محتاجه وقفــتكم وياي ..

[كلي حنو]

السلام عليكم ورحمه الله وبركاته ..


أنا هنا اطرح لكم مشكلتي ..


مشكلتي الزعل ..وما ادراك ما الزعل ..


لما زوجي يجي ويقولي اقل كلمه اقعد ازعل منه ..


اوقاات يمزح معي بس يكون كلامه شووي مو عدل


انا ارووح ازعل علييه ولا اكلمه واقعد لكم يووم كامل والله وانا زعلانه علييه


ولا ارضى او اقول ماعلييه انا اتنازل عنه والله ولا عمري سويتهاا


لازم هو اللي يجي ويراضيني وياليت بعد ع طوول ارضى بالمووت اني ارضى


اذا هو ضحكني ارضى علييه .. والمشكله هو يجي ويقولي نزعل ونتهاوش


ونسووي اللي نسوي لكن اذا جااء وقت النووم نجي ونتراضى ما اناام واحنا زعلانيين


يعني الواحد مايضمن روحه لازم تصيري راضيه عليي او انا اصير راضي عليك ..


هو الحمدلله اذا رحت واعتذرت له بسرعه يرضى بس انا والله مو ع طوول ارضى ..


حييل مضايقه من هالموضووع وربي خاطري اغير هالوضع اللي انا فييه ..


يعني كلش مو عاجبني اللي احنا فييه ولا بعد اذا زعلت اقوله اي خل اختك ويا ربعك

ينفعووك ..
طايحه ذي الاياام كل ع هالكلمه مو عارفه لييه ..يابناات والله اني تعبت حييل من هالموضووع


اوقات ارووح غرفه النووم واجلس افكر لييه انا اسوي كذا ولييه يعني ما اخذ الامور بروح رياضيه


والله هو يقولي انا لو اقولك اللي اقول تأكدي ان بس لساني والا والله قلبي غير


يحبك حييل ولا اقدر اصلا استغني عنك والله .. يعني ترى اعزك حييل واخاف عليك


وترى والله انا شوفي من متى من تزوجت وانا ارووح واجي بس لك انتي حتى اهلي ما ارووح
لهم


اذا برووح اجي الا هنا واخذك عشاان تصيري ويااي ..


كله عشاانك وانتي تجي هناا وتزعلي وتمدي بوزك شبر .. يعني الا متى واحنا ع هالحال


لازم تخفي شووي وتبطلي من هالحركاات ودايما يقولي لاتاخذي الاشيااء السلبيه


اخذي الاشيااء الاجابييه ..والله ولا كاني اسمع من هنا واطلعه من هناا ..


بس والله مو عشاان اني اسوي كذا عناد او شيء ثاني لا والله بس انا من جد حييل


ابي اغير هالوضع بس مو عارفه كيف ..


والله يجي من الريااض ودوام وتعباان وانا اجلس لكم والله ازعل ياليت ازعل بس هاليووم


وارضى لا ازعل ولا ارضى الا اذا هو جاني واعتذر لي ..


مع ان مارااح يستمر ع هالحال ع طول انا كذا حاسه لان الرجال


يزهق ويطفش من هالحاله .. والمفرووض اني ما ازعل ع اقل سبب


بس مدري لييه ازعل مو عارفه ..


والشيء الثاني يابناات الكلام الحلوو وما ادراك ما الكلام الحلوو ..


يعني حييل احس زوجي يحب الكلام الحلوو اصلا اي رجاال لابد من انه يبي


كلام حلوو واحد يدلعه ويخااف علييه ويهتم فييه ..


انا والله حييل مطنشه زوجي يعني هو في مكتن بعييد المفرووض ادق علييه


اقوله شخبارك تغديت تعشيت انا هالاشيااء ولا شيء ..


حييل ابي اتغيير ابي ابين لزوجي اني والله احببه وامووت فييه ..


وانا والله فعلا احببه حييل لكن عيبي ما اعبر بمشاعري مدري الا متى


انا مارااح اغير من وضعي اللي انا فييه .. مع اني قبل الزواج والله


قلت اني راح اتغيرر واصيرر غير حتى قلت حق زوجي وهوو حييل استانس وفررح


وانبسط بعد وقالي ما اصدق قلت له والله راح تشووفني بتغيير بس ماشفت نفسي تغيرت


والله حييل مضايقه من نفسي انا مدري الا متى وانا ع هالحال مع ان الحين لي من تزوجت


4 شهور واسبوعيين .. المفرووض اصلا بدايه الزواج كلها حب ورمانسيه ودلع


مو هواش وزعل ومدري شنوو .. كل مني انا والله يعني زيين منه هالرجال متحملني


مع ان دائما يقولي انتي والله ماتتعوضي والحمدلله ان رزقني بزوجه مثلك


وصرتي انتي زوجتي مو احد غيرك وع طول يحمد الله ويشكره ..


بس احس اني انا ما استاهل زوجي مدري لييه والله احس تستاهله وحده احسن مني ..


وحده ادلعه تخاف علييه تقوله كلام حلوو ادق علييه بين فتره والثانيه ..


تدروون اني نادر ما ادق ع زوجي اطمن علييه او اقوله اني اشتقت لك ودقيت عليك


ع طوول هو اللي يدق عليي انا اذا بدق علييه بطلع وخلاص هو تعوود ع هالشيء


اني داقه علييه عشاان طلعه مو عشانه .. مسكيين والله أأأأه يالقهر والضيقه اللي انا فيهاا


ساعدوني يابناات الله يخليكم محتاجه حييل لنصايحكم ابي أحد من البناات تصيرر معي


وتوقف معي وتقولي شنو اسوي وش ما اسووي.. ابي مواضيع هناا بالمنتدى عن الحب


وعن كيفيه السؤال عن الزوج وكتب رومانسيه بس تكون هنا بالنت ما ابي كتب افضل قعودي ع النت
اكثر من الكتب ابي رسايل اكتبهم له يعني من الاشيااء اللي خبركم يابناات ..


تكفووووووووووووون طالبتكم لاتخبوو ظني فييكم .. وانصحوووني اعتبروني اختكم ..


حتى لو تجي وحده وتهاوشني وتسووي اللي تسوي عارفه ان حق مصلحتي وبالنهاييه هو
لي

صدقوني راح اشكر اللي تساعدني وتووقف معيي ..

أتمنى كل وحده تدخل موضوعي ترد علي بدعوه حلووه منكم ..

..ولاتنسووني من صالح اعمالكم​

 

[دلع قلبه]

رفع...

 

[swiet]

يا اختي هونيها تهون اولا حاولي تعرفي ايش نمطك ترى والله مو فلسفة اننا نقول لازم تعرفي نمطك بس والله كلنا لما عرفنا نمطنا سرنا نعرف كيف نتصرف ونتجنب الاشياء السلبية في شخصيتنا ونشتغل على ايجابيات الي في شخصيتنا وشخصية ازواجنا اعرفي نمط واشتغلي علية وغيري حياتك الى الافضل

تحياتي​

 

[الوفيه لكن]

الله يعينك شكلك دلوعه وتغلي زوجك كثير ما شاء الله تبارك الله بس خذي كلامه مزح وعلى فكره
انا كنت مثلك بس تغيرت كثير تدرين ليش صرت اقول بنفسي اهو تزوجني وهوه عارفني وشاريني لوماعجبته ما طق الباب وش ينقصني عن غيري كل الحريم وااااااااااااااااااحد
حتى لما يتريق على الحين افكر بكلامه بدون زعل ابدا لو صادق اقوله زين نبهتني الله لايحرمني منك
واعدل نفسي عالطول سواء شكل او تصرف بدون مشاكل او زعل والله تعلق فيني اكثر لان اختفت المشاكل والرجل موحساس زينا ابدا

ومرات احاول انبه لو قصر اوش ي بكل ذوق وبدون تجريح ومرااااااااااااااااات نتريق على بعض كثيييييير

اهو يقول امشي عدل بدون ما تتمايلي ولما يقول كذا ونا بالبيت اقوم ازودها بدلع كني ارقص مره يميييييييييين ومره شماااااااال وقعد امشي طول اليوم كذا ادلع عليه وهو يضحك ولما نكون بالسوق ويقولي اقول خساره مايديني اتمايع ههههههههههههههه ولا بجنن الي بالسوق يجلس يضحك عادي ياقمر اضحكي وخليك كوووووووووووووووووول

 

[احساسي احساس]

يا اختي بسيطة الله يهديك ونصيييييييييييييييييييحة لوجة الله وعن تجربة خلي هالاسلوب وتعودي مو على كل شي انا كنت كذا وهو يا دهينة لاتنكتين وبعدين تقويت علية لاارادي وتري فجاة وما تحسين تلقين نفسك تتمادين وتغلطين والله نصيحة هذا اللي صار معي ولا صرت اي شي بيدي ارمية علية والا امد يدي حريم تري انعطووا وجة والله هذا اللي صار اللحين يدة طالت وصار يضرب بدون نقاش وانا ندمت على اللي صار انا اللي وصلتة لكذا ولو اموت ما يراضيني

 

[محبة مكة]

حلك بسيط بس يبغالها ارادة قوية
قوي نفسك وطنشي
وحاولي ما تنسي اذكار الصباح والمساء لان الشيطان يحب يكبر لك المشكلة
لانه يحب ان يفرق بين المتزوجين
وكل ما يمزح معاك واذا جاتك الحالة انك تزعلي منه قولي في نفسك سوف اتحدى الشيطان
واستعيذي واستغفري

 

[آحتآج حنآنك]

إحنآ البنات مآعندنآ حل وسسسط يآ نطقهآ ثقل وبـ الحسره الزوج يسمع كلمه ح ـلووه

ولآ يآ نطقهآ طفآقه وكل دقيقه وثآنيه متصلهـ ع زوجهآ

شششوفي .. مآفي آسهل من هـ الشي

مآصدق ماتعرفين تدقين على زوجك وتقولين له ولهت عليك ولا اشتقت لك

يآبنت عطيني من البرود الي عندك آنآ لرحت بيت اهلي اتخقرص متى بيتصل , ليش ماتصل لللحين

خلاص انا بتصل عليييه

بسسس بعد آعرف آقول مآني متصله ومآتصل

سسسهل مو صعب

يلآآ قومي دقي علييه

 

[fascinating]

الله يخليكم لبعض..
واحسن خطوووه سويتهآآ انكــ اعترفتي ...بغلطكــ..
ومشكله الزعل ان شاء الله بسيطه ..
بس يبي لكــ تعودي نفسكــ...
يعني حاولي لما تزعلين...في داخلكــ سمي بالله وابتسمي ...
واخفي الزعل ...
بعدين تدريجيآ بتشوفين حالكـ ...تعودتي ...
صدقيني ينفع ..بس انتي ابدي شغل ...ع نفسكــ..
ومشكله الرومنسيه ...
هذي احلى ايام الزوآج ...لاا تضيعينهآآ..
ابدي بمسجآت لو كنت تحسين صعبه تقولينهآآ..
كل بين فتره ارسلي انكــ اشتقتي له ...وانكـ جالسه تفكرين فيه ...
وشوي شوي ...
ابدي بالكلاآم...
....
الله يهنيكـ يا اختي ويخلي حياتك عسل في عسل ^^

 

[ضوى القــمر]

الله يوفقك يارب ويسعدك بحياتك ..
بس حبيت اقولك الحياه تضحيات وتنازلات
اتمنى منك اذا غلط عليك بقصد او بدون قصد مو تسوي نفسك زعلانه وتربكين حياتك الزوجيه.. انصحك نصيحه ترى الزوج بيصبر وبيصبر وبعدين بيمل من كثر زعلك على اي شي . اتمنى تنازلي وتنسي اذا شي بسيط وما يسوى ..
واتمنى لك التوفيق .

 

[فرح الشمالي]

مشكلتك تتغلين على زوجك وهذا مو بصالحك
اتعوذي من الشيطان وراضي زوجك
ولا تطولين بزعلك تر الرجال يطفش
كثرة وطول الزعل ماجابلنا خير

 

[golden-eye]

حبيبتي

فكري واكسبي زوجك من الحين يا قلبي~..

ترا الرجال مايحبوا الحرمة النكدية والمكشرة دايما


يحبو المبتسمة المفرفشة اللي دايما تقابله باابتسامة وهذه وصية الرسول صلى الله عليه وسلم فيما معناه ( تسره اذا نظر اليها )


تخيلي بكرة لا قدر الله يلجأ لغيرك, للي تضحك له وتمزح معه دوم وماتكشر بوجهه , ح تندمي وقتها


غيري شوي من اسلوبك وربنا يوفقك ويسعدك ويستر عليك.​

 

[كلي حنو]

والله كل االكلام اللي قلتوو ع راسي والله ..

بس وش اسووي وربي اني اذا انا زعلت اروح بالغرفه وربي

اقعد اصيح تعرفوو وش معنى اصيح .. اقول لييه انا اسوي

كذا حث زوجي لييه انكد علييه لييه ما اكسب زوجي

لييه ما اروح واجي ويااه واكل واشرب ويااه لييه ما اسعد زوجي

ترى والله الحين يصبر عليي بعدين يخليني اولي ولا يهتم لي ولا يحسب

لي اي حسااب .. بس لات توني عروسه والا بعدين يمكن يتغيير ..

وربي كل هالاشيااء ادور في راسي وربي اتمنى اني اتغيير واغير طبعي

وكل حاجه فيني بس مو قارده وصحيح انا بيت اهلي دلوعه

ولا احب اني اسوي شيء كان همي بس اكل واشرب واقعد ع النت

وانامم هذي كانت حياتي وحتى يوم تزوجت هذي بعد حياتي لكن

بديت اخف منه هالاياام اذا جااء زوجي من الريااض ما اشبك مسن

اقول هي كلها يوميين اقعد اشبك لييه وصرت يعني اخف زيارتي بيت اهلي

مارااوح مثل قبل يعني في اشيااء تغيرت فيني الحمدلله ..

لكن باقي هالحاجتيين الزعل والكلام الحلوو هذي اللي ابي اغيرهم من نفسي

الزعل اتركه والكلام الحلوو اقوله حق زوجي .. ساعدوني الله يخليكم شلوون

اتخلص من هالعادتيين واعود لساني ع الكلام الحلوو ..​

 

[كلي حنو]

ابي نصايحكم بعد يابنوتاات ..

تكفوون لاتخيبوو املي فيكم ..​

 

[رغدصدام]

وسعي صدرك قبل لاتزعلين قولي في صدرك لا اله الا انت سبحانك اني كنت من الظالمين واستغفري ربك وتعوذي من الشيطان وخذي نفس
وهدي ع الاخر ونصيحه ترى كثر الزعل بيخليه مايحس بقيمة زعلك بكرى لما يزعلك شي كبير يقول عادي متعود عليها دايما زعلانه انتبهي من هذه النقطه واحسك تزعلي على اشياء تافهه لا يالغاليه الحياة اكبر من كذا
بالتوفيق دعواتك لي بان يسخر لي زوجي ويهديه

 

[رغدصدام]

ترى انا كنت مثلك بداية زواجي لين نصحتني وحده من صديقاتي قالت توك مابعد شفتي شي يستاهل الزعل لان كانت تصرفاتي مع زوجي ردة فعل عن الحياة الجديده اللي اعيشها غير عن حياتي قبل عند اهلي ولاتنسين ان عند اهلك غير واللحين غير

 

[كلي حنو]

رغد صدام ..

تسلميين خيتوو وماقصرتي ع نصحك لي ..

والله يسخر لك زوجك ياارب ويهدييه لك ياارب ..

والله يوفقك ياارب ..​

 

[كلي حنو]

رفع الموضع ..