محتاجة ردكم ضروي ميتة قهر

[غلا كل الحلا]

السلام عليكم ارجوكم شورواعلي احس ان راسي بنفجر من القهر ياخواتي انا زوجة ثانية وموظفة لما اتزوجت زوجي عطاني مبلغ من المال وقال هذا اثاث بيتك لاني راح اسكن عند اهلي قبل ينقل المنطقة اللي انا ساكنة فيها وبعدين طلب المبلغ واخذة ووعدني انة لما ينقل يأثثلي وانا من غبائي عطيتة المبلغ المهم اسأجرت بيت وطلبتة فلوس قال ماعندي اثثي وانا اعوضك بعدين الكلام لة عشر سنيين جاب زوجتة الاولي واثث لها وانا ساكتة صابرة المهم قرر ياخذ قرض وعدني يعطيني مبلغ لي ويسدد الدين الي علية حيث انني اطلبة مبلغ وبعدين لما اخذ القرض قعد يرمم بيت الاولي وياثثة لها فطلبت المال الي وعدني قال اعطيك نص المبلغ والدين بعدين لانة خلص فلوسة علي بيت الاولي وشرالة سيارة وكالة المهم تهاوشنا البارح وقال تبين نص المبلغ ورفضت قال طزفيكي وراح اشتكيكي لابوكي حسبي الله ونعم الوكييل فية تركني من الفجر ومارجع البيت وقال انا انسانة مادية وانة يكرهني وماهوطايقنيفكرت ادق علي امة واشتكي واشرح لها اللي صار بس خايفة امة تحبني وكويسة معي والله عمري ماشتكيتة قبل رغم انة يظلمني كثيير بالمصروف ويدي الاولي علي ومايعدل خاصة بالمصروف اشرايكم اكلم امة والا اصبر واطنش بس والله ماني قادرة دموعي علي خدي من القهر انتظر ردكم لاطنشوني الله لايحرمني منكم ولاتنسوني من الدعاء

 

[غلا كل الحلا]

وينكم خواتي محتاجة ردكم

 

[غلا كل الحلا]

يارب فرج همي

 

[المقتولة]

حبيبتي عدم العدل ربه بيحاسبه عليه والمفروض انه يعدل سواء متزوجج ثانية ولا ثالثة .... انا بالنسبة للمصروف اغلب الازواج اللي زوجاتهم موظفات يقولون مالهم مصروف وين رواتبهم ... انا موظفة زوجي ما يعطيني مصروف لي ... وانا اللي غالبا اصرف على البيت هو يحاول يساعد لانه شغله خاص ويحصل مبلغ كل ست شهور ... بس كل فترة والثانية يعطيني عشان البيت يعني مرة كل ثلاث شهور ، ومو هذاك المبلغ بعد ... هذا وانا عندي بنتين ...

الله يعينج ... بس لا تقولين لامه بيقلبها عليج ، انتي عندج عيال؟؟ اذا فيه عيل ملزوم فيهم اذا مافيه اصرفي على نفسج وبس...

 

[انثى تعشق رجل]

غاليتي

الله يعوضك عن اللي راح

اعتبري هذا درس لك وبكره لو شفتي زوجك يدور حق اقل احتياجاته بالدنيا
لا تعطي اي قرش
مصروفك العادي يوصلك وفلوسك خبيها واعملي فيها اي مشروع صغير يزيد دخلك
وبكره لما يشوف صار معك فلوس كثيرة بيصير لعبة بين ايديك
كله علشان يوصل للفلوس
وقتها لازم تعرفي انت كيف تستغلي الوضع لصالحك ​

 

[دره خضراء]

لا ادقين على امه والمفروض انك ترضين بنصف المبلغ لأنه ماراح يعطيك غيره والله يفرج همك

 

[اعز نفسي]

حبيبتي انا من رايى انك تكتبي له رسائله
تعتبيه عتاب المحبين وضحيله انك زوجته ولك حقوق مثل الاولى وانك تعرفي انه انسان عادل ومايرضى بالضلم وانك ابدا ميش ماديه بس ماتخيلتي انه يجلس يرمم بيت الاولى وياثث ويشتري له سياره وانت حتى فلوسك مارجعهم بس باسلوب حلو يخليه يندم وانتبهي من التجريح
وامه لاتعليميها بشي

 

[fhh30]

حسبي الله على كل رجل يتزوج ويعذب بنت الناس رايي لا تقولي لامه طبيعي بتوقف في صفه

 

[fhh30]

عليك بالثلث الاخير من الليل والاستغفاروالدعاء فان لها اثر

 

[اعز نفسي]

ايه نسيت ومره ثانيه لاتعطيه من فلوسك
حتى لو طلب قولي ماعندى اعجبك ولا طز فيك امزح
بس لاتسلفيه ولا يسلفك

 

[الشتاء الدافئ]

خذي نصف المبلغ واحمدي ربك ..نادرا مايصرف الزوج على زوجته الموظفه فمابالك اذا عنده بيت ثاني ..ولاتنسين انه يفكر انك مادام تطلعين من البيت وتتركين عيالك لازم تصرفين بالمقابل على نفسك ..وبعدين لاتكبرين الموضوع ما دامه مااخذ فلوسك وتعبك ولاتقارنين نفسك بالاولى عشان ترتاحين ..

 

[مابقى لي اسم]

صابره عشر سنووات الله يعينك

مالك غير تكملي صبرك وطنشي
راتبك بيدك عزي نفسك
وقولي له ترى حقي اللي اخذته مني ماراح اسامحك لو جلست طول العمر...

ولا تنقي على راسه طنشيه خليه هو يفكر لحاله ...

امااامايقدمه لاولى فهذي زوجته قبلك وربما غير موضفه ...


وذكريه بالعدل الذي انزله الله قبل التعدد

الله يكون بالعون يارب

 

[غلا كل الحلا]

لاتنسوني من الدعاء مرة تعبانة

 

[رازيا]

غاليتي ​

الله يعوضك عن اللي راح​

اعتبري هذا درس لك وبكره لو شفتي زوجك يدور حق اقل احتياجاته بالدنيا
لا تعطي اي قرش
مصروفك العادي يوصلك وفلوسك خبيها واعملي فيها اي مشروع صغير يزيد دخلك
وبكره لما يشوف صار معك فلوس كثيرة بيصير لعبة بين ايديك
كله علشان يوصل للفلوس

وقتها لازم تعرفي انت كيف تستغلي الوضع لصالحك ​

مع هذا الراي