مشكلتي!! التي ارهقتني

[اميرة ذوق]

السلام عليكم ورحمة الله وبركاته
اخواتي العزيزات انا داخله علشان تساعدوني بمشكلتي وتنصحوني
انا فعلا تعبااااانه ومحتاجه لنصيحتكم ومشورتكم ..
انا متزوجه لي 16 سنه شفت فيها العجب ومريت بكثيييير من المشاكل ولازلت
المهم ان من سنتين تقريبا وانا احوالي اتغيرت180 درجه اصبحت انسانه لا مبااااليه
وصابني برووود فضييييييييييع في كل النواحي ..
اهملت زوجي وبيتي واولادي وحتى نفسي...
بعد ماكنت اهتم بكل التفاصيل في بيتي وكان دائما يلمع من النظافه والترتيب
والريحه الحلوه واغير واجدد فيه الحين اهملته الدواليب ملخبطه والدنيه حايسه..
ومن ناحيت الطبخ كنت اتفنن في الطبخ واطبخ انواع واشكال لزوجي
واولادي وكنت احب دائما افاجئهم باكلات جديده واصناف مختلفه
والله العظيم مو مدح في نفسي بس كان الكل يمدح في طبخيي

والحين اتغير كل شي
بالقوه اطبخ واذا طبخت طبختلهم كبسه اوايدام او اي شي سهل وفوقها اطبخ
من غير نفس ولا طريقه في التقديم ولاشي ..
....

والله تعبانه نفسين ..
حتى مع زوجي كنت ادور رضاه واحاوول دائما افاجئه بليالي مميزه وبتغير في شكلي يا اقص يا اصبغ وانوع في لبسي واكسواراتي ومكياجي وحركات دلع والحين يالطيف والله يالمكياج ماعاد يعرف طريقه لوجهي..ولاعاد يهمني يرضى يزعل ما يهمني شي ..............لدرجة انه قال لي بصريح العبااره انتي مره اهملتي شكلك وبيتك!!!
لكن بخرجاتي اهتم اكثر لاني بواجه الناااس ويئنبني ضميري ليه انا حوووسه بالبيت وبالجاايم والحووسه حتى الكحل ما احطه
احيانا احس السبب الي شفته من زوجي صار لي ردت فعلاحس اني استهلكت كل طاقتي وتفكيري وجهدي في السنوات الي راحت والحين
خلااص موقادره اقدم شي ..
الله يخليكم ساعدوني لو بدعوه
اتمنى من كل قلبي ارجع مثل ماكنت
نشيطه ومتفائله واحب الحياه بالرغم من كل المشاكل
نفسي البس واكشخ زي زمان
لي سنتين نفس شكلي وزوجي يحب الشعر القصير وانا مستحيل اقص شعري او اغير بشكلي ما ادري ليه محبطه جداااا

.............

 

[اميرة ذوق]

باضيف لكم اني اشتري ملابس غاليه من راتبي الي احسه سبب لي ازمه لاني صرت اكره زوجي الي صاار استغلالي يبيني ادفع كل شي حتى دواء الصيدليه مع انه بخيرر فانقهر وبقوه ليه هو ما يدلعني ويصرف علي بالمعقووول..وكل ما اخذت اجازه احس بحاجتي للمال لاني تعوودت ع الصرف وارجع ويرجع موال مشاكلي معه ادفعي وحطي وسووي..............

 

[طيرشلوة]

الله يكون بعونج وخلي املج بالله كبير

ولي عوده

 

[نور زوجها]

الله يعينك

 

[هدوء الغروب]

اجعلي شعارك غاليتي غدا يوم جديد وجددي نفسك كاول خطوه ابدئي بقص شعرك وغيري في شكلك ثم اتجهي الى بيتك وزوجك ولا تاخذي في خاطرك انك متغيره قولي انا دائما للافضل وبالتوفيق

 

[l مليـت l]

طيب طبيعي يا قلبي انك مكتئبه ومحبطه من اللي شفتيه من زوجك
ليه تقسين كذا على نفسك
يبيك تهتمين بشكلك وتدفعين
وهو وش دوره بالحياة طول الله عمره
انصحك تروحين عمره كم يوم بدونه مع اخوانك ابوك عيالك اي احد
تصفين ذهنك وتشربين من زمزم وتدعين ربك
ثانيا قربي من الله واقري قران واستغفري واذا ممكن شوفي طبيبه نفسيه
مافيها شي تفضفضين لها وتساعدك تطلعي من الاكتئاب
وروحي قصي شعرك وغيري اللوك مو عشانه عشانك.. دلعي نفسك سوي بدكير وحمام مغربي ومساج
ترى التجديد يفتح النفس للحياه....

قولي له انا مكتئبه خذني كم يوم سفرني غير جوي
انا تعبت... وانت سبب كئابتي
طلعي اللي بقلبك شكلك كتوم وتجين على نفسك كثير

 

[اميرة ذوق]

جزاكم الله خير وفرج الله همومكم ياارب

 

[س ر]

طيب انتي ليش وصلتي الى هالمرحله كان عندك ضغوطات ومشاكل سببت لك الاحباط والائكتاب

 

[المــهــا]

ربي يفرجها علي وعليك على المسمين ياحي ياقيوم

 

[حلم ضائع22]

الله يعينك اختى ويفرج همك اغتقد رده فعل للي سواة زوجك من استغلال دائما اقرى قران وصلي وادعى ربك يفرجها عليك

 

[سموالذوق]

مهما صار ما يعطيك الحق انك تكرهين نفسك وتهمليها عشان رجال كلنا ذقنا المر مع ازواجنا وتعبت نفسياتنا لكن ما اخليه يشمت فيني ويقول قدرت اخليها كذا بالعكس رغم كل المصاعب لازم تهتمين في نفسك لانها االاساس مهما حصل حبي نفسك دلعيها ما فيه شي يستاهل تهملينها باسالك لما تخريجين وتتزبطين عشان مشوار مو تكونين مبسوطة ونفسيتك احسن ؟
اكيد . عشان كذا دلعي نفسك اكشخي لا يشوف زوجك فيك شي مو زين ولا بيتك وحطي في بالك لو زوجك ما قدر تعبك في كل شي فانتي سوي هذا لوجه الله تعالى وصدقيني الي عند الله ما يضيع (وانما يوفى الصابرون اجرهم بغير حساب )ريحي بالك احمدي ربك عندك راتب يغنيك عنه اغلب الرجال ما عاد يصرفون على بيوتهم مو بس انتي انا زوجي رجل اعمال وانا موظفة وراتبي على قدي والله اسحب منه الريال بالقوة وكل ما اتذكر راتبي احمد ربي اني احيان احتاج شي واخذه بدون ما يحاسبني عليه
فرج الله همك​

 

[بنت ناس]

نفس الحالة اللي امر فيها ونفس طباع الزوج

انا مثلك أُستهلكت جسديا وماديا ونفسيا وعاطفيا

نضب فيني كل الفرح والاهتمام والحب
لكن مازال عندي الامل لغد واعد

وبكرى احلى لي ولك ولكل الناس

 

[أختكم المسلمة]

الله يفرجها عنج.....

 

[اصغرزوجة]

لاحول ولاقوة الابالله اسال الله العظيم ان يفرج همك يارب حبيتي الزمي الاستغفار وادعي دعاء الهم والغم

انشاء الله ربي يفرج همك يارب​

 

[اميرة ذوق]

جزاكم الله خير

 

[اميرة ذوق]

مازلت انتظر حلولكم وارائكم فمنكم الحكيمه والتي اعطاها الله الر|أي السديد

 

[بااااتي]

.....Wt
حبيبتي هاذا زوجك مو ربك
اذا قلت للك اسجدي لزوجك بتسجدين
طبعن ...لا ..صح
ياعمري كل شهر جددي في عمرك
روحي صالون قصي اصبغي
بدكير منكير ولبس كشخه
وغيري كل شي اطلعي مع صحباااتك
وخلي عندك ثقه اذا رحتى الصيدليه ادفعي بثقه
خليه يستحي على دمه
وانتي في اي ماكان اي شي تبينه اوقفي اتفحصي الي تبين وخليه يناضر وادفع واتركيه
فاتح فمه مفهيه هههههههههههههه
ياعمري احمدي ربك عندك راااااتب افهمي لايصير راتبك نقمه في حياتك
وبعدين كيف شكلك وانتي موضفه بين صحباااتك ارحمي حاللك
انتي مو مخلوقه له حبيه مواقول اعبديه ​

 

[كلما أشتقت]

راجعي طيبب نفسي يصرف لك ادويه للإكتئاب
وارجعي حبي نفسك واهتمي فيها ماأحد أغلى علي من نفسي
أعرف وحده مسكنه زوجها ببيت لأهلها وهي تصرف عليه وهو في قمة السفاله والانحطاط وواضح استغلاله لها ومع كذا باسطه نفسها وعايشه حياتها وتموووووووووت فيه بدون سبب يدفعها لذلك
ولا تحسبيها غبيه بالعكس مافي اخبث منها يعني وافق شن طبقه بس تحب تكون سعيده باختصار

 

[للحياة معنى]

عيشي حياتك ؟؟؟؟؟؟؟؟موظفه احمدي ربك ؟؟ارجعي زي اول بس بحكمه ؟؟خلي لك حساب توفير بالبنك وجزء لو بسيط صدقه والباقي انبسطي فيه ؟؟الحياه قصيره ليه انقصرها بالنكد؟؟؟هو حطيه امام الامر الواقع من ناحيه الصرف مثل المستشفى واغراض البيت والقطات لحد مايتعود وخلي العيال يطلبون منه مو انت

 

[نور كندا]

على مايبدو عم تمرى باكتئاب سن الياس