه تعب تمسكين البنت لوحدك بس الرسول فيما معني الحديث( خيركم خيركم الاهله )
انتي حاولي تكلمين امك انها تمسك عندك البيت وانتي امسك المطبخ وبعدين اتحملي ... ترا انتي اذا بريتي في امك اولادك راح يبرونك :7:

مااقول الا الله يصبرك ... ترا انا زيك بس الحمدالله عندي اختي تشيل عني:32:

 

[مشااااكل]

بصرااحه كسرتي خااطري

المفروض امك ماتخلى المسواليه كلها عليكي المفروض تتساعدون في شغل البيت والمطبخ

المطبخ متعب كثيــــر انا لما اغسل كم صحن اتعب من الوققفه

وخصوصاً اذا كاان فيه اولد لوالاد مايخلون المكان نضيف

وبعدين انتى الوحيده المفروض يدللونكـ لانك عن قريب بتروحين عنهم مو يخلونك خادمهـ الخادمه يعطونها راتب

انتى قولي لمك جيبو شغاله تشتغل ورتاح انا ونتى

وذا قالت اذا موعاجبك اطلعي قولي لها يعني ماتخفي على اطلع وخطفون او اي شئ يمكن تخاف عليكي
وتقتنع
​

 

[انسه طفشانه]

امك الله يهديها بس

مالي الا ان ادعيلك ربي يعينك

 

[بنت الجامعة]

الله يجزاكم خير ويفرج همي وهمكم بصراحة امي تكره الشغالات وماتطيقهم بس مو ذنبي انا وانا اقول لروح القمر صح انا كنت كذه واقول نفس كلامك بس لما حسيت انها ماتنظرني الا شغالة قلت في نفسي انا استاهل لاني ما حطيت لنفسي كرامة وتقهرني فوق كذه تحسسني انه مهما سويت ما كاني سويت شيء ..ودايم تقول احنا اولى من الناس تشتغلي عندنا ( تقصد اذا تزوجت) والله كرهتني بالزواج وتقول باقي تعضين اصابع الندم اذا تزوجت (يعني انك ماانت شاطرة ولا تفهمين شي) والله اني اعرف كل شيء واني احسن منها مليون مرة بس هي تحس اني صغيرة وماني فاهمة دايما و انه انا ملكها فقط ..

الله يارب تهدي امي وتحنن قلبها علي....... ادعوا لي

 

[لوميه سوده]

اللهم عجل بزواجنا وارزقناالرجال الصالحين

 

[يابعدها سماي]

وعليكم السلام ​

يا الغلآ إنتي اللي اللي تقدرين تهونين الشغل ولو كان كبير وانت بعد اللي تقدرين تكبرينه ولو كان غسل كاستين ..!!​

حلي مشكلتك في الـتنـظـيـــم للشغل وللتنظيف والترتيب​

يعني لا تتركين الشغل يتراكم عليس ولا جيتي بتنهينها اكيد بتلاقينها متعبه ​

مثلا الاواني الخاصه بالوجبات الرئسيه اغسليها في وقتها ​

والشغل الثاني بين فتره وفتره حتى لو كان كثير عليس تنظيمك له وتجهيزك له من فتره يخفف عليس من التعب وتخلصين بوقت قصير​

وبعض الاشغال اللي ماترتبط في وقت محدد مثل تنظيم ارضية المطبخ خليها اول ما تصحين من النوم إذا كنت تقومين بدري او قبل لاتنامين إذا كنت تسهرين ​

وانا انصحك تنامين بدري وتقومين بدري (بورك لإمتي في بكورها )​

وبعد كلمي اخوانك بالين يقومون ببعض الاشغال البسيطه ترى والله العيال يتكبرون ويرفضون بس لو تجينهم بالكلمه الحلوه واللين يجونك​

وحتى لو تكافئينهم على إي عمل يعملونه لو كانوا صغار حتى لو كان يخصهم بس ها الشي يساعد بتخفف شي من الشغل ​

وامك لو حست إن تقومين باللي تطلبه منس بطيب نفس وعن خاطر بيسعدها ها الشي ولا تطلبين منها تساعد بالعكس لو قامت تساعد اطلبي منها تجلس وانت اللي تقومين في الشغل​

الامهات ما يكرهون بناتهم بس احيانا اساليبهم مغضبه لنا بس من ورا قلوبهم ​

قومي بشغلك وانت تحتسبين النيه لله وبر بوالدينك وخاصا امك الاحساس هذا رح يهون عليك كل التعب لانك مارح تنتظرين الاجر منهم تنتظرينه من ربك ​

قولي قبل لاتنامين ​

(سبحان الله 33 مره ..الحمد لله 33 مره ..الله أكبر 34مره )​

لحديث من قال ذالك عندما يأوي إلى فراشه كان خيراً له من خادم​

البخاري مع الفتح (7/71) وكتاب حصن المسلم لـ سعيد القحطاني ​

 

[ريهاااام]

الله يفرج لك واهم شي انك تحاولين تبرينها....
ربي راااح ييسر لك برها لان نيتك زينه


وانا معك ان بعض الامهات شديده بس جاهدي ببرها..
يمكن غصب عنها يمكن نفسيتها تعبانه يمكن هي تعاني اكثر منك يمكن هي تاكل بنفسها من داخل وماحد داري عنها
وانتي مشاء الله بما انك باره (((بعني مافي سبب يخليها تسوي كذا معك يمكن لو انك عاقه اقول يمكن قسى قلبه((لو ان قلب الام مايقسى))
معناة امك نفسيتها تعبانه وماتشكي لحد ((انا امي تجيها ايام احسها تكرهنا تفدع بنا ((بس ادري انه غصب عنها امي فيها نفس انا اقول يمكن امك نفس الحااله))
بالنسبه لشغل المفروض امك ماتشيل كاسه من الارض كااافي تعبت علينا وحنا صغار انا وخواتي مانخلي امي تسوي حتى قهوه حرام كيف اخلي امي تقاسمني شغل البيت ))
جاااهدي برها والله غير ربي يعوضك ويرزقك وويوفقك..وامك باب من ابواب الجنه(((والام والاب))ثنين مايتكررون بالدنيا
كل له بديل الاخ الاخت الزوج الولد((الا الام والاب اذا فقدنهاهم
الله لايقدر مااحد يحل مكانهم ))

 

[ح’ـيل تعجبني ..]

الله يكون بعونك يالغلا ..

وربي ماقدر افيدك بشي .. غير اني اوعدك بدعوه ادعيها لك كل ماذكرت مشكلتك ان الله يفرج همك ويحنن قلب امك عليك وتكونين ملكة ببيت اهلك وملكه ببيت زوجك ..

اختي .. ادعي لي وادعي لك كلنا محتاجين بعض ..


والله يوفقك ..

 

[عبق العطر00]

بنت الجامعة أوافق رأي الأخت يابعدها سماي..
وأحب أهنيك على خدمتك لأمك وربي شرف ما يناله إلا قليل,,
وعندي نصيحة غالية لك وأنتي تخدمين لا يكون شعورك سلبي و تقولين فـ نفسك: ياربي أنا دايماً مكروفة,
أنا مظلمومة,...
قولي: الله كرّمني بهالشي,يارب تعينني على طاعتك بطاعة والديني ,وأنا استمتع بشغل البيت واكتسب خبرة,..
شيء ثاني أحب أقوله لك:
أمي الله يحفظها كانت تتعب في الشغل عند أهلها مره وخالتي تتعب كمان بس مو زي أمي وخالتي ترد عليهم,
وأمي كانت أحيان تقوم بشغل زيادة على شغلها,وسبحان الله..
لو تجين للناجحة في حياته المحبوبة من الناس (أمي الله يحفظها)..
بالرغم من إن الوالد متوفي إلا إن حالنا أحسن من حال خالتي بكثييييييير..
يعني خوذيها نصيحة إذا بغيت التوفيق والنجاح ورضا ربي قبل كل شيء عليك بالطاااااعة وحاولي تأدينها بنفس راضية..
بعدين فرق كبير بينك وبين البنت اللي ماتقوم بدورها في البيت يعني ما أنتي عايشه على هامش الحياة
إنتي لك دور كبير,,
حبيبتي .. حاااسه بمشاعرك .. الشغل متعب ولكن القعدة بدون شغل تتعب أكثر ونظمي وقتك زي ماقالت ..
سماي..
وأخيراً .. إدعي في كل وقت إن الله يسهل لك بر والديك, وإنه يحنن قلب أمك عليك,..

دعواتي الصادقة لك..بنت الجامعة:a200:

 

[بنت الجامعة]

الله يعطيكم العافية ويجزاكم خيييير والله هونتوها علي بس أحس الشيطان مستولي علي ..

الله يفرج همي وهمكم أحس إني ماني قادرة أرجع مثل أول بس الله يهدينا ويثبتنا ويعيننا هذي الدنيا جهاد.......

 

[اميره بحضوري]

ما شاء الله البنات ماقصرو الله يسعدهم ويجزاهم اف خير ...ويكون في عونك يارب ويرزقك بالزوج الصالح عاجلا غير اجل ويحنن قلب امك عليك يــــــــــــــــــــــــارب,,موفقـــــــــــه,,

 

[غــــــــــــنى]

تعرفوا على حقوق الأم في الاسلام انها كثيرة وكبيرة
للأم على ولدها حقوق كثيرة وكبيرة شرعت في القرآن الكريم وفي سنة المصطفى (صلى الله عليه وسلم)، فقد سن الله سبحانه وتعالى القوانين والقرارات واعطى لكل ذي حق حقه، فمن سار على نهجها وتطبيقها حظي بالمكافأة الربانية العظيمة وهي رضا الله (عز وجل) ومن خالفها نال سخط العظيم الجليل ومن هذه الحقوق:1. حبها وتوقيرها في النفس والقلب ما استطاع لأنها احق الناس بحسن صحبته، عن ابي هريرة (رضي الله عنه) قال: جاء رجل الى رسول الله (صلى الله عليه وسلم)، فقال: يا رسول الله من أحق الناس بحسن صحبتي، قال: امك، قال ثم من؟ قال: امك، قال ثم من؟ قال: امك، قال ثم من؟ قال: ثم ابوك) (رواه البخاري ومسلم).
2. الرعاية والقيام على شؤونها ان احتاجت الى ذلك بل ان هذا دين في عنق ولدها قال تعالى: (وَوَصَّيْنَا الْأِنْسَانَ بِوَالِدَيْهِ إِحْسَاناً حَمَلَتْهُ أُمُّهُ كُرْهاً وَوَضَعَتْهُ كُرْهاً) (الاحقاف: من الآية15).
3. عدم ايذائها واسماعها ما تكره من القول او الفعل .
قال تعالى: (فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً) (الاسراء: من الآية23).
4. الإنفاق عليها ان اعوزت ولم يكن لها زوج ينفق عليها او كان زوجها معسراً، بل ان النفقة عليها او اطعامها عند الصالحين احب اليهم من ان يطعموا ابناءهم .
5. الطاعة والإئتمار بأمرها إن أمرت بمعروف، اما ان امرت بشر، كالشرك: فلا طاعة لمخلوق في معصية الخالق، قال تعالى: (وَإِنْ جَاهَدَاكَ عَلَى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفاً) (لقمان: من الآية15).
6. اما بعد موتها فيسن قضاء ما عليها من كفارات والتصدق عنها والحج او الاعتمار عنها، عن ابن عباس رضي الله عنهما: (ان امرأة من جهينة جاءت الى النبي صلى الله عليه وسلم، فقالت: ان امي نذرت ان تحج فلم تحج حتى ماتت أفأحج عنها؟ قال: نعم حجي عنها، أرأيت لو كان على امك دين أكنت قاضيته، اقضوا الله فالله احق بالوفاء) (رواه البخاري).
7. وكذلك بعد موتها يسن برها بصلة من كانت تصله وتحترمه كأقاربها وصديقاتها.
عن عبدالله بن عمر (رضي الله عنه) ان النبي صلى الله عليه وسلم قال: (ان من ابر البر صلة الرجل اهل ود ابيه بعد ان يولي) (رواه مسلم ) .​

 

[غــــــــــــنى]

الله يوفقك ويهدي امك واتمنى افدتك لوبجزى بسيط ومهما صار تضل امك وحاولي تجينها بهداوء مثل تجبيلها القهوه واول ماتجلسين قولي اه اه ضهري عورني من الوقفه في المطبخ تعبت اليوم وراح تشوفين امك تتغير باذن الله وبعدين افتحيلها الموضوع وقوليلها يايمه شرايك نتساعد في ترتيب البيت لوماردت عليك او هاوشتك اسكتي ولا تردين وراح تشوفين النتيجه والله يوفقك وخبرينا عنك ووش صار معاك وانا ماراح انساك بدعاء لك وبتوفيق 000000

 

[بنت الجامعة]

لكل من ردت علي وتفاعلت معي جزاها ربي بالجنة ..الله يعطيكم العافية ويصلح نواياي ونواياكم ..

لن أنساكم من دعائي لكم كل الشكر والعرفان....

 

[عذبه المعاني]

ما شا الله عليج .. شكلج باره بأمج والحمدلله

انا بعد أمي جيه عصبيه .. وأسوي كل شي بس ماحد يقدر .. كنت قبل أعصب واايد

بس الحمدلله غيرت من نفسي .. وأمي تغيرت ويايه .. حتى خواتي لاحظن التغيير

انتي يوم تشتغلين فبيت أهلج .. هب يعني انج خدامه .. بالعكس تحصلين أجر انج اتساعدين امج

كلمي امج بهدووء .. وان شا الله بتقتنع .. وصدقيني ما شي أطيب من قلب الام

الله يوفقج اختيه ويحفظج ^^

 

[Ms.RoZa]

اولا ً هنيئا ًلك خدمــة والدينك .. وهنيئـا ًلك برهما إن شاءالله
والله انها اعظم واجمل عباده ممكن يسويها الإنسان بحياته , وبتشوفين ان شاءالله طاعتك لهما بـ أبنائك معك

احتسبي الأجـر بأعمالك , عمل المنزل مرهق فعلآ اذا كان عشوائي وكثيـر ,
لكنه ممتع ورياضه وصحي اذا كان منظم ومحدد ..

أنصحك اولا انك ماتحملين نفسك فوق طاقتها , اعملي بقدراتك , وعشان تحققين افضل نتيجه وبمجهود بسيط
خلي لكل شغله يوم / عدا المواعين يوميا ً ..
مثلآ : الكنس ومسح الأثاث مرتين بالأسبوع فقط , وغسيل الملابس مره وحده .. والحوش على الشباب مو عليك ..
بالنسبه لتنظيف الغرف فأنتي عليك بغرفتك وغرفة أمك .. واخوانك مالك فيهم كل واحد يرتب غرفته الا اذا كنس تمرين عليها وانتي تكنسين البيت ..

ولاتضغطين ع نفسك أبد .. حاولي ماتشتغلين الا وأنتي رايقـه ومزاجك عالي , ويفضل يكون بوقت مبكـر
[ بورك لأمتـي في بكورها ] .. وكل وقت واخر الحي على والدتك بالخادمه وكثر الدق بيفك اللحام

الله يبارك لك في وقتك وصحتـك ..

 

[بنت الجامعة]

عذبة المعاني وهمس العذاري جزاكم الله خيرا وفي الحقيقة انا من ناحية الشغالة يئست أصلا انه يجينا شغالة لأن البيت كله اولاد وثانيا امي جدا غيورة وثالثا الشغالات اذا جو عندنا ما يتحملون من كثر الشغل يقولون انتم لازم اثنين شغالة الله يعيننا بس انا فكرت اني اشتري غسالة مواعين من فلوسي وافك نفسي من هالمواعين وارتاح من غثاها بس ما ادري اذا فيه احد قد جربها بالله يقولواكيف ريحتهم ولا لا؟؟ والله اني حسيت انكم مثل خواتي الله لايحرمني منكم ......

 

[ريهاااام]

(((هههههههه لازم اثنين شغاله )))
شغلات اخر زمن ههههههههههههههههه
الله يفرج لك ويسعدك
ياااارب مع زوجك الصااالح
يااارب

 

[Ms.RoZa]

فكره ممتازه , لو تخلين الشغل على الأجهزه بترتاحين كثير
وغسالة المواعين روووعه بالحيل واسعارها حلوه بعد انصحك فيها يالغلا
ريحت كثيـررر , ولاتهون الغساله الأمريكيه الأوتوماتيك للملابس بعد بتريحك
الله يسعدك ويشرح لك صدرك يارب