مشكلتي غيييييييييييير

[% نور الدنيا %]

السلام عليكم
كيفكم يابلقيسات
انا اليوم مشكلتي غير عن كل المشاكل الزوجيه
انا زوجي الحمد لله ملتزم وطيووووووووووووووووووووب لابعد درجه حبوووووووووب ماعمره خانقني ودايم يحترمني والحمد لله مافيه اي عيب
قولو مشاء الله
بس مشكلته اهله
اهله ناس طيبين معاي والحمد لله بس احس هم عقدووه مرررره
هو اعترف لي انه يعاني من الوسواس وهذا قضاء الله وقدره وهو الحين ياخذ علاج صحيح اني مو مقتنعه فيه بس الشكوى على الله
المهم احس اهله هم سبب عقدته مايشكرونه ولا يمدحونه على الرغم من انه هو الوحيد الي يخدمهم ويساعدهم واخوانه الثانين مايحركون شي علما بانه مو هو الكبير هو القبل الاخير
وخالتي الله يهديها تفضل اخوانه عليه وتمدحهم وتهتم فيهم وبعيالهم بشكل ملحوووض
حتى زوجاتهم تحبهم وتسأل عنهم صرت اكره اخوانه وزوجاتهم بسبب هالنقطه انا الحمد لله واثقه من نفسي اني افضل من زوجاتهم بكل شي بشهاده حمواتي وحبهن لي كاخت لاكن زوجي؟؟؟
زوجي مقطع نفسه عشانهم وهم حتى شكرا مايقولونها
احيانا يكون مسافر وقبل مايجي يحجزونه لمشاويرهم وهو يجامل ويسكت ويحاول يبين لي انه عادي
كذا مره احس من نضراته انه متضايق من مدح امه لاخوه بس ماقدر اسوي شي
وغير كذا اكتشفت انه كان يعاني من عنفهم معاه يوم كان صغير وكانو يطقونه واخوانه لا وكان بعد صلاة العشاء امه تسكر عليه بالمفتاح عشان بالغصب ينام مع انه كان بالثنوي يعني كبر على هالتربيه وهالاسلوب
اتمنى تفيدوني هل تربيتهم صح؟؟؟
وايش اقدر اسوي عشان تعاملهم ما يأثر عليه
علما باني امدحه دايم واقول انت افضل اخوانك ويعجبني اهتمامك باهلك وهو يستانس لانه عمره ماسمع احد يمدحه

 

[% نور الدنيا %]

وين ردودكم يابنات

 

[الجواااان]

الله يسخرلي ولك يااارب ويهدي اهله طيب انتي حاولي تكلمينه قولي الحبابه الزايده في ذا الدنيا ماتنفع اذا طلبوا اخواتك اوكيه مره ايه وعشر لا وخليه يحرجهم اذا طلبوا منه يقول لهم مامداني اوصل عيب استحوا وعادي انتي بلغيه يقول كذا واذا كلش مانفع كلمي وحده من اخواته وتكون قريبه منك وحلفيها مايطلع الكلام وتحاول تغير اسلوب اهلها واذا مرررره مانفع اصقعيها بوجيهم قولي ماقصر زوجي معكم بس انتم ماتشكرونه لاتقولين استحي اذا هم ماعطفوا على ولدهم وحنوا عليه من بيعطف اجل عليه وصحة زوجك اهم منهم سراحه

 

[ترياق القلوب]

خليها نقطه في صالحك امدحيه على طول
بس لا يحس انك تمدحيه عشان اهله
واحتويه خليك الام الحنون واخته وكل شي
وعوضيه

 

[مريم دهش]

أنتي مأجورة بإذن الله

 

[غدير الكويت]

انت عوضيه واعطيه الثقه وشجعيه بالكلام الحلو وامدحي كل خطوه يسويها وبالوقت نفسه لا تذكرين اهله بسوء وخليه ينسى اللي سووه اهله معاه​

 

[جراده شياكه]

امدحيه انتي وكوني له اهله وناسه حسسيه بقيمته

 

[nonh13]

ماقصروا الأخوات والله يعينك

 

[دحومتى]

خليك امه بلحنان و اخته واهله كلهم و زوجته ولاتحسسينه انه يحتاجهم
ومو لازم يتنتظر من اهله شى لانك موجوده
واحتويه و طيبى خاطره دايم
يحتاج الحنيه هو باين انه حبوب كثيرر
والله يحفظكم لبعض

 

[عذبهم غروري]

خليك على طول تمدحينه وتشكرينه بس بدون مبالغه وترى في صالحك وزوجك كذا بيكون قريب منك ويصير يحب يفضفض لك ..

 

[لبيه ياروحي]

الله يصلح مابينكم وييسر لي ولك اختي
بس انتي وشطارتك احتويه ادعي له
امدحيه اثني عليه والله يعينك يااااااااااارب​

 

[لموسي4]

قوي ثقته بنفسه في كل اموره صغيره وكبيره كثري النقاش معاه والجدال حتى في الامور الصغيره اذا عندكم اطفال وليه جزء من امورهم حتى يستطيع الخروج من معاناته هذا اهم شي اولا واخيرا وقبل كل شي الماضي مع اهله لاتبحثين عنه لانه انتهى وهو رجل الان الحياه كفيله بانهاتقويه بس يدك معاه هذا زوجك حبيبك ابو اطفالك حياتك الان مرتبطه به الى ماشاء الله وطول العمر لكم بالنسبه لطلبات اهله تلبيتها واجب عليه عند الله اولا بدون ما اقول اخوانه مالهم دور ولا يخدمون ابدا الاجر من الله وهذا والله هو اللي بيوفقكم الله عشانه الله يسعدكم ويعافيه ربي بقدرته اااااااااااااااامين

 

[دلوعة مدلعها]

اهم شيء انتي خليه يتكلم ولمايسوي شيء وقدام اهله وقدامه امدحيه واثني عليه ويهم بيستحون واكيدبيثنون عليه ولومجامله وقولي ياحظك ياخالتي بهالوالداللي ابدمايرفضلك طلب

ومن جهه ثانيه خليه ياخذموقف
بس انتي شكلك ساكنه مع اهله صح باين من كلامك
تقبلي مروري
الله يفرج همك وهم زوجك ويسخرله اهله ويحنن قلبهم عليه

 

[سبحان الله ..]

هذا الي يقولك مصائب قوم عند قوم فوائد

هذي النقطه بتفيدك انتِ يعني انتِ عوضيه كوني اهله وامه وابوه وكل اهله

دلعيه وامدحيه ارفعيه فوق لسماء بكلامك الحلو كل ماسوى شي لك او لأهله اثني عليه

يعني اذا لاحضتي امه مدحت احد خوانه وحسيتي انه تضايق اول ماتطلعون جيبي اي سالفه لو مالها دخل

واقعدي امدحي فيه لو على رفعه يده امدحيه خليه يحس معاك بشي غير

يحس ان مايقدره الا انتِ ومابيقدر يستغني عنك وبيكون هالشي خيره لك يارب

الله يخليه لك ويسخركم لبعض ويسخر اهله لك وله

 

[سبحان الله ..]

وصحيح حاولي تكثرين مديحه قدام اهله لو بنضرات عززي ثقته بنفسه

 

[حرب الأحساس]

نصيحة لا تتدخلين بينه وبين أهله
اذا اشتكى عادي قوليله احتسب الأجر وانت اخير منهم
والطيب داااااايم الناس تستهين فيه الله المستعان
ولو يتغير معهم بيحبونه ويحترمونه هي الدنيا كذااااااااااااا

 

[ح’ـيل تعجبني ..]

شوفي غناتي ..:

لآ تجلسين تمدحينه باهله لآ امدحيه بتعامله الطيب معك ..

ولآ تقولين له ترى الطيبه الزايده كذا وكذا وتلمحين له نصيحتي لآ تسوينها تدرين ليه ع قولة المثل ( اعلمه الرمايه كل يوميا ولما اشتد ساعده رماني ..) ..

احتويه بحب وقولي انك مفتخره انه زوجك ووانك نعمه عظيمه .. وخصيصا بعز ضيقته .. وصدقيني لمن يجي اليوم الي بينفجر فيه من اهله بلجا لك .. لحظتها قولي له تعاملك الطيب والزايد معهم هو الي خلآهم جذيه .. لحظتها بيفهم ويعرف متى يتعامل بطيبه ومنو الي يستحقها ..

 

[دلوعه مودي]

مشالله ماقصرو الاخوات الله يسخرك زوجك وحاولي زي ماقالو عززي ثقته بنفسه واحتويه وامدحيه في كل صغيره وكبيره

 

[% نور الدنيا %]

والله ماقصرتو يااخوات كفيتو ووفيتو
وكل الي قلتو على عيني وراسي والحمد لله انا مو مقصره من هالناحيه امدحه واحسسه انه ملاااااااااااااك لانه فعلا يستاهل
بس مو هاذي المشكله المشكله انه كتوووووم يعني مايشكي وكل شي يصير له ادري عنه بالصدفه او من خلال سالفه عاديه
زي مره كنت عند اهلي وهو مسافر وكان بيجي دقت علي اخته قالت اذا مرك دقي علي عشان اجهز لاني قلت له يمرني
وهو مايفضفض لي لان مهما كان هم اهله ومايبيني اخذ عنهم فكره
بس احسه ينقهر ويقول لي انه مايعرف يتعامل مع الناس وانه مقصر معاي وان اخوه يعامل زوجته احسن من معاملة زوجي لي
انا ارد واقول ان مافي احد احسن منك واني اشك ان فيه شخص احسن منك وانك اجمل اخوانك ومسكينه فلانه زوجها كذا الحمد لله انك كذا واهلك يحبونك واكيد اذا جو عيالنا بيحبونهم لانهم دايم يمدحونك ومن هالكلام بس احسه متحطم مايصدقني
حتى احسه كاره اخوه الي اكبر منه لان امه تحبه ودايم يتضايق اذا كان فيه ويكره اولاده
انا الحمد لله موب مدح بنفسي بس احاول اني اتقرب من خالتي واجيب لها هدايا واقولها انه هو اشتراها لها واحاول اقربه منها بس هي مصممه على التفرقه تخيلو لدرجة تدق علينا بنص الليل تقول جب حفاضات وانتو بكرامه لولد اخوه الي اكبر منه وهو ماقال لي وراح وجابه وبعدين يوم جاء قال انه مسكين نايم ورحت اجيب لولده حفاضات
انا صحيح هالشي جاء من صالحي وهو مررررررررررررررررره صار قريب مني ويستشيرني باشياء ويقول لاتعلمين اهلي وصرت انا كل شي بالنسبه له
بس هو ياعمري عليه صار محطمممممممممم ماعنده ثقه بنفسه مايسوي شي لحاله لازم انا وراه وغير كذا صااااااااااااااامت يعني يخاف يتكلم ازعل او اقول ان كلامك غلط مع اني اشجعه واقول انت ذكي وكذا واذا جاء يوم وسولف قلت له انا اليوم مبسوطه تدري ليش لانك تسولف وهو يستاااانس بس يرجع يسكت لانه يخاف اني اجامله
انا متضايقه من عقدته من اهله يعني صار مررررررررررررررررره مثل الطفل لما يتكلم يتلفت لاحد يسكته وبكل شي يوسوس بصلاته بكلامه بحياته كلها
ياعني باختصار عنده وسواس قهري والسبب اهله
وش الحل والله اني اتقطع لما اشوف الحبوب الي ياكلها ودي اساعده بدون حبوب نفسيه
وخصوصا هالايام ملاحضه عليه ان عقله كانه يفصل شوي بعدين يرجع يعني وهو يتكلم يسكتتتتتتتتتتتتتتتتتتتتتتتتتتتتتتتتتتت وعيونه تصير بيض بعدين يرجع يقول ايش كنت اقول؟؟؟
اخاف انه من هالحبوب
تكفون ساعدوني الله يساعدكم

 

[حبيت وانتهيت]

:22:وربي يااختي نفس مشكلتي زوجي الي مايقصر واخوانه الي تمدحهم امهم لا وتسدد عنهم ديونهم وزوجي ولا شي ؟ والله حرااااااااااام بس الحمدلله زوجي ما فيه وسواس لاني دايما اوقفهم عند حدهم وهو يسمع ويشوف ور بي يبي لك تطقينها في وجهيهم ذولا زي الي عندي لا حيا ولا مستحى الله يصبرنا بس:8: