مخطوبه جديده ..

[جوووووودي]

السلام عليكم ورحمة الله وبركاته

انا من زمان اسمع عن هالمنتدى , وكنت اتصفحه بين فتره والثانيه . لكن الحين بعد ماتم عقد القران وصرت مخطوبه قلت ضروري اسجل بهالمنتدى علشان استفيد من خبراته

بصراحه انا ماعندي مشكله ابد ..
بس بودي اتكلم ... افضفض

في نظر اهلي والغير ان الحمدلله نصيبي كويس وامي دايم تحذرني من اني اسولف مع صاحباتي لان نصيبي احسن من نصيبهم

فقلت اجي هنا اسولف وافضفض

انا انخطبت قبل شهر تقريبا
خطيبي مرره يحبني .. وطاير فيني مررره

طبعا هالشيء هو حلم كل بنت لمن تجي ترتبط بشريك حياتها
انه يحبها ويقدرها ويحترمها

الحمدلله على هالنصيب

انا ماعندي مشكله .. الا انه 24 ساعه معاي
وانا ابد ماتعودت على كذا ..

يعني قبل لي حياتي , استقلاليتي , تصرفاتي الخاصه

هو ( وهذا الشيء مضايقني شوي) ماعنده اصدقاء ولا اي حياه اجتماعيه
من البيت للدوام والعكس ...
طول ماهو بالدوام يراسلني, او يكلمني , من يدخل البيت ماعنده في حياته الا انا

وانا عندي دراستي واهلي وصاحباتي .. يعني لي حياتي واهتماماتي
مشغلني 24 ساعه .. ولمن اكون مع صاحباتي ومارد علي مسج هو مرسله يزعل .. ويسوي سالفه
( انه ترك الكل ومفضلني على كل الناس وانا ماعتبره من اولوياتي بحياتي)
هو اكيد من اولوياتي لكن مو معناته اني اترك كل شيء علشانه ( اتوقع هو يبغى كذا )

الحين ماصار لي شهر معه ,, لكن بجد احس اني مليت .. امي تقولي اثقل عليه ومو لازم كل يوم مكالمات
انا مادري صح كلام امي .. او لا
اندفاعه لي مررررره بجنوون
وانا اتصرف معاه بعقل .. مو ثقيله مره معه .. وبنفس الوقت ماقدر اصير مثله

الشيء الثاني .. كيف اعرف اذا انا احبه او لا ؟
لمن اجلس مع نفسي.. وافكر بمميزاته الحمدلله الكل يمدحه وهو رجال كويس
لكن احس اني احبه (لانه هو يحبني) ويعاملني زين ومو مخلي علي قاصر

ماحسيت بشعور الحب واللهفه و .... الخ
يمكن لانه هو معاي 24 ساعه فما احس اني اشتاق او احن ؟!!

بصراحه وانا انزل الموضوع هنا وخجلانه , لمن اقرا مشاكل الغير
الحمدلله على نصيبي
بس مو عارفه شعوري انا طبيعي ؟
او لانه هو مبالغ بشعوره تجاهي انا مو عارفه وش شعوري بالضبط ؟

 

[باووونتي]

اولا:مبروك حبيبتي عقباببل اعقبل الزواج
لكن نصيحتي لك من خلال المجتمع
انك تخفين شوي مكالمات لأن الرجل بطبيعته سررررريع الملل
وهاذي قصة وحده أعرفها والله العظيم كان يكلمها كثييير ولما تزوجوا ماجلس معاها الا اقل من شهر
والسبب يقول مليت منك

فأنا ماقلت لك القصه اخووووفك لكن ابيك تنتبهين من هاذي النقطه
والله يوفقك وييسر زواجك

 

[دبدوبه حيل]

اول شي اقول الف مبروك قلب والله يتمم بخير
ثاني شي اقولك حياتي اكيد بتحسين مع الخطبه بشي متغير في حياتك لأنه سار عندك شي شاغلك
بس انا بقولك الي عندي وكل انسان ونظرته..
شوفي قلبي اكيد هو حابك مره واكيد انتي تحبينه
بس ابي انصحك انك تبعدين شوي يعني مو كل يوم كلام ومسجات علشان يكون فيه اشتياق وبعدين كثر الحكي يملل من بعض يعني لو كل يوم كلام بيكون مافيه سوالف تحكون فيها مع بعض لاكن لو كل 3 ايام بيكون فيه حكي وزي كذا
بس نصيحه حاولي تكوني معه خجوله حتى لو انه كان جريء لأن الرجل طبعه جريء وعوديه على انه يكون له اصحااااب حتى بعد الزواج ماتملين يكون لازق لك على طول يعني لو يطلع بالاسبوع مره او مرتين عشان يكون فيه اشتياق
وبعدين حاسبي انتي عندك دراسه ولازم تشدين حيلك لازم يكون عندك وقت عشان تركزي اكثر
وامك صادقها بكلامها الثقل صنعه
يعني مو الثقل الي هو ماتكلمينه وكذا لااااااااااااااا
قصدي بحدود وكلام موزون مايخدش الحياء عشان يكون بعد الزواج شي حلو وكلام معسول ..
والله يوفقك يارب العالمين

 

[LALA2008]

الله يكتب لك اللي فيه الخير

 

[جوووووودي]

باونتي ... ياقلبي هو اللي لازق فيني مايتركني دقيقه وحده
واذا ارسل مسج ومارديت يسوي سالفه ليه اظنشه .. وكيف ما اعبره
لمحست له كم مره اننا نخفف .. وناس يقولو يمكن بكره نمل من بعض
يقولي ماعليك منهم .. وحبنا غير عن باقي الناس ..
ليت في اليوم الواحد مكالمه وحده
لا لازم يدق كل شوي ... بجد بجد اشتغلني
صحيح هو شيء حلو ... لكن انا بديت امل
وصعب اجامل طول الوقت

دبدوبه حيل ..
مشكوره ياقلبي ع النصايح ,, لا توصين انا مره خجوله معاه
مرات بجد , ومرات تصنع
لانه مرررا يخق علي اذا شفاني مستحيه
واحلى مافي السالفه اني اسوي نفسي مافهم شيء في امور الزوجيه
وهو يتشقق وهو يعلمني حبه حبه

لالا2008.. جزاك الله خير على الدعوه

 

[دبدوبه حيل]

لا قلبي والله اني احبك في الله

 

[بدور A]

الله يوفقك .. ويكتب لك الخير ..

آمممممممممممم بقول لك شي حاولي شوي بس تخففون من المكالمات بس يكون بينكم رسايل ..
والبنات كفو ووفوا والله يوفقك يارب

 

[فرح55]

انا اقول صارحيه بطريقه لبقه وقولي له ودي اشوف مشاعري لي وين وصلت معاك وفهميه ان عشان تحافظون على اللي بينكم لازم يكون في درجه من الحريه والخصوصيه ..ونصيحه لاتتغيرين وتمحورين حياتج على الزوج بس لان الريل مع الاسف صعب يدوم لج

 

[دمعة الغيمه]

مبرووك خليه يلزق ومثل ظلك بعد خليه
بكره تتزوجي وتقولين ليته يجلس ربع ساعه معااااي
الله يوفقك دنيا واخره

 

[احاسيس منسيه]

لا تتنازلين عن حياتك وامورك الخاااااصه مها كااان..لا تخلين زوجك هو المحور الرئيسي بحياااتك..
مارسي حياتك مثل ما تعودتي والزوج ضيفيه لقائمة اهتماماتك..ولا تكثرين مكالماااات صدقيني بيمل بعدين..وانتي بتزهقين

 

[جوووووودي]

مشكورين على هالنصايح
ماقصرتو والله

 

[فراشة القمر]

بالصراحة الزوج البيتوتي مشكله

انت تناقشي معاه انكم تبتعدون عن بعض باليوم او اليومين حتى تشتاقو لبعض >> طبعا انا حددت يومين لانه ماراح يرضى اكثر من كذا لانه من النوع اللازق

في يوم وانتي تكلميه قولي حبيبي اليوم بتعذر منك صديقاتي بيزورني ومااقدر اشوفك .. طبعا بيزعل .. انت تدلعي عليه وقولي له ترضى احد يتكلم عن زوجتك انها من انخطبت صارت متكبره .. ويمكن يقول اكيد تطبعت باطباع زوجها

يوم تحججي بأنك معزومه وعيب تردي العزومه ... وانك راح تشتاقي له

اتكلمي مع الوالدة وخليها تكلم الوالد يجي يقعد معاكم لمده طويله ... يمكن يحس انه مقيد وماياخذ راحته ويطلع


اما عن المشاعر اولا لانك لساتك عروس بعد فترة يمكن تحسين بشي تجاهه وغير كذا لانك تشوفينه وتكلميه كل يوم واكثر من مرة في اليوم


الله يوفقك ويسعدك في حياتك الجديدة
والف مبروك ع الخطوبة

 

[jasmine]

أنت بتتصرفيت صح
خلك مثل ما أنت لا ثقل يخليه يهرب ولا اندفاع مثله
بكرة بعد ما تتزوجوا وتكثر مشاغلكم هو بيخفف من ملاحقته لك لوحده وأنت بكرة بتتذكري هالأيام الحلوة بكل خير
سايريه لأن الرجال بحبك وشاريك
وان شاالله ألف ألف مبرووووك

 

[جسرالاحزان]

الله يوفقك ويسهل امرك

شوفي حبيبتي انا متزوجه من قريب بس فتره بين زواجي وملاكي 3 اسابيع فقط

الاسبوع الاول كنت مو معطيته وجهه لاني مشغوله بالدراسه &_&

والاسبوع الثاني نشب فيني بس رفضت اكلمه الا بالليل مره لاني استحي من اهلي وش اقول لهم وقبل ما يتصل قايله له يرسل مسج انا فاضيه ولا مشغوله

وارد عليه اذا كنت بكلمه قلت اوكي ولا قلت مو الحين طبعا انا مقدر الوضع لاني في فتره قصيرررره كنت اتجهز واكلمه طبعا الاسبوع الثالث حاولت اني ابتعد علشان يشتاق لي ولا يكون مل مني

وان شاء الله اكون افدتك بتجربتي

لان الرجل بطبعه ملولل جدااااااااااا

 

[انسه طفشانه]

قوليله بكل بساطه
انا مارد عليك لاني اكون مشغوله وجوالي دايم مع اخواني او مرمي ولاادري عنه
ترا عندي مشاغل انا

سلامات يزعل عشان ماتردين عالمسج

 

[* إنسانة وبس *]

خيتو ...

اولا : كلام الخوات كله تمام ..
ثانيا : انتي قلتي انو انتم لسى مالكم الا شهر سوآ .. لاتلومية عاللزقة شي طبيعي لأنه توهـ طآآآآآآآآآآف فيك وفرحان صدقيني بعد كم شهر بيخف من نفسه ..
<< انا كذا اول الاشهر كان كثير معااااي ( يالبيه ياهو ) بس الحين لنا 6 شهور وخف شويه ...

والله يوفقك ..

 

[محبة مكة]

طيب لي ما يستعجل في الزواج
اذا هو مهو قادر يستغنى عنك

 

[جوووووودي]

فراشه القمر .. الله يسعدك كلامك مرره ريحني

ياسمين .. هذا اللي انا اسويه , اسايره
مااشد الحبل كثير ولا ارخيه كثير

جسر الاحزان .. الله يوفقك بحياتك الجديده ويكتب كل ماهو خير

انسه طفشانه .. استنفذت كل الطرق في التصريفات
المشكله انه يحسسني اني انا اهم شيء في حياته وجواله مايفارق ايده لا في دوام والا عند اهله
واجي بالاخير اقوله انا ارمي جوالي؟!!
بيقولي هذي معزتي عندك ؟!!

انسانه وبس ... صادقه والله
اللي انا مضايقني انه تحدد الزواج بعد سنه لظروف دراستي وظروفه هو بعد
يعني انا اقول اذا من اول شهر كذا .. كيف باقي السنه ؟!!

محبه مكه ,,قلبوو ظروف دراستي انا ادرس بمدينه ثانيه وباقي كم شهر ع التخرج وهواا لسه ماجهز بيت الزوجيه
يعني ظروفننا كلنا ماتسمح