محتاجتكم يابنات

[الوفاء بنت]

السلام عليكم
اخواتي الغاليات انا عندي مشكلة وهي ان الدورة ماجتني والمفروض تجيني قبل ثلاثة ايام وانا خايفة اكون حامل وانا ماودي الحين احمل لكن قدر الله وماشاء فعل
عندي اربعة اولاد واخر وحده عمرها 4 سنين
ولي كم سنة وانا اتمنى الحج وماحصل لي بسبب زوجي الله يهديه كل سنة يقولي
ظروفنا ماتسمح وهذي السنة قلت خلاص بحج وبقنعه لأني مليت من التأجيل و الواحد
مايدري متى يموت محد ضامن عمره والسنين بسرعة تروح ومايندرى وش بيصير في هالسنين الي جاية ويوم اقنعته ووافق ماجتني الدورة يعني لوكنت حامل بكون في الحج على وشك ولاده والسنة الي بعدها بيكون صغير ومحد متحمله لااهلي ولااهله كل واحد عنده عيال مو متحمل احد
يارب ارحم ضعفي مالي غيرك كل اكثر الي اعرفهم حجو وخلصو
آآه يابنات احس اني مليت من التفكير
ادعولي مااكون حامل يابنات
مدري وش الحل​

 

[حلم احلامي]

حبيبتي إلي كاتبه الله بصير ولو حملتي مافيها شي قدر الله ماشاء فعل
وربي عالم بنيتك وحيكتبها ان شاء الله لكي مره ثانيه ...

 

[الجده الصغيره]

والله يالغلا مااتدرين وين الخيره فيه..احمدي ربك على كل حااال

 

[رازيا]

بعد اسبوع جيبي تحليل الحمل من الصيدلية واعمليه
وبعدها روحي الدكتورة نسائية وخليها تشيك لك واعملي تحليل دم يبين اذا حامل او لا
واذا حامل عادي قدر الله وما شاء فعل اعرفي انه الله اراد بك خيرا وتذكري المحرومات من الاولاد واشكري الله

 

[Liane]

انما الاعمال بالنيات
و انت شكلك عندك نية الحج
ان شاء الله انت مأجورة على ذلك حتى لو ما رحتي

 

[دانية الحلوة]

احمدي ربك وهذه نعمه من ربك ولاتشتكين للناس

 

[قيودالروح]

سبحااان الله كل تأخيــــره
فيهااااا خيره
لاتفكري كثير

 

[احلام الشموع3]

قولي الحمد لله على كل حال
وسوي تحليل دم لأنه اسرع
واذا طلعتي حامل فالخيره فيما اختار الله
الله يوفقك

 

[hadifa]

الخيرة فيما اختاره الله​

 

[كاشخة بشباصة]

الله يعينك .. وان شاء الله تحجين اختي .. لا تستعجلين على المكتوب ووهذا مو من زوجك من ربي واللي كاتبه وقلي الحمد لله .. واللي كاتبه ربي بيصير واحمدي الله على كل حال . .. وربي ادرى بنيتك ..

 

[الجابريه]

الحج لمن استطاع اليه سبيلا يعني فرض مشروط با الاستطاعه يعني طولي باالك واحمدي ربك عا النعمه الي انتي فيها

 

[aso.vip]

كل الي يجيك من الله خير
لاتقولين ماابغا .. والله في ناس تدفع ماوراها ودونها عشان الاطفال .. قولي الحمدلله وان شاء الله يكون وجه خير عليكي وتحجي ويسير كل الي في خاطرك ..
بس لاتقولي للنعمه لا قولي الحمدلله .. ولأن شكرتم لازيدنكم

 

[*ملكة الحب*]

الخيرة فيما اختاره الله​

 

[غرشوبة دبي ..]

حمدي ربك وهذا خير لج ويمكن الله مارايد لك يمكن ..

 

[الجنة املي]

انشاء الله ما تكوني حامل ههههههههه ولو حامل خير وبركه يجيلك كتكوت جديد والله يككتب لك الخير حيث كان

 

[عذراء المشاعر]

تعوذي من ابليس حبوبة واللي الله سبحانه كاتبه يصير بيصير وعرفي ان الله اذا عطاك طفل او ماعطاك فهو في مصلحة لج انشاءالله

 

[الوفاء بنت]

انا مااعترضت على المكتوب
بس تمنيت الحمل بعد الحج
لكن وشقول غير اللهم لااعتراض على قضائك
والخيرة فيما اخترته لي يارب
والحمدالله انا عارفة ان هذي نعمة وغيري محروم منها
بس وشسوي خايفة اموت وانا ماحجيت
صدقوني اكتب لكم ودموعي على خدي
وجزاكم الله خير على مداخلتكم الي رفعت من معنوياتي شوي

 

[كحولة]

يا اختي اذا الله كاتب لج تروحين الحج راح تروحين واذا الله مش كاتب ماراح تروحين، يعني وكلي امرج لله وفي كل الاحوال كلله خيره من الله سواء رحتي او لا ثقي ان الله ماراح يكتب لج الا اللي فيه صالحج . لا تقولين ادعولي اني ماكون حامل تعوذي من ابليس وقولي عسى خير ان شاءالله.

 

[ام ابتسام]

الله يكتبلك الخير اينما كان ويسهل امرك وما تدري الخيره وين وكلا الامرين خير الحج والحمل ان شاء الله

 

[الوفاء بنت]

سبحان الله تصدقون يابنات جاني نزيف وطاح الجنين من نفسه
الحمدالله على قضائه وقدره
ادعولي يابنات اني احج هالسنة