محتاره شلون ابدي بمشكلة بنتي

[مزون الزين]

شلونكم حبايبي والله محتاره شلون ابدي
بنتي عمرها 3 سنوات ملاحظتها قبل فتره دايم تحب تقعد على الاماكن الحاده مثلا تركب على حديدة الديرفه او تقعد على زاوية الغنفه المهم ان إذا قعدت تحب اطول يمكن هالشغله تسويلها دغدغه وانا خايفه وإذا دخلت الحمام تكرمون تحب ترش الماي بقوة على المنطقة الحساسه بس تدرون انا شنو خايفه منة انا خايفه انها إذا كبرت تستعمل العاده السرية
انا دايم اقولها ان إذا رشيتي الماي بقوة راح يطلع دم بس ماگو فايده واحذرها وبعض الأحيان اعصب انها تركب ع الاماكن الحاده ولاتسمع الكلام
والحين لاحظتها وانا معاها بالحمام إذا غسلت تحب تحط ايدها على المكان الي حسسها بالدغدغه
وانا حيل خايفه وتعبانة ماني عارفه شلون اتصرف فقلت مافي غيركم يزيل هالخوف مني ويساعدني والله يخليگم لي

 

[نغمات النجاح]

لعل لديها التهاب او فطريات في تلك المنطقة
وتشعر بالراحه اذا قامت بتلك التصرفات
تفقديها لعلها تحتاج الى دواء
تحياتي

 

[مزون الزين]

حبيبتي اختي نغمات النجاح لكن والله الحمد المنطقة سليمة جدا لگن اتعبتي بهالتصرف ماني عارفه شلون امنعها او طرق معينة تخليها تنساها

 

[صاحبة الليل]

الله يعينك يارب
أختي بالنسبه للماي تحكمي بحنفية الماي يعني خلي الماي تكب شوي أنا يوم لاحظت بنتي هاالشيء على طول تحكمت بالماء والامور صارت أحسن

 

[chooclt]

الله يعين الامهات على التربيه

 

[الفتاة ألم وأمل]

الله يعين الامهات على التربيه

اي والله
صرت اقول حتى لو ربي مارزقني بالذريه فهذا نعمــــه الحمدالله
اما انت ياختي يامن تشتكين من وضع بنتك اكشفي شوفي يمكن فعلا عندها فطريات
وحاولي ماتنهينها بشكل مباشر يعني الهيها بشئ لما تسوي الحركه لين تنسى الموضوع
وربي يخليها لك

 

[RedRose]

لا تقومي بالصراخ عليها او منعها بطريقة مباشرة ,, لأن هذا يجعلها تريد اكتشاف السبب لمنعك اياها ان تقوم بذلك .. حاولي مثلا اذا كانت تجلس على مكان حاد ان تطلبي منها شي حتى تقوم ,, واذا دخلت للحمام كوني قريبة منها وكما قالت الاخت تحكمي في قوة الماء

​

 

[همسةامل]

اقول يمكن بنتك عندها فطريات زي بنتي كانت تسوي نفس حركات بنتك في رش الماء وعلى حدة الكنب واكتشفت لمى تتغطى تحك وسرت احطلها فازلين عندها فطريات

 

[الجواااان]

انتبهي تبينين لها اي شي لانه معروف عند الاطفال كل ممنوع مرغوب حاولي تلهينها باي شي وبالنسبه للمويه ادخلي معها لاتخلينها بروحها او قصري على حنفيه الماء

 

[حرم سوووسووو]

الله يصلح حالها

 

[اميره بحكمتي~]

الله يصلحها ويكون بعووووووووووونك