بنوته ياي
New member
- إنضم
- 18 فبراير 2010
- المشاركات
- 71
حبيباتي مشكلتي مع زوجي تعبتني ........ وتعبت أعصابي معاه ... وهوا لاهي في حياته ولا على باله
حكايتي أخبرتكم بيها من قبل وما قصرتو الله يجزاكم الجنه يا رب .. وهيا موجوده في هذا الرابط
http://www.niswh.com/vb/showthread.php?t=219137
وبعد ما صارت الحكايه وطبعا مو راضي يعترفلي بخيانته صار ماشي تمام ولا أحسن منه لمدة شهر وبعدها رجع لأصحابه وحياته القديمه .... وبالصدفه سمعته يكلم بنت في الجوال وقلت لا يمكن يتخيلي وفي نفس اليوم كان يتكلم مع وحده في الجوال وما كان يدري إني في نفس الغرفه وطبعا كان يكلمها على إنها ولد ولكن تبين نبرة صوته وكيف إهتمامه بيها وبصحتها ... وفي هذا اليوم بدأت حياتنا تتغير بشكل كبير وقلت له اختار بيني أو بين أولاد وبنات الحرام اللي انتا ماشي معاهم قام يخاصم وقالي مو حرمه اللي تختار لي كيف أعيش حياتي وطبعا راح أختارهم ... واتزاعلنا لمدة 5 أيام وبعدها جا يخاصم وقالي أنا صبرت عليكي كثير ( مع إنه والله أنا اللي صابره عليه وعلى بلاويه ) وخلاص طفح فيا الكيل وقومي أوديكي بيت أهلك ( طبعا كان دايما يهددني إنو يوديني بيت أهلي لمن تحصل بيننا مشكلة وأنا أقله إني ما راح أطلع من هذا البيت حتى لو طلقتني ما راح أخرج إلين ما تنتهي عدتي ) عاد وقتها أنا قمت وصيحت عليه ( وكانت والله أول مره أرفع فيها صوتي عليه ) وقلت له : يالله قوم وديني بيت أهلي ولو كنت رجال بكره توصلي ورقة طلاقي أنا خلاص اتحملتك بما فيه الكفايه أنا شاريتك وانتا بايعني خلاص والله مني عارفه صابره عليك على إيه ؟؟؟ قام تركني وراح ينام وفي الصبح جا وراضاني بس طبعا أنا وقتها كنت في قمت زعلي وقلت خلاص خليني أبين له إني رضيت لكن راح أتناقش معاه في الموضوع مره ثانيه ... وتركته يومين ... وفي يوم إجازته بعد ما فطرته الصباح وقعدنا شويه قلت له حبيبي أبغا أكلمك في موضوعنا إيش صار فيه ... وقتها قلب عليا البيت وقام يزعق وقاللي خلااااص تراني كرهتك وكرهت العيشة معاكي خلاص انقلعي وروحي بيت أهلك ومصروفك راح يوصلك ... وكان دايما يكرر عليا هذا الكلام ... قلت له شوف ترا والله لو طلعت ما راح تكون رجعتي سهله .. قالي ومين قال لك أبغاكي ترجعي أنا معد أبغا أشوفك ... وروحي دقي على أهلك وخليهم ياخذوكي ... والله وقتها على طول دقيت على أهلي وخليت أخوي يجي ياخذني ورحت بيت أهلي وأخذ هوا عيالي مني ... وحكيت أهلي باللي صار ، وطبعا هما كانو عارفين الحكايه من الأول بس كانو يصبروني على أمل إنو يتغير ... بس يوم عرفو إنو رجع لحياته القديمه اللي أتوقع من الأساس إنو ما سيبها ساندوني على خرجتي وقالولي والله يا بنتي إنتي استخرتي ربنا قبل لا تطلعي من بيتك ( وكنت أستخير ربنا قبل لا أطلع من البيت وكنت أحس برغبه شديده إني أطلع من البيت ) وربنا اللي اختارلكي هذا الشي وخليكي عندنا إلين ما يتغير وينصلح حاله ويبطل إهانه ليكي ( لأنو كان دايما يصيح عليا قدام عيالي وقدام أهلو ولا يهمو ) ويعرف مين إنتي ( طبعا لاهوا ولا أهلو يدرو إني خبرت أهلي بخيانته لأني محسستهم إني ساتره على ولدهم ) ودايما أمه وأبوه يتصلو عليا ويقولو لي أرجعي بيتك وخلينا نحل المشكله بيننا بس أنا قلت لهم ترا والله الموضوع دحين مو بيدي بيد أبوي وهوا زي ما طلبني من أبوي يجي ويتكلم ويتفاهم مع أبوي ... وما تتخيلو الطامه الكبرى إيه .. كنت أتكلم مع ولدي وقلت له حبيبي بابا كل يوم إيش يسوي ؟؟؟ عارفين إيش قال ؟؟ قالي ماما بابا كل يوم يجلس على النت ويجلس يضحك ... طبعا أنا عرفت إنو ممكن يكون على الشات أو في لعبة بلياردو دايما يدخل عليها ويحبها وفيها شات ... قلت لأخويا إيش رأيك نحط إيميل زوجي ونشوف لو كان موجود قال فكره ودخلت على اللعبه وطلبت إني ألعب مع زوجي وما كان يعرف إنو أنا وكان مسمي نفسه بإسم وقح جدا والله حتى أخوي انصدم من الاسم وقاللي مدامو مسمي نفسه هذا الاسم معناته إنو يطلب الجنس ... ودخلنا اللعبه معاه وعلى طول بدأيحادثنا ويقول كيف القمر؟؟ من فين الحلو ؟؟ وعلى طول دخل في الخط وفجأه الظاهر إنو عرف إيميل أخويا لأنو كان مسمي إيميله بإسمه ولقبه وأنا أصريت عليه إنو يستخدمه عشان لو شاف الاسم ما ينكر بعد كدا وعلى طول قفل اللعبه وخرج ومن يومها معد دخل وألغى إيميله بعد ما أرسلت له رساله على الايميل .. أقول له فيها بالمختصر ( حسبي الله عليك بيتي انهدم من أفعالك .. وشتتني عن عيالي .. وضيعت البسمه من وجهي ووجه عيالي .. والله ما أسامحك ليوم الدين على اللي سويته فينا .. واستبدلت الغالي بالرخيص ......)
وقلت لأمه على اللي صار يوم رحت حفلة تخرج بنتها طبعا رحت بعد إلحاح منهم .. وقلت لهم والله أبوي قال ما في روحه للحفله لو ما جابو عيالك تشوفيهم اخر الاسبوع لأنو زوجي كان رافض إنهم يجو عندي فجابوهم عشان كذا رحت وقعدت بس ساعة ويوم جيت خارجه وسلمت على عيالي وودعتهم لأنهم كانو بيروحو عند أبوهم انهرت لأني ما كنت عارفه متى راح أشوفهم مره ثانيه .. وقعدت أبكي ودخت عندهم وقامت أم زوجي تهدي عليا وقالت لي ليش تسوي في نفسك كذا تراه والله ما يستاهل إنتي انتبهي على صحتك وعيشي حياتك وسيبيكي منه قلت لها وأنا أحضنها عمرك ما انحرمتي من عيالك يا عمتي ومنتي حاسه بالاحساس اللي أنا حاسه فيه أنا عيالي أهم ما فدنيتي والله ياعمتي إني أحب زوجي وأموت عليه رغم كل اللي سواه فيني وهوا ولا داري عني ولا هامو موضوعي أنا عيالي منحرمه منهم بسبب أفعاله قالتلي والله يا بنتي ما يجيكي إلا اللي يرضيكي وإنتي بس انتبهي على نفسك ... وحاليا لهنا انتهى موضوعي وأنا جالسه في بيت أهلي لي 12 يوم قلبي مو محروق إلا على عيالي ولكن هوا والله إني كارهه شوفته وكارهه أفعاله وقلت لأهلي والله ما أرجع له إلا إن كان غير من نفسه وخلا بيته وعياله فوق كل شي ويوعدني إنه ما يرجع لحياته القديمه ...
شورو عليا حبيباتي الله يسعدكم اللي مرت بتجربه زي تجربتي كيف عدت منها أو لو كان عندكم أي رد ليا لا تبخلو بيه عليا لأني والله العظيم في نفسيه ما يعلم بيها إلا ربنا...
ومعليش أدري إنو حكايتي طويله لكن أدري إنو صدوركم واسعه ..
والله يجزاكم ألف خير يا رب
حكايتي أخبرتكم بيها من قبل وما قصرتو الله يجزاكم الجنه يا رب .. وهيا موجوده في هذا الرابط
http://www.niswh.com/vb/showthread.php?t=219137
وبعد ما صارت الحكايه وطبعا مو راضي يعترفلي بخيانته صار ماشي تمام ولا أحسن منه لمدة شهر وبعدها رجع لأصحابه وحياته القديمه .... وبالصدفه سمعته يكلم بنت في الجوال وقلت لا يمكن يتخيلي وفي نفس اليوم كان يتكلم مع وحده في الجوال وما كان يدري إني في نفس الغرفه وطبعا كان يكلمها على إنها ولد ولكن تبين نبرة صوته وكيف إهتمامه بيها وبصحتها ... وفي هذا اليوم بدأت حياتنا تتغير بشكل كبير وقلت له اختار بيني أو بين أولاد وبنات الحرام اللي انتا ماشي معاهم قام يخاصم وقالي مو حرمه اللي تختار لي كيف أعيش حياتي وطبعا راح أختارهم ... واتزاعلنا لمدة 5 أيام وبعدها جا يخاصم وقالي أنا صبرت عليكي كثير ( مع إنه والله أنا اللي صابره عليه وعلى بلاويه ) وخلاص طفح فيا الكيل وقومي أوديكي بيت أهلك ( طبعا كان دايما يهددني إنو يوديني بيت أهلي لمن تحصل بيننا مشكلة وأنا أقله إني ما راح أطلع من هذا البيت حتى لو طلقتني ما راح أخرج إلين ما تنتهي عدتي ) عاد وقتها أنا قمت وصيحت عليه ( وكانت والله أول مره أرفع فيها صوتي عليه ) وقلت له : يالله قوم وديني بيت أهلي ولو كنت رجال بكره توصلي ورقة طلاقي أنا خلاص اتحملتك بما فيه الكفايه أنا شاريتك وانتا بايعني خلاص والله مني عارفه صابره عليك على إيه ؟؟؟ قام تركني وراح ينام وفي الصبح جا وراضاني بس طبعا أنا وقتها كنت في قمت زعلي وقلت خلاص خليني أبين له إني رضيت لكن راح أتناقش معاه في الموضوع مره ثانيه ... وتركته يومين ... وفي يوم إجازته بعد ما فطرته الصباح وقعدنا شويه قلت له حبيبي أبغا أكلمك في موضوعنا إيش صار فيه ... وقتها قلب عليا البيت وقام يزعق وقاللي خلااااص تراني كرهتك وكرهت العيشة معاكي خلاص انقلعي وروحي بيت أهلك ومصروفك راح يوصلك ... وكان دايما يكرر عليا هذا الكلام ... قلت له شوف ترا والله لو طلعت ما راح تكون رجعتي سهله .. قالي ومين قال لك أبغاكي ترجعي أنا معد أبغا أشوفك ... وروحي دقي على أهلك وخليهم ياخذوكي ... والله وقتها على طول دقيت على أهلي وخليت أخوي يجي ياخذني ورحت بيت أهلي وأخذ هوا عيالي مني ... وحكيت أهلي باللي صار ، وطبعا هما كانو عارفين الحكايه من الأول بس كانو يصبروني على أمل إنو يتغير ... بس يوم عرفو إنو رجع لحياته القديمه اللي أتوقع من الأساس إنو ما سيبها ساندوني على خرجتي وقالولي والله يا بنتي إنتي استخرتي ربنا قبل لا تطلعي من بيتك ( وكنت أستخير ربنا قبل لا أطلع من البيت وكنت أحس برغبه شديده إني أطلع من البيت ) وربنا اللي اختارلكي هذا الشي وخليكي عندنا إلين ما يتغير وينصلح حاله ويبطل إهانه ليكي ( لأنو كان دايما يصيح عليا قدام عيالي وقدام أهلو ولا يهمو ) ويعرف مين إنتي ( طبعا لاهوا ولا أهلو يدرو إني خبرت أهلي بخيانته لأني محسستهم إني ساتره على ولدهم ) ودايما أمه وأبوه يتصلو عليا ويقولو لي أرجعي بيتك وخلينا نحل المشكله بيننا بس أنا قلت لهم ترا والله الموضوع دحين مو بيدي بيد أبوي وهوا زي ما طلبني من أبوي يجي ويتكلم ويتفاهم مع أبوي ... وما تتخيلو الطامه الكبرى إيه .. كنت أتكلم مع ولدي وقلت له حبيبي بابا كل يوم إيش يسوي ؟؟؟ عارفين إيش قال ؟؟ قالي ماما بابا كل يوم يجلس على النت ويجلس يضحك ... طبعا أنا عرفت إنو ممكن يكون على الشات أو في لعبة بلياردو دايما يدخل عليها ويحبها وفيها شات ... قلت لأخويا إيش رأيك نحط إيميل زوجي ونشوف لو كان موجود قال فكره ودخلت على اللعبه وطلبت إني ألعب مع زوجي وما كان يعرف إنو أنا وكان مسمي نفسه بإسم وقح جدا والله حتى أخوي انصدم من الاسم وقاللي مدامو مسمي نفسه هذا الاسم معناته إنو يطلب الجنس ... ودخلنا اللعبه معاه وعلى طول بدأيحادثنا ويقول كيف القمر؟؟ من فين الحلو ؟؟ وعلى طول دخل في الخط وفجأه الظاهر إنو عرف إيميل أخويا لأنو كان مسمي إيميله بإسمه ولقبه وأنا أصريت عليه إنو يستخدمه عشان لو شاف الاسم ما ينكر بعد كدا وعلى طول قفل اللعبه وخرج ومن يومها معد دخل وألغى إيميله بعد ما أرسلت له رساله على الايميل .. أقول له فيها بالمختصر ( حسبي الله عليك بيتي انهدم من أفعالك .. وشتتني عن عيالي .. وضيعت البسمه من وجهي ووجه عيالي .. والله ما أسامحك ليوم الدين على اللي سويته فينا .. واستبدلت الغالي بالرخيص ......)
وقلت لأمه على اللي صار يوم رحت حفلة تخرج بنتها طبعا رحت بعد إلحاح منهم .. وقلت لهم والله أبوي قال ما في روحه للحفله لو ما جابو عيالك تشوفيهم اخر الاسبوع لأنو زوجي كان رافض إنهم يجو عندي فجابوهم عشان كذا رحت وقعدت بس ساعة ويوم جيت خارجه وسلمت على عيالي وودعتهم لأنهم كانو بيروحو عند أبوهم انهرت لأني ما كنت عارفه متى راح أشوفهم مره ثانيه .. وقعدت أبكي ودخت عندهم وقامت أم زوجي تهدي عليا وقالت لي ليش تسوي في نفسك كذا تراه والله ما يستاهل إنتي انتبهي على صحتك وعيشي حياتك وسيبيكي منه قلت لها وأنا أحضنها عمرك ما انحرمتي من عيالك يا عمتي ومنتي حاسه بالاحساس اللي أنا حاسه فيه أنا عيالي أهم ما فدنيتي والله ياعمتي إني أحب زوجي وأموت عليه رغم كل اللي سواه فيني وهوا ولا داري عني ولا هامو موضوعي أنا عيالي منحرمه منهم بسبب أفعاله قالتلي والله يا بنتي ما يجيكي إلا اللي يرضيكي وإنتي بس انتبهي على نفسك ... وحاليا لهنا انتهى موضوعي وأنا جالسه في بيت أهلي لي 12 يوم قلبي مو محروق إلا على عيالي ولكن هوا والله إني كارهه شوفته وكارهه أفعاله وقلت لأهلي والله ما أرجع له إلا إن كان غير من نفسه وخلا بيته وعياله فوق كل شي ويوعدني إنه ما يرجع لحياته القديمه ...
شورو عليا حبيباتي الله يسعدكم اللي مرت بتجربه زي تجربتي كيف عدت منها أو لو كان عندكم أي رد ليا لا تبخلو بيه عليا لأني والله العظيم في نفسيه ما يعلم بيها إلا ربنا...
ومعليش أدري إنو حكايتي طويله لكن أدري إنو صدوركم واسعه ..
والله يجزاكم ألف خير يا رب
