محتـآآيه دعواتكم

[بنت ابوظبي 3]

السلام عليكم

شحالكــن بنـآت ؟

تذكرون المشكله الاولى اللي كتبتلكم عنها

فهذا الرابط http://www.niswh.com/vb/showthread.php?t=254307

امس فليل تقريبا الساعه 11 ونص دق لي ولد عمتيه وقالي اباج بموضوع ضرووري

قلتله شوه الموضوع قال انا كلمة ابوي عن الخطبه وابوي رافض الخطبه قلت له ليش

قال ابوي خبرني بكل شي يوم كنت اصغير جدتي (ام ابوه ) كانت اتعذب امي اللي هي عمتيه وعمتيه

يوم اتكون فبيت (ام امه ) يعني جدتي تسوي مشاكل

ويوم اتوفت الله يرحمها قال ان خالي اخذني انا واخوي الصغير ودخل بيت ابوي معصب وطلع فوق

البيت وقعد يهددهم يبا ياخذ اليهال وانه ابوه متعقد من السالفه انا هاذي عشان جيه رافض فكرة الزواج

انا ما قلتله شي يا بنـآآآآآآآآآت والله تميت اصيح وهو يهديني يقول انا بحاول ويا ابوي يقتنع اني اخذج

وبقنعه بخليه يقول من قلبه انه يباج حقي واذا مااا صار نصيب الله يوفقج في حياتج

انا متفاجاه ما عرفت شقوله اخر شي بندت عنه احبه وماااااااريد اخسره

انا طوول الليل ادعي الله يحنن قلب ابوه اممم وابا ارايكم فسالفه كلها ؟ ونصايحكم خواتي

الله يخليكم ادعوووو الله يحنن قلب ابووه


امممم بعد احس ابوه مخبي شي مادري ليش هالاحساس

انا سمعت مره ان ابوه يضرب عمتيه دوووم ولا يخليها تسير بيت امها (جدتي ) واعتقد ولد عمتي

ما يدري بهالكلام ويوم ايسلونها ليش يضربها تصييح الله يرحمها

 

[احلى من العقد]

الله يكتب لكم الخير
بس حبيبتي اذا الصبي مايقدر ياخذج
قالج الله يوفقج يعني لاتعلقين ااماال على الفاضي
ادعي ربج اذا في نصيب ييسر لج
والا يدز لج ولد حلال تبدين معاه حياتج

 

[سحايب غلا]

الله يوفقك يا أختي ، لكن أصبري هذا عشان الظروف والمشاكل العائليه
طيب أصبري بإذن الله بيفرجها ربي
طيب شو ذنبكم أنتم

 

[@غلا بوظبي@]

تصبري يالغاليه ودوم ادعي ربج وصدقيني اذا ستوى نصيب فالحمد الله واذا ماصار نصيب اعرفي ان هذا في خير حقج وما تدرين ربج شو كاتب لج باجر يمكن كاتب لج نصيب احسن عن جي

يعني في كل الحالات لا تحزنين وتوكلي على ربج دوم وربي يعطيج اللي فيه الخير لج اللهم امين

 

[~أماسي~]

لاتتعبين نفسك بالبكاء والصيياح والتحسّر

كل شي نــصـــيب وكل شيء مكتوب واذا هو من نصيبك راح يرجعك ولا راح يرده أي عائق ،،

كل اللي بأيدك انك تدعين ربك وتستغفرين لعل الله يحدث بعد ذلك أمراً ..