دمعه الحزينه
New member
- إنضم
- 1 يونيو 2011
- المشاركات
- 24
السلام عليكم ورحمة الله وبركاتة
هذي اول مشكله لي بلمنتدى انا بصراحه سجلت بلمنتدى حب فيكم ياخواتي وتفاعلكم واستشارتكم الحكيمه انا مابي اطول عليكم ابدخل بلموضوع على طول ....اناوزوجي متفقين اني اجلس بيت اهلي من 4 ايام الا اسبوع علشان بيدخل سيارته للورشه وماراح يستاجر سياره بيجلس عند اخوياه وللمعلوميه عنده دوام صباحي والعصر وانا من زمان ماشفت اهلي لي 4اسابيع عنهم ففرحت فيه وماصدقت خبر ورحت لهلي اليوم الاول دقيت عليه وسلمت عليه وامورنا تمام ودق علي في اليل يبي يكلم بنته ويسمع صوته وكان اصوات الشباب عنده وضحك وفله اليوم الثاني على عادتي دقيت عليه ولقيت الجوال مغلق انا قلت يمكن نايم على اني متاكده انه هذا الوقت يكون صاحي فيه وقلت البطاريه فاضيه جلست ساعه ودقيت وكذالك مقفل استغربت وش فيه بدى ابليس يلعب في قلت فيه شي ماقد سوها فيني استمريت ادق لين مليت وبلاخير ارسلت له رساله وقلتله اول ماتفتح جوالك طمني عليك بعده بحوالي نص ساعه دق علي واصوات الشباب عنده وضحك وفله وبكل برود قالي ليش ادق عليك من العصر ومقفل جوالك وانا اعرفه على طول يعصب اذا دق علي ومارديت عليه على طول فمابالك مقفل وانا يابنات والله ان جوالي بيدي وبس دقدقه عليه انا ضاق صدري وقلتله انا الي ادق ومتى انت دقيت علي وعلى طول قفل الجوال بوجهي قلت يمكن الابراج خايسه عنده وبعده بشوي ارسلي رساله وقالي انتي ماتفهمين انا اقولك ادق عليك انتي ماتفهمين فيه معلوم انا استغربت منه ومن رده علي ارسلت له رساله وقلتله رد وبعده دق وقالي شوي وادق عليك جلس ساعه ومادق فرجعت ادق عليه ولقيت الجوال مقفل واستمريت ادقدق عليه وبعده ارسلت له رساله وقلتله وينك دق دق علي وقالي نفس كلامه الي قالي حطه علي قلتله حرام عليك ليش قلبته على وهو مازال مبرد مو معصب ولا شي قلتله وبعدين ليش جوالك مقفل واذا ارسلت لك رساله رديت قالي ان الابراج خايسه عنده والله يابنات انه يكلمني وصوته واضح ولا يقول اني حتى داق على بيتكم ولا رديت وهو يعرف ان الثابت مفصول عندنا وانا اعرفه اذا دق علي ومارديت راح يدق على مام واخوي يدورني وحالته حاله ويعصب ويحقق وبعده يوم شاف اني اقوله اني انا الي داقه مو انت قام وقفل الجوال في وجهي وبعده رجعت اكلمه ولقيت الجوال مقفل فعرفت انه مشترك برنامج الي يكون عندي مقفول وهو عنده مفتوح بعده ارسلي رساله بعد ساعتين قالي انبطحي عند اهلك هاليومين وصدق المثل الي قال قابل الصياح بصياح تسلم رديت عليه اوكي تلقان بكرا منبطحه عند امك رد علي قال اتمنى وخلي امي تنفعك وانا يابنات ام زوجي عارفه كل شي عني وعنه وانا بصراحه شكيت انه مسافر وبيسوي مشكله علشان ماعرف وين مسافر ورجلي من النوع البخيل وللمعلوميه حتى الطلعه مع اهلي ممنوعه يعني محرومه من كل شي وهو مرتاح وضامن اني جالسه بلبيت وماطلع وه و ماعرف اي شي عنه....وبعده رحت كلمت ام زوجي وقلتله السالفه قالت لي اوكي تعالي لمي ندور حل وانا بينكم ابخلي ام زوجي تكلمه وتقوله تعال ابيك ولا تعلمه اني موجوده اذا جى فبحل السالفه معه وعارفهواذا ماجى فيكون شكي بمكانه مسافر ؟؟؟؟؟؟؟الحين انا ابي مشورتكم وش رايكم وش اسوي هل اروح لام زوجي واريح بالي ولااتركه وللمعلوميه زوجي اذا قال يومين يعني شهرين ؟؟؟؟؟
