روح ورياحين
New member
- إنضم
- 6 يونيو 2009
- المشاركات
- 229
بسم الله الرحمن الرحيم
والسلام عليكن ورحمة من الله وبركاته
في البدايه اود شكر كل القائمين على هذا المنتدى الرائع واللي افادني كثير
راح احاول اطرح مشكلتي باختصار قد ما اقدر,واتمنى من الله اني اجد الحل لديكن اخواتي.
انا متزوجه منذ 8 سنوات اثمر هذا الزواج بنتين الله يخليهم لي
طبعا كان الزواج تقليدي,بس مااخفي عليكن اني حبيته او بالاصح ارتحت له من اول مادخلت بيته وتكلمت معه,ومن وقتها وانا كل همي رضاه,اي انتقاد منه لشخصيتي او حتى اي ملاحظه بسيطه منه ما اناقشها معه بالعكس علطول اسعى للتغيير بدون اي تفكير بس كله لجل رضاه,بعد فتره من زواجنا وقبل لا أحمل ببنتي الاولى اصبت باكتئاب الله يبعده عن كل مسلم ومسلمه لأنه مرض والله ماتتصورون مدى المه,والله العالم وش كانت اسباب اصابتي به,الموهم اني ماتركت نفسي وطلبت اني اتعالج عند دكتور نفسي والحمدلله من هذي الناحيه كان زوجي متفهم كثير واحتواني بمرضي وتحملني وتحمل اهمالي وتقصيري وساعدني بالمواعيد والعلاج وكان قمه في التفهم والصبر علي ولا فكر حتى يشكي لأهلي مني ووقف معي لين من الله سبحانه وتعالى وخفيت ورجعت امارس حياتي بشكل طبيعي.
لكن ماكنت متصوره ان وقفته معي بتسبب له كل هالكبت والضغط,وكان الانفجار العظيم,صورة الانسانه المريضه النكديه المكتئبه اللي مو قادره تدير حياتها وبيتها ثبتت في باله ولا قدر يغيرها برغم تغيري,لدرجة اني شكيت بنفسي وقلت يمكن اني اتوهم العافيه لكن كلام الدكتور لي غير بالعكس يمدح في التقدم اللي احرزته مع العلاج,
بعد كل هالاحداث تغير زوجي 180درجه,الشخص اللي اعتبرته صديق وحبيب وشريك صار مختلف تماما وبعيد عني,اهملني واهمل نفسه واهمل حياتنا كلهاوصار بس يوفر لنا الضروريات وماعنده استعداد يعطينا من وقته,ولما اعاتبه يقول انتي السبب احس اني استنزفت ومو قادر اعطي لأني مهما اعطي ماراح القى نتيجه معك يعني بمعنى اخر يأس مني,ويوم عن يوم تزيد المشكله اكثر واكثر,تعبت وانا ادعوه يعيش معنا ويعطينا من وقته صايره حياته كلها شغله وبس حتى الويك اند صار يقضيه نوم او قدام التلفزيون,اتبعت نصائح البلقيسيات وانتبهت لأنوثتي وحياتي كامرأه وهيأت له البيت عشان يكون مريح وبرضه مالقيت فايده,
ما أخفي عليكم تعبت في النهايه وقلت يالله مدام ان بعده عنا يريحه خليه على راحته لين هو يجي من نفسه وعشت حياتي بالطول والعرض واهتمامي بنفسي زاد وصارت طلعاتي وروحاتي وجياتي مع اهلي واخواني,حتى اغراضي اللي احتاجها من السوق من كسوة صيف وشتاء واعياد اقضيها مع اهلي واخواني مع اني اتمنى انه هو اللي يقضيها لي لكن قلت يالله ماراح اضغط عليه مدام انه مو مقصر بالفلوس,
لكن مع الايام زادت المشكله اكثر واكثر وبعده زاد لدرجة اني احسه غريب عني,اهمل حتى الضروريات,مقاضي البيت مايقضيها لنا يعني المشكله تعدت الكماليات بكثير,ابسط واتفه الاشاء مثل كيس الخبز يسبب له أزمه,علطول مافيه حيل ولا له مزاج لأي شي,وقته اكل وشرب ونوم ودوام وتلفزيون,مانا موقع في حياته,أحس انه عاجز,وبما ان لي سوابق مع الاكتئاب وحاسه بوضعه هذا عرفت اللي يعاني منه,
المشكله اني ودي اقوله انت بحاجه لمساعدة مختص وعلاج عشان تمارس حياتك بشكل طبيعي لكن اكيد انتوا عارفين مدى صعوبة انك تواجهين رجل وتقولين له انت مريض ومحتاج لعلاج
حاولت اتجاهل وضعه واتصرف على اساس ان كل شي اوكي لكن مااافيه مجال,كون ان المرأه مو قادره تعتمد على رجلها اللي مالها غيره هذي مشكله,خصوصا عندنا في السعوديه مافيه مجال ابدا
والمشكله الاكبر والاخطر اني بديت أميل للاكتئاب لدرجة اني ماأقوى حتى على الابتسامه,حاسه باحباط طول الوقت,تتكرر في ذهني فكرة اني مو قادره اعتمد عليه او اثق فيه مثلا لما اقوله محتاجين خبز ولا حليب يقول طيب بدخل الغرفه اتمدد شوي بعديب راح اجيب وانا عارفه وتأكده انه مو قد الكلام هذا,يعني اذا دخل الغرفه ماراح يطلع الا بكره الصباح
الوضع صاير لايحتمل,صرت عصبيه وحزينه ومهمومه ودمعتي على خدي,مالي نفس اتكلم او اطلع,خايفه لا الوضع يتأزم معي اكثر.وبناتي كاسرين خاطري لأني مو لمهم ابد,
\فكرت اروح بيت اهلي لكن حسيت انها مو حلوه بحقي,يعني بعد وقفته معي تكون هذي اخرة المعروف؟؟
ضايقه فيني الدنيا ومو عارفه وش اسوي
ودي اوصل له فكرة انه بحاجه لمساعده بدون ما اجرحه او اهز ثقته بنفسه بس مدري كيف؟
خايفه من الكبت اللي اعيش فيه,احس اني باي لحظه ممكن انفجر فيه وانا بصراحه ماابي اخسره
ااااااااااااااااااااااسفه جدا لاني طولت عليكم
كل اللي اتمناه منكن تتفهمون وضعيوتساعدوني في كيفية التعامل معه وكيف اوضح له انه ممكن يكون بحاجة المساعده بس بدون جرح
انتظر ردودكن وتفاعلكن على احر من الجمر
املي فيكن يابلقيسيات
والسلام عليكن ورحمة من الله وبركاته
في البدايه اود شكر كل القائمين على هذا المنتدى الرائع واللي افادني كثير
راح احاول اطرح مشكلتي باختصار قد ما اقدر,واتمنى من الله اني اجد الحل لديكن اخواتي.
انا متزوجه منذ 8 سنوات اثمر هذا الزواج بنتين الله يخليهم لي
طبعا كان الزواج تقليدي,بس مااخفي عليكن اني حبيته او بالاصح ارتحت له من اول مادخلت بيته وتكلمت معه,ومن وقتها وانا كل همي رضاه,اي انتقاد منه لشخصيتي او حتى اي ملاحظه بسيطه منه ما اناقشها معه بالعكس علطول اسعى للتغيير بدون اي تفكير بس كله لجل رضاه,بعد فتره من زواجنا وقبل لا أحمل ببنتي الاولى اصبت باكتئاب الله يبعده عن كل مسلم ومسلمه لأنه مرض والله ماتتصورون مدى المه,والله العالم وش كانت اسباب اصابتي به,الموهم اني ماتركت نفسي وطلبت اني اتعالج عند دكتور نفسي والحمدلله من هذي الناحيه كان زوجي متفهم كثير واحتواني بمرضي وتحملني وتحمل اهمالي وتقصيري وساعدني بالمواعيد والعلاج وكان قمه في التفهم والصبر علي ولا فكر حتى يشكي لأهلي مني ووقف معي لين من الله سبحانه وتعالى وخفيت ورجعت امارس حياتي بشكل طبيعي.
لكن ماكنت متصوره ان وقفته معي بتسبب له كل هالكبت والضغط,وكان الانفجار العظيم,صورة الانسانه المريضه النكديه المكتئبه اللي مو قادره تدير حياتها وبيتها ثبتت في باله ولا قدر يغيرها برغم تغيري,لدرجة اني شكيت بنفسي وقلت يمكن اني اتوهم العافيه لكن كلام الدكتور لي غير بالعكس يمدح في التقدم اللي احرزته مع العلاج,
بعد كل هالاحداث تغير زوجي 180درجه,الشخص اللي اعتبرته صديق وحبيب وشريك صار مختلف تماما وبعيد عني,اهملني واهمل نفسه واهمل حياتنا كلهاوصار بس يوفر لنا الضروريات وماعنده استعداد يعطينا من وقته,ولما اعاتبه يقول انتي السبب احس اني استنزفت ومو قادر اعطي لأني مهما اعطي ماراح القى نتيجه معك يعني بمعنى اخر يأس مني,ويوم عن يوم تزيد المشكله اكثر واكثر,تعبت وانا ادعوه يعيش معنا ويعطينا من وقته صايره حياته كلها شغله وبس حتى الويك اند صار يقضيه نوم او قدام التلفزيون,اتبعت نصائح البلقيسيات وانتبهت لأنوثتي وحياتي كامرأه وهيأت له البيت عشان يكون مريح وبرضه مالقيت فايده,
ما أخفي عليكم تعبت في النهايه وقلت يالله مدام ان بعده عنا يريحه خليه على راحته لين هو يجي من نفسه وعشت حياتي بالطول والعرض واهتمامي بنفسي زاد وصارت طلعاتي وروحاتي وجياتي مع اهلي واخواني,حتى اغراضي اللي احتاجها من السوق من كسوة صيف وشتاء واعياد اقضيها مع اهلي واخواني مع اني اتمنى انه هو اللي يقضيها لي لكن قلت يالله ماراح اضغط عليه مدام انه مو مقصر بالفلوس,
لكن مع الايام زادت المشكله اكثر واكثر وبعده زاد لدرجة اني احسه غريب عني,اهمل حتى الضروريات,مقاضي البيت مايقضيها لنا يعني المشكله تعدت الكماليات بكثير,ابسط واتفه الاشاء مثل كيس الخبز يسبب له أزمه,علطول مافيه حيل ولا له مزاج لأي شي,وقته اكل وشرب ونوم ودوام وتلفزيون,مانا موقع في حياته,أحس انه عاجز,وبما ان لي سوابق مع الاكتئاب وحاسه بوضعه هذا عرفت اللي يعاني منه,
المشكله اني ودي اقوله انت بحاجه لمساعدة مختص وعلاج عشان تمارس حياتك بشكل طبيعي لكن اكيد انتوا عارفين مدى صعوبة انك تواجهين رجل وتقولين له انت مريض ومحتاج لعلاج
حاولت اتجاهل وضعه واتصرف على اساس ان كل شي اوكي لكن مااافيه مجال,كون ان المرأه مو قادره تعتمد على رجلها اللي مالها غيره هذي مشكله,خصوصا عندنا في السعوديه مافيه مجال ابدا
والمشكله الاكبر والاخطر اني بديت أميل للاكتئاب لدرجة اني ماأقوى حتى على الابتسامه,حاسه باحباط طول الوقت,تتكرر في ذهني فكرة اني مو قادره اعتمد عليه او اثق فيه مثلا لما اقوله محتاجين خبز ولا حليب يقول طيب بدخل الغرفه اتمدد شوي بعديب راح اجيب وانا عارفه وتأكده انه مو قد الكلام هذا,يعني اذا دخل الغرفه ماراح يطلع الا بكره الصباح
الوضع صاير لايحتمل,صرت عصبيه وحزينه ومهمومه ودمعتي على خدي,مالي نفس اتكلم او اطلع,خايفه لا الوضع يتأزم معي اكثر.وبناتي كاسرين خاطري لأني مو لمهم ابد,
\فكرت اروح بيت اهلي لكن حسيت انها مو حلوه بحقي,يعني بعد وقفته معي تكون هذي اخرة المعروف؟؟
ضايقه فيني الدنيا ومو عارفه وش اسوي
ودي اوصل له فكرة انه بحاجه لمساعده بدون ما اجرحه او اهز ثقته بنفسه بس مدري كيف؟
خايفه من الكبت اللي اعيش فيه,احس اني باي لحظه ممكن انفجر فيه وانا بصراحه ماابي اخسره
ااااااااااااااااااااااسفه جدا لاني طولت عليكم
كل اللي اتمناه منكن تتفهمون وضعيوتساعدوني في كيفية التعامل معه وكيف اوضح له انه ممكن يكون بحاجة المساعده بس بدون جرح
انتظر ردودكن وتفاعلكن على احر من الجمر
املي فيكن يابلقيسيات
