محادثه غيرت حياتي

[سحر المسا]

السلام عليكم
بلقيساتي ..
مااجيكم الا باالمشاكل
وماالقى منكم الاصدر رحب يسمعني
على كثر اللي حولي
الا اني الجاء لكم صار لي مخطوبه سنتين وقبل شهرين ملكت
قبل 3 اسابيع
كان هو عندنا في بيتنا
وطبعا بحكم عاداتنا النجديه
لاشفته ولاشافني ولاكلمته ولابينا اي وسيلة اتصال
في ذيك الزياره كان جالس مع اخواني وكانوا يطقطقون باالاب توب
بعد ماطلع جلست انا على الاب توب وكانت بيني وبين صديقتي محادثه
رحت لسجل المحادثات ابي احذفها
لقيت له محادثه مع بنت
وصاارت اكبر صدمه عشتها في حياتي
المحادثه ابدا ما كانت عاديه
كلها كلام حلو واللي فهمته منها ان علاقتهم قديمه من سنه تقريبا
وطبعا بينهم مكالمات
ارسلت له مسج
وعاتبته
ورد لي وقال انه يحبني واني كل شي بحياته
وانه لو مايحبني ماانتظرني سنتين
وكلمني وكانت اول مكالمه واخرمكالمه اعتذر مني
وعدني انه يتركها
بس لاني احبه بديت اكرهه
ماودي اكمل معه
ودي انفصل
واحيانا اقول عزوبيه
وتتنتهي بعد الزواج
تفكيري انشل
اللي المفروض تكون احلى مرحله في حياتي
صارت اتعس مرحله
وش السوات يابنات الحمايل
اكمل واصدقه
وادوس على جرحي
ولا انفصل عنه

 

[متفائلة باأحلى]

والله بنات الحرام ماخلوا عيال الحلال في حالهم الله يفرج عليك نزوة عزاب وفراغ عاطفي بما انه يحبك ويحرص على رضاك اغفري له هالزلة... وترى كل الشباب العزاب الا ما رحم ربي

 

[ام ريان 2]

انا رايي اسالي عنه و منيح .من ناس بيعرفوه اكيد مو اخوته لانهن بغطو عليه ..
لانه اذا كان معروف عنه هالصفة اكيد ما بيتركا لانه من شب على شيئ شاب عليه
بس اذا كانت نزوة و معروف انه ما اله بهالشغلات سامحيه و حاولي تنسي الي صار

 

[متزوجه ولكن]

شوفي حبيبتي اكثر الشباب كذا الا اذا كان ودك تتزوجين شايب كبير وعاقل

اذا بتتزوجين شاب لازم تتحملين ويكون عندك همه كبيره وصبر انك تغيرينه
والعاقل منهم هو الي يكلم بالنت فقط
لانه فيه الي يكلم تلفون والي يقابل برا والي مدمن افلام اباحيه والي مايصلي
لازم تكون عندك قوووه انك تتحملينه وتغيرينه

 

[متزوجه ولكن]

استخيري مره وثنتين وثلاث وميه مع كل فرض حتى بعد الملكه
لين تتزوجين
وربي بييسر لك الخير

 

[جي أف]

الله يصبرك ويلهم قلبك الحكمة ووالله مصيبة
لاحول ولاقوة ألا بالله أنا مابي أزيد الحطب على النار
أنعدم الضمير مصيبة المشكلة ماخاف من الله ماخاف من أخوانك أحد يشوف محادثتة ماستحى ماتفشل
اللي بوضعة يفكر بحبيبتة ووزوجتة
وللاسف مو منشغل بشهوتة مع البنت
واللي تقول كل الشباب يكلموا يمكن والله العالم بس يبطلوا لاصار أمامهم حياة أسرية ووأنسانة أختارها برضاة تنتظرة هي أولا بغازلة من البنت ووأولى بوجودة حولها من هالبنت

أختي الغالية الله سبحانة يمكن خلاكي تشوفين المحادثة لحكمة تجهلها عقولنا
أنا أنصحكي ولستي مجبورة بأخذها شوفي نفسك ووظروفك
كلمي أبوكي بهالموضوع شوفي قولي يبة أذا هو عايش بزمن المراهقين أنا ماحب اعيش مع شخص مراهق أبوكي راح يدور لكي حل ويكلمة أو يكلم أبوة ووالله ليخاف ويعرفك بنت رجال
الحمدالله أنة علاقتة فيك عادية

 

[طموحي ليس له حد]

عليك بصلاة الاستخااارة

الله يفرج همك ويكتب لك الخير

 

[حرم شيخ]

اخطر مرحله يحس الشاب انه بخاطره يكلم بنت اذا كان مملك او خاطب ولا يشوف زوجته لانه تثير عنده الشهوه اذا تذكر انه حلاله ولا يقدر يسوي شي
فيلجأ لاشياء ثانيه
والله يهديهم يارب ويسخرهم لنا
والدين سبحان الله الدين يابنات له دور كبير بحياتنا
لو الوحده بنت حياته على الدين كان تكون الحياة افضل شي
والله يجعلنا بالفردوس الاعلى يارب
استغفر الله استغفر الله
تحياتي
حرم شيخ
شرايكم كلامي صح ولا غلط

 

[بسمة أمـل]

حبيبتي اولآ استخيري واستخيري واستخيري.
ثانيآ: هو شاب ومثل ما قلتي ما بينكم اتصال يعني عنده فراغ عاطفي
انتي استغلي الوقت هذا وعوضيه عن الفراغ الي عنده .
والله يوفقك يارب ويسعدك

 

[جنون بيبي]

حبيبتي لا اصحك تبطلي في الزواج..

يمكن يعيش بفراغ عاطفي وصدقيني لو ما يحبك ماكان انتظرك هالسنوات ..

لا تنسيني من دعواتك ...

 

[دلوعة توتو]

حبيبتي ليه ما تكلميه عشان تشبعي فراغه العاطفي هو حلالك إذا ما كلمتيه وأشبعتيه ما راح يتركها حتى لو وعدك إلا
إذا أنو بدا يلتزم أو عندو إراده قويه مرررررررررررره وهذا الإحتمال ضعيييييييييييف عند أغلب شبابنا لأن الشهو تتحكم فيهم أكثر من العقل
وأنتي أستخيري وأستغفري باب الله مفتوح وربي راح يشرحلك صدرك
(اللهم سخر لها زوجها وسخرها له وأجعلهما قرة عين لبعضهما)

 

[مجننة زوجي]

انا من وجهه نظري .....................
استخيري اولاً...............................
.وثانياً....اللي ماشي في هذا الطريق ماراح يتوب وما يقدر
اذا كانت هي مرحله العزوبيه وبس .....طيب موالخين مملك وانتي خطيبته بدال ما يكلمها كان ارسلك انتي رسايل ولو بالجوال واشغل نفسه بالحلال ...................
ابو طبيع مابيجوز عن طبعه​

 

[*******]

استخييييييييري و مو صحيح أبدا إنه أغلب الشباب كذا بالعكس،يا ما أكثر الشباب العاقلييين
يمكن ربي لحكمة خلاك تشوفين المحادثة،استخيري و شاوري أحد حكيم!
استخيري
استخيري
استخيري
لازلت بداية المشوار ما صار بينكم شي فلا تتعجلين بأي شي،وادعي ربك في آخر اليل و ربي ما يخيبك