مشكلتي العويصة والمتكررة

[ROMANSIAH]

بسم الله

عندي مشكلة محتارة شاسوي فيها قلت استشيركم يالغوالي عل وعسى استفيد من ارائكم

ندخل بالموضوع زوجي جنوبي غربي عصب علي وماقدرت اتحمله وكلمة مني وكلمة منه واتقاطعانا الحين لنا اسبوع مانكلم بعض الا للضرورة مايطلع معي ولا يسولف معي مع العلم انه هو الغلطان ومطولن لسانه بعد اللي ابي استشيركم فيه اني فريت كل ملفات الجنوبي ومالقيت طريقة تخليه يرجع ويندم عاللي سواه وقاله ومو عارفة كيف اتعامل معاه لدرجة اني اسوي له كل شي واجبات شياكة البيت مرتب وكل شي بس هو مطننننننننننننش
واحس ماعاد قدرت اتجمله
حاولت مرة اكلمه حسيته شايف نفسه علي تقولين انا الغلطانة مو هو وبصراحة صعبت نفسي علي حسيته هانني ايش رايكم بنات وايش تحليلكم لتصرفاته واللي تبي تسأ من شان تساعدني انا تحت امرها

 

[قمر بعيونه]

خليك على تطنيشك واكشخي والبسي مرده يرجع لك وبعدها ارفضي بدلع الين يعتذر منك لان الزوج ما يقدر يقعد فترة طويله بعيد عن زوجته

 

[طلة شيوخ]

خليك لاتهنين نفسك مدامك ماغلطتي سوي واجبك وبس وعيشي حياتك البسي فرفشي اضحكي تضحك لك الدنيا والله يسخرلك يارب ​

 

[أسيرة حبهـ]

حبيبتي والله ما عندي خلفية بس حبيت ارد من شان ادعيلك تنحل مشكلتك و بسيطة ان شاء الله

 

[دلع قلبه]

طيب لكم اسبوع كل واحد راكب راسه ويقول الحق معي!!
تبين تقعدين اسبوع زياده ولا شهر!!
وتكبر الفجوة ويكبر اللي بالنفوس!!
ويزين ابليس بعيونه الحرام وتخسرينه!!
جنوبي حساس !!
وخيركم من يبدا بالسلام
راضيه مو لازم كلمة اسفه
لو مدح,, رسالة جوال فيها شوق
حركات رومانسية خفيفة حتى لو سوى ثقل وردك
تتدلعي عليه الين يطيح اللي براسه
خليك انثى ذكيه تغدي فيه قبل يتعشى فيك
لاتسوله نفسه اشياء حرام ويقول بكره انتي السبب مقاطعتني!!
واحتسبي الاجر في الصلح..

 

[ROMANSIAH]

الله يفتحها عليكم بس والله حيرتوني اطنش بعد والا اتقرب له احس باهين نفسي
وبنفس الوقت ماابي المدة تطول تخيلوا اخوي حس انا متخاصمين وسألني وقلت له ولا شي
ياربي شالسوات

 

[السندرله]

اسمعي قولي له وانتي مبتسمه (اعجبك فضحتنا قدام خلق الله اخوي لاحظ وسالني) واكيد بيرد عليك وانتي وشطارتك​

 

[ROMANSIAH]

تسلمين يالسندرله والله فكرة

 

[أخترتك A لدروبي]

الله يكون بعونك وييسر لك

 

[سعاد٣٣]

احس الحنوبي الغربي فيه كبر ويبغى حنان بس ما يحب تذلين روحك له لا تاسفي له بدلع وكبرياء

 

[تحكمني ظروفي]

شوفي حبيبتي كلام الأخت السندرله جميل واضيف له إذا تصافيتوا قولي أبطلب منك طلب إذا تزاعلنا مره ثانيه,, لاننام إلا وحنا متصافين سواء أنا ولاأنت الغلطاااان,,,, لأنه كلما زاااادت فترة الزعل زااد النفور وسبحاااان الله يتعود يصير ماهمه زعلك وأسألي مجرب ولا تسألي طبيب,, بالتوفيق ياااااااااااااارب’’’

 

[ROMANSIAH]

تسلمون بنات والله ماتستاهلون الا حبة على راس كل وحدة فيكم طيب اتقرب له والا بس اتكلم من بعيد لبعيد منجد فيهم كبر مو طبيعي