مشكلتي لي سنه عند اهلي ولاحياة لمن تنادي

[A R E E N]

السلام عليكم

انا سبق وذكرت مشكلتي من اول ماجيت لاهلي راح اعيدها باختصار

تزوج زوجي ونمطه شمالي شرقي وجاب الضره عندي بالبيت انا ماتحملت الوضع

اشوفها يوميا قدام وجهي تحملتها بس شهر وهجيت لاهلي هذا غير المعامله

السيئه الي شفتها من زوجي الله حسيبه الحين صار كل اسبوع او عشر ايام

يجي ياخذ عيالي يومين ويرجعون لي بس البيت مافكر يحط لي بيت مستقل

حتى لو دور انا ماعندي مانع وزوجته في فلتها اللي كانت فلتي قبل لايتزوج علي

الكل كلمه ونصحه بس مافي فايده راسه يابس

انا شفته رفض البيت المستقل طلبت طلاقي لي الحين شهرين طالبه الطلاق

ولاجاب ورقتي ابوي كلمه قال ياحط لبنتي بيت او جب ورقتها

وطنشنا وش الحل ساعدوني

 

[دنياماتسوا]

الله يفرج همك قيام الليل يجيبه على وجهه بإذن الله

 

[دنيا الصمت]

لا حول و لا قوة الا بالله

الله يصلح لك حالك اختي . و ييسرلك امورك ياااارب

و يهديلك زوجك و يسخره لك

 

[المغلوبه]

انا منك اخلع دبري فلوس وارميها في وجهه واخلعيه وريحي دماغك

 

[النوم سلطان]

اذا انتي تبينه وتبين ترجعين له ارجعي بيتك
واطردي ضرتك من البيت

حبيبتي تلقينها مشبعته وموسعه صدره ومبسوطه بالفله

خليها حرب بارده بينكم واكسبيها بجداره

واذا هو ماقدر يتحمل الكيد والمشاكل بيضطر يطلع كل وحده لبيت

​

 

[ناصرة المظلوم]

النوم سلطان كلامها درر أتمنى تمشي علية

 

[وشلون اسجل]

الله يهنيك

 

[وشلون اسجل]

الله يهنيك ويسعد ك ويفرج همك

 

[قمر بعيونه]

الله يفرج همك ويصلح حالك استغفري كثير وادعي الله واقراءي سورة البقرة واحد راح يتضرر غير عيالك الله يسخره لك ويحنن قلبه عليك

 

[marchdaughter]

انتي من حقك ان يكون لك بيت مستقل
انتي ماذكرتي ليه زوجك نزوج عليك ؟ هل اهو تقصير منك ؟

 

[ref8150]

عليكي بالدعاء اخر الليل والاستغفار والله انه عجيب عن تجربه

 

[wafaa0o0]

طيب اذا هم مو قادر يطلع بيت خليه يقسم الفيلا بينكم احسن هذا بيتك انتي اولى فيه وعيالك افصلي كليا معيشتك عنهم عيشي اولا لنفسك وعيالك وطنشيها هي وزوجك الحين هو مبسووووط لسه ما صحى بس انتي لا تتركي حقك ابدا

 

[لواكـــــــــر]

لاحول ولاقوة الا بالله ...
الله يهديه ..
ماودي تتطلقي لانو ماراح يتضرر غير الاولاد ..
قييييييييييييييييييام اللييييييييل يا اختي وباذن الله تنحل اموركم ,,
الله يسخر لك زوجك ويهديه ..

 

[حبيب قلبي123]

المفروض ماتركتي لها البيت كان جلستي على قلبها وطفشتيها من البيت مو عشانه عشان اولادك ماتربيهم مره الابو

 

[رقة وانوثه]

كم عمر اطفالك وكم عددهم؟؟؟؟؟

 

[رقة وانوثه]

وهل خلال السنه اعطاكي نفقه لكي ولاولادك ام لا؟؟؟؟
اجيبي على اسئلتي واخبركي ماتفعلي

 

[دموعي شي معتاده]

طيب ليه تطلعين كان ماخليتيه يتهنى وياها
لو اني منك اقلب حياتهم جحيم اخطط واعمل المشكلات واسوي اللي ماينتسوى
بعدين اطلع بعد ماابرد قلبي

 

[فاطمه احمد]

مادام طلعتي لالالالالالالالالالالالالالالا ترجعين الا وشروطك منفذه وان رفض ارفعي قضيه خلع وراح يسالك الشيخ وقولي شروطك واذارفض خلعيه

 

[دانة الشام]

من المؤكد أن الشهر الذي عشتيه معها لاتتمنيه ولاحتى لعدوتك !! ولكنك بخروجك من بيتك قدمتي لها زوجك على طبق من ذهب وتركتي لها الجمل بما حمل ...إن كنت لازلتي تكنين لزوجك شيئ من المودة حاولي جاهدة أن تعودي للعيش معه هو زوجك قبل أن يكون زوجها لاتتنازلي لها عن زوجك أبو أولادك...صدقيني عودي وعيشي بقوة واجعليها منافسة شريفة بينك وبينها ولاتستبعدي حين تراكي مصصمة ومرابطة في بيتك ستعلن الانهزام وتطلب الرحيل لشقة مستقلة ... بنهاية الأمر أنت الوحيدة التي تعلمين مقدار طاقتك على تحمل مثل هذا الوضع...استخيري وربي يختار لك الخير كله ويسخر لك زوجك ويزيل الغشاوة عن قلبه عاجلا غير آجل ..

 

[A R E E N]

اهلين بنات مشكورين عنصايحكم

انا لي بنت عمرها سبع والولد سنتين ونص

وخلال جلستي عند اهلي كان ينفق على عيالي

واللي نصحتيني ارجع واطفش الضره الين تطلع لا مستحيل انا جربت رجعت طلع

العيب مو فيها عشان اطفشها العيب في زوجي ماعبرني وانا ام عياله ولا عرف العدل

وينه معه ويغليها اكثر مني ويقدرها ويحترمها قدام عيني وانا لا عشان كذا انا ماتحملت

اشوف معاملته معها ومعي بغيت امرض منه وطلعت

والحين انا شايله هم بنتي وين ادرسها