متى تخلص معناتي ساعدووني

[ام نونتااا]

السلام عليكم كيفكم اخواتي
كلكم عارفين مشاكلي مع زوجي

والي مايعرف يرجع لمواضيعي السابقه
المهم انا وزجي تزاعلنا ورجعنا جلست عند اهلي تقريبا 7 شهور ثم رجعت بعد ما اوعدني انه يسعدني ومايقصر عني وحلف انه تغير وتعدل

وافقت على الرجعه على امل انه تغير

وعشت معه بعد الرجعه اسبوعين نكد في نكد

ينتقدني على كل تصرف طبخي مايعجبه فلوس مايعطيني مشاوير مايوديني
يدور الزله علي
سوالف مايسولف معي
حياته اكل ، نقد ، هواش ، طلعات ، سهر ،يرجع الفجر ينام

سالته ليش تغيرت ليش صاير تشد علي في كل شي
ماتوديني مشاوير. ، تتتقدني ، ماتسولف معي

قال انسي حياتنا الاوله وهذي حياه جديده انسي حياة الدلع انا رجال اعرف كيف اءدبك واسنعك
المهم شد شعري ورفع صوته ورماني في غرفتي قلت له حرام عليك انا تعبانه لاتضربني
قال تعبانه عساك ماتشفين

انا انصدمت مافي شي يستدعي انه يعصب ويضربني

طفشت منه ومن الحياه معه ويوم وصلها للضرب قفلت معي
وطلبت الطلاق وقال ماني مطلق بربيك واسنعك
وقعدت ابكي واترجاه يطلقني سكت شوي وضمني وقال
عصبت معليش
قلت له تكفى طلقني ما ابيك
قال خلاص الي تبينه بيصر وبطلقك بس نامي وبكرا يصير خير

صحينا اليوم الثاني وطلبت اروح لاهلي وقال يله اوديك وبكرا اجيب لك ورقتك

المهم في الطريق وحنا رايحين لاهلي قاعد يسب فيني ويقول انا ماني رجال الا لين ماتفارقيني

نزلني عند اهلي

وصار لي اسبوع ماجتني ورقتي 4 ايام ماله اي خبر واليوم الخامس ارسل لي بي سي ع ديني ع الواتس ومارديت

والحين لي اسبوع انتظر ورقتي

انا بالنسبه لي كرهته
بس الي ابي اعرفه ليش يقسى علي !؟
تتوقعون يطلق ولا يتعبني ؟

 

[نوف الولهانة]

مساء الخير ابي اتواصل مع مشرفة ظروري ومدري كيف اوصل لهم

 

[ضحى اماني]

اخيتي ام نونتا ان شاء الله خير رح ارجع لمواضيعك وارجع ان شاء الله الله يفرج همك .

اخيني نوف الولهانة حتى تتواصلي ع الخاص تكون عندك 30 مشاركة وتروحي ع الملف الخاص للمشرفة لتريدي ترسلي الها وتختاري ارسال رسالة .

 

[العنوود1]

الله المستعان يارب يفرج همممممك والله يصبرك انتي استخرتي قبل تطلبي الورقة ولا لا؟

 

[العنوود1]

وأفضل تستخيري الله وصلي الوتر واقري قرآن والي ربي كاتبه بيسير قوي نفسك بالصبر والصلاة أغلبنا نمر بمشاكل الله يعلم فيها بس الدعاء شيء رائع خاصه ثلث الأخير من الليل من يدعوني فأستجيب له

 

[ام نونتااا]

اشكر من مر هنا واشكر من ردوا

حبيت ابين لكم نمط زوجي جنوبي شرقي

 

[ام نونتااا]

ماتوقعتكم كذا وين التفاعل

 

[عيوني انت m]

والله ي اختي مافي احد يتحمل الاهانه والضرب الله يصبرك ويعوضك باللي يستاهلك وبالنسبه للطلاق استخيري وسوي اللي يريحك وتشوفيه مناسب

 

[زوجه ابو فهد]

الله يعينك ويصبرك يارب
انا حبيبتي ماعرف مواضيعك وان شاءالله برجعله

كل شي الا الضرب
ا الرجل الي يضرب زوجته ويستقوي عليه هو رجل ضعيف. استخيري الله وماخاب من استخار الله يكتب لك الخيره بامرك وصدقيني الدنيا مافيها راحه ولا تلقين المرتاح فيها الراحه الحقيقيه بالجنه جعلنا الله واياكم من اهلها

ماراح يندم الا هو الشيطان مزين له هذا العمل

ولا ماهي بسيطه ينحرم من جلسه عياله وامهم قدامه
ادعيله الله يرده لك رداً جميلا

 

[~UniQuE~]

اختي اتوقع فيه حد حرضه عليك و نصحه انه يوريك العين الحمرا عشان يربيك!
و الجنوبي يسمع نصايح المقربين منه و يطبقها ...
كان ممكن تصبرين أكثر و تطنشين انتقاداته و سبه لك لحد ما يمل من نفسه ...
حاليا انت حددي ماذا تريدين منه ؟ هل تريدين الطلاق ام الرجوع إليه و المحاولة مرة أخرى ؟

 

[حصه ولهانه]

الله يسخره لك

 

[حبيبه الوجد]

نصيحه مني حبيبتي اقري البقره في البيت تطرد الشياطين وترجع حياتكم احلى باذن الله وهاذي قصص كثير مجربينها واكثري من الصلاه على النبي بنيه يتبدل حاله ويحنن الله قلبه عليكي

 

[ضحى اماني]

الجنوبي الشرقي : حنون محب عطوف يبحث عن المشاعر ويميل للخيال وبعيد عن الواقع طموح ،مغامر ، لكنه ملول ويكره الروتين او الاستمرار على حال واحد لمدة طويلة ،يكره القيود حتى لو كانت نفسية ويتهرب من الضغط لذا يبحث دوما عن صداقات وعلاقات جديدة ، وحينما يستقر يرجع لكنه يعيد الكرة ويتهرب ويبتعد .
جددي حياتك معه ، أمهليه فرصة ليرجع ويختار العيش معك بلا ضغط أو قيود وابحثي عن مواطن التقصير بك وعالجيها فلن تتغير حياتك ما لم تغيري أسلوب تفكيرك وكيفية معاملتك له وشخصيتك .
لا تقبلي على نفسك المذلة والمهانة ولا تسمحي بضربك ، وافرضي عليه احترامك ورجوعك له يتوقف على تغيير اسلوبك وطريقتك في التعامل معه ومع ذاتك .
لا تطلبي الطلاق واعتني واهتمي بنفسك هو لو كان يريد طلاقك لكان طلقك لكن يريد بنزواته فسحة والترويح عن الذات ليرجع اليك ،ليس معنى هذا أن تقبلي خياناته انما تبحثي عن اسلوب يقتلع الخيانة من حياته .

 

[ريمة 2]

الله يصلح حالك يا اختي

 

[ام نونتااا]

اختي اتوقع فيه حد حرضه عليك و نصحه انه يوريك العين الحمرا عشان يربيك!
و الجنوبي يسمع نصايح المقربين منه و يطبقها ...
كان ممكن تصبرين أكثر و تطنشين انتقاداته و سبه لك لحد ما يمل من نفسه ...
حاليا انت حددي ماذا تريدين منه ؟ هل تريدين الطلاق ام الرجوع إليه و المحاولة مرة أخرى ؟

نعم اختي اتضح كل شي صار لي اسبوعين الحين
واكتشفت ان اهله حرضوه علي واتهموني بشي ماصار حسبي الله ونعم الوكيل
طلقني قبل اسبوع طلقني بسبب كذبه من اهله

حسبي الله ونعم الوكيل
ادعو الله يبين الحقيقه بعينه ويكتشف كذب وكيد اهله
ويكتب لي الخير ويردني لزوجي احسن من قبل

 

[ريمة 2]

اصبري يا اختي واحتسبي رايح يجي اليوم اللي تبان الحقيقة ويندم حاولي تشوفي اناس صالحين يصلحو بيناتكم
ربي يصلح امورك و ترجعي لزوجك