مشكلة صديقتي ساعدوني كيف انصحها

[همايل العين جفي]

السلام عليكم ورحمة الله وبركاته

انا عندي صديقة مالجة و قريب عرسها إن شاء الله

ريلها يحبها وايد لكن مشكلته شخصيته ضعيفة كلمة توديه و كلمة اتيبه

متعود في بيتهم على هذا الاسلوب لان امه هي مسيطرة على الوضع

يعني امه تتدخل في كل شي من الحين

1- كانوا مرتبين يسافرون اماكن معينة الام اعترضت و الولد غير رايه و سمع كلام امه

2- العروس تبغي تعدل شي في بيتها بس الام مب راضية و هو سمع كلامها بعد

3- تقول صديقتي حتى انا اذا قالي سوي الشي الفلاني وانا قلتله لا يقول خلاص اوكي يعني
حتى ما يقدر يناقش مثال " صديقتي لما تطلع السوق تتغشى, فلما تستأذن منه تقوله بروح السوق
يقولها اتغشي هي تقوله لا مابا اتغشى بس عشان تشوف ردة فعله بعدين هو قالها اتغشي مابا حد يشوف جمالج هي ردت عليه قالتله انا مب حاطة مكياج , قالها صح اوكي لا تتغشين"

4- سالفة البطاقات هي و هو سارو المحل اختارو بطاقة وعيبتهم , بعدين وده امه شافت البطايق
قال يمكن اغير البطاقة امي ما عيبتها

5- الدي جي هي تبغي دي جي طيران و في الملجة يابت دي جي طيران و هو عيبه وكل شي
وتبغي اتيب نفسه في العرس هو قالها اوكي , بعدين قالها امي يبون اناشيد اصلا الطيران مب حلو




ووايد اشيا يعني تقول ما يرمس عن شي الا عن الجنس بس في امور الحياة ما يعرف يتكلم لان شخصيته ممسوحة

فهي تقولي افكر اطلق و انا اقولها ما اعرف بشو انصحج وايد انا مضايجة عشانها

شو انصحها ؟؟؟؟

 

[حنانوو]

جد شهالام ياربيه من اولها كذا
تسال امها اهلها وبعدين هذي حياتها ومال امه دخل في حياتهم جد قهرتني
تحاول تصرع رايها تشوف وش بيسوي ولد امه بتهدم حياة ولدها بسبة سيطرتها اوغيرتها
جد الله يعينها مدري شااقولك بصراحه

 

[همايل العين جفي]

مشكورة اختي و اتريا راي البقية

 

[العنود 19]

صحيح امه تدخل شوي
بس رقم 4و5 لها حق الصراحه لازم يكون اتفاق من الطرفين
طرف العروسه واهل العريس

 

[6flah]

انا اعتبره مسالم وانسان طيب افرضي عاندها او سوالها مشاكل علي كل هابه ودابه ؟! بتتطلق بعد

والام فيه رجال شخصيتهم قويه وامهاتهم تتحكم فيهم .. با العكس تحمد ربها بكره اذا تزوجته بعقلها تقدر تملكه

ولاتاخذلها واحد شخصيته قويه ودكتاتوري وعايش حياته با الطول والعرض ومعطي زوجته اشكل

 

[السر المكنون]

آنا برأيي إنها تتكيف مع الوضع الجديد ولأن كل شي يديد في البداية صعب فلا تتسرع بالطلاق، ونصيحتي لها إنها تحاول تكسب أم زوجها وتأخذ برأيها في بعض الأمور اللي يمكن ترضي جميع الأطراف في النهاية وتحاول إنها ماتعارضها خصوصا إذا كانوا قاعدين مع بعض (أقصد الثلاثة أطراف) وتحاول تسمع برأيها وتوزع ابتسامات ونظرات بس، أما الأمور اللي تكون خاصة بينها وبين زوجها تحاول تتخذ قرار أثناءها علشان ماتعطيه مجال أو وقت بإنه يرجع لأمه حتى ياخذ رايها، وتحاول إنها تشجعه وتاخذ برأيه ودايما تخليه إهو اللي يبادر، يعني بالمختصر المفيد تكون مثل أمه الثانيه له(بالظاهر فقط) بس ما تلغي وجودها وتكون حكيمة، والله يوفقها ويسخر لها ويهدي أم زوجها يارب

 

[همايل العين جفي]

مشكورين خواتي

هي بتيلس بروحها مب مع ام ريلها

و هي تقول المشكلة مب بس امه , تقول ما في حوار بينها و بينه يعني هو مايعرف يرمس عن الحياة
بس يعرف يرمس عن الجنس و الحب , تقول اسئله سؤال ما يعرف يرد وهذا الشي وايد مضايجنها

و بعد تقول هي تبغيه يلعب دور الريال ما تبغي هي تلعب دور الريال و الحرمة

 

[قطـــــريه]

اختي خل رفيجتج تتخيل مستقبلها وتحدد تكمل معاه او لا .. هل تقدر تتحمل هاي الطبع وتدخلات امه بهالطريقة ؟؟ اعرف وحدة كانت مالجة وكانت تتفق مع خطيبها على شي ويروح بيتهم ويكلمها ويغير كلامه كل مره جذي لين قررت تفصخ العقد .. وقالت انا ماقدر اعيش بهالطريقة .. تقول افكر في حياتي في نفسي في اعيالي حسسها انها مالها كلمة وانه ممكن يبهدل الدنيا ويخرب اي اتفاق . .

 

[marchdaughter]

في اشياء كثير تتغير في الانسان من ضمنهم الطبع فأكيد راح يتغير

 

[ليش لأ]

والله انا رأيي انها لساها على البر ون جد لازم تحدد صفاتو الايجابية والسلبية وتشوف اذا كانت ايجابياتو اكتر وان كانت تتحمل سلبياتو ولا لأ اما عن تغير الطباع فهاذا الطبع اتصور مستحيل يتغير لانو في ناس انخلقو قياديين وناس تابعين التابع صعب جدا يصير قائد الا بمعجزة او ارادة حديدية اشوف انها لازم تستشير اخصايئة وبسرعة قبل متا توقع الفاس بالراس وتأول يا ريت اللي جرى ما كان