محتااره..بلييز ساعدوووني

[الــغــيره]

مرحبااااا


عندي استفسار وياريت تساعدوني لاني محتاااره

دايما كل مااقرا مشاكل او اي شي

اقرا ان الزوجه تدخل ايميل زوجها بدون علمه وتطالع منو ضايف ومنو مو ضايف
وشو الايميلات اللي توصله

او تفتش تلفونه وتطالع المسجات وتراقب


عشان تعرف كل شي عنه

انا بصراحه ولا مره سويت جذي
هل هالشي غلط...!!

يعني لازم افتش من وراه؟؟؟

والله ماعرف محتاره اسمع الكل يفتش

انا باقيلي كم شهر واكمل سنه باذن الله مع زوجي

بس ماعمري فتشت تلفوناته
مع انه دايما يحطهم بالصاله وهو نايم او احيانا يطلع وماياخذهم كلهم بس ولا مره فتشتهم
ولا حتى ايميله

انا اعرف انه ضايف بنات بحكم شغله
ممكن يكونن زميلات عمل او حتى معجبات
بس هو عادي احيانا يفتح المسن وانا قاعده يمه

بلييييييييييز نصحوني
هل خطا اخليه جذي ولازم اراقبه ...!!!!

مع العلم هو يخبرني اغلب الاشياء اللي تصير معاه حتى لو مثلا ضافته بنت وقعدت تستعبط يخبرني او اذا ضافته اي وحده من مجال عمله


فــ ماعرف هل اللي اسويه صح او لازم اراقب ولا انام على وداني على قولتهم

 

[سعاد٣٣]

اتبعي اللي يقولك ضميرك واتركي الناس

 

[الــغــيره]

سعاااد تسلمين حبيبتي بس ضميري مايقولي شي هههه

اقصد ماعرف يعني ولا مره جا في بالي افتش تلفوناته او ادش ايميله



بس دايما اقرا ان البنات يفتشون عشان يعرفون اذا ازواجهم خاينين او لا

 

[الخط الفاصل]

إنت صح وصح الصح
بس كوني حذرة وحريصة..

 

[رازيا]

(يَا أَيُّهَا الَّذِينَ آمَنُواْ لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ }
اذا حابة تعيشي بسلام وهدوء اتركي التفتيش وراء زوجك
الله يقول ولا تجسسوا

 

[3yo_on a7mad]

دام زوجك صريح معاك لاتخافي

الي بطنه فاضي مايخام من المرض

الله يخليكم لبعض

 

[منى25]

مساء الخير..
يالغلا أنتي الحمدلله لو أنك شاكه أو دخل الشك لقلبك صدقيني رآآح تفتشين لكن الحمدلله أنك واثقه بزوجك ..
أنتي مو غلطانه ...
أسأل الله لك رآآحة البال ويسخر لك زوجك..

 

[الــغــيره]

الخط الفاصل تسلمين حيااتي

بس كيف اكون حذره ماعرف .....


رازياا
لاخليت منج

 

[تشكرات]

والله يا أختي تصرّفك هو الصح ومايصح الا الصحيح ..وزوجك

ماشاء الله عليه خلوق ومحترم ويخبّرك بكل شئ ..يعني

صريح وواضح معك ...يعني ماعنده لف ودوران ..فأعطيه

الثقـــه ...

أنـــا وزوجــــي مشتركين بايميل واحد ..ويادار مادخلك شر خخخخخخ

 

[جينجر]

يااختي انا اقول دامك مرتاحه مع زوجك وواثقه فيه ماله داعي التفتيش وراه وعوار الراس لانك ماراح ترتاحين حتى لو ماكان فيه شي لانك راح تتعودين على التنبيش وراه واخاف يدري وتهتز الثقه بينكم مع تمنياتي لك براحة البال والسعاده

 

[الزمرده نور]

عطيه الثقه مثل ماعطاك ووضحي له أنو ثقتك فيه عمياء حتى يكون قدها


والله يسعدك وياي

 

[الــغــيره]

عيون احمد تسلمين غلاي الله يخلي لج احبااابج يارب


منى
صح معاج حق انا واثقه فيه
بس اخاف
دايما اقرا ان اللي تفتش تلقى بلاوي
اخاف اكون ماافتش ولا اراقبه ويكون عنده بلاوي
ماعرف محتاااره وايد شاغل تفكيري هالموضوع

تسلمين ياقلبي على الرد

 

[دانة الشام]

صدقيني احساس المرأة بأن زوجها يخفي شيئ هو مايدفعها للتفتيش ورائه لذلك اتبعي شعورك وحدثك.. أنا متزوجة من 16 عاما لم أقم يوما بتفتيش ايميلات زوجي أو جوالاته لأني من اتباع المثل القائل- يلي بخاف من البعبع بيطلعلو- ربي يهدي أزواجنا وكل شباب المسلمين.

 

[الــغــيره]

تشكرات فديتج تسلمين
وان شاء الله يكون تصرفي هو صح

لاني احيانا اقول لو مخبي شي مابيخلي تلفوناته بدون حمايه وبيحطهم بالصاله
يعني ولا مره دخلهم الغرفه ابدا حتى لو نايم


جينجر الله يريح قلبج تسلمين حبيبتي

 

[الــغــيره]

الزمرده
اميين الله يسعد الجميع


دانة الشام تسلمين على الرد
والله يهدي الجميع يارب

 

[كلي خلق]

حبيبتي دامه واضح معاج و صريح
حتى انه يقول لج ان هذي ضايفتني تستعبط

فارتاحي

و لو مو انه واثق و مرتاح باله من ناحيتج يعني انج مو شاكة فيه
و انه مب مقصر فيج و يقول لج كل شي

ما كان خلى مبايلاته بالصالة و راح ينام

ولا ما ظهر من البيت و نساهم

كنتي بتلاحظين وايد اشيا عليه لو لازم تفتشين
و حتى لو شكيتي

أنا أفضل إنج ما تفتشين بس تبينين له انج تغارين
و هو بيحس ع دمه بس لا تطفرينه

: ) و دامج جي خلج مثل ما انتي

الله يوفقج و يسعدج

 

[الداعية إلى الل]

السلام عليكم
هلابالغلا
انا سمعت الشيخ انه مايجوز التجسس على الزوج
حـــــــــــــــــــــــــــــــرام
الله يوفقكـ

 

[شرووقه]

انا من رأي حتى لو الوحده تشك بزوجها ماتروح تفتش وراه

انت كذا صح ولا تقيسي نفسك مع غيرك امورك الحمدلله تمام فلا تفتح ابواب للشبطان

 

[الــغــيره]

كلي خلق تسلمين حبيبتي

بس تدرين اعوذ بالله من الشيطان احيانا يوسوس لي


ولاتحاتين من سالفة الغيره ههههههه ترى انا اسم على مسمى

تسلمين ياقلبي


الداعية الى الله
الله يبعدنا عن الحرام يارب
تسلمين اختي على التنبيه


شروووقه تسلمين
بس اخاف اكون مثل المثل اللي يقول نايمه على وداني

ماعرف خصوصا مجال عمل زوجي

الله يهديني

تسلمين

 

[نحمدة ونشكره]

لا حبيبتي ماكو داعي تفتشين وتشيلين هم اذا زوجك حبوب وطيب وانتي مو شاكه مافي داعي كل الي يفتشون يكونون شاكين بازوادجهم انتي لا تخلين الشك يدخل بينك وبين زوجك