محتارة كيف اتعامل معاه...

[راعية الغنم]

السلام عليكم و رحمة الله و بركاته

هلا و 1000 زهرة غلا بكل من يشرفني بحضوره

و ينورني بمشورته...

انا عروس يديدة.. الله يديم الوناسه

بس مب عارفه كيف أتعامل مع زوجي العزيز..

ما أعرف لأي نمط من أنماط الشخصية ينتمي..

أكبر عني ب 5 سنوات.. طيب و حنون لكن عصبي حد الجنون.. سريع الانفعال كثير الندم

كثير الاحساس بتأنيب الضمير..

اجتماعيا عند ربعه يحب يكون القائد فيهم.. شخصيته قوية و له قدرة عجيبة في فن الكلام و الاقناع

تصير في بيننا خلافات صغيرة لكن كثيرة.. و غالبا هو سببها..

يحب يعيش حياته و يستمتع فيها لكن يبيني في البيت اقابل الطوف و الاثاث انتظره

يسهر بالميلس عند الشباب لين الساعة 1:30 بالليل، مع انه قبل العرس ما كان يسهر و لما اقول له لا تسهر احسه يعاند و يزيد و يقول انتي ما تبيني استانس و اقعد مع الشباب العرس مب ربطه.

يقرر و لما ما يعجبني قرارة يعصب و يفر كلام ما يقيمه يقول كلمتي تحطيها في الأرض و تدوسين عليها

و إذا رفض موضوع معين صعب أرجع أفتحه معاه كأنه ياخذ موقف منه.

كان يتخيل انه لما بيعرس لما بيدخل البيت بشيل عنه غترته وعقاله انا استقبله بوجه مبتسم و اسأله كيف كان يومه..

ما أعرف يحيرني .. دايما يقول لربعه الزواج مب مثل ما تصورت الزواج مب ربطه

اذا اقترحت انا موضوع و عجبه يقول بنسوي مب عشان انتي تبين لا عشان انا اقتنعت انا اسمع لج و احترم رايج بس مب دايما آخذ فيه.

بصراحه صرت أخاف حتى مجرد الكلام معاه.. يدقق بالاحرف و الكلمات
حتى هو لاحظ اني صرت ما أتكلم إلا نادر..

مرات يمسك الكلمة علي و يذلني فيها عشان هالشكل قررت ما اتكلم..

يعتمد علي في اناقة البيت و جماله و دايما يقول اربيعي حرمته رتبت حياته.. ابيج ترتبي حياتي حتى ميزانية البيت..

أبي مشورتكم الغاليين.. الله لا خلاني منكم..

 

[راعية الغنم]

تذكرت نقطة ما ذكرتها لكم فوق

لما اطلب منه الجنس يستغرب.. يسأل كل البنات يسوون هالشكل...؟
و حتى لما اسوي له حركة يديده أو اقوله ان جزء معين من جسمه يعجبني يستغرب, و يقول بسأل ربعي حريمهم يقولون لهم هالشكل...؟

يستانس لكن يستغرب بنفس الوقت

و دمتم