مشكلتي طفلي والحمام ):

[um brhomy]

السلام عليكم ورحمة الله وبركاته ..

معاناتي مع ابني مالها حل .. من الموضوع باين شنو هي ..
عمر ابني 3سنوات و 7شهور وللحين ماتعلم على الحمام .. :icon1366:
مافي طريقه ماجربتها معاه .. ياليت اللي عندها الحل لا تبخل علينا فيه ..
وياليت لو تكون الدكتورة موجودة وترد علي لأني تعبت نفسيا ً وجسديا ً ..
اللي تبي أي سؤال تسألني اياه حاضرة بس ابي حل بأقرب وقت ..
والله كبير على انه للحين يسويها بالكلوت .. ابي حل !!!؟؟؟

طبعا ً من زمان وأنا أعلم فيه من قبل لا يدخل 3 سنوات بكم شهر ..
جربت معاه العقاب والثواب ..
- لصقت ورقة بالحمام عبارة عن جدول اذا سواها بالحمام اخليه يلصق الستكر ومافاد
- جربت اعطيه حلاوة ، شكولاته ، اشياء يحبها ولا فاد

وبعدين يعني لمتى بنقعد على الحال ..
في النهاية طفشت وصرت ازهق اروح اوديه قلت يمكن لأن طفشته من كثر الروحة والجيه ع الحمام قلت اهدي شويه عليه واخليه من نفسه يقولي بس مافي فايده ..

عطوني حل امشي عليه للاطفال اللي اعمارهم كذا ..
ملحوظة .. ابني تجيه نص يوم يقولي يبي يروح الحمام بس يسوي الصغيره وبعدين يهون مع اني اضحك له واشجعه واقوله شاطر واعطيه حلاوة مكافأة واقوله اذا قلت للماما مرة ثانية تروح الحمام اعطيك اللي تبيه بس لا حياة لمن تنادي
يعني بمزاجه يجي يقول وفاهم شنو الحمام ويعرف متى يقول بس يعاند ويكابر ..

طولت عليكم بس ياليت لو تكون الدكتورة موجودة وترد علي وتعطيني الحل والنصايح ..
ومانستغنى عن العضوات كمان .. الأخوات تجاربهم ونصايحهم ..
ربي يوفق لكم ..
اختكم um brhomy

 

[ام مصعب]

تعليم الحمام يحتاج صبراقطعي الحفايظ نهائيا سواء في الليل واوالنهارفي البدايه وديه كل ربع ساعه وكل شوي زيدي الوقت اذا في تقدم وتطور واللله يعنيك وقللي مشروبات على المغرب لين اليوما لثاني

 

[um brhomy]

مشكورة حبيبتي ام مصعب ..
ان شاء الله اطبق اللي قلتيه وعلى الله يجيب نتيجة .. كل ربع ساعة أو نصف ساعة ..
بس طيب الصغيرة مقدورة عليها بس أعزك الله الكبيرة كيف أحببه انه يسويه بالحمام لأن من اوديه الحمام عشان يسويها يمسكها ويطلعها بالكلوت بعد فترة ..
اذا عندك اقتراح جزاك الله خير حطيه ..

وعندي استفسار ان شاء الله ماطفشتك بس ^_^ ..
امممم هل طريقة العتاب والصراخ بوجهه ينفع بعض الأحيان لتعليمه ولا لا ...
لأني بصراحة بديت اعصب عليه شوي شوي ..
شنو المفروض اتعامل معاه بهالفترة .. يعني النفسية ..

ومشكورة مرة ثانية ام مصعب الله يجزاك خير

 

[سيكرت ليدي]

امممم هل طريقة العتاب والصراخ بوجهه ينفع بعض الأحيان لتعليمه ولا لا

حبيبتي ما تعصبي عليه ابددددد

العصبيه و الصراخ ح يعطيك نتيجه عكسيه

و بالنسبه للصغيره دخليه كل ساعه الحمام

حتي لو ماف شئ

عشان تعودي عضلات المثانه علي الانقباط

مش كل ربع ساعه " لانه ح يمل "

و بالنسبه للكبيره امكن ابنك عندو امساك " اكرمك الله "

او عندو شق في منطقه الاخراج و يتألم

عشان كده يخاف و ما يقدر يكملها

وديه الدكتور و خليه يفحص له

و ربنا يوفقك

​

 

[um brhomy]

الله يسعدك ومشكورة حبيبتي سيكرت ليدي ..
بالفعل هو يعاندني زيادة اذا عصبت عليه وتراجع كثير بالنسبة لقبل .. بس ماسويته إلا لأني استنزفت الطاقة اللي عندي ..
بس انشاء الله اهون عن العصبية ^^
بالنسبة للكبيرة ماعنده مشكله يسويها بالكلوت بس الحمام مايرضى ..
ببداية تعليمي له كان اول مايقعد من النوم أوديه الحمام ويسوي الصغيرة ماعليه بس من يسوي الكبيرة يقعد يقولي ماما يع يع يبي يقوم منقرف .. وسواها كم يوم بس بالحمام..
بس بعدين لو اقطع حالي مايرضى بالحمام بس بالكلوت عادي يسويها بأريحيه ..

يعني مثال: جيته امس وقلت له ماما تبي تروح الحمام عشان يصير الكلوت نظيف قاللي لا .. وماأروح دقايق الا هو مسويها .. طبعا ً قبل لا أقوله شيء ابتسم قلت له بتروح الحمام قاللي ايه .. الا هو مسويها بالله عليك أنا وش اسوي معه .. ابي احببه بالحمام ابيه يفهم انه وصخ لمن يصير شيء بالكلوت ..
كيف ماني عارفة ..
ربي يعيني ويصبرني ..

ومشكورة مرة ثانية يالغالية للرد ..

 

[سيكرت ليدي]

ابي احببه بالحمام ابيه يفهم انه وصخ لمن يصير شيء بالكلوت ..
كيف ماني عارفة .

خلي وقت الحمام ممتع

اضيئي الانوار و تجنبي الظلام او الضوء الخافت

و حطي له الالعاب و اصوات اطفال

او عصافير - خرير مويه

المهم تشديه للحمام و تخليه منبسط

و مو مشكله لو تخليه يدخل الحمام

معاك تحكو مع بعض شويه في الامور

اللي يحبها بعيد ا عن موضوع التبول و البراز

" الله يكرمك "

بس عشان يعتاد علي الحمام و ما يربطه

بهذاك الموضوع

جربي و اتمني تعطيني خبر





​

 

[ميوسه]

استخدمي النونيه (القيصريه)

وطلعيها برا الحمام في مكان جلوسه وجربي يمكن يفيد

واختاريها ملونه وحلوه

ولاتساليه وديه انتي يوم عن يوم راح تعرفي متى يعملها باي وقت


لاتنتظري يطلب وديه


انا ولدي نفس المشكله بس اطلع النونيه برا ومشى الحال


وهما يعاندو وساعات ينسو يطلبو لانو مشغولين باللعب فلازم انتي توديه


موفقه

 

[ام مصعب]

الامهات كفو ووفوا وطبقي كل اللي قالوا والله يساعدك

 

[um brhomy]

مشكورين حبايبي ع لااقتراحات سيكرت ليدي وميوسة وام مصعب ماقصرتوا تعبتكم معاي ..
ان شاء الله جاري التطبيق اليوم وعلى الله يجيب نتيجة ..

أمس وديته الحمام "الله يكرمكم" وخليته قاعد مايقارب 15 أو 20 دقيقة بالحمام على انه يسويها مو راضي .. يقول مافي !! اوك مشيتها مع انها موعدها بس ماسكها

جيت المغرب ووديته مرة ثانية ونفس الشيء خليته 15 دقيقة وماعملها ماسكها يعصر حاله ويطلع لي الصغيرة حتى لو شوي بس الكبيرة لا ..
مع انو اغريته وقلت له باعملك كذا وكذا ع حسب طلباته شنو يبي ..
بس مافي شيء .. والبسه الكلوت كلها 5 دقايق الا هو عاملها فيها ..


بالمناسبة طبقت معاه زي ماقلتي "سيكرت ليدي" كل ساعة اوديه وكان ماشي زي الحلاوة طول اليوم ماسواها بالكلوت الا مرة مرة وحدة واللي هي كانت بالمغرب مع الكبيرة ^_^ ..


توني أمس اسأله اقوله خايف تسويها بالحمام يقوللي ايه .. خايف وهو يعملها يطيح ليه مادري ..!!
مع انه شاريه له المقعد اللي يجلس عليه عشان لايطيح !! لا وعلى شكل سيارات اللي هو يحبها بعد ..

بس ان شاء الله أطبق اللي قلتوا عليه .. وأعطيكم خبر ..
مشكورين مرة ثانية ماقصرتوا ..