مساعده اذا ممكن؟؟

[دمعة أيام]

السلام عليكم اخواتي

بعد جهد طوووووويل عرفت اخيرا للبوصله الشخصيه والانماط
بس بدي مساعده منكن كييف اضل دايما كسباني زوجي

مع العلم شخصيتي انا شماليه غربيه وزوجي جنوبي شرقي



وبعض صفاتنا او حياتنا بحس انو متفقين تقريبا ع كلشي بحياتنا ما في مشاكل
بينا بشكل عام الا يكون نقاشات بس مش مشاكل
سرلي متزوجه 8 شهور تقريبا بس بعرف زوجي من 5 سنين من قبل الزواج كنا بنفس الصف ندرس بالمدرسه اعمرانا 22 سنه يمكن هالايشي مرات بخليني شكاكه بكل تصرف بعملو وبغااار كتير علي غيروة انا كتيير مرات بغاار قريباتو الصغار اطفال يعني ما تجاوزو 8 سنين اذا قعد يلاعبهم او ايشي بس ما ببينلو بحسو فهمني بوقتهاا وحرام بسير يتقربلي بسسس نفسي ابطل هيكك اغار علي

انا بقرا اشياء كتيير من المنتدى وبطبق كلشي بس واجهتني مشكله قبل فتره قبل 4 اشهر تقريبا انو لقيت زوجي بحضر بنات برقصو عاليوتيوب رقص شرقي غربي كلو بس بعد نقاشات وهيك الحمدلله مشت الامور وبطل يحط بالمرره بعدها لانو حكالي الاشياء الي قصرت فيها بعد حملي
وسرلو فترره الحمدلله والشكر الك يا رب سار يحط في على دروس دين لمحمد حسان وادعيه....الله يهديه ياارب

وزوجي تقريبا بيتوتي شوي ما الو علاقه ببنات لا ماسنجر ولا تلفونات ولا غيرو بحبني كتيير
ما بطلع من البيت الا اذا كنت معو واذا ما بدي اروح ما بطول اكتر من ساعه عند اهلو ..اصحابو بالمناسبات بس سهرات اول الااسبوع ولا اخر الاسبوع معي في البيت او بنطلع مع بعض

هاي اكتر ايشي في صفاات بحبها وبتعلقني في صفاتي حلوة بس الاايشي الي دايما بعلق زوجي علي هو صوتي عالي مرات بوطي صوتي وبمياعه بحكي معو بس لما ايشي ينرفزني برجع بعلا ... هاي اكتر ايشي في بارزه من صفاتي الي مش حلووة وما بعرف اطبخ منيح لانو بس بعد ما تزوجت تعلمت كيف افقص البيضه والله ...وفي كمان مشكله انو وضعنا الاقتصادي مش كتيرر عالي وسط واقل شوي يعني لسا احنا بالايجار وايدي فرطين بالمصاريف شوي اذا اشتغلت وهيك اعرض علي مساعدتي ولا كيف ؟؟


بدي منكن مساعده كييييف اتغلب على صفاتي الي مش حلووة طررق ابدع فيها واضل امليه عينو طوول حياتو ويضل هيك ما يطلع على وحده غيري بصراحه انا اتعقدت من المشاكل الي بقراها هون الي زوجها كان منيح وخانها ويلا تزوج عليها:8: والله مش حابه اوصل لهيك ايشي ولالالا باي فترره من حياتي مع اني دايما بحكيلو لو سار منو تصرف او وحده حبتو مش رح اتنازل لا عنك ولا عن عيشتي معك بسهوله يعني خلي هالايشي ببالك بس بتخرب بيتك وولادك بالمتسقبل اذا بدك تعمل هيك ويلا هيك من وراي ..

شو لازم اعمل اكترر صحيح بعد ما حملت اهملت حالي شوي بس بعد الي سار رجعت متل قبل واحنا عرسان لبس ومكياج ومش ضايل كتير والله يهونها واولد على خيير ..وارجع جسمي ولبسي متل قبل

رغيت كتير بالحكي بس بدي مساعده منكن كيف اضل محافظه هيك على بيتي وزوجي وما اخلي ولالالا وحده تملي عينو او ترف عينو ع وحده تانيه
بدي نصائح...والله يجزاكن كل الخيير ياارب:5:

 

[بسمة الذيب]

مسى الخيرات دمعة أيام . كيفك عسى تكوني منيحه . أولا الحمدلله أنه حياتك ما شاء الله بتغزي العين طيبه . وعسى ربي يعطيك على أد نيتك الصافيه إتجاه زوجك . بمشكلة الصوت حبيبتي لازم تحطي كنترول لنفسك. وطبيعي في ناس أول ما بيتنرفزو بيعلى صوتهم بس إذا برمجتي نفسك على كضم غيضك وغيرتك الحاده وتختمي عليها بألبك فيك تغيري حالك ولازم تحطي هالشي فبالك دوم. وعلى الطبخ طبعا مع الإستمرار والتعلم فيك تتفنني ورح تصيري طباخه. إنتي بنت بيحبك زوجك وكمان إنتي بتحبيه . ودام معرفتكون صار لها خمس سنين أبل الزواج طبعك إنتي خابزته وعاره شو بيحب وشو بيكره . أتمنالك حبيبتي كل خير وعسى تولدي بالسلامه ويحفظك ربي دوم يارب ويخليك لزوجك .