محتاجه مساعده منكم

[فنون تشكيلية]

زوجي يحبني ويسمعني كلام حلو


بس مشكلته انه دايم الغياب عن البيت

لو اقول لكم مااشوفه الا بالليل بس


طبيعة دوامه انه يكون مداوم يومين ويبات في الدوام وباقي الايام اجازه ويقضي اجازته في اسطبل الخيل اللي عنده

وقت اجازته يطلع من البيت الصبح ومايرجع الا بالليل ويكون طول هالوقت في الاسطبل مع اخوانه
واذا قلت له انا محتاجه وجودك يرد علي ماعندي اغلى منج بس انا مشغول

خاطري نتغدى مع بعض نطلع ونتمشى مع بعض

اهوشخصيته جنوبي شرقي مايتحمل المسؤولبة

مايحب العناد او ان ارفع صوتي عليه لما نتهاوش

تعبت معاه اهو يحلف انه يحبني ويموت فيني

بس مايطلعني نروح نتمشى حجته انه مشعول طول الوقت

مره وداني للاسطبل ورحت معاه عشان خاطره بس

وخاطري في السفر يقول ماله لزمة وانه مايحب السفر وهالشي صحيح اهو مايسافر بالمره


انا تعبت سااااااعدوني

تعدلت له وطبخت له يعجبه هالشي بس مايحب يقعد في البيت ومب هروب مني لا عنده اشغاله في الاسطبل وهو مب راعي مجمعات وطلعات مع ربعه او معاي حده الاسطبل


شلون اقدر اغيره اخليه يحب يقعد في البيت ويطلعنا انا وعيالي عيالي صغار وهو يحبهم ولما

يدخل البيت وهم نايمين يتم يحضنهم بقوه

 

[تشكرات]

يبغالها ( ذكاء ...وحيله ...ومكر ..) ..

انتي ( غيري نفسك له ...يعني في البدايه ..ميلي على ميله ..

وأتقربي منه ومن ( هوايته ) وبس بتعلّق فيكي ..

( أسحبــيـــــــــــــــــــه بهــــــــــــــــــدوء لك ..) ..

يعني ( روحــــــــــــــــي معه كل يوم للأسطبل ..وعيشي

هذه المغامرات ,,وأعتبريها ( حلوه ورائعه ) ....وهي في الحقيقه

كمـيـــــــــــــــن وفخ ....لزوجك ...حتى يتعلّق بوجودك معه ....

وربنا يهديـــــــه يارب...

 

[فنون تشكيلية]

مايوافق اروح معاه لان اصدقاءهم يجونهم في الاسطبل اهو وداني مره وقال لاصحابه لحد يجي

 

[رازيا]

حاولي ا لتقرب من زوجك بجلسات هادئة جميلة رومانسية بوضع الزهور وتغيير شكل الأثاث ، تناول كوب من الشاي مع حديث رقيق تعبرين فيها عن سعادتك بهذا الزوج الرائع ، وإن كل ما يسعده يسعدك ومن ذلك لقائه بأصحابه غير أنكِ تعدين الدقائق والثواني لعودته فكم تفتقديه والبيت بدونه بارد لا دفء فيه و صحراء مقفرة لا خضرة فيها تنمو بعذب كلماته وحلاوة وصاله .

أرسلي له على الجوال رسائل تحمل مثل هذه المعاني و اكتبيها على أورق ملونة وأشبعيها بعطرك المميز وضعيها في جيب سترته . اقرئي قصة جميلة واسردي أحداثه عليها قبل النوم ، اطلبي منه النزهة خارج البيت مع الأطفال مرة و بدونهم مرة أخرى ، وهكذا جددي بقدر ما تستطيعين وأنا على يقين انكِ قادرة على ذلك ، واصبري ولا تتعجلي النتائج و إياكِ أن تسفهي أو تقللي من شان صحبته أو أي شيء يجذبه .

عموماً ، لكن فكري دوماً بعد دراسة لما يحبه في البديل الذي يجعل المكث في البيت أحب إلى قلبه وأقرب .

 

[غااااااايه]

عزيزتي شاركيه اهتماماته، اتكلمي معه عن الخيول مثلا، وآخر الاخبار الخاص بها.
ويعني انتي ياحبيبتي مابتتحقق لك السعاده الا بالسفر ، والسياحه!!!!!
ألحين انتي قاعده تنبشين عن اي شي هو مقصر فيه حتى لو كان صغير،ومن كماليات الحياة الزوجيه السعيده،وليس من ضروريات الحياة. والله عجب(تدورون على اي شي ينكد ويخرب صفووسعادة عش الزوجيه) سبحان الله
طيب اطلعي معه انتي وعيالك للاسطبل ،صدقيني بتستمتعون وانتو تشوفونه مستمتع بالهوايه وسعيد بها.

 

[فنون تشكيلية]

الله يجزاكم الف خير


بس من جد تعبت من طريقته مع انه يحبني وكلامه حلوو معاااي

بس مفتقده وجوده الدايم

 

[رازيا]

عزيزتي هي فترة وتعدي دوام الحال من المحال استعيني بالله وتوكلي عليه وعليكي بالدعاء بالاسحار وسورة البقرة فهي حل لجميع مشاكلنا

 

[أعشقه موت]

الدعااااااااااااااااااااااااااااااااااااااااااااااااء
الدعااااااااااااااااااااااااااااااااااااااااااااااء
الدعااااااااااااااااااااااء
الدعاااااااااااء
الدعاااء
الدعاء​

 

[فنون تشكيلية]

مشكوورين كل اللي ردوا علي

 

[-موج-]

فعلا ما عندك غير الدعاء لان طالما زوجك يحبك ويحب اطفاله فالافضل ان تطلبين من الله ان يسخره لك

 

[فنون تشكيلية]

ان شاء الله يارب

 

[النوم سلطان]

الله يرزقك اللي تمنينه يارب
ويسهل امورك ويديم السعاده عليك

 

[فنون تشكيلية]

تذكرت اهو يحب اني اطيعه في كل شي بدون مناقشة

يعني لما اقول له بروح السوق مع سواقي او خواتي يقول ماله داعي روحي بس في الاعياد والمناسبات

ويقول يخاف علي مب تحكم منه ويقول لي خاطري تقولين لي ان شاء الله بدون مناقشة

ويحب اني اضمه وابين له اني احبه واهتم فيه احتررررررت معاه اهو جنوبي والا شمالي

 

[فنون تشكيلية]

للرفع وللمسااعده