مشكلة بنتى الى عمرها خمس شهور

[قمة الأحساس]

مساءاالخيراو صباح الخير
انا مشكلتى بنتى اللى عمرها فى نهاية الشهرالخامس وهى متعبتنى مررررة باعصبيتها وبكاها هى انولدت في اول يوم من الشهر االتاسع وكان وزنها كيلوين ونص وكانت كثيرررررررر تبكى قالولى هذا لانها اكيد فيها مغص وعالجناها بااليانسون وماء الغريب واعطانى االدكتور نقط للفم خاصة للمغص وبدا البكاء يخف وخاصة بعد ماكملت 3 شهور لكن وهى هاللحين زى ماقلت فى نهاية الشهر الخامس ملاحظة انها من 3 ايام اصبحت جدآ عصبية وتبكى كثير وتبينى دايم معاها وعلى هالوضع مع انى عملتلها تحاليل عند الدكتور و كشوفات وكانت سليمة ،،، الله يجزاكم كل خير قولولى ايش اسوى معها انصحونى والله انى مرررررررة تعبانة منها وخاصة انها اول طفلة لى وما عندى خبرة​

 

[مسك القلوب]

اختي سالفه العصبيه عادي
الحين كل الاطفال عصابين شوي وينفجرون وتقريبا كل الامهات يشكون منها

مادري وش السبب

ويمكن يكون السبب انها في مرحالة تسنين
ودائما الاطفال في المرحله يزيد عندهم القلق
يمكن تلاحظين اضطراب في نومها
يحبون الاقتراب من الام كثيرا وتحسين انهم محتاجين للاحتضان اكثر

انت شوفي لثتها لو لاحظتي كانها مورمه
ودائما تدور اي شي تعضه
ويكثر لعابها
ارتفاع بسيط في درجت الحراره تقريبا من نصف درجه الى درجه
فانها تسنن

لو لاحظتي الاشياء قولي لي واخبرك كيف تتصرفين معاها

 

[مملكة الاحزان]

مسك القلوب انا بنتي تسنن وماتنام ايش اسوي

 

[روحي غلا]

انا بنتي عمرها خمس شهور

وزي حاله بنتك

بس بنتي تبغى صدري

في فمها تحس بالامان
ماتنام الا لما يكون في فمها
هذه البكريه والدلع لها

 

[مسك القلوب]

مسك القلوب انا بنتي تسنن وماتنام ايش اسوي

حبيبتي الله يخلي لك بنتك ياااااااااارب

اول شي في جل بالصيدليه خاص بالتسنين
في بعض الاطباء ما ينصحون فيه لكن امهات كثير جربوه ويمدحونه
يعني لو حسيتي ان التسنين مره مضايقها استخدميه

لازم تجبين لها عضاضه وطبعا من الصيدليه
وافضل شي اللي تحسينها كانها مطاط ولينه
افضل بكثير من البلاستك واللي فيها مويه

واحيانا حطي العضاضه جوى الفريزل وبعدين عطيها راح يخفف التهيج

اهم وافضل شي انا دااااااااااااااااائما استخدمه لبنتي ويريحها

في دواء تلاقينه عند العطار اسمه محلب
جدا امن وما منه خوف ابد جداتنا كلهم يستخدمونه

اطحني منه شوي وحطيه بالثلاجه لوحسيتي انه متعبها التسنين
خودي شوي باصابعك وافركي لثتها فيه عالطول راح يهدي التهيج اللي تحسه ياقلبي

جربيه ولا تخافين وراح تحسين كيف ترتاح

ولا تنسين تدعين لي

 

[امووره استراليا]

السلام عليكم اختي قمهالاحساس يمكن المشكله اللي عند بنتك من اذانيها اذا تلاحظينها دايم تنام على الجنب وتحك اذانيها فهي عندها مشكله في اذانها خصوصا انك تقولين من ولدتها وهي عصبيه وتبكي >>>>ولاتنسين تقرين عليها بعض الاذكار تهديها ...الله يصلحها ويهديها لك ...اللهم اميييين

 

[مملكة الاحزان]

مسك القلوب الله يفرج عليك ويسخر لك زوجك والله انك جيتي في بالي وانا اصلي ودعيت لك والف شكرانا متاكده ان عملرك صغير بس بصراحه انتي ام الجميع هنا

 

[مسك القلوب]

مسك القلوب الله يفرج عليك ويسخر لك زوجك والله انك جيتي في بالي وانا اصلي ودعيت لك والف شكرانا متاكده ان عملرك صغير بس بصراحه انتي ام الجميع هنا

الله يجعل لك مثل ما دعيتي لي
يااااااااااااااااااااااااااااااااااااااااااااااارب

ياقلبي اعطيتيني اكبر من حجمي
والشي يدل على اصلك الطيب

وانا بخدمه الاخوات باللي اقدر عليه
لاني صراحه استفد من المنتدى جدا

واحب اقدم له اي شي ولو كان شي بسيط