ود المحبة
Active member
- إنضم
- 11 يونيو 2007
- المشاركات
- 3,843
السلام عليكم
احبتي ...
مجموعة مسجات شتويه
اقدمها بين ايديكم آملا رضاكم
°•.ღ.•° حر بلا قيود °•.ღ.•°
بالحضن عن(( برد الشتاء))
و((دفني)) لاصارت الدنيا جليد
ضمني بيدين مليانه(( دفا))
واعطني حبك وغيره مااريد
لامتى بصبر حبيبي لامتى ..؟
وانت عن عيني بعيد؟؟
مااهتنى نومي ولا جفني غفا
اشتعل بركان واشواقي تزيد
°•.ღ.•° حر بلا قيود °•.ღ.•°
حبيبي مازرعت لك الشجر في داخلي من شان
تجي تاخذ من اعماقي ثمر وتغيب عن عيني !
انا لولاي احبك ماجعلت من الضلوع اغصان ..
ولا علقت عُشك في حشاي وقلت : (( عِش فيني ))
حبيبي ليه في فصل الجليد تقاطع البستان ؟
وتتركني ل وحدي و((الصقيع)) يقطّع ايديني
واذا راح ((الشتا)) والثلج هرول واورق الرمان
تجي تقطف ثماري ثم تستنزف شراييني ؟
°•.ღ.•° حر بلا قيود °•.ღ.•°
أجيك كلي وادوخ بضحكتك كلي...
واموت في لهفتك واتلحف جنونك
لاغاب طيفك انا يامنيتي من لي؟؟
يجرحني ((البرد)) واتدفيني عيونك
°•.ღ.•° حر بلا قيود °•.ღ.•°
غربه و((ثلج)) شعور وأنفاس دخان
تجتاحني والليل ل الليل يشكي !
ليلي كِذا ب الوان ولاّ بلا الوان
لو يحترق صمتي عليه ب يبكي !
ممكن ماعرفك ؟ لكن الصدق : عنوان
ممكن أعيشك ؟ لكن شلون باحكي .!
°•.ღ.•° حر بلا قيود °•.ღ.•°
خذني ... تعبت من الوله ... و البرد هدَّاني ..
لمني أبدفا من صقيع الليل باحضانك
جيتك عطش مُنهك ذبل من نُضرة أغصاني ..
جيتك إثم " وردة غلا " تستغفر أغصانك
°•.ღ.•° حر بلا قيود °•.ღ.•°
لو ما أبيك ..
ما تشوف
ضلوع صدري .. ثلّجت
وهي تحتريك !
ما تشوف
الناس ماتت في عيوني
واختفت !
ما تشوف
الكلمه لامن جيت ابنطقها
وقفت !
انت اكبر مشكله عندك حبيبي
ما تشوف
الله يهديك ..
°•.ღ.•° حر بلا قيود °•.ღ.•°
تمادى في ابتكار ((البرد)) و المنفى
تمادى واتمادى في خيالاتي
ب صورك ((دفى )) أحضان لين اغفى
او انسج سيرتك موطن ل آهاتي
أو استنزف طيوفك والطيوف اوفى
واضمد ب اللقا يا المبعد ذاتي
°•.ღ.•° حر بلا قيود °•.ღ.•°
آآه لو إن دافي اشواقي لعب بك !
.. أو ..
على فكرك هواجيسي تلوت !
كان تدري كيف صار الحال ب سبك ؟!
وكيف فجعة غيبتك في الصدر دوت ؟!
°•.ღ.•° حر بلا قيود °•.ღ.•°
((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق )))
°•.ღ.•° حر بلا قيود °•.ღ.•°
هذاك لو قال ((الشتا )) صيف .. عرقت
ولو قال صيفي(( برد)) .. شبيت ناري
°•.ღ.•° حر بلا قيود °•.ღ.•°
ذَهَب كل الكلام وفضته يوم السكوت نحاس
قبل ما اشوفك اشوفك نهر من منبع عذوبه
احبك من زمان(( البرد)) .. احبك من زمان الياس
كثر ما اصحى من ايام الوله وادخل ف غيبوبه
أنا وحدي حبيبك لو قريتك في وجيه الناس
ولو وجهك ذنوبٍ مالها في سجدتي توبه
تجي مثل العزا بعد العزا في غيبة الأعراس
وتروح اشبه ب دمعة ف الورق ب الصمت مكتوبه
°•.ღ.•° حر بلا قيود °•.ღ.•°
الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح ان الهوى غلاب
ومن حب الهوى مره
يضل مرهون تحت امره
على حلوه
على مره
على(( برده))
على ((جمره))
°•.ღ.•° حر بلا قيود °•.ღ.•°
يالغايب الحاضر معي وسط الافكار
يالمرتوي منّي .. وأخايل سرابك
انت(( المطر(( وانت(( البَرَدْ)) وانت الانهار
وشلون أضما بوقفتي عند بابك .؟
وإن
ت الفضا يالرحب .. والباقي أسوار
أضيق فيهم وأتفيّا سحابك
°•.ღ.•° حر بلا قيود °•.ღ.•°
يذوب الثلج ف عيوني
على جال الهدب والنار
ولا حسيت غير أني
أصيح وصوبك الطاري
ندهت أرجع هنا أمسي
هنا ذنبي هنا إستغفار
هنا شفت الأمل يُقتل
هنا شفت الحيا عاري !
°•.ღ.•° حر بلا قيود °•.ღ.•°
جيت لك ودي " شوية إهتمام "
في يدينك .. كني " الطفل الرضيع " !!
وأشتريتك ب الأمل حد الهيام
وأنت ماقصرت ب أشواقي تبيع !!
°•.ღ.•° حر بلا قيود °•.ღ.•°
شوف انكسار الورد .. نبَّت على يدي
((دفى)) جمود(( البرد)) ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه
°•.ღ.•° حر بلا قيود °•.ღ.•°
غفيت وبعض نظراته علي
وكل نظراتي عليه
وش أسوي؟؟
اشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..مايفيق
صاحبي.. قلّي شسوي؟؟
يتبعني خياله
يبتسم لي ثم يتركني ويرحل
كن هالدنيا له لحاله
مارحمني ولارحم حالي
صاحبي ارجوك قلّي شسوي؟
لاجرحته وأستثارت هالعروق
وش أسوي؟؟
°•.ღ.•° حر بلا قيود °•.ღ.•°
تركتني (( لبرد )) الطريق
وأنا على بابك...
أتذكر أنك قلت لي:
بالله وش جابك؟؟؟؟
°•.ღ.•° حر بلا قيود °•.ღ.•°
جيت لك من(( جمر)) الشوق متحمي
كل ما((تبرد)) طعوني ضمها
جيت لك واقصى معاليقي تومي
هم يخطيها وهم يخمها
ان ضميت اشرب سواليفك بدمي
وان تثاقلت الدروب ازمها
وان خذتك مني عين ماتسمي
العن الدنيا وابوها وامها
°•.ღ.•° حر بلا قيود °•.ღ.•°
ما سألتك ليش تبعد .. وانت اصلاً مبتعد ؟!
لكن يحزْ ف خفوقي ما يبيح ب اعترافه ..
كل شي يسألني عنك ما تمكنه السعد
ليه ابعّدت الطريق .. وليه طولت المسافه ؟!
،،، تحياتي
ود
