مشكلتي في خجلي

[ذكريات جميلة]

السلام عليكم ورحمة الله وبركاااته

أعزائي ... عندي مشكلة وهي إني ما اعرف أقول كلام حلو لزوجي .. لأني صدق وااايد أستحي منه
يوم أقرأ اللي ينقال حق الأزواج أحس اني لازم اقول مثل هالكلام لكن ما أقدر أقول
في أياام أتشجع وأجهز كلام اقوله لكن يوم يوصل ما أقول شي ..
أرجوكم ساعدوني علشان أ كون جريئة شوي:in_love:

 

[حور المنصوري]

حطي في بالج ........ انج قويه وتقدرين

وماله داعي اتكررين الكلام ....... الكلام الصادق النابع من القلب والذات

يسكن قلب الي يقصده

بتتعودين مع مرور الوقت

 

[الورعة]

حبيبتى
احمدى الله على نعمة الحياء فهو شعبة من شعب الايمان ونعمة فقدت اليوم أدامها الله عليك وحفظها من الزوال
ولكن مطلوب بعض الجرأة مع الزوج وعليك ان تدربى نفسك عليها
كيف
حدثى نفسك كثيرا
اليوم زوجى يحبنى ويعشقنى مع انى لاأجرؤ على الكلا م كثيرا ولكن مع مرور الوقت سيمل ويشتاق الى سماع كلام الحب والغزل من حبيبتة زوجتة أذالابد ان اتجرأ قليلا حتى يكون سبب للحفاظ علية وحتى لا افقدة ويبحث عن من تسمعة هذا الكلام ووقتها لاتنفع الجرأة ولا الندم
حبيبتى تأكدى انك لو تحدثتى مع نفسك هذا الحديث ستتعلمى الجرأة مع زوجك
تقبلى تحياتى

 

[سحاب المزن]

أختي حبيبتي ممكن تكتبين الكلام في ورقة له وتجربين تقولينه بالتيلفون له أو تسجلين صوتك وإنت تقولينه وقوليله من زمان في خاطري أقول هالكلام بس مستحية وخليه كلام قوية وفي العلاقة الخاصة بعد....ولا تستحين واتخيلي أن بنات الحرام مش أحسن عنج يسون كل شي بالحرام وياخذن ذنب عليه وإنتي بالحلال فكم لج من الأجور ياحبيبتي...

 

[توكلي على الله]

عزيزتي ذكريات الحياء مطلوب ولكن انتبهي ان يصل الى مرحلة جفاء وبعد خصوصا مع زوجك
ولا تستعجلي مع الايام راح تلقي كل الحواجز بينك وبين زوجك تلاشت وتضحكي على ايام زمان ايام (الخجل) وفقك الله

 

[زهور الدار]

حبيبتي ابدي بالرسائل والكلمات عبر الجوال وابتبدا الجراءة بعدها

 

[سكر زماني]

الحياء حلو

حاولي حبه حبه

وراح تتعودي مع الوقت

 

[نور كندا]

قوى قلبك ولايهمك

 

[انسه رقه]

هلا حبيبتي شوفي مثل ما قالو البنات ابدي بالرسايل
يمكن انتي توك في بداية زواجك
بس مع لالايام راح تاخذين عليه
وبتتجرين

 

[ليتني احتويك]

نفس حااااااااااااااااالتي اخ بس اخ مااااااا اقدر اقوله مع اني احببببببببببببه الله يعيييييين بس ..

 

[ذكريات جميلة]

مشكوووورين وايد عزيزاتي ما تتصورون اشكثر استانست على ردودكم واهتمامكم
وان شاء الله بسوي اللي قلتولي عليه والله يعين........ ادعولي الله يخليكم

 

[محرومه من زوجي]

حبيبتي...فيه بقسم الثقافه الجنسيه..حل لمشكتك....

 

[دندونه@@@]

يا حياتي ابدي معاه بالخفيفه يعني مو عدله تبدين بالجامد وبالعلاقه الخاصه على طول لانه بيستغرب هالجرأه بعد الخجل الشديد ابدي بحياتي ..قلبي ...عمري ومن السوالف والمسجات لطلبتي منه شي حطي اسم دلع له ويا روحي يعني بالتدريج لين انتي تتعودين وتتجراين شوي

 

[الحص المنقا]

يابنت دلعي ريال وخليج حرمه

خليه يحس انج انثى

 

[شادن الحجاز]

سبحان الله اذا ما ناديتي زوجك يا حبيبي او يا عمري بأي شي تنادونه فيه ؟؟؟؟لاتقولوا يا ابو فلان ...
انا ما ادري انت لك كم سنه متزوجه ؟؟؟ ولكن الحياء يروح من اول يوم ...
وانا اتوقع انه شخصية زوجك قويه او صارم اللي ما تخليك تتشجعين .... يا حبيبتي زوجك مهما كان كبير من داخله طفل صغير ينتظر الكلمه الحلوة منك .... واذا سمعها من اي وحدة بعدين لا تلومينه ....
وكا بدايه ... اذا طلب منك شئ قولي له ابشر يا قلبي ... تامر يا روحي ... من عيوني ... ومن هنا ما راح يستغرب منك اذا قولتي له اي شئ بعدين ........واحنا في زمن الجرأة والمساخه الله المستعان التلفزيون والنت والشارع والسوق وكل شئ حواليك فيه حب وكلام غزل .... وانت حارمته بداعي الحياء ؟؟؟؟ لحقي على زوجك وضميه لصدرك ...

 

[نقش الحنه]

اخخخخخخخخخخخخخخخخخ من الخجل وكثرة الحيا مع الزوج
كان بيضيعني

 

[ام@شو ق]

حبيبتي حاولي قبل تندمي وماعادينفع الندم لان الرجال يحبو الكلام الحلو مثل مااحنا نحبه

 

[Ms Uae]

أنا مع الاخت زهور الدار

بداية بسيطة ومشجعة

والله يوفقج ويسخر لج زوجج

وتقر عينج به ويقر عينه بج