مثل مانخيتكم بالاوله وبيضتو وجهي تعالو ......للثانيه

[انسه شجون]

اشكركم قبل كل شي على الردود التي اثلجت صدري
في مشكلتي مع زوجي والخادمه
وبما اني استفدت من ردودكم
حبيت اطرح لكم مشكلتي الثانيه
وياريت مثل مالقيت منكم التجاوب
في الاولى اجدها في الثانيه
انا زوجي سبق وتزوج قبلي وله من زوجته الاولى
اولاد وربيتهم احسن تربيه وتعلقت بهم وهم كذالك تعلقو بي
ويشهد الله اني احبهم مثل اولادي
ولكن بعد اللي صار من ابوهم
ماعاد اتحمل اي مسؤليه
بالعربي مابيهم
لكن بنفس الوقت راحمتهم من ام زوجي تعاملهم بقسوة
ومن زوج امهم بعد مايحبهم ابد
يعني اذا راحو يزورون امهم يوم يطقهم ويعاملهم معامله كلش قاسيه
وانا تعبت والله تعبت
كيف اتصرف معاهم
اتمنا ماتبخلو علي بالنصيحه
انا منتظره منكم الردود

 

[S.smsm]

الله يعينك ويفرج همك ويصلح لك زوجك..

بالنسبه لعياله لاتتخلين عنهم ,ودام تعاملك كذا معاهم صدقيني بيعوضك ربي كل خير..

هذا إلي عندي وإن شاء الله البنات ماراح يقصروا معاك.

 

[دانينو]

انستي شجون تبغين نصيحتي عامليهم كما لو كنت بمكانهم او لاقدر الله اولادك فانظري غاليتي ماذا تريدين لك ولابنائك (لايؤمن احدكم حتى يحب لاخيه ما يحب لنفسه) لايهمك وش ابوهم يسوي أو امهم ولا تأخذيهم بذنوب غيرهم تكفين وانا اختك..

 

[براديس]

حرام وش ذنبهم حتى لو زوجك غلطان مالهم دخل وانتى تقولي مثل اولادك لو مثلهم مابتجي تقسي عليهم وتقولي مااتحمل مسؤليتهم لا تكوني زي ام زوجك وزوج امهم
خليكي مثل اول ولا تحسسيهم بشئ ترى مالهم ذنب لا تعاقبيهم على شئ هما مالهم فيه يد
الله يهديك ويهدي زوجك وياك ​

 

[حنانوو]

الله يوفقك ويرزقك ع اللي تسوينه انتي اذا جيتي تسوين الشي سويه لاالله بس
يكفي بتاخذين اجر صدقيني ربي بيرزقك بهالشي اللي تسوينه وش ذنبهم اذا صار هذا ابوهم وبعدين تخيلي عيالك ولا انتي بمكانهم

 

[e-style]

كملي معروفك العيال مالهم ذنب
يوم القيامة ما راح ينفعج زوجج راح ينفعج معروفج في الأطفال لا تتخلين عنهم

 

[دلع نادر وجوده]

طيب امهم ما تزعل لما تشوف زوجها يضرب اولادها
اقولكـ شيء
ارمي الجمل بما حمل لها
خليها تحس بمسؤلية اولادها
انتي ماقصرتي معاهم
بس كمان لهم أم مفروض تشاركك المسؤلية حتى لو كنتي طيبه وتحبيهم
لاتقومي بدورك ودور أمهم
هي مبسوطه ومرتاحه وانتي شقيانه منهم

ومووووفقه

 

[لوتية]

السلام عليك ورحمة الله وبركاته
حبيبتي الله مع الصابرين ومع المتقين ومع المحسنين ومن يرحم يرحمة الله
الله معك وش تبين اكثر من كذا
ممكن الشيطان يدخل عليك ويقول وين معك وكل هالمصايب عندك
حبيبتي تعوذي من ابليس ووساوسة
الله اذا احب قوم ابتلاهم واشد ابتلاء هم الانبياء عليهم الصلاة والسلام
كرريها قولي الله يحبني الله يحبني الله يحبني
والحمدالله ان الاطفال الله رزقهم بانسانة طيبة مثلك
لا تتخلين عنهم هم بحاجتك بكرة بيكبرون وبيتذكرون مواقفك معهم وبيكونون لك سند اذا هم محتاجينك الحين
بكرة انتي الي بتحتاجينهم بعد اللله
ومثل ماوصيتك زوجك عاملية مثل ماقلتلك وحاولي انك اذا جا بيتخانق معك قولي له رجائن اذا عندك كلام خل الاولاد لما ينامون مابيهم يتعقدون كافي العقد الي شفتها منك الله يصبرني عليك ويصبرهم والله اني راحمتهم وهم مو عيالي وانت من صلبك ماتهمك نفسيتهم عادي تتخانق قدامهم عادي تزني زمع مين مع السيلانيه ممكن تخلي الناس تعايرهم اذا كبرو بسالفتك
طبعا هذا الكلام تقولينه بينك وبينه مو قدامهم
والله بيفرجها مافيه ضيقة الا بعدها الفرج بإذن الله
وكثري من الاستغفار

 

[ماليزيا]

طيب امهم ما تزعل لما تشوف زوجها يضرب اولادها
اقولكـ شيء
ارمي الجمل بما حمل لها
خليها تحس بمسؤلية اولادها
انتي ماقصرتي معاهم
بس كمان لهم أم مفروض تشاركك المسؤلية حتى لو كنتي طيبه وتحبيهم
لاتقومي بدورك ودور أمهم
هي مبسوطه ومرتاحه وانتي شقيانه منهم

ومووووفقه

لا حراامايتحملهم إلا أبوهم
مابيتحملهم زوج أمهم (اش ذنبهم؟؟؟ !!!
انسه شجون بالصبر وطولة البال راح تنحل اموركم
والله يكتب اجرك ويجعل رعايتك لهم في ميزان حسناتك
والله اذا حنيت عليهم يحنون عليك اذا كبروا لأن
الأم مو الي ولدت الأم الي ربت.

اااااام ليش تحرضينها عليهم ,العيال

 

[ميمونة3]

احكيلك قصة والدتي حفظها الله باختصار
والدي كان متزوج قبل امي وعنده بنت وولد
وبعد ما تزوج امي قامت هي على تربيتهم والعناية بهم كأولادها بالضبط والحمد لله الان الولد كبر وتزوج ودائما يذكرها بالخير والبنت تزوجت ودائما تدعو لها بالخير ولم يقطعوا بنا ونشأنا في جو من الالفة رغم المشاكل الكثيرة بين والديّ ورغم انفصالهم الا اننا بقينا على اتصال والحمد لله سمعتنا على احسن ما يكون بسبب تربية امي لاخواني من ابي
ويكفي الانسان ان يكون طيب السمعة هذا بالاضافة الى الجزاء الحسن من رب العالمين

لا تعلمين عزيزتي قد يكون من ضمن دورك في هذه الحياة القيام بتربية هؤلاء الاطفال المساكين الذين سيكونون سببا او مصدر لحسناتك في الاخرة ... تخيلي لا سمح الله ان يكون اطفالك في وضع كهذا ماذا ستتمنين اذا كانت هناك امرأة الله مقدرها على العناية بأطفالك .. الله يخليك ويطول بعمرك ويحفظك لشبابك وعيالك
علما انني لم اطلع على المشكلة السابقة ولكن لك الخيار فهذه حياتك وانت ادرى بها

موفقة عزيزتي

 

[يفداني بقلبه]

عامليهم زي ما كنتي اول وش ذنبهم انه ابوهم
اكسبي فيهم الاجر مو عشانه هو عشان الله

 

[لوتية]

لا لا تسمعين كلام الي ينصحك ترمينهم على امهم انتبهي
مو انتي فاقدة النوم ودمعتك على عينك تذرف ونفسيتك تعبانة
الاطفال اذا رميتيهم على امهم بيتعاملون بقسوة
وبيصيرون مثلك يفقدون لذة النوم وبيبكون وبتتعب نفسيتهم وممكن يتبولون بفراشهم من الظغوط النفسية
هذولا اطفال يبون يلعبون يستانسون ارحميهم صدقيني بين يدينك باب رحمة مفتوح لا تقفلينه
خصوصا ان من اسباب ايجابة الدعوة ان الانسان يعمل عمل صالح ويتقرب لله فيه مثل اصحاب الصخرة
لما دعو الله وكل واحد منهم ذكر عمل صالح له
انتي تقدرين تتقربين فيهم لله
ادعي الله يارب انا عانيت نفسيا ونفسي ارتاح وعندي اطفال راحمتهم ومابي ارميهم عند القلوب الي ماترحمهم يارب اذا هذا انا راحمتهم وانا ولا شي عند رحمتك يارب تغمدني بواسع رحمتك انا وهم وسامح زوجي وهديه لي ولهم ولنفسه
صدقيني ربي ماراح يخيب ظنك فيه بس انتي اصبري واستغفري وتصدقي وخلي القران يقراى في البيت افتحي على قنوات القران العفاسي مثلا
لان الشيطان مايدخل البيت الي فيه تقرا سورة البقرة
والله يوفقك ويصبرك صدقيني انا دايم ادعيلك ودايم قريبي يسالني عنك ويوصيني عليك
شفتي صحيح هي مصيبة بس الله رزقك بناس ماتعرفك لكن حبتك في الله

 

[رحيل الوقت]

الله يقويك انتي من كبر وبياض قلبك تفكرين فيهم رغم جرح قلبك الكبير استمري وافعلي لله ولا عشان خاطره ولا خاطر احد ثاني

 

[الراغبة؟؟]

غاليتي شجووون
والله اكتب لك كلماتي من واقع تجربة
انا امي ربت اخواني من ابوي وعاملتهم احسن منا عيالها
ابوي يسافر بالاسابيع وهي جالسه معاهم
وامهم ولاتدري عنهم
والله والله زوجتهم الثلاث والحين والله معاملتهم مع امي شي خيالي ما شاء الله
والله برهم فيها احسن منا عيالها
لذاللك
ماكانت هي والزمن عليهم
والله حراااااااام ربما الله يختبر صبرك وايمانك
استمدي قوتك م ضعفك
خليكي قوية ربما ربي ارسلك لهم
اكملي رسالتك وخليه لوجه الله وحدة
والله ربي يعوضك وتشوفين التوفيق




تحياتي غاليتي لك

 

[لمار9994]

اصبري وتحملي الله بيعوضك بشي كبير ان شاء الله

 

[انسه شجون]

شفتي صحيح هي مصيبة بس الله رزقك بناس ماتعرفك لكن حبتك في الله
لوتيه
اشكرك
واشكر تواصلك معي
وتفاعلك لمشكلتي الاولى
وهاهي الثانيه تنال منكي
الحظ والنصيب من رجاحة عقلك
واسلوبك الراقي
واحبكي الله الذي احببتيني من اجله

 

[أماني نجد]

يا أختي الاطفال مالهم ذنب وربي مطلع على نيتك.... بقولك كل شي

تسوينه رااح تجني ثمرته عاجلا او اجلا


يقولك تجربت زوجي.. ابوه جابه عند زوجه ابوه من بعد انفصاله من امه

وربته وتخرج من الجامعه وزوجته احم احم

انا والحين مافيه يوم مايشرب القهوه معها ويتعشى معها 4 ايام

بالاسبوع ووكل شي يخرب بالبيت يصلحه هو وثوب

العيد عليه وتشوفين عيالها مايسوون مثله.أحسنت النيه ونالت ثمرتها

 

[زوجةاسير]

حبيبتي يمكن لتربيتك لهم تفتح لك ابواب من السماء لاتدرين عنها وحطي ببالك ان تربيتك لهم لاجل الله وحده وخلي ابوهم ومعاملته من جهه ثانيه والله يكون بعونك

 

[خوخة3]

والله الاخت لوتية ماقصرت قالت الي ودي اقوله وزياده والله كلامها عين العقل
ويبرد الخاطر
وازيدك شي بسيط اعتبري هل الاطفال باب خير وباب سعادة وباب رزق لك لا تقفليه ثم تندمين
ولغفري وانسي الي صار مو عشان احد بس عشان ربك ثم عشان نفسك ما يسوى تعاقبيها بلا ذنب

 

[ام سعود11]

عياله ياابنتي مالهم ذنب

لا تحاسبيهم على اخطاء والدهم

كوني لهم الام الوقور الصبوره

تحميلهم الله يرضى عليك

بالتوفيق