مساعده على السريع ..

[الخجوله..]

باقي على زواجي شهر ومفكره أكل حبوب منع الحمل

ورحت للطبيبه وكشفت علي وسوت لي تحليل دم

والحمدلله كل شي سليم ..

وأنا ودي أكلها ثلاث شهور لكن يوم شاورت زوجي أعجبته الفكره

وقالي مدديها إلى سنه ..أو ستة شهور

وأنا مره محتاره هل تسبب عقم إذا طولت فيها أو لاء

وش الأفضل كم المده اللي أكلها فيها ..

وكيف أوقفها ؟لازم أروح للطبيبه وإلا من نفسي أوقفها

وكيف طريقة أكلها ؟؟ ( قالت لي الدكتوره كليها خامس يوم من الدوره وإستمري عليها 21 يوم

بعدين وقفيها وبتنزل عليك الدوره وارجعي كليها خامس يوم واستمري إلى 21 يوم )

وبعدها أصير أكل الحبوب على طول وإلا كل ماكملت 21 يوم اتركها وأرجع أكلها خامس يوم من الدوره وهكذا ..

وأتمنى تساعدوني مرره محتااره وخاايفه

 

[مازال عندي امل*]

حبيبتي انا كل شي سليم وزوجي بعد وماحملت الا نهاية السنه الرابعه من زواجي من دون موانع رغم اني في قرارة نفسي ما ابي احمل بدري سبحان الله فممكن تعطيك مناعه وماتحملي الا بتدخل طبي من منشطات وغيره استخيري الله

 

[ميمو22]

نصيحه مني لاتاخذي حبوب ولاغيرها
البيت بدون بزوره ملل ووحده لان الرجال مو جالس معاكي طول الوقت
ربي لاتذرني فردا وانت خير الوارثين

 

[دَانــه]

نصيحتي لكِ ما تاخذين اي مانع في بداية حياتك الزوجيه
حتى وان قالت لك الدكتوره كل شي تمام
ماتدرين يمكن بعد الزواج يصير عليكِ تغيرات تتسبب في تأخر الحمل او مشاكل ثانيه انتِ في غنى عنهااا
خلي الحمل االاول يجي بوقته ويعدي على خير وبعدين خذي المانع اللي يناسبك
وبالتوفيق يا قلبي

 

[ساميه1]

انا اقول لو ماتبغين اعيال من بداية زواجج وتبين تستانسين
لاتاخذين حبوب ابدا
احتمال تسبب لج عقم وبدال ماتاخرين الحمل عقب تدورين شي يخليج تحملين
استعملي الكوندوم اللي هو الواقي الذكري ماله اضرار كلش
وانا استعملته 4شهور وماحملت عليه وبعدين بغيت احمل وماحملت بسرعه تميت 5 او 6 شهور ماحملت لانه الجسم يبيله وقت ومن وحده الين وحده تختلف
بس نصيحه لاتاخذين الحبوب ابدا ابدا

 

[سبحان الله ..]

على حسب ماسمعت أن حبوب منع الحمل مآتسبب عقم يآبنآت بس تعطي منآعه

شوفي إّذا زوجك قالك خليها سنه صدقيني أنتم من تمر عليكم اربع او خمس شهور

بتحنون انه يكون لكم بيبي

فممكن تآكلينها 3 شهور او 4 بالكثير عشان ماتسبب لك مناعه لفتره طويله

مع أن في ناس ماشاءلله يتركون الحبوب من هنا ويحملون من هنا وفي ناس لا تعطيهم مناعه لفتره طويله

وأنتِ الله أعلم بس دامك ستشرتي طبيبه وكل شي اوكِ بقى لك تستخيرين ربك إذا حسيتي برتياح توكلي وكليها

بس لاتطولين يعني بالكثير بالكثير إذا أصر زوجك 6 شهور بالكثيررر

وهي نفس ماقالت لك الدكتوره 5 يوم من الدوره أبدي بالكرتون كولي كل يوم حبه وماتفوتين ولا يوم

وإذا خلص الكرتون الي فيه 21 حبه خلاص وقفي من دون ماتروحي لدكتوره ولا شي

بتقعدين يومين ولا ثلاثه بعدها بتنزل عليك الدوره ونفس ماسويتي بـ5 يوم لدوره ابدي بالكرتون الثاني

وإذا تميتي الشهور الي تبين تاكلينهم فيها سوا 3 شهور او اربع خلاص توقفينها خلاص

والله يوفقك ويتمم لك على خير بس قبل ماتخطين اي خطوه ستخيري والله يكتب لك الي فيه الخير

والله يسخر لك يارب ويسعدك بحياتك ويكتب لك الراحه والتوفيق

دعواتك

 

[روتـــانا]

انا انصحك انك ابداااااا ما تاخدي ..

واستخدمي الكوندوم .. وتوكلي على الله ...

انا ما استخدمت موااانع ولا كوندوم ولا شي وصارلي سنتين متزوجه وما حملت ..

رغم اني ببداية زواجي ما كنت ابغى احمل على طول <<< يمكن النفسيه تعكس وتأثر سبحان الله ..

بس الحين نفسسسسسسسسسسي احمل بس الله ما ارد ..

نصيحتي لا تضري نفسك وتندمي ...

خليكي عالكوندوم وبس ..

 

[الخجوله..]

حيرتوني

طيب لو أخذها أول شهرين من الزواج وبعده نستخدم الواقي

عادي وإلا فيها إشكال

الله يسخرلكم أزواجكم ويسعدكم ويرزقكم الذريه الصالحه :icon26:

 

[سبحان الله ..]

حبيبتي لاتحتارين ولا شي

ستخيري وتوكلي على الله

وإذا ستخرتي ووكلتي امرك لـ الله خلاص ربي بيكتب لك بأذن الله الي فيه الخير

وإذا فيهن شر الله يصرفهن عنك

موووووووووووووفقه

 

[مريوم الحلوه]

هلا فيج قلبووو

انا اتكلم عن نفسي محااال افكر اخذ شوفي بدخل الشهر الرابع وربي خاطرفي احمل
اول الشهور صحيح الوحده تبي تتونس بعدين تتشوق لطفل ويكون عندها خوف هل راح احمل او راح نتاخر بالحمل
انصحج اذاراح تاخذي لاتطولي

 

[المها **]

حبيبتي نصيحه لاتاخذين حبوب من بدايه زواجك بعدين تندمين صدقيني بتشتاقون حق الاطفال من الشهر الرابع اذا انتي خايفه تحملين على طول استخدمي العزل افضل من الحبوب

 

[الخجوله..]

كل الشكر لكل من أضاف

ودي اعرف وش الخطوره من أكلها أول الأيام ؟؟

هل تسبب عقم؟؟

طيب راح أستخدمها شهرين ماراح أطول تتوقعون تسبب لي شي !

 

[الامل باقي]

لا لا لا ياحبيبتي لاتفكري تاخذيها تاثر على الرحم ببداية حياتك خوذيها بعد الحمل الاول
وكمان تاثر على التبويض ويصير منخفض وتصير امكانية الحمل ثاني صعبه وبعدين تدورين منشط وادويه للحمل
انا اقول توكلي على الله واللي فيه الخير يجي--سوو عزل وتجنبوا ايام التبويض اللي هي عاشر يوم من بداية الدوره للعشرين هذي اللي فيها الخطوره وممكن يكون فيها حمل خلوا المانع طبيعي 3 شهور واحملي والله صدقيني مافي احلى من الاطفال-الله يرزقنا جميعا