مدري وش تسمى حالتي ذي

[دقه قلب]

السلام علكم اخواتي البلقيسيات

تذكروني انا الي ظربني زوجي

بعد ايام كلمتني اخته على اساس انه هيا مصلحه بس بررت تصرفاته وضربه ليا برجله في وجهي انه كان معصب
ومالقيت منه الا انه ارسل رساله بعد مكالمتها لي يقول انه بكره بيرسل ورقه طلاقي وانه خلي ابوك الي تحمايتي فيه ينفعك
وهاذي الرساله لها اربع ايام من يوم ما ارسلها لي

والى الحين لا حس ولا خبر
وانا مو حاسه اني اذا رجعت له اني راح احترمه زي اول ولا راح يكون في قلبي زي اول

وش اسوي افيدوني

وانا كل ما القى رساله في جوالي قلبي يدق احسبه هو ولا يطلع وحده من صحباتيولا احد من اهلي
ولما اسمع صوت سياره على طول اناظر في الطاقه (النافذه) ويطلع مو هو

والله مو عارفه اش اسوي ولا اش تسمى حالتي ذي
والله اني اهملت في نفسي وصحتي حتى جامعتي ودراستي ما عاد ادري عنها

صحباتي الي يشوفوني يقولولي تغيرتي مو انتي الي نعرفها
الثلاثه سنين الي تجوزتي فيها خلتكي كله متضايقه وين صحبتنا الي نعرفها
والله اني مره متضايقه
ومو حابه ابين لا اهلي
ومو عارفه اش اسوي افيدوني

 

[نور كندا]

ازا رجعك انتبهى على حياتك ولاتعملى من الحبة قبة ودلليه واحترميه وساعتها لن يضربك ولن يطردك وتعاملى معه باللطف والحب والتقدير ولن تجدى منه الا الدلال لان اغلب النسوان يتطاولون على رجالهم ويعلو صوتهم امام الزوج ويصرخون ويحردون وبعدين تشتكى انو بدو يطلقها يااختى الرجل له معاملة مختلفة عن كل الناس وله احترام يختلف عن كل الناس وامامه مافى شى اسمه كرامتى وكيانى لاته الرجل والزوج وبيمون على راسنا باى لحظة وباى شىء

 

[دقه قلب]

مشكوره اختي

بس انا والشهاده لله عمري ما قصرت معاه ولا في شي ودايم محترمته وحاطته فوق راسي بعد وصوتي ما يعلى على صوته وهو يشهد ب كذا حتى لما ضربني وخرجت قالها لي انتي مستحيل القى زيك بس انا كنت معصب من براى وقلت له لي تسوي فيا كذا قالي معصب
وهو مو بس ضربني الا سبني وسب اهلي
ولما بكيت قالي دموع التماسيح هاذي انا ما اصدقها
والله هاذ الي سار
وابوه دايم يقلي انتي نعمه عسى ولدي يقدر الي عنده لا تظلميني يا اختي ​

 

[لذةالسكـــر]

الله يعينك ويفرج همك يارب

 

[رحيل الوقت]

عزي نفك وهو يعزك ويحترمك

ابوك ايه ينفعك ويعزك ويقدرك افضل منه لان نتي قطه من ابوك منتي قطعه منه عادي يقدر يبدلك بوحه غير


استخيري والله اكلمك لاني بمثل حالتك ابوك ايه يعزك بعد الله سبحانه

تدرين عاد والله ثم والله ان طلعت احلى وانا عند اهلي رجعت لمثل عهدي الاول الى درجة صدقيتي تقول لي واله انك صرتي مثل الورده وش مسويه بعمرك

حبيبتي اذا ارسل لك رساله فمعناها انه يبي يعرف مقدار تحملك لفراقه

فما بالك انا ولا رساله ولا حس ولا خبر

لا تخافي اقول لنفسي واقول لك اا رد فمعنها يحبك واذا ما ردك طلقك او بيك انتي ترجعين من فس دقيني ما عليه حسافه ولا اسفين الا على ايام ضيعيتيها معه وهي في الغالب في صفك لانك اتفدتي تجربه صحيحمو بالسهلتتطلقين كن ابوما يدلك على شي الا ه في مصلحتك

 

[نور كندا]

مالى عم اظلمك بس مادخلت لعقلى ان يضرب الرجل زوجته ويطردها من بيته وهى حبابة ولطيفة ولم تفعل شىء مادخلت لراسى واسفة ازا كنت ظلمتك بس راجعى تصرفاتك معه

 

[ياربي انصرني]

يمكن شعر هو انك لاتريدين الصلح لذلك ارسل لك رساله التهديد بالطلاق-----وان كنتي لاتلريدين الطلاق كثفي اتصالك بربي والدعاء لان الدعاء يرد القضاااااء ---وان طلقك ونفذ تهديده اسئلي الله الخيره واخرجي نفسك من دائرة اللوم

بعد الطلاق واهتمي بدراستك ونفسك ولاتقوقعين نفسك وتمحورينها على رجل واحد وان طلقك انتهت حياتك حياتنا لله وحده اسعي لرضى ربي ولايكون الطلاق شبح يهدد حياتك اجعلي من الطلاق حياة جديده وجددي حياتك 000وكوني قويه بالله00

 

[دقه قلب]

الله يفرج هم كل من ردت عليا يا ارحم الراحمين
والله ثم والله اني ما سويت فيه شي
زوجي انسان سليط
اذا كان ابوه وهو ابوه اذا خاصمه وهاوشه
يقاطعه الين ايوه يتصل عليه يعتذر فما بالك بيا
انا لما انصحه ولو اقوله حبيبي الاذان خلص انزل صلي
يقولي اش لاهلك دخل انتي بتندفنين معايا
والله انه ضربني بس لانه ماقدرينفس غضبه الا فيا
حرررررررام عليك
والله اني ما استاهل الضرب وانا حاطته في عيوني وربي
والله اني ما اقصر عليه
بالرغم اني ادرس الا اني ما عندي شغاله
ولا احد يساعدني في شغل البيت
وارجع من الدوام اسوي غداء وعشاء وحلى
ولا عمري اعترضت ولا انام لين و هوا يتعب وينام مو انا اتعب تقولي فوق هاذا كله انو بعض الحريم يستاهلو الضرب
والله ما سويت شي وانا ماااااطردني انا خرجت مع ابويا
وهو لانه عارف انه غلطان قلي انا ما راح القى زيك

 

[دقه قلب]

يابنات يابلقيسيات
دعواتكم
ان الله يفرج همي وينور بصيرتي لماهو خير لي
لا تحرموني من دعواتكم

 

[عضوة سابقة]

والله إني أحتــــــار في بعض مشاكلكم وكيف أحلها

لكن قولي الأول والأخير ..

هــو :

أن تصلحي مابينك وبين ربك يصلح الله مابينك وبين النساء ..


ومالك إلا الله سبحانه ..

خلي شغلك الشاغل هو ربك وهو الذي سيدبر كل أمر وخير لك ..


لأنهــــا ماراح أحــد يحلها إلا ربك

تدرين ليش ..


لأن قلوب الخلق بين إصبعين من أصابع الله، يقلبها كيف يشاء.



أكثري من التوبة والاستغفار من ذنوبك ،، يعني لا تبكي على الزوج أنه لايريدك،، لكن ابكي على الذنب الذي بسببه حصل هذا ،، واستغفري الله وتوبي إليه توبة نصوحا ،، وابدئي كل يوم صفحة جديدة ،، وراقبي قلبك ..



وإذا أحسست أنه ينفر منك ،، ادعي الله ،، أن يؤلف بين قلوبكما ،، وادعي الله أن يصلح بينهكما ، ادعي من قلبك ،، وتحري أوقات الاجابة ،، وأكثري من قول : لا حول ولا قوة إلا بالله ،، متفكرة بمعناه أنه لا حول لك ولا قوة على شيء إلا أن يعينك الله ،، فتتبرئين من حولك وقوتك ويتعلق قلبك بالله وتستمد قوتك من الله ....

وثقي بالله بأنه سيتكفلك ،، لأن الله تعالى يقول في الحديث القدسي ( أنا مع ظن عبدي بي ) وإن ظننت أن الله لن يعينك فسيعاقبك الله على ظنك السيء به، قال تعالى ( الظانين بالله ظن السوء عليهم دائرة السوء )

وأيضآ :

راقبي نفسك ماهي الأوامر التي أمرك الله بها وتهاونت فيها

راقبي نفسك واستعيني بالله في اصلاح نفسك


وشوفي كيف تتغير حياتك ...


( ومن يعمل من الصالحات مكن ذكر أو أنثى وهو مؤمن فلنحيينه حياة

طيبة ولنجزينهم أجرهم بأحسن ما كانوا يعملون )



وسبب تعاستنا هو ذنوبنا ،،قال تعالى ( وما أصابكم من مصيبة فبما

كسبت أيديكم ويعفو عن كثير )

 

[دقه قلب]

مشكوره اختي والله انك اثلجتي قلبي بهاذا الكلام
جعله الله في موازين حسناتك
واسال الله العضيم رب العرش العظيم ان يغفر لي في ذنب ربما لا اعلمه او ذنب ربما علمته وجهلته
اللهم قد اثقلني الهم فلا تكلني لنفسي طرفه عين ولا اقل من ذلك ولا حول ولا قوه الا بالله
​

 

[اخت اخوي]

الله يفرج همك يااااااااارب ويسااااااعدك هذا اللي اقدر عليه والله

 

[نور الإسلام]

حبيبتي اتركي مشاعرك على جنب وامسكي ورقه وقلم واكتبي ايجابيات زوجك وسلبياته
وبعدين اكتبي الأشياء اللي حسيتي انك حققتيها في حياتك بزواجك منه
واكتبي الأشياء اللي ممكن تحققيها بانفصالك عنه
ياقلبي انا فهمت من كلامك انه مايحافظ على صلاته وكمان ماهو رضي بأبوه
اسمحيلي اسألك هل هذا الرجل اللي تبغيه ابو اولادك وقدوتهم في حياتهم
ياعيوني بعض الناس ياخذون وحده بنت ناس ومن عيله طيبه عشان تعدل ولدهم،ومايفكروا انه لو ولدهم ماتعدل انهم يظلموا البنت..
حبيبتي بعد ماتجلسي مع نفسك ..استخيري...واستشيري رجل​

يعني ابوك ،اخوك،خالك،عمك..لأن الرجال لهم نظره ..
والله يوفقك ياعيوني​

 

[ورد الفل]

حبيبتي اياكي تتراجعي واحمدي ربك يلي ابوكي الله يعزو ساندك
اذا عصبي خلي يعمل حساب لزعلك بدو يفش خلقو يخبط راسو بالحيط مو يضرب بنت العالم والناس
يا اختي حتى لو انتي غلطانة ما بيصير يضربك بهالطريقة وعلى وجهك كمان
حااااااااااااالتك الظاهر حنيتيلو وهانت عليكي كرامتك
ان شاء الله بترجعيلو بس بعد ما يعرف قيمتك ويعمل الف حساب قبل ما يمد ايدو

 

[أحبه ولكن]

الله يعيـــــنكـ ياقلبـــــــي ويفرج هـمــــــــكــ ,,ويكتـــــب لـكــ اللي فيـــه خيـــــــــــر ,,,ويسخر لكــ زوجكـ اللهــــم آميـــــن ,,قصتكـ عــورت قلبي والله :8:ـ

 

[دقه قلب]

لا حرمت انا ملكم ولا حرمت مروركم ودعواتكم والله ثم والله انكم اثلجتو قلبي
ابويا الله يخليه ليا يقول اش يضربك اش اسلوب التعبد هاذا احنا عشنا قبلهم ولا عمره سمعت احد مديده على حرمته لانه فيه احترام
ومهو راضي ارجع الا لما يتفاهم مع ابوه ويحط حدود وشروط عشان لا يتطاول مره ثانيه

واخته لما كلمتني تضربلي الامثال انه فلانه ضربها زوجها وماخرجت من البيت ومادخلت اهلها ولا راحت بت ابوها
وفلانه زعلت وردت من نفسها
ابويا زعل وقالي قولي لها اذا كلمتك مره ثانيه الي ما يحترم زوجته ماله حرمه عندي ولا عاد تمثلك بالناس
هما ما يخافون الله

ملاحضه انا لما حكيتكم بحكايه ابوه مو اقلكم انه مو رضي بالعكس هو رضي في ابوه جدا حتى لوانه بيموت تعب بس اذا طلب منه شي ينفذه حتى ولو انه على حساب مصلحه نفسه
انا اقول من شده عصبيته انه حتى ابوه اذا زعل منه او هاوشه ما يكلمه ويقاطعه واذا عصب ما يعرف مين الي قدامه ابوه ولا اخوه
دعواتككككككككككككم​