أنا مطلقه حاليا وادري أنه طلاقي أنا السبب فيه وحابه اعرف أو حابه النصح من الاستاذه ناعمه
ومن كل أخت عاشت هاي الحياة اللي عشتها ....
بإختصار أنا تزوجت واحد متزوج أجنبية وعنده عيال منها ، والريال هذا كان له ماضي وسخ
كان يشرب ويسهر وكل انواع المنكرات يسويها وحتى زوجته كانت تعبانه وياه وايد لدرجة انه هجرها
المهم جذب عليه وقالي انا هاجرنها وهي فاقده انوتها وهي وهي وطلع كل العيوب فيها وانا للأسف صدقته وتحديت رفض اهلي له وخذته وطبعا ولاني كنت مطلقه قبلها خذت الامور ببساطه وتزوجنا
ومن بعد الزواج بيوم تفاجات الريال شاري حوالي 12 غرشة خمر ويوم قلت له ليش هذا قالي فرحان
فيج وابغي احتفل فيج وشرب ليلتها ووعدني ما يشرب عقبها والحمدلله من عقبها ماشفته يشرب
ومر اسبوع من زواجنا وخذني على بيته عند الاجنبية وشفت الحياة اللي عايشينها حياة فقر.
جلست في الصالة دخل هو المطبخ سألتها وين راح زوجي قالت في المطبخ طبعا اللغة العربية عندها
مكسرة لانها ما دخلت الاسلام والعياذ بالله، قالت لي هو همه بطنه وهو حلف لي على القرآن أنه ما
بيتزوج عليه وتزوجج انتي وأنا اعطيج سنة وبتين تصيحين تقولين لي ياريتني ما تزوجته.
ومرت الشهور وطلب مني اكون مثل اختها علشان يقولون الناس واهله شوفوا حريم فلان وكانت تدق
لي كل يوم الصبح وانا في الدوام تحكي لي قصص الماضي الاسود لزوجي لدرجة انها حسستني بالذنب
لأني تزوجته، كنا نحن انا وزوجي ناكل وهو ميتين من الجوع طبعا لأني أشتغل وعندي راتب وهو ما
يشتغل ما عنده وظيفه هو مجرد وسيط في العقارات يعني يوم عنده وشهور ماعنده كنا عايشين حياتنا
كلها من راتبي صح هو يوم عنده ما يقصر بس للأسف هو دوم ماعنده.
المهم كل ما حصل فلوس خبرتها كل ما صار شي خبرتها كنت عادتنها وحده من خواتي وفي يوم دخل
عليه زوجي يقولي انتي ليش تقولين حق فلانه كل شي تعرفين فلانه تقول انتي وحده من بنات الهوى
اللي انا عرفتهم وانج مب شريفة مكه ومن يومها بدت الكراهية بيني وبينها المشكله انا سويت فيها
خير وايد وهي جازتني بالخيانه.
كرهتها وزادت المشاكل وبديت امنع زوجي من السيره لها مع العلم انه من خذني ما بات عندهم ولا ليله
كان يروح يلبي طلباتهم ويرجع وزادت المشاكل اكثر واكثر وبدا زوجي يقولي انتي خذتيني عن حرمتي
وعيالي المشاكل زادت وزوجي قام يتمادى لين رحت عند امي الله يرحمها وشكيت لها وطلبت منه يختار
بينا وطبعا اختار انه يطلقها وما طلقها وتصالحنا انا وهو وبعدها بفترة توفت امي ورجع زوجي لعادته
القديمة وبدا يعايرني بعد بعياله وزوجته وكنت انا كل ما تصير مشكله بيني وبينه اروح بيت اهلي واشكي لهم واجلس عندهم بالاسبوع والاسبوعين واحكي لهم المشاكل كلها كل مرة نفس الحال لين
يا اليوم اللي طلقها فيه ورجعت له والحمدلله عشنا حياتنا مرتاحين سافرنا ورجعنا وحملت الحمدلله
طبعا هو طلقها طلاق باين بينونه كبرى لا رجعة فيها، وفي يوم اكتشفت انه مظهر شهادة استمرارية
زواج منها يقول علشان يطلع لها جواز يزور علشانها وغير هذا الطلاق كان في المحكمة وهو فهمها
انه مب طلاق حقيقي كان طلاق لعب علشان المحكمة تعطيه صك الطلاق انا كشفت امور كثيرة آخرها
رافع قضية استئناف يبطل طلاقه لها طبعا قدم اوراق وشهود زور والعياذ بالله.
وفوق هذا كله اكتشفت انه يرمس وحده تركيه وعلى علاقة معاها علاقة حميمة لدرجة انها كانت
خطيبته كلمتها ودخلتها بيتي اواجهه فيها وانصدم ومع ذلك رجعت له وسامحته واكتشفت خيانات
ومسجات وايميلات وامور كثيرة وكل مرة اشك فيه تكون شكوكي في مكانها اشتكيت وايد لاهلي
ولاهله وطلعت من البيت وسرت المحكمة الف مرة وماكان يطيع يطلق وعقب ما ربيت ويبت له ولد
وحملت على طول بعد الاربعين في حملي الثاني وبعد ماتركت شغلي صارت مشاكل بيني وبينه
رحت المحكمة وطلقني بشرط التنازل عن كل حقوقي.
بعد ما جردني من كل شي بعت كل ذهبي علشانه حطيت على ظهري دين 250 ألف علشانه ويوم شبع
مني وشاف اني تركت الشغل طلقني.
والحين فكر يردني قلت له بشروط ابغي مهر وابغي شقه يديده وما ابغيك تسافر وايد قال لي ما تستحين
طالبه الطلاق روحج وراكضه المحاكم والحين عندج شروط صدق ما تستحين مع العلم انه عنده شرط
ارضى بانه يسير ويرد على طليقته وعياله واصلا القاضي قاله مايجوز لان عياله صغار وما بينهم
محرم شوفوا شرطه بس؟!! المهم الحين بعد فكر يردني بس انا عرفت عنه انه رجع يشرب ويزني
في بيتي وعلى فراشي والعياذ بالله وانه حول الشقه ملهى ليلي للشرب واللعب والزنى.
والحين انا محتاره هل اللي سويته صح ولا غلط ؟وهل في فايده اني ارجع له دليني يا استاذه؟
نوريني انا ما ابغي اذل نفسي بس انا افكر في عيالي.شو اسوي محتارةز
صليت الاستخارة وكله احلم انه هو يعترف انه يخوني.انصحوني يزاكم الله خير
ومن كل أخت عاشت هاي الحياة اللي عشتها ....
بإختصار أنا تزوجت واحد متزوج أجنبية وعنده عيال منها ، والريال هذا كان له ماضي وسخ
كان يشرب ويسهر وكل انواع المنكرات يسويها وحتى زوجته كانت تعبانه وياه وايد لدرجة انه هجرها
المهم جذب عليه وقالي انا هاجرنها وهي فاقده انوتها وهي وهي وطلع كل العيوب فيها وانا للأسف صدقته وتحديت رفض اهلي له وخذته وطبعا ولاني كنت مطلقه قبلها خذت الامور ببساطه وتزوجنا
ومن بعد الزواج بيوم تفاجات الريال شاري حوالي 12 غرشة خمر ويوم قلت له ليش هذا قالي فرحان
فيج وابغي احتفل فيج وشرب ليلتها ووعدني ما يشرب عقبها والحمدلله من عقبها ماشفته يشرب
ومر اسبوع من زواجنا وخذني على بيته عند الاجنبية وشفت الحياة اللي عايشينها حياة فقر.
جلست في الصالة دخل هو المطبخ سألتها وين راح زوجي قالت في المطبخ طبعا اللغة العربية عندها
مكسرة لانها ما دخلت الاسلام والعياذ بالله، قالت لي هو همه بطنه وهو حلف لي على القرآن أنه ما
بيتزوج عليه وتزوجج انتي وأنا اعطيج سنة وبتين تصيحين تقولين لي ياريتني ما تزوجته.
ومرت الشهور وطلب مني اكون مثل اختها علشان يقولون الناس واهله شوفوا حريم فلان وكانت تدق
لي كل يوم الصبح وانا في الدوام تحكي لي قصص الماضي الاسود لزوجي لدرجة انها حسستني بالذنب
لأني تزوجته، كنا نحن انا وزوجي ناكل وهو ميتين من الجوع طبعا لأني أشتغل وعندي راتب وهو ما
يشتغل ما عنده وظيفه هو مجرد وسيط في العقارات يعني يوم عنده وشهور ماعنده كنا عايشين حياتنا
كلها من راتبي صح هو يوم عنده ما يقصر بس للأسف هو دوم ماعنده.
المهم كل ما حصل فلوس خبرتها كل ما صار شي خبرتها كنت عادتنها وحده من خواتي وفي يوم دخل
عليه زوجي يقولي انتي ليش تقولين حق فلانه كل شي تعرفين فلانه تقول انتي وحده من بنات الهوى
اللي انا عرفتهم وانج مب شريفة مكه ومن يومها بدت الكراهية بيني وبينها المشكله انا سويت فيها
خير وايد وهي جازتني بالخيانه.
كرهتها وزادت المشاكل وبديت امنع زوجي من السيره لها مع العلم انه من خذني ما بات عندهم ولا ليله
كان يروح يلبي طلباتهم ويرجع وزادت المشاكل اكثر واكثر وبدا زوجي يقولي انتي خذتيني عن حرمتي
وعيالي المشاكل زادت وزوجي قام يتمادى لين رحت عند امي الله يرحمها وشكيت لها وطلبت منه يختار
بينا وطبعا اختار انه يطلقها وما طلقها وتصالحنا انا وهو وبعدها بفترة توفت امي ورجع زوجي لعادته
القديمة وبدا يعايرني بعد بعياله وزوجته وكنت انا كل ما تصير مشكله بيني وبينه اروح بيت اهلي واشكي لهم واجلس عندهم بالاسبوع والاسبوعين واحكي لهم المشاكل كلها كل مرة نفس الحال لين
يا اليوم اللي طلقها فيه ورجعت له والحمدلله عشنا حياتنا مرتاحين سافرنا ورجعنا وحملت الحمدلله
طبعا هو طلقها طلاق باين بينونه كبرى لا رجعة فيها، وفي يوم اكتشفت انه مظهر شهادة استمرارية
زواج منها يقول علشان يطلع لها جواز يزور علشانها وغير هذا الطلاق كان في المحكمة وهو فهمها
انه مب طلاق حقيقي كان طلاق لعب علشان المحكمة تعطيه صك الطلاق انا كشفت امور كثيرة آخرها
رافع قضية استئناف يبطل طلاقه لها طبعا قدم اوراق وشهود زور والعياذ بالله.
وفوق هذا كله اكتشفت انه يرمس وحده تركيه وعلى علاقة معاها علاقة حميمة لدرجة انها كانت
خطيبته كلمتها ودخلتها بيتي اواجهه فيها وانصدم ومع ذلك رجعت له وسامحته واكتشفت خيانات
ومسجات وايميلات وامور كثيرة وكل مرة اشك فيه تكون شكوكي في مكانها اشتكيت وايد لاهلي
ولاهله وطلعت من البيت وسرت المحكمة الف مرة وماكان يطيع يطلق وعقب ما ربيت ويبت له ولد
وحملت على طول بعد الاربعين في حملي الثاني وبعد ماتركت شغلي صارت مشاكل بيني وبينه
رحت المحكمة وطلقني بشرط التنازل عن كل حقوقي.
بعد ما جردني من كل شي بعت كل ذهبي علشانه حطيت على ظهري دين 250 ألف علشانه ويوم شبع
مني وشاف اني تركت الشغل طلقني.
والحين فكر يردني قلت له بشروط ابغي مهر وابغي شقه يديده وما ابغيك تسافر وايد قال لي ما تستحين
طالبه الطلاق روحج وراكضه المحاكم والحين عندج شروط صدق ما تستحين مع العلم انه عنده شرط
ارضى بانه يسير ويرد على طليقته وعياله واصلا القاضي قاله مايجوز لان عياله صغار وما بينهم
محرم شوفوا شرطه بس؟!! المهم الحين بعد فكر يردني بس انا عرفت عنه انه رجع يشرب ويزني
في بيتي وعلى فراشي والعياذ بالله وانه حول الشقه ملهى ليلي للشرب واللعب والزنى.
والحين انا محتاره هل اللي سويته صح ولا غلط ؟وهل في فايده اني ارجع له دليني يا استاذه؟
نوريني انا ما ابغي اذل نفسي بس انا افكر في عيالي.شو اسوي محتارةز
صليت الاستخارة وكله احلم انه هو يعترف انه يخوني.انصحوني يزاكم الله خير
