محتاره معها

[احبك زوجي]

السلام عليكم ورحمته الله وبركاته ..

كيفكم خوات الله يسعدكم ابي استشارتكم .

بدخل بالموضوع مباشره ..

انا احب زوجي بجنون لا اتحمل منه اي شي ..

هو الان مسافر لدرسه خارج وانا اتبعه واتصل عليه يومين ..


واحب اجلس معه بساعات ..

ولو جلس يوم ماكلمني علطول ازعل منه وقوله انك ماتحبني غصب علي اتكلم كذا معه ..

قبل اربع ايام كلمني وزعلت منه وهوشته ليش ماكلمني وهو زعل مني الحين رجعت ورضيتي في رساله قبل رضاي بس ماادري عنه لي اربع ايام مايرسل ولا يكلم مع اني توني ولده واولا طفل له ..

صرحه انا ماتحمل زعله وحس اني اهين نفسي في تطلبه هو مايزعل بسرعه بس اذا زعل مايرضى ..

تكفون ساعدوني هو يقول انه يحبني مره بس كيف اعرف هو يحبني او لا ..

يمكن معرف اشرح حزني زين بس والله ابي احد يساعدني لاني والله تعبت مرررررررررررره ..

منتظره ردكم بفارغ الصبر جعل من يساعدني بموزين حسناته ..

 

[احبك زوجي]

تكفون ساعدوني والله اني متضايقة مره ودمعتي على خدي

 

[احبك زوجي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تكفون وش رايكم مشتاقه له ادق عليه او لا ..

تكفون يمكن معرف اقول طريقة مشكلتي بضبط بس ياحبيلكم ساعدوني والله اني تعبت مرررررره ساااااااااااااااااااااااااعدوني

 

[نواره99]

يحليلج شكلج وايد رومانسيه
مو معناته الزوج ماقال حق مرته احبج بشكل يومي يعني هو مايحبه
في اشيا اهم من انه يقولج كل يوووم احبج
حاولي تعرفين شنهي شخصيته وكيفيه التعامل معاه
وبعدين لاتزعلين ع اشيا صغيره وهو في غربه يعني محتاجلج مو محتاج حد ينكد عليه
واذا مااتصلج بشكل يومي مو معناته مايحبج اكيد مشغول او تعبان الله يهديج

 

[little moments]

بالنسبة له هو يحبك وإلا ما كان ارتبط وتزوجك وأنجب منك.
بالنسبة للمكالمات ما في داعي تزعلي لما يتأخر يومين لأنه بيكون مشغول . وحلو تقدري وتعذريه .
وحاولي انك ما تتصلي كتير فيه لأنه في هالحالة رح يبدأ يفكر ويتسائل ليه ما اتصلتي فيه وبالتالي هو يلي رح يتصل ويتطمن عليك.
الرجل ما بحب يكون ملاحق بالتلفونات لأنه رح يشعر بالملل وخاصة إذا كان الحديث فيه استفسارات كتير لتحركاته, بس لما بتتصلي فيه مرتين بالاسبوع ويكو حديثك معه مركز على الاشتياق والحب والاطمئنان عليه صدقي هو يلي راح يتصل فيك اكتر ليسمع منك احلى الكلام ومش كلام فيه عدم ثقة فيه.
وهيدا مجرب من بعض الزوجات وجابت نتيجة.
يعني ما تقولي ما بستحمل ما اتصل فيه كل يوم؟!!
بتقدري وهيك بتخليه يشعر انك واثقة فيه وبحبه لك.
وفيكي من يوم والتاني تبعتيله مسج تعبري فيه عن اشتياقك الحار له. المهم حاولي تبعدي عن اي صراخ خلال حديثك معه. وكمان شجعيه عالدرس ووضحيله اديه انتي بتفتخري بنشاطه واجتهاده . يعني شجعيه وما تحبطيه. عشان ما يتهرب من الكلام معك. واتفقي معه بعد فترة من اقامته في البلد يلي بيدرس فيها انك تزوريه وتقضو شهر مع بعض المهم خليه هو يشتقلك اكتر ما انتي بتشتاقيله.
واذا عندك اي سؤال تكرم عينك.
وبالتوفيق.

 

[احبك زوجي]

تسلمي الله يسعدكم يارب .

والله العضيم انا اذا اتصلت ماتبعه او اسئاله وين رحت وين جيت .
اغلب كلمي حب ورمنسيه انا احبه ومتعلقه فيه ..
وش رايك ادق وتطمن عليه او اطنشه لاين يشتاق ويدق هو

 

[نواره99]

مدري شي راجع لج بس مو كل دقيقه وكل يوم خليه شوي يشتاق هو وهو الي يتصل عليج
لاتصيرين لزقه تغلي شوي

 

[احبك زوجي]

شكرا على ردك

 

[my first love]

هلا حبيبتي انا كنت نفس حالتج والحين اضحك على نفسي ليه ازعل وانكد عليه هو وضعه صعب غربه ودراسه ووضعه مو مستقر ونفسيته تعبانه فمن الافضل انه اذا دق عليك تونسيه مو انك تنكدي عليه وليه ماقلتلي احبك ومن هالكلام الله يوفقك ومن رايي انك تستنيه هو يشتاق ويدق وانتي اشغلي نفسك لا يصير هو تفكيرك

 

[طيف الروح]

فيه مثل يقووووووووووووووول


الثقل صنعه الرجال يحبو المرأه الثقيله
جد والله تلات ايام ودقي اذ حكالك غريبه ماشووفك دقتيلي كالعاده

قووولي مشغوله ليش مشتاقلي ورراح تعرفين انه ركزززز عليكي مصرتي تدقين مثل قبل

وتشوفين هوه الى بيدق عليكي

الله يسعدكم دنيا واخرررره
​

 

[معشوقه]

السلام عليكم ورحمة الله وبركاته ...​

الحمد لله على السلامة ربيتي ما جبتي و ربي يجعله من الذرية الصالحه .. آمين .​

حبوبه مدامك ولدتي و الحمدلله في ما يمنع إنك تروحين له ..؟؟​

و بعدين إنت كل اشوي تسألين اتصل إيه أنا أقولك اتصلي عليه و صالحيه ولا اتخلين بينكم زعل ... ​

وممكن يكون بينكم اتصالات يوميه مثلا اتقعدينه لصلاة الفجر أو تتصلين الصبح اتصبحين عليه أو قبل ​

لا ينام و اتكون اتصلات مقتضبه سلام وحب و مع السلامه يعني لا تقطعين ولا اتكثرين ... ولا اتزعلين ​

المرأة الزعول غير محبوبه .... و إنت إتحبينه و متعلقه فيه وايد لا تخسرينه باسلوبك و خصوصا إنه ​

بعيد عنك .... ومثل ما قالوا البنات شجعيه و افتخري فيه ووضحي له هذا و في كل مره بلغيه بأخبارك ​

و شغليه معاك يعني ... بس مو تضغطين يعني في خيط رفيع بين إنك اتحيطين بشخص و اتكونين معاه في قلبه و كل حياته و إنك اتخلينه متشوق يلتقي فيك و يكلمك و يقولك أخبار يومه و يعمل هالشي لحاله بدون طلب منك و بين إنك تخنقينه و تحسسينه بأنه الإتصالات هذه شي واجب لازم يعمله ولازم يحاسب بكلامه ويكون لطيف وياج ....اهو في غربة حاولي تكونين زوجه و صديقة في هالفتره ....​

و الله يسخركم لبعض و يجمع بينكم بالخير ​

تحياتي ​

 

[little moments]

تسلمي الله يسعدكم يارب .

والله العضيم انا اذا اتصلت ماتبعه او اسئاله وين رحت وين جيت .
اغلب كلمي حب ورمنسيه انا احبه ومتعلقه فيه ..
وش رايك ادق وتطمن عليه او اطنشه لاين يشتاق ويدق هو

لا ما تتصلي فيه خليه يشتاقلك وهو رح يتصل فيك عزيزتي.:icon31:

 

[احبك زوجي]

تسلمو الله يسعدكم ولا يركم مكروه

في حياتكم ويجعلكن دوم بسعاده وهنا وستقرار ..

الف الف شكر ..

 

[little moments]

تكرمي اختي.
بس طمنينا شو صار معك بعدين.
وشكرا لدعائك الطيب و لك مثله.
تحياتي.

 

[احبك زوجي]

الحمدلله بخير وهو الي دق وكان مشتاق مره ..

الله يسعدكم يارب