مدري أنا إخت التوائم.....

[إحساس مبعثر]

هلا والله وغلا بنات بلقيس كيفكم هذا أول موضوع لي وماكان ودي يبدأ بمشكله لاكن وش أسوي
أنا عمري (15) وعندي إخوان توائم عمرهم شهرين إمي ما تبيني أشيلهم تقول لاتلمسين إعيالي لاتقربين منهم وبنات عماتي وخالتي يشيلونهم وأنا لا مدري ليش وحتى بعض الأحيان تسولف لناس تقول إعيالي سالم وسامي وما تذكرني عند الناس بس تذكر إخواني مدري ليش أحس إنها جايبتني من دار الأيتام ومعيشتني تكفون بعدوا عني شكي

 

[صجة ولجة ودجة]

لآلآلآلآ


وش هآلتفكيـــر ..!


حبيبتي آمك هي آمك ..

بس هي تستحي تقول لبنآت عمآتك وخآلآتك لآتشيلونهم ..

آمممم بس وصآرحـي آمك بهآلشيء آلي مضآيقك ..!

وآلله يوفقك ..!

 

[يابعدها سماي]

عزيزتي .. هلا بك

وحده من صديقاتي تقول لي( من كثر ما كنت حساسه من كل شي
وانا في سن ال16 كنت اشك إن اهلي مو اهلي وإني بنت الشغاله !!!! ))

لا تكبرين الموضوع حبيبتي طبيعي أمك تحب اخوانك التؤائم -مشاء الله والله يحفظهم-
وأكيد تحبك إنت بس كل أم تشوف بنتها صغيره مهما كبرت فأكيد أمك شايفة إنك صغيرة على إنك تحملين الاطفال
أمك تحبك مثل ما تحبهم
بس النفس جبلت على حب البنين وهم الاصغر فطبعي تحبهم
وإنتِ لك غلا غير عنهم بعد بس إنت سن مراهقة وتتحسسين من كل شي !

فلا تهتمي أثبتي لإمك إنك قد المسؤلية اعتني في اخوانك مثلها تماما!
وتأكدي ما فيه شخص يحبك أكثر من أمك فلا تتحاملي عليها

بكرا تذكرين هذا الكلام وتعرفين إنها بس مجرد مرحلة مراهقة وأنتهت ..



ومن شان تظل إستشارتك من دون اغلاق جاوبي على هذي الأسئلة

http://www.niswh.com/vb/showthread.php?t=234351

 

[Q6r..]

مممم انا امي ماكانت تخليني اشيل اختي كلللللللللللللللللللللللللللللللللللللللللللللللش
ولا اقرب منهااااا ,,

هي البنت الثانيه وقبل الاخيره .. يعني بينا 10 سنين ,,

بالمختصر المفيد ,, امي كانت تنطر هالبنت من بعد الصبيان ..

كنت اتحسس وايد وازعل ,, الكل كان يفضلها
وماجذب عليج لو اقولج ان تربيتها غير عن تربيتي ,, بس يوم كبرت ايقنت ان زمنها غير عن زماني
وايامي غير عن ايامها ,,

امج فرحانه في اخوانج التوأم ,, وتخاف عليهم لآنهم توهم صغار ,,
ومثل ماقالت الاخت فوق ,, امج تسحي ترد بنات خالتج ..

انتي قربي منهم وحاولي تبينين لآمج انج مهتمه فيهم وودج تتحملين مسؤوليتهم
وكلميها بالموضوع الي مضايقج ,,

مافي ام ماتحب عيالها ..

 

[إحساس مبعثر]

تسلمون والله أحس جبل إنزاح عني

 

[ليل الشتا]

ماشاء الله الاخوات كفو
جزاهم الله خير

 

[اعلامية طموحة]

ومين ماكان يحس بالظلم والاضطهاد في سن المراهقة​

اذا ماكان من اهله يكون من اخوانه واذا مش من اخوانه من اهله وهكذا​

وانا بعد في بنت من اهلي كانت مقتنعه هي وكل اخوانها ان اهلها مايحبوها وحتى كانت لما ازورهم تفسر بعض المواقف وكانت تقولي هاه شفتي؟
وحتى اخوها مسكين كان متعاطف معاها ويقولي فعلا مايحبوها​

يعني سوالف مراهقين وكبرنا ونسينا هالسوالف الحمد لله وامورنا طيبة​

وما فيها شي ترا الأهل تمر عليهم ظروف وضغوطات كبيرة في الحياة خاصة ان امك طالعة من ولادة توأم وارهاق وضغط كبير من واحد مابالك بالتوم​

يعني ساعات ممكن تقول اشياء ماتركز في معناها ​

فلا تركزي انتي بعد ولاتدققي​

 

[جروحي صمت]

اعلاميه ايوا تمر عليهم ضغوطات بس مو كل وقت والله شوي ويتبرون مني
اووووف

 

[اعلامية طموحة]

لا تخافي مابيتبرون منج
اقولج ما انتي اول وحده تحس بهالاحساس
والله شفنا العجب ونحن صغار بس والله ترا السالفة جهل وعدم انتبها بس لا اكثر​

 

[بنوتة حجازية]

ياقلبو انتي

والله ذكرتيني بنفسي
كنت دايم لمن اضارب مع اخويه يقلي انتي جبناكي من الميتم
وكنت اصدق وابكي

ودحين لمن كبرت عرفت اني كنت حساسه
زياده عن اللزوم

لا ياحبيتي انتي اختهم
بس امك تخاف عليهم عشان انتي لسا صغنونه

ربي يسعدك ان شاء الله
ولا تفكري كثيير

وعيشي سنك اشلك بالبزران وازعاجهم
لا تشيليهم احسلك​

 

[O¤°'(نـجـد)'°¤O]

صارحي امك بالي تحسي في احسن لك

 

[إحساس مبعثر]

مشكوره ياقلبي بس والله ما تعطيني وجه أبد

 

[إحساس مبعثر]

إذا كلمتها أحس إنها تتقرف مني وإذا طلبت منها شئ تتأفف وتقول الله يفكنا منك ومن غثاك

 

[O¤°'(نـجـد)'°¤O]

إذا كلمتها أحس إنها تتقرف مني وإذا طلبت منها شئ تتأفف وتقول الله يفكنا منك ومن غثاك

معلي حبيبتي انا اكبر اخواني واخواتي وكانت امي تعاملني بنفس الطريقه كانت قاسيه جافه كنت احس انها مو امي كنت احس انها مرت ابوي وكنت اصغر منك وقتها ممكن كان عمري 11 سنه بس هيا كانت عكس امك كانت راميه مسؤليتهم عليه بشكل كبير جدا بشكل اكبر من سني في عمر انا ودي فيه العب واضحك واجري مع بنات في سني واعيش عمري كانت تخرج وترميهم علي ولو صار لواحد فيهم شي كانت تخاصمني وتزعق علي ما كانت قايمه بمسؤليتهم كأم بشكل كامل حسيت نفسي كبرت وكبر تفكيري معي سارت تصرفاتي وكلامي وحركاتي اكبر من عمري تفكيري سبق عمري بشكل كبير انا الحين عمري 23 سنه واكذب عليك لو اقول لك حاسه ان ذا عمري بالعكس حاسه نفسي 27 سنه
واشكر ربي واحمدوا انو منّ علي من واسع فضلوا ولطف فيني وما انحرفت او فكرت ادور الحنان الي فاقدتوا خارج البيت من صديقه او علاقه مشبوهة محرمه خاصه انو الوالد كمان كان شديد ولمن هي تقصر بشؤن البيت او اخواني كان يجي ويحط حرتوا فيني ويضغط علي عشان اعمل الي يبيه هو
لا تضايقين من تصرفات امك صدقيني بترجع تفوق وتصحى على عمرها وممكن ما تصحى وتفوق الا متأخر مثل ما صار لامي بعد وفاه اخوي ركزي الحين على شي واحد بس عيشي عمرك عيشي سنك عيشي حياتك بما يرضي الله صدقيني بترجعي تقولين يا ليتني عشت عمري وهنيت نفسي وش لك بالكرف صدقيني انتي الحين مرتاحه وبتكون فتره بحياتك و تعدي ولا تشيلي بقلبك انسي مو عشان امك او عشان ابوك لا عشان نفسك عشان انتي لا تعيشين نفسك في هم وغم وحزن واسى هدي نصيحه مني حاولي تسعدي نفسك بنفسك حاولي تهني نفسك بنفسك ولا تقلبي المواجع على نفسك و الله يكون بعونك حبيبتي وان شاء الله اكون افدتك يا عسل وبدعيلك كل ما تذكرتك